CHIMAC (香港科學園)

营业中

休息中

因為《社內相親》，呢排又有返韓國炸雞熱潮。* 原隻炸雞 (半半口味) / $143揀咗原味同埋蜂蜜焦糖味，蜂蜜焦糖味之前食過覺得好味，今次encore，留意返真係比較甜的，食嘅時候焦糖漿會漿住個口🐒所以唔鍾意太甜嘅可以試其他味，唔鍾意食有骨雞 / 唔鍾意用手食（雖然有手套提供）可以叫雞腿肉～不過原隻炸雞好似有風味啲。* 芝士排骨鍋 / $318係店內no.1😯除咗有主菜芝士排骨，圍住鍋邊有其他配菜（順時針方向）：紫菜飯、粟米芝士、紫菜粉絲卷、韓式餃子、炸雞腿肉。排骨入味夠腍，再用芝士包住😈配菜都好唔錯，紫菜粉絲卷👍🏻 韓式餃子炸得勁脆多汁，不過唔講唔知係餃子，似豬肉條😂* 魚糕串炸雞加配的，個醬油好好味，如果魚糕厚身啲就好似韓國食嘅一樣！除咗踩單車，我諗都唔係太多人會特登嚟🤣其實今次係遊車河嚟到科學園呢邊，之前食過係因為喺公司附近有間外賣專門店（觀塘駿業街），已經食過幾次😎

放假去到科學園係商場竟然見到有間韓國野，門口睇menu好吸引😍座位又闊落舒服，就試試佢啦，實在太掛住韓國嘅美食啦🤪整體食物都幾好味，而且好大份，幾個人去食就啱啦～🔸原隻半半口味韓式炸雞（HK$143 - 有骨）總共6款口味嘅炸雞選擇困難症發作，好彩有得雙拼😋今次就試左蜂蜜焦糖以及蔥蒜醬油。份量都幾多，2個人係食唔曬架😆炸雞即叫即炸，一上枱仲好熱外皮好脆～2款口味嘅炸雞味道都突出，一個甜味重啲，另一個鹹味出啲，小編就自己喜好蜂蜜焦糖多啲😜🔸芝士排骨鍋 （HK$318）之前去韓國都食過芝士排骨鍋，諗唔到竟然香港都食到呀。呢一個仲好豐富😍中間有好多芝士一邊溶一邊包住排骨，好拉絲架🧀側邊仲有原味炸雞塊、紫菜粉絲卷、紫菜飯、粟米芝士以及韓式餃子圍住，好滿足呀👍🏻而且底下有爐唔驚食到最後會凍左，不過後來記得要整返細火呀，因為芝士比較容易窿～🔸追加小食：魚糕串 （+HK$20）套餐有得優惠價加韓式小食，見到有魚糕係即叫，係久違嘅煙韌味道呀😁

上次在觀塘工作，見到CHIMAC 觀塘駿業街有一外賣專門店分店，已經好想試，昨天在科學園散步時見到有這間分店有堂食，店內空間寬敞，嘆個晚餐先～店內以木色簡約設計，碗也用上木製，輕快的韓國音樂作背景，好有韓國的感覺芝士排骨鍋外邊好難食到，排骨非常入味，一咬已離骨，肉質細嫩職員即場把排骨和芝士配合，排骨滿口絲絲「芝」味，還配有炸雞腿肉、紫菜粉絲卷、芝士粟米、韓式餃子和紫菜飯，有份量。全隻炸雞Order 了兩款口味濟洲柑橘炸雞甜中帶微酸，柑橘味好開胃，炸雞有脾位、全雞翼和雞件，香脆內嫩，完全無油膩感洋蔥芝士炸雞芝士味香但不會太鹹，食落更鹹香惹味，大大件，炸得外脆內嫩，雞肉保留到不少肉汁。加配$18 炸年糕小食，軟糯又煙韌一口炸雞，一口飲品，感覺好舒爽，忌廉鮮奶、蘆薈樂，清新解滯，大滿足

Walked by and saw their fried chicken were a great deal! $58 for the small portion which already includes 8 pieces plus fries!I ordered their honey caramel fried chicken and it was fried to perfection, with just the right amount of sweet sauce. The fries were a but soggy, but still acceptable. Loved how this restaurant provided gloves for clean eating! We also got their seafood ramen which had a huge shrimp in it. But overall the fried chicken was the star of the day!

