CHiLL-i (已結業)

觀塘美食非常多，尤其是駱駝漆大廈，成日都好多人🍔星期六去咗Chill-I食lunch，無論食物質素同服務都非常好。蒙古香草羊扒配沙律🥗及薯菜$148香草羊扒上碟已經香味撲鼻😋羊扒七乘熟左右🥩肉質嫩滑，帶點羊香蘇味，羊扒質素非常高。🍳✨🥂沙律菜新鮮爽口，而薯菜係炸薯圈🥔香脆唔油膩。午餐加$30有餐湯、兩款小食、甜品，磨菇湯濃郁無比🫕非常好味，再配藥小食和甜品，性價比非常高。🧇🍟蘑菇忌廉煮鮮蛋麵伴温泉蛋及巴馬臣芝士$68鮮蛋麵軟硬適中有咬口，蘑菇忌廉汁濃郁夠香🫕🍲再加埋半熟温泉蛋，絕對推介。👍🏻✨午餐加配飲品，熱綿花糖可可超級濃郁☕️而凍抹茶蜂蜜拿鐵甜度適中🥤抹茶及拿鐵夠平衡。🍰

呢一間喺觀塘工廠大廈嘅西餐廳🍴食物都真係幾出色！上次就食咗個柑桔檸檬味胡椒焗新鮮三文魚🍋🍊口感真係超級豐富 賣相都好靚 面層係燒三文魚 中間夾住白蘿蔔 底層係薯仔🥔一啖三種層次同味道！

觀塘多嘢食係人都知，今日喺駱駝漆買完野2:00就去搵嘢食， 見到呢間餐廳嘅Menu幾吸引同入面幾多捧場客就試吓佢。韓式辣醬芝士菠菜燴飯伴脆炸美國吉列豬扒吉列豬扒炸得啱啱好，炸粉薄薄一層，而豬扒肉味香，油脂分布平均，咬落去夠juicy。辣醬芝士燴飯，辣辣地，燴飯其實好難煮，要控制得好好，佢燴飯軟硬度啱啱好，值得一讚。炸唐楊軟殼蟹配蟹醬扁意粉呢度煮食份量唔細， 普通男仔都夠食，意粉上邊有大大隻軟殼蟹，打卡影相一流。而個蟹醬扁意粉好有驚喜，味道好有蟹既鮮味，味道豐富，意粉亦軟硬度適中，推介大家一試。配餐湯、兩款小食及甜品佢加$30就可以升級套餐，餐湯就正正常常冇咩特別，小食方面有炸蝦同蛋沙律，炸蝦不錯，而蛋沙律又有啲驚喜喎，冇諗過套餐嘅小食都咁有心機整，蛋沙律嘅材料同比例要好先至好食，佢雞蛋份量落得多，味道唔會比mayo蓋過，味道滿滿蛋味。甜品整得好精緻，係柚子芝士蛋糕。朱古力咖啡你杯飲品偏重咖啡味道多過朱古力，每一啖都好濃郁，鍾意凍咖啡嘅朋友，可以試下呢。蜂蜜柚子梳打蜂蜜柚子梳打味道清新，柚子味濃，飲品入邊都有好多粒柚子，消暑又消滯。

今日朋友帶我去吃好西😜Chill-i 是一間位於觀塘駱駝漆三座十一樓的日式風格cafe ，雖然地方不大，裝修簡約，但座位寬敞舒適，不錯🥰 Lunch set 有6款不同選擇，由$68-$148不等😁是日餐湯，磨菇忌廉湯，夠濃稠香滑，磨菇不會磨到蓉曬，增加湯的口感！小食有美味的香煎豆腐和鮮甜的蟹肉沙律🥗甜品有賣相精緻的一口芝士cake炸搪揚軟殼蟹配蟹醬扁意粉，軟殼蟹不小隻且肉厚香脆！蟹醬汁夠惹味，扁意粉爽口又入味！香煎比目魚柳伴燒南瓜和小茴香沙律，賣相細緻似高級餐廳🤩比目魚柳肉質鮮嫩夠滑🤤南瓜燒過夠香甜，小茴香沙律夠新鮮！薄荷青檸梳打，味道夠fresh 😗玫瑰鮮奶咖啡☕️有啖啖玫瑰香味，不錯👍🏻

