Chill Vietnam Cuisine and Bar

营业中

休息中

見D2開咗越南菜就即時同朋友探店我地全部都叫曬前菜,小食，9成都好好食!反而最容易攞分嘅馬拉盞炒芥蘭比較遜色 ⭐️⭐️柚子帶子沙律⭐️⭐️⭐️⭐️燒牛舌⭐️⭐️⭐️⭐️炒鴨舌⭐️⭐️⭐️⭐️鵝肝米紙捲(少有,足料得黎不會覺得膩)⭐️⭐️⭐️⭐️⭐️豬頸肉 (好薄好稔)⭐️⭐️⭐️⭐️浸蜆（偏咸但不錯)⭐️⭐️⭐️生蝦刺身×3(每人一碟)⭐️⭐️⭐️⭐️⭐️甜品:奶凍（正常發揮）⭐️⭐️越式Tiramisu ⭐️⭐️⭐️⭐️⭐️呢個好好食!越式咖啡味好濃另外同埋其實佢哋仲有一個衣架炸鬼係佢地signature，好多台都有叫

Chill Vietnam Cuisine and Bar餐廳裝潢高貴典雅，藤製屏風、椅子及燈飾，充滿南亞風情，感覺非常chill同放鬆。Sparkling/Still Water: 冰凍有氣，非常解渴爽神。小食拼盤：有越南炸春卷，裹上生菜，沾上魚露，酥脆不膩；蒸粉卷：軟糯的粉皮包住爆炒過沙葛、甘荀、冬菇、木耳、蝦乾等，鹹淡相宜，沾上醬汁吃，好惹味；煎墨魚餅：真材實料，鮮味彈牙，沾上酸辣醬，非常好食；扎肉沙律，清新開胃。椰汁叻沙葉燴青口伴炸油條：原條油炸鬼熱焫焫掛係金勾上，非常吸睛，打完卡，將油炸鬼剪成粒狀，放入石碢，索滿椰汁嘅油炸鬼鮮味得來又香脆，青口份量都唔少又鮮甜。越式芋圓椰汁凍：動物造形的椰汁凍，以鮮花為頭飾，與彩色芋圓、紅豆、脆片、士多啤梨、西米露浸浴，非常可愛又可口。整體感覺環境舒適，食物有質素，親朋戚友聚餐閒聊都好chill。Chill Vietnam Cuisine and Bar (荔枝角)荔枝角長義街9號D2 Place ONE 3樓301號舖

外面望入去已感受到越南的氛圍，騰嘅燈飾、滕嘅座椅和乾花，聽住越南歌曲更感寫意。任飲嘅氣泡水，冰凍加有汽，夏天必飲。小食拼盤(墨魚餅、春卷、扎肉、蒸粉卷)以我最鍾意材料豐富嘅蒸粉卷，香菇沙葛好味又清爽。春卷炸得鬆脆亦唔會油膩。椰汁叻沙葉燴青口伴炸油條油炸鬼掛在係金色架上，好貼心比埋鉸剪✂️你剪開，將油炸鬼沾上椰汁叻沙另有一番風味，青口夠大隻，入口鮮嫩肉厚。峴港鮮蟹肉炒飯炒飯送上枱重係出煙，香氣撲鼻，滿滿蟹肉蟹膏，食到蟹肉嘅鮮味，飯粒炒得夠乾爽，乾蒜、蝦米增加口感好豐富。越式芋圓椰汁凍Q彈椰汁凍兔兔放在浴缸入面！椰香味濃郁，配搭軟糯的芋圓、士多啤梨、西米，賣相可愛又好食。