假日嚟到科學園踩下單車後，梗係要揾返間舒服嘅地下食吓野，見到有間CHIMAC 韓式餐廳，就入咗嚟試吓，原來 CHIMAC 觀塘駿業街都有分店，個間係外賣專門店 原隻炸雞（半半）🐥原隻炸雞叫左全隻份量，可以半半選擇，揀咗濟洲柑橘同洋蔥芝士，可以一次過食到兩款味道😋 濟州柑橘炸雞醬汁特別惹味，洋蔥芝士有好洋蔥香味又食到芝士口感👍 芝士排骨鍋🥘除左好大份排骨鍋，旁邊有炸雞腿肉、紫菜粉絲卷、紫菜飯、粟米芝士、韓式餃子同泡菜， 芝士煮溶咗卷住美味嘅排骨一齊食，份外惹味😍 炸紫菜粉絲卷仲可以追加韓式小食只係加$20 🔸️韓國檸七🔹️忌廉鮮奶好鍾意飲韓式嘅飲品，呢兩款都好好味😋食唔曬仲可以打包返屋企

早排同👨🏻睇韓劇成日見到炸雞店，講咗好幾次話等開返堂食就去食，今日踩完單車，見到科學園除咗中式酒樓同埋海邊海旁西餐廳外，竟然仲有間韓國炸雞餐廳！諗都唔使諗就揀咗呢間食我哋叫咗個芝士排骨鍋，有炸雞腿肉、紫菜粉絲卷、紫菜飯、芝士粟米、韓式餃子、韓式泡菜。等個鍋加熱左之後，店員會幫我哋將排骨同埋芝士撈起，啲芝士真係拉絲㗎，非常香滑，每舊排骨都沾滿芝士！韓式餃子好特別，係脆卜卜嘅雞皮包住啲肉，第一次食！原隻炸雞，揀左蜂蜜焦糖同濟州柑橘🍊，蜂蜜焦糖味好似Jagabee薯條嘅幸福牛油味！濟州金柑橘嘅味道就常特別清新，好似早餐塗麵包嘅果jam咁，仲有一粒粒果皮添啊！今次意外咁樣揀到呢間餐廳都幾滿意，令我知道香港食炸雞唔係剩係得G品牌，而仲有另外其他選擇的！我哋仲可以聽住Big Bang咁樣食炸雞🍗特別有韓國風味～佢哋而家做緊優惠$99就可以有一隻原隻雞，外賣堂食都有，超抵食！另外CHIMAC 觀塘駿業街都有分店，係外賣專門店！

想韓了❤️韓國必食炸雞同埋芝士排骨已經好耐冇食過，竟然比我係香港搵到一間同韓國差唔多味道嘅韓國菜🤭一開始會送咗一個蘿蔔小食，兩下已經比我食晒😋半半炸雞🍗識叫一定係叫兩隻味，仲要揀有骨嘅，咁先叫正宗嘅炸雞。今次我就揀咗而家韓國好熱門嘅柑橘味炸雞，另一半嘅係要最原始嘅甜辣味。嚟到嘅時候熱辣辣，我要等一陣先食到，證明佢係即叫即炸👍仲有食炸雞一定要用手套，先食到炸雞嘅風味，所以呢間係有手套👍👍👍炸雞啱啱好，肉好滑之餘好多汁，所以好好食😋朋友不斷冇停係咁食，食到好開心就知好好食。芝士排骨鍋喺韓國又係必食，排骨係嚟到佢先會幫你剪，然後再幫你整溶將芝士混合落排骨度。服務好好，唔使我哋整到一坺嘢咁。朋友又係表示好好食，點知我食緊第一件嘅時候已經俾佢清晒其他🙄️排骨鍋入面除咗有排骨之外，仲有芝士粟米，韓式餃子，韓式粉絲卷紫菜飯同埋原味雞髀肉。勁鍾意呢個爐，今日佢真係超夠熱，係我咁耐以來無論係香港定韓國來講最滿意嘅一個爐，佢除咗係可以令到排骨熱，係就連側邊嘅嘢都可以超熱👍炸物唔係好夠熱之餘仲好脆，成盤嘢我都超鍾意食，其實我覺得淨係個鍋兩個人都夠。另外再追加左魚糕串，好少喺香港食到魚糕串，好想快啲飛韓國日日食。

踩單車入科學園，中途搵野食，估唔到有韓國炸雞店主打炸雞同鐵板鍋，炸雞都算多口味，最正嘅係佢有得揀mix口味洋蔥芝士雞（半隻）+蜂蜜焦糖炸雞（半隻）炸雞的份量都幾大份，炸雞的外皮都幾香脆，但有啲偏厚，口味都算特別，但有少少咸芝士排骨鍋超級豐富，中間有一大塊豬肋骨，舖滿芝士，仲有紫菜飯，炸粉絲卷，炸雞肉，芝士粟米，見到都流口水🤤影完相店員會幫手剪開豬肋骨，方便啲食捲滿芝士，超級拉絲，超級滿足原來佢觀塘駿業街都有分店，係外賣專門店，下次唔洗入科學園都食到