駱駝漆工業大廈入面除咗有好多賣食材嘅店，仲有唔同菜式嘅餐廳，平時很少發現，但其實都有唔少精彩美食。好似今日去既呢間Cafe，就咁睇門面唔太特別，但見到廚房size佔差不多餐廳嘅一半，感覺到對煮食既堅持。食物就以精緻嘅西式配搭和風，好似今次食嘅炸唐揚軟殼蟹配蟹醬扁意粉同蘑菇忌廉煮鮮蛋麵，食物擺設都好比心機，欣賞佢嘅味道有啲fusion感覺，意粉質感好好，同一般喺超市買嘅乾意粉有分別。由前菜、湯、主食、鮮果沙律同飲品都整整齊齊放喺餐架上，幾有日本風。特別喜歡熱情仲夏呢杯飲品，真材實料用熱情果，唔係只用糖水，酸酸甜甜勁開胃！除咗堂食，臨走時見到佢哋有賣特色急凍即食餸菜包。店員親切介紹泰式風味嘅主菜，好似有豬手、扎肉等等，我呢啲好懶煮飯又唔想出街食嘅人都買咗兩包返屋企。

又到放工去觀塘工廈搵食，去operice搵到呢間西餐，食物有傳統，有創新，即刻想去試下。餐廳裝修簡潔舒服，先叫個香口小食，椒鹽炒甜粟米手指，味道係唔錯，不過本人覺得粟米吸油多咗，如果可以做得更清爽，更香脆，口感會更好。主菜方面，麻辣海龍王海鮮意大利飯，上枱見到擺盤已經好靚，味道非常出色，將中式麻辣混合西式意大利飯，好驚喜，辣辣哋更開胃。焗脆皮法國傳統鹽醃油鴨脾伴法式燴雞豆，做到表面香脆，入面肉仲好嫩滑，有水準。店員都好細心聽食客意見，仲介紹咗外賣懶人包，成包放係熱水慢慢加熱，好方便，泰式牛肋條味道唔錯。

喺觀塘返工嘅我，今次又搵到一間高質、性價比高嘅餐廳👏🏻🤓下次會再黎！<香煎比目魚柳伴燒南瓜及小茴香沙律>份量好多🥰好大塊比目魚柳，而且煎得好香，但係咬落又唔會太乾，比目魚好適合我呢d唔識處理魚骨嘅人士😂比目魚肉質厚實但係滑👏🏻值得一讚嘅係，配菜都好有心思，燒南瓜好香口，而且有好多沙律菜💖減少油膩感👏🏻👏🏻👏🏻<鰻魚套餐配意式蕃茄紅飯>超大塊鰻魚呀😳仲要好厚身！份量多到我分咗d俾朋友，蕃茄紅飯酸酸甜甜，夠哂開胃，質地係risotto咁，炒蛋好滑有牛奶味，同鰻魚、紅飯好match，正！套餐附有前菜、餐湯。煎蛋超香口，推介！！餐湯係蕃茄湯，質地非常濃郁，係有誠意之作！！！

觀塘工廠大廈近年都有唔同餐廳係入面開設，所以的水準絕對唔比門面店差，但反而係性價比高。今次呢間都喺網上見到人哋推介，所以都有提前係OpenRice 訂位，去到就直接入坐。焗意大利雜菜玉米片配牛油果醬 （$68）- 前菜黎講，係開胃，因為雜菜入面有蕃茄，酸酸地再配上牛油果醬，加埋脆卜卜嘅玉米片，絕對唔錯。而且價錢相當實惠。慢煮脆皮豬腩（$138）- 豬腩肉肥瘦均勻，因為慢煮嘅關係，豬腩肉入口即溶，但係雖然肉係入口即溶，但係依然會保持脆皮口感，有兩重不一樣的享受；另外仲配有菠蘿同埋沙律菜去解油膩感麻辣海龍王海鮮意大利飯（$168）- 呢一個意大利飯10分有驚喜，海鮮份量好足，而且都有唔同種類嘅海鮮（蝦、青口、魷魚、蜆、帶子），最特別係佢嘅麻辣味，唔會好辣但你會食到有麻辣嘅味道，算係一個比較特別的意大利飯。呢個價錢絕對可以encore！嘢飲方面就叫咗一杯棉花糖可可同埋蜂蜜柚子梳打，嘢飲就中規中矩，不過勝在價錢合理，食西餐又點可以少咗嘢飲呢。最後值得一題嘅除咗係食物水準唔錯價錢合理之外，服務嘅態度係一流。

