ChezLouis (已結業)

朋友住土瓜灣嘅，所以嚟咗土瓜灣揾食，餐廳附近全部都係車房 ，星期五晚上得兩枱客，以為中伏， 點知我地所點嘅菜式 ，全部都好好食， 而且價錢好親民， 紅酒都係一百六十幾蚊枝 ，值得推介，原來餐廳係一對比利時夫婦開嘅， 個廚師係比利時人，佢老婆係香港人，而招呼我地嘅係店主香港岳母，佢不時和我地傾計，佢大讚佢女婿係一個好有heart嘅廚師，兼且要求好高，唔怪得啲食物咁有質素， 好味又新鮮，值得推介!!。

第一次黎呢度食，已經一試難忘!!!個日咁岩入紅磡搵朋友，朋友話想食西餐，上黎搵下附近有乜好食既，見到呢間開張無耐已經有好幾篇好評，又有時間，就決定落黎食！一去到舖頭，個時係星期四去到已經2點幾，細細地既餐廳已經有兩枱客係度，已經覺得應該唔錯！因為好晏先食早餐，又唔係好肚餓，就決定叫一個頭盤一個主菜share食就算，睇其他食評見到個特色泡沫湯好靚咁，就叫左個黎試下，真係 好好飲!!!!一黎到見到咁靚已經好驚喜，影完相就即刻試下個湯，上面粉紅色既係紅菜頭醬既cream，加埋下面既南瓜湯真係好滑好正！然後個多士都好好食，不嬲都係三文魚既忠粉，加埋仲有d脆脆地既多士真係正!!!食完個咁正既頭盤之後已經對個主菜超級期待，隔左陣，個主菜就到左啦！主菜就叫左lunch set既澳洲肉眼牛扒，叫既時候問左waiter推薦幾成熟，佢推薦叫medium，結果又係無令人失望！肉眼扒既熟度岩岩好，好冧一d都唔似食緊香口膠，最記得個fd之後話：傻架一咬爆個下係肉汁唔係血水呀！笑死我值得一提既係佢側邊既配菜，埋單既時候問左原來係比利時醃菜，講真平時真係唔會食，但見佢放得靚靚地就決定食下，佢有d蕃茄青椒酸酸地咁，同

朋友喺附近住，之前經過見到開左間西餐廳，book定Happy Friday黎聚一聚。地方算舒服，Nice decoration. 入面有兩個外國人，一位係廚師，另一位係Bartender。好好奇點解佢地會選址喺度，周圍都係車房。Anyway d嘢好食就得啦我地一行五人嗌左一頁紙嘅小食，Carbonara spaghetti，Seafood risotto，厚切豬扒同肉眼扒。嘢飲方面朋友叫左兩杯Mocktail，荔枝同西瓜，仲叫左兩支Sparkling wine。都好抵飲。最後叫左三個甜品。Cream brulee，Chocolate mousse，仲有一個唔記得個名，有杯Espresso嘅。總括黎講我地都好滿意呢一餐，有好嘅嘢食，好靚嘅環境，好好嘅服務。老闆娘周不時都會同客人傾下計。好同意之前有位食評家講呢間係好有誠意嘅餐廳，雖然我冇同過廚師同Bartender傾計，但見到佢地專注地工作，都感受到佢地對食物、飲品嘅執著。希望佢地憑著呢份執著，可以再創作新嘅菜式、飲品。加油！

以前住土瓜灣…都係食茶餐廳多…聽朋友講話…喺富臨後面開咗間西餐廳2week…係比利時人開既…口碑唔錯…就特登過海黎試下…點知發現臥虎藏龍…我好中意周圍揾野食…但絶少寫食評…因為1篇要寫3-4粒中…但E間好值得我花時間做E樣野…食得出佢地既誠意…性價比極高既良心小店...真係唔寫唔得背景:當通街都係美心集團旗下嘅餐廳…食物味道好commercial….我就特別鍾意呢啲小店…有一份人情味…同佢哋傾偈得知…小店唯1既WAITRESS係香港人同時係barrister…之前係喺澳洲做barrister….鋪頭名CHEZLOUIS顧名思義就係個廚師啦…係比利時人…曾效力歐洲澳洲多個國家嘅餐廳同五星級酒店…而bartender都係比利時人…之前係比利時既酒店同HK1間知名比利時菜任職…唔怪得食物飲品coffee都咁有質素啦…環境:黎左2次...第1次weekday既730PM黎到…4個人無訂位被安排坐係口門既位置…雖然近口門…但因為細街無車行過…唔會沙塵滾滾…幾好…店舖不算大…但樓底高所以完全唔侷促…加上裝潢唔馬虎…所以坐得幾舒服…大約8pm已經有人係出面等位...我地就自動請纓轉左上去bar頭到坐