過去的週六捉左做功課做到傻既阿妹👧🏾出去踩單車🚴‍♀️踩到出科學園 搞唔掂🫠 要醫下肚🦖🦖 ⋆͛一係唔黎 一黎就開心到盡 揀左個個最邪惡既食😈大概有九萬年無食過炸雞了實行將踩單車既quota用返突 🤣🫠┈┈┈┈┈┈┈┈┈┈┈┈┈┈┈┈𓋜半半口味韓式炸雞 🍗 $➊➍➌大食兩姊妹 叫左原隻炸雞 仲要mix埋兩個口味揀左經典甜酸/同洋蔥芝士味甜酸醬開胃 洋蔥芝士味又夠哂香🤤一甜一咸食 超開胃🤤 重點係雞整得真心嫩滑𓋜芝士排骨鍋 🧀 $➌➊➑呢個鍋好正≖ᴗ≖​ ✧︎一鍋滿足6 個願望～ ¹炸雞腿肉 ²紫菜粉絲卷 ³紫菜飯⁴粟米芝士 ⁵韓式餃子 ⁶韓式泡菜丫～係七個願望 仲有中間邪惡軸心⛳️店員見芝士溶得差不多會幫我地將排骨剪開 岩哂我地呢兩隻懶鬼👻煮溶既芝士包住排骨食超！級！濃！香！芝！士！味！🥰邊食排骨 邊食旁邊的韓式小食 滿足又享受🤭𓋜 魚糕串 追加+$②⓪去韓國街頭必食！係加左少量醬油既魚糕串🥰𓋜 罐裝飲品 $①②@1✰ 餐廳勁貼心每張檯都提供手套同濕紙巾自取 方便又衛生☺️✰ 食完後先留意到原來佢地觀塘駿業街都有專做外賣既分店，下次近近地可以買返屋企拆餐飽🤭

-趁住平日放假 又咁好天 同屋企人走左入科學園 chill住搵好西食😍經過見到呢間韓式炸雞店 空間感好大 坐位好寬敞呢間都算系呢排ig成日見佢哋嘅蹤影 科學園必食韓國菜😏❇️芝士排骨鍋 $318店員放上枱 勁大盤超吸睛 起碼3-4人份量😍用GAS爐慢慢烘熱芝士後 店員就會過來幫你將排骨剪開剪開大約有5-6條 肉質好腍 亦煮到好入味 裹上芝士多重口感仲有圍邊超豐富既5款小食😋紫菜粉絲卷、紫菜飯、粟米芝士、無骨炸雞、炸雞皮卷 ❇️半半炸雞 (蔥蒜醬油 拼 原味) $143- 蔥蒜醬油 甜鹹既配搭調味調得岩岩好😍裹住熱辣辣脆皮炸雞🍗 上面仲比左一堆葱絲夾埋一食- 原味 外脆內軟 食得出雞肉既juicy口感屋企人一啖咬落隻炸髀 即刻講咗一句 “嘩 噴汁啊！”😋😋❇️魚糕串 (+20) 2串魚糕大大片 鹹鹹甜甜既醬油汁 超惹味 呢個價錢值得加😋.P.S 觀塘/ 九龍灣番工既朋友仔有福了！上openrice一睇 原來觀塘駿業街同德福廣場都有分店👍🏻👍🏻...💵WORTH: 8/10👩🏻‍🍳TASTE: 8.5/10🤵🏼‍♀️SERVICE : 8.5/10☣️RETURN: 8/10

第一次去科學園想不到又靚又舒服假期真係可以去踩下單車🚴‍♀️散下步，行咗陣有啲肚餓，都幾多餐廳選擇！有啲想食韓國野 太想念旅行了黎到呢間CHIMAC食炸雞🤤叫左一半一半既口味既原隻炸雞$143一款經典甜辣味一款蜂蜜焦糖剛剛炸出來的炸雞熱辣辣外層香脆內嫩滑😋真係要趁熱食晒去😆泡菜海鮮豬肉鍋$218中間係海鮮豬肉泡菜之前係韓國食過係超辣而呢個辣度就啱啱好😊旁邊 有紫菜粉絲卷紫菜飯，韓式餃子粟米芝士同炸雞腿真係好豐富😋追加左炸年糕 $20有六件 炸得幾好食如果個醬汁係甜辣應該會更出色😆食完發現CHIMAC 原來觀塘駿業街都有分店！係外賣專門店!😋😋太好啦～近我既原來都有😋