昨午約了朋友去駱駝漆工廈shopping，順便食lunch，這裡有很多隱世小店，大排長龍，今次便選了Chill-I，用QR code點餐，非常方便，點了蝦球意粉、香煎比目魚，加＄30做餐，多了餐湯、兩個指定小食、甜品及指定餐飲，或以優惠價選擇特色飲料，我們點了蜂蜜柚子梳打及樽仔奶茶，茶底有驚喜，食物有質素，下次去開官塘，一定會再幫襯。餐廳還有特色急凍食品包售賣，老闆更好有耐性地為我們介紹各種食品，可惜今次到此，目的是shopping，否則一定試買冷盆豬手扎。

觀塘工貿區喺我心目中係香港最多姿多彩嘅地方😌平實親民嘅工廈同簇新嘅商場寫字樓，共同孕育出琳琅滿目各具特色嘅餐廳食肆😛今日要介紹嘅工廈餐廳裝修以簡約水泥牆紋理作為主調😜而擺盤就甚為講究，餐具托盤色調精美，成件事充滿儀式感🥺🥰喺人來人往嘅都市之中，不妨試吓慢落嚟，喺呢度靜靜咁享受吓美食🤩😛🥢蘑菇忌廉煮鮮蛋麵伴溫泉蛋巴馬臣芝士 $68鮮蛋麵自帶淡淡蛋黃香味而且口感煙韌有嚼勁，喺芸芸意粉之中帶嚟新鮮感🥰淡淡濃郁巴馬臣芝士芝味之中亦都食到啖啖足料蘑菇😛而家升級成為豪華定食，就可以試埋精選餐湯同埋甜品🤤而今日嘅蘑菇濃湯真係深得我心，同呢一個蘑菇忌廉鮮蛋麵可以話係互相輝映😋☺️🥢炸唐楊軟殼蟹配蟹醬扁意粉 $128上菜嘅時候離遠已經見到主角平躺喺面頭，炸軟殼蟹又大又搶眼😍一啖咬落去鹹香非常突出😝同味道比較淡嘅扁意粉配搭嚟得恰到好處。除咗精選餐湯同甜品之外，仲有蛋沙律同沙律醬炸蝦天婦羅兩款滋味小食😜所以份量真係去到豪華嘅級數☺️🥂蜂蜜柚子梳打蜂蜜嘅味道唔算太濃😝但加埋柚子果肉感覺就好清新輕盈🤩☕️朱古力咖啡賣相吸引🤤頂層噴上咗濃厚忌廉同埋朱古力醬🥺飲住凍咖啡慢慢享受返個悠閒嘅下晝都唔錯架😌

平時喺觀塘返工都會去開駱駝漆大廈搵食，今次竟然發現當中開咗一間新嘅西餐廳，店面雖然唔係好大，但假日三點泥到已經滿座，門口等咗一陣終於有位。我哋要咗兩個午市套餐，分別係三文魚墨魚汁麵同蒜香橄欖油炒蜆扁意粉，套餐都會有主食、加$30會有餐湯、兩款日式小食同甜品。餐廳上菜有驚喜，擺設得好靚，好日系。大家食墨魚汁麵時要小心嘴唇因為佢用新鮮墨魚汁整成所以食落去個嘴會染上黑色，三文魚大大嚿煎得香脆。餐湯係南瓜湯，飲得出係真材實料，好有南瓜香，夠鮮甜。兩款小食都好好食分別係薯餅同玉子燒，味道香口，擺款好有心思。最後到食個甜品都好有驚喜，係豆腐芝士蛋糕豆腐夠清香能一解芝士嘅油膩感。飲品我哋叫咗朱古力咖啡同梳打兩款都好靚好打卡。啱晒情侶同閨蜜hightea嘅好去處。

近來轉左工，想約朋友傾吓計食吓飯。朋友知道呢幢工廈好多餐廳，佢就揀左一間坐得舒服又好食嘅餐廳。餐廳門面簡約鮮明，內裡燈光光猛，地方唔算大，桌子同座位都好寬闊，坐得好舒服。餐牌選擇都可以，我哋點左小食，pasta，signature main，另外兩杯飲品。椒鹽炒甜粟米手指：粟米切開左一條條容易食，粟米炒得好香，好有椒鹽味道，入口惹味但又唔覺得好多油，估唔到係咁好味。煙脯肉長尖通粉伴溫泉蛋：煙肉咸咸香香，長尖通粉撈埋溫泉蛋一齊就覺得滑d，每啖都充滿芝士汁，口感豐富又唔覺得漏。焗脆皮法國傳統鹽醃油鴨肶伴法式燴雞豆：鴨肶來自法國，肉質比較嫩，唔肥，好juicy，皮焗得好脆，味道咸咸地，真係唔錯。旁邊有黑醋沙律，另外有法式燴雞豆做件菜，味道都幾特別，好食又飽肚。棉花糖可可(熱)：朱古力味香濃，有棉花糖甜甜味道。杯都比較講究，用真空玻璃杯睇落去靚之餘，熱飲攞上手都唔會覺得燙手。熱情仲夏：見到顏色都覺得靚，朋友話mix左好多味道，有熱情果、菠蘿同紅茶味，加埋有氣梳打，又甜又冰凍又大杯。