今日和布布去到荔枝角D2商場的Chill Vietnam Cuisine & Bar，這個地方不僅提供正宗的越南菜，還有創意十足的雞尾酒，讓人一邊品嚐美味一邊享受輕鬆的氛圍。此次特別點了兩款招牌雞尾酒：「No Idea」和「Black Rose」，期待在這個時尚又有趣的空間裡，享受一個充滿驚喜的夜晚。青檸香茅煮鱸魚青檸香茅煮鱸魚肉質鮮嫩，酸香中帶著香茅的清新，展現越南料理的經典風味。搭配特製醬料，回味無窮越式炸雞中翼越式炸雞中翼酥脆多汁，搭配特製醬料，令人一吃就愛上。馬拉盞蝦肉炒飯香辣可口，米粒分明，蝦肉彈牙，味道層次豐富。震藤藤芋圓布丁芋圓Q彈，布丁細膩，甜而不膩，完美收尾。雞尾酒：No Idea這款調酒由店家特別推薦，成份包括了請Bartender根據你的喜好調配的個性化飲品。由客人自行定制，味道多變，充滿驚喜和個性。雞尾酒：Black Rose成份包含威士忌、濃縮咖啡、玫瑰糖漿以及竹炭粉。這款雞尾酒外觀深邃如黑玫瑰，散發出神祕的氣息。威士忌的醇厚與濃郁的咖啡香融合，帶來濃烈的層次感，玫瑰糖漿則添上一抹淡淡的花香，平衡了酒精的烈度。竹炭粉的微苦味則增加一點獨特的口感，使整體味覺層次

之前有一日放工，同另一半就選擇咗呢一間喺D2 Place嘅越南餐廳去食午餐。服務態度唔錯，不過坐得有d迫，尤其係我坐喺走廊位，成日俾人撞到。我哋兩個人由於高估咗自己嘅胃口，最後叫咗三樣嘢，包括鵝肝米子卷、蝦膏炒河粉同埋串燒。鵝肝米子卷好特別，我冇喺其他餐廳見過呢個款式，味道都算唔錯。至於個蝦膏炒河粉就非常香同埋味道好濃郁，可惜略嫌太多油同埋真係太飽肚。最後個串燒我哋叫咗一半雞一半豬，味道中規中矩。基本上食完之後係飽到行唔郁。埋單$400都唔使，都幾抵。

每人$5 就可以任飲既 Sparkling water😍😍😍唔洗驚比人收$90飲水🙈🙈 明碼實價環境係超級打卡Cafe feel 坐得好舒服🫶🏻🫶🏻多款特色越南菜香辣金不換爆炒牛柳🌿🌿牛柳牛味香濃 肉質嫩滑 少少辣夠開胃峴港鮮蟹肉炒飯🦀🦀🦀表面有大量鮮蟹肉 唔洗自己拆既蟹永遠係最好食炒飯夠獲氣 粒粒分明越式芋圓椰汁凍🥥🥥🥥超打卡 兔仔好有彈性 椰汁味好香 唔會好甜芋圓煙韌價錢都合理 食得好開心

Chill Vietnam Cuisine and Bar今次要介紹一間喺荔枝角嘅D2 Place ONE入面3樓果層有一間越南菜餐廳，荔枝角D2 Place ONE商場係唔少年青人行嘅商場之一，呢度經常舉辦市集，都有唔少餐廳喺呢個商場入面，價錢仲係好大眾化，想食越南菜嘅你不妨試下呢間餐廳啦！1.軟殼蟹鮮芒凍檬$108（9/10）呢碟軟殼蟹芒果凍檬入面嘅軟殼蟹勁大隻，接近有成年手掌咁大，佢哋會一隻軟殼蟹切開一半，仲炸到外脆內軟，芒果有4片，每一片芒果果肉都算甜，仲有紅蘿蔔絲、花生碎、香葉同主角凍檬等！2.峴港鮮蟹肉炒飯$118（10/10）呢碟峴港鮮蟹肉炒飯炒到個飯粒粒分明，每一啖炒飯都充滿了蟹肉同蟹膏嘅鮮味，炒飯入面仲有加入咗蝦仁、墨魚頭、帶子碎、花生碎同香葉等，必叫之選！3.越式芋圓椰汁凍$68（10/10）呢個越式芋圓椰汁凍相當吸精，入面好似有隻小白兔坐喺浴缸上面，非常動L，搖下搖下彈下彈下，好自癒！味道方面，椰汁糕除咗Q彈唔會好甜之外，糕下面仲有紅豆蓉，兩旁仲有椰子脆片、芒果粒、6舊芋圓、西米、4片士多啤梨等，作為餐後甜品真係好唔錯！4.有氣水$5（每位）（10/10）呢個有氣