勁豐富韓國菜週末去白石角玩，可以行去科學園搵嘢食，呢度有間韓國菜，環境舒服，嘢食份量勁足又好味，好啱約朋友或者一家大細一齊食。芝士排骨鍋一直好鍾意食邪惡嘅韓國菜，尤其係芝士排骨，越多芝士就越啱我😍呢份鍋好豐富，除咗排骨仲有幾款炸物同紫菜飯，而且側邊仲有粟米芝士，芝士迷一定要試吓，芝士多到撈完啲排骨都仲有淨，我攞嚟撈埋側邊啲炸物，真係好邪惡🤣半半炸雞炸雞又係點都食唔厭嘅嘢，我哋見全隻炸雞可以揀2隻口味，都係$143咋，而且有6款口味，我哋最終揀咗經典甜辣同蔥蒜醬油味。金黃色嘅外層，配上兩款都甜甜哋嘅醬，外脆內嫩，好好味。以前覺得嗰一帶冇乜嘢食，原來不知不覺間多咗好多餐廳，唔洗擔心玩到肚餓冇嘢食😌另外CHIMAC 觀塘駿業街都有分店，係外賣專門店。

芝士排骨鍋🥘芝士芝士😍最鐘意拉絲，排骨加芝士簡直絕配，芝士又多又好味😋排骨肉又多又林，鍋邊仲豐富有炸雞腿肉、紫菜粉絲卷、紫菜飯、粟米芝士、韓式餃子，食完大大滿足。原隻炸雞🍗可以選取兩種味道。濟州柑橘🍊酸酸甜甜特別醒胃，雞皮炸得好脆，有骨嘅炸雞特別好味😋洋蔥芝士🧅調味料好香好正加左落炸雞真係食唔停口。韓國街頭小食魚糕串🍢好有韓國風味好彈牙👍🏻飲品點左兩罐韓國檸七，韓國菜真係正👍🏻

之前試過係科學園既sensory zero中伏，今之再去科學園又試另一間都好多人比好評既韓國菜🥰🥰（5分為滿分：🌕）味道：🌕🌕🌕🌗🌑泡菜海鮮豬肉鍋($218)呢個鍋非常之豐富，中間係泡菜海鮮，入邊都幾足料，有魷魚有菜，不過睇Menu嘅時候完全估唔到佢係咁辣，主要係辣醬嘅味道多個泡菜嘅味道，個味道黎講有少少失望🙈不過佢旁邊嘅配料非常之吸引🤓🤓有三舊炸雞，三舊炸紫菜包飯同埋三舊炸餃子，可以等芝士溶咗之後點黎食😎韓式牛肉粉絲($76)本身其實都想試佢嘅炸雞，可惜叫左鍋已經覺得份量太多，所以就只叫多咗一個牛肉粉絲🙈呢個牛肉粉絲麻油味非常之濃郁，加埋啲黑椒味非常惹味，食落好多配菜，所以口感都非常豐富，唔錯唔錯😁價錢：🌕🌕🌕🌗🌑價錢來講同平時韓國菜都差唔多，泡菜鍋大約係二百零蚊，三個人食都食得好飽😆見佢餐牌都有其他主菜價錢都合理，仲見到其他好多枱都叫左，炸雞份量都唔少嫁😁交通：🌕🌕🌗🌑🌑位於科學園金蛋再入少少嘅室內位置，附近都有好多唔同嘅食肆，當日假日午餐時間去到都好多人，估計都係可能係住喺白石角嘅居民過嚟食🤣🤣如果係住其他區既人可以襯踩單車嘅時候經過食下都唔錯🥰環境：🌕🌕🌕🌕🌑餐廳環境都闊落，枱

科學園地方寬敞，來到這裡有旅行感覺, 所以今次決定試我❤️的芝士+炸雞 韓國菜其實之前在觀塘駿業街看見chimac有外賣店，已經想試，今日終於一嘗所願 。這裏必吃一定是炸雞及鍋 🇰🇷🥘泡菜海鮮豬肉鍋 $218中間主菜是海鮮豬肉 ； 伴碟有紫菜粉絲卷 / 韓式餃子 / 炸雞腿肉 / 紫菜飯 / 芝士粟米 泡菜的味道感覺像傳統自家製泡菜，酸辣度適中，不會太乾，腩肉吸收了所有泡菜精華，泡菜也沾滿了腩肉油香，互相輝映；魷魚滑溜溜，不會太熟，想一試再試；我喜愛的配角就是芝士，mozzarella cheese份量十足，填滿整個格，適合點炸雞/餃子/粉絲卷，又或者紫菜飯撈芝士都很美味😋 溫馨提示：芝士一定要半熟狀態才會有拉絲效果;紫菜粉絲卷炸得脆口，紫菜味濃，外層脆卜卜內層軟綿綿；韓式餃子餡肉是雞軟骨蓉，有咬口；炸雞是無骨，有肉汁不乾🐥半半炸雞 $143濟洲柑橘(半）酸酸甜甜有一點像咕嚕醬汁味道，醒神開胃雞炸得剛剛好，不會過火，脆脆的外層加上稠身醬汁感覺不會太熱氣蔥蒜醬油(半)甜甜的醬油中帶一點鹹味，淡淡的蔥蒜味🍢炸年糕 （追加 $20）🥤韓國檸七 $12@