wahhhhh原來駱駝漆里邊有間咁高質嘅西餐❤️真心平!靚!正!價錢一啲都唔算貴compare外面餐廳，但食物質素絕對比大集團嘅好😍脆炸唐揚文甲魷魚 $88好脆好正！！！有啲唔知咩菜伴碟成件事有啲似台灣嘅鹽酥雞😚份量都唔少㗎！！慢煮脆皮豬腩配紫椰菜沙律加火燒菠蘿蓉 $138絕對係今晚嘅亮點！！！我好少係食到咁豐富又咁靚嘅菜！！有豬腩肉一大舊，仲貼心到有菠蘿俾你消肥膩感😍每個菠蘿都燒過，好甜！個紫椰菜沙律好好食！好新鮮😚賣相超靚原隻燒魷魚🦑配risotto $158好新穎嘅mix n match!!!魷魚入面釀咗啲好似薯蓉嘅野好好食😚😚😚棉花糖可可 $38蜜桃茶soda $38好靚😆😆好好飲

這家位於觀塘工廈的西餐廳，雖然裝修及門面設計簡約，但食物卻十分精緻及有心思，睇得出主廚追求品味，每款菜式都經過悉心配搭，賣相及味道更可媲美星級米芝蓮餐廳👍聽店主講，餐廳開業只有短短兩個多月，未來會加入慶祝生日等主題嘅套餐，務求滿足客人不同餐飲需要🫶🏻輕燒香草吞拿魚 伴無花果柚子香芒沙律｜$88｜8/10輕燒左嘅吞拿魚表面呈赤紅色，本以為食落好重魚生感，點知食落口感出奇腴滑，入口味道甘甜，緊隨食下一口甜甜酸酸果香味濃嘅沙律，清爽開胃兼具🤩豆豉蒜蓉椒絲忌廉汁燴蜆肉意粉｜$118｜8.5/10呢個意粉係今餐最鐘意嘅一道菜式，雖然材料簡單，但意粉本身吸盡曬肉汁同豆豉蒜蓉嘅香味，口感彈牙，連同炒香嘅原隻蜆肉一齊食，十分惹味，係種中西合璧嘅配搭😋雖然蜆肉少量食落有沙，但程度可以接受，亦代表餐廳真材實料👍慢煮脆皮豬腩 配紫椰菜沙律及火燒菠蘿蓉｜$138｜8.5/10慢煮出嚟嘅肉類通常都特別嫩滑，呢個豬腩都唔例外，肉身食落油脂豐腴，肉質非常嫩滑，豬皮食落有脆卜卜嘅效果，特別喜歡這家大部分主菜都有蔬果伴碟，減少食後嘅油膩感，貼心又有心思🥰熱情仲夏｜$42｜8/10熱情果及菠蘿配紅茶梳打，甜度酸度適中，清

觀塘呢個地方感覺上都係人多車多嘅工廠地區雖然附近都有好多小店但好食嘅餐廳真係要慢慢發掘咁啱朋友推介就比我搵到呢間咁好食嘅餐廳餐廳位於駱駝漆第三期有咩驅使要排隊等lift上去食？就係因為呢間餐廳真係好好食望一望個餐牌60幾蚊已經有有個意粉價錢一啲都唔貴今次試咗蒜香辣椒炒意粉配香煎蝦球 $68另外再加左$30 升級湯小食同甜品另外亦叫咗個豬肋骨配粟米同薯條 $128同樣地亦都升級一上到枱 就覺得好靚好吸引！意粉炒得乾身 但有好濃嘅蒜香味再加四隻煎香左嘅大蝦好好味另外兩款小食分別有芝麻醬菇同炸豆腐兩款小食都唔錯作為錢塞極都好開胃至於湯這係南瓜湯啖啖南瓜香豬肋骨一啲都唔乾身 肉好滑Bbq醬配塔亦好食再加薯條粟米配搭一流仲有個芝士蛋糕做甜品實在太豐富好食！臨尾亦都飲咗杯朱古力咖啡同埋薄荷青檸梳打成餐飯嘅感覺都唔錯食物靚同好食價錢亦都唔貴絕對係喺工廠區嘅小驚喜❤️