原先book咗佢哋餐廳，跟住去到佢話用餐時間只有45分鐘。。。。😂 一個鐘都無，但又無係預訂個到寫明，好在可以取消預約🙂‍↔️大家考慮一下係咪要食得咁趕再黎😂 荔枝角仲有好多選擇👍🏻👍🏻

平日夜晚3個人黎。估唔到咁多人。然後先知原來冇耐前電視介紹過佢。唔怪得。3人坐2人圓檯，好彩張檯唔係好細。都可以接受。檯距都有啲窄。蒸粉包：Ok. 幾大舊，但皮厚，料都ok 多。春卷：比較幼，但炸得幾好，生菜新鮮程度可接受。串燒：幾大串。燒得唔錯。雞好食過豬，豬比較肥。沙嗲醬可以但唔夠香。燒烏頭：有啲失望因為雖然肉滑，但唔香，味亦唔夠。蟹肉海鮮炒飯：呢個最好食。好香同都多蟹肉。服務普通。水要嗌先出現/斟。不過是日係爆場嘅。總結：呢個價位覺得都OK啦。

琴晚去咗D2 place一間越式Fusion餐廳，平日夜晚都好旺場，差唔多坐滿晒人😲越式芝士咖喱農夫包｜豬頸肉 $168好香濃嘅咖喱味，帶少少辣🤏🏻 大大塊芝士舖面😍 外皮好脆，配埋個咖喱汁 好正👍🏻 牛板腱火車頭雜錦牛河 $98湯底甜甜地 有好多配料有牛丸、牛柏葉、牛腱、牛板腱，材料好足，河粉吸晒湯汁 份量都幾大份🤤越式芋圓椰汁凍 $68個樣好得意，真係有隻兔仔坐喺浴缸度咁🤣 食落都唔錯🤤仲有紅豆、芋圓、西米同其他配料😍

今日公司要去到荔枝角開會，於是開完會就決定同同事一齊食埋飯先返屋企，朋友就話不如你附近嘅一間越南餐廳，喺D2 Place嗰度，都坐得好舒服，佢一講我就知佢意思係呢間，原來我哋兩個之前都嚟過，都覺得好滿意，所以一致認同要再嚟食多次！而家已經開始感受到香港炎炎夏日，所以一坐低就即刻叫咗sparkling Water，今次食嘅嘢都相當好味，首先要咗一個越式香葉燒烏頭，肉質較實，但係其實都好嫩滑，而且好鮮甜，最主要就係我好鍾意佢夠多香茅，好有越式風情！另外都叫咗一個牛板腱火車頭雜錦牛河，湯底幾清甜，牛板腱肉質唔錯，一啲都唔鞋，更加有牛丸同牛柏葉，真係好豐富。甜品方面就叫咗個越式芋圓椰汁凍，芋圓都係心形，勁得意，個椰汁凍係真係會彈吓彈吓，無敵可愛！

今日約左朋友去睇戲，睇戲前係D2 place搵食，最後揀左依間新派越南菜。我地叫了香葉辣椒膏豬頸肉炒河，河粉好有穫氣，豬頸肉爽脆而且非常大片，香葉同埋辣椒嘅味道好香，好惹味又唔會太辣。古法香葉燒春雞半隻，春雞用鐵板上，鐵板好夠熱，去到最後都仍能保持溫度。春雞下面有大量香葉，香葉味非常濃郁，春雞切落去好多汁，肉質好嫩滑。越式芋圓椰汁凍，造型非常特別，隻小白兔係浴缸入面騰騰震，椰汁糕唔會太甜，清香椰子味，配料非常充足，有士多啤梨，紅豆，芋圓，脆脆片，夾埋一齊食味道好夾。依間餐廳好特別，水都竟然有兩款選擇，我地要左有氣水，好清新，最後成支水都飲曬。

今晚專程嚟到荔枝角 D2 Place ONE三樓嘅Chill Vietnam Cuisine and Bar….一入門口就被藤編吊燈同綠植牆驚艷到….🐾 越式芝士咖喱牛柳農夫包 🥖半溶芝士覆蓋農夫包表面….農夫包非常酥脆…..入面填滿浸泡係咖喱汁嘅厚切牛柳同薯仔….牛柳燉得軟嫩入味…. 農夫包直接撕開送咖喱都令人停唔到口….😋😋🐾 蝦膏海鮮炒河粉 河粉乾身不油膩…蝦膏鹹香….海鮮配料新鮮豐富….有魚…八爪魚…蝦…🐾 越式芋圓椰汁凍 🛁椰汁奶懶洋洋咁瞓喺浴缸中….周圍鋪滿紫薯圓、芋圓、芒果粒、西米同脆米….可愛到唔捨得食！

今日去D2 Place行街，經過見到一間好有特色嘅越南餐廳，裏面環境十分寬敞舒適。椰汁喇沙燴青口半炸油條$148油條大大條，青口同忌廉汁好惹味，青口的肉很大粒，將油條剪落嚟點落忌廉汁好好味！蝦膏海鮮炒河粉$108 蝦膏味很濃郁，河粉偏軟身，裏面有很多海鮮包括蝦蟹柳以及元貝越式芋圓椰汁凍$68是一個兔仔形狀嘅椰汁都賣相10分可愛，味道很濃椰汁味，芋圓口感煙靭以及很重芋頭和番薯味Sparking Water $10有氣水好夏天一流！Chill Vietnam Cuisine and Bar (荔枝角)荔枝角長義街9號D2 Place ONE 3樓301號舖

D2 place好多文青小店 好好行而且餐廳都好多選擇完全可以喺度消磨一日今日揀嘅呢間越南菜我覺得好食過越南本土嘅越南菜好多!而且菜式都好新派好味之餘好有新鮮感而且熱食上枱熱辣辣!🍽️蝦膏海鮮炒河粉尤其係呢個蝦膏海鮮炒河粉熱嘅河粉真係風味倍增同埋蝦膏搭河粉呢個組合好新鮮河粉索哂蝦膏嘅天然海鮮鹹香味微微焦香又唔會過油我地非常快手就清咗呢碟🍽️椰汁叻沙葉燴青口伴炸油條之後嘅呢個青口伴油條又係好有特色多數食青口都係西班牙菜醬汁會係白酒橄欖油或者蕃茄之類配多士而呢個青口就係好有越式風味嘅椰汁叻沙葉配嘅居然係油炸鬼而個油炸鬼又係啱啱炸出唻咁熱辣辣雖然油炸鬼係樣好熟悉嘅食材但係喺香港本地嘅粥鋪都未食過呢種熱度嘅油炸鬼油炸鬼呢款外脆內空嘅包好似仲比多士更適合配醬汁類菜式椰汁叻沙醬汁好濃郁帶，但係整體又唔會膩可能係因為加咗叻沙葉青口都醬汁嘅份量都好慷慨好想嗌多個白飯撈汁🍽️越式芋圓椰汁凍我係因為呢款甜品嘅外形震騰騰咁好討喜而嗌嘅但係!食落佢嘅配搭真係好豐富之餘又好夾!甜味嘅椰汁果凍好綿滑而芋圓就好彈牙之後又有芒果同士多啤梨甜中帶酸加埋脆片真係口感好有層次!