在土瓜灣工作，很多餐廳都吃過，深刻的不多。難得發現了新開的小餐廳，見Openrice上僅有的餐牌價錢合理，和同事即時book位試試午餐。Lunch Set只有兩款，但餐牌內的主餐都在午市送飲品，價錢非常合理。食物份量略為輕一點，但味道和質素都很高！海鮮意大利飯的海鮮很好吃，Fish and chips的魚塊不錯，兩款lunch set的Benedict egg和肉丸我沒吃過，但同行的同事給了好評。飲品可以選英式茶或汽水，或半價轉飲其他飲品，選擇多而不貴，讚！聽說3pm後的Happy hour飲品好像買一送一？有機會再試！

第一次黎呢到食野，位置唔算好方便但絕對值得黎食！店面唔大不過坐得幾舒服唔會逼，燈光同環境都唔錯。服務幾好又有禮貌，又會問客人意見睇下點改進。真正外國人煮既西餐，而且價錢一d都唔貴，抵食！推薦：- Cappuccino Soup 👍🏻👍🏻- Carbonara (勁creamy)- 羊架(大大件 唔會騷) 👍🏻- 牛扒 (煮得岩岩好 個汁好好味)- Fish and chips (炸魚個粉係特別調製 好香 唔會厚）👍🏻👍🏻👍🏻- 意大利海鮮飯 (同我係歐洲食既一樣味) 👍🏻飲品酒水都較出而餐廳平🥂

土瓜灣車房堆中的新食店，重有兩個鬼仔係鋪度，一個大廚，一個Bar tender，裝修都簡簡單單，坐得幾舒服，有興趣重可以坐吧枱睇住大廚煮野！望住佢煮野，感覺到佢對食物既要求！👍🏽第一樣黎既係甘荀湯，平時唔食甘筍既我都比個外觀吸引左，湯係下面，上面打左層泡，重有松子仁同蕃茄粒，酸酸甜甜，又有得咬下，好味！之後係厚切豬扒，西冷同埋牛柳，個自制燒汁有好濃郁既磨菇味，突然覺得好似食緊磨菇飯咁，幾塊扒都好大塊，因為我哋嗌咗七成熟，所以就乾身咗啲，下次會試返五成。什果乳酪沙律Mango and passioafuit沙冰好香，甜同酸擺埋一齊好夾，有驚喜仲要勁抵，先$30，值得一試最後飽到嘔既時候，黎多個焦糖燉蛋同朱古力Mousse, 個焦糖啱啱好，唔會好燶😋，加埋個蛋又唔會太甜！個Mousse如果可以用度數高既朱古力，多少少苦味就好啦！😋呢一餐好滿足，又抵食，下次會再去！

星期六夜晚經過餐廳，見到店內竟然有外國人廚師，我同朋友就抱著好奇心去試一試。食物水準 Food Quality : 🌟🌟🌟🌟Cappuccino Soup泡沫打得細滑、細細杯啱啱好Main Course第一次食試左兩款1. Caesar Salad食材豐富、大大碟同朋友Share啱啱好！2. Carbonara 加左黑松露更好味、汁唔乾易入口！飲品 Drinks : 🌟🌟🌟🌟Watermelon Mojito酸酸甜甜、大大杯、啱曬夏天飲！服務 Service : 🌟🌟🌟🌟🌟店內職員非常友善、大廚亦有問問食客意見、上菜非常快手！下次一定會再次試試其他菜式👍🏻

幾經辛苦，終於搵到間喺土瓜灣新開而我又想試嘅餐廳。揸車嚟到先發覺，原來成條街都係車房，心諗呢度會開餐廳？喺全條街都double parking嘅情況下，的確有啲氣餒好想走人，但奈何附近真係冇野想食，又唔想再search餐廳，於是我堅持左兜右兜，終於搵到車位！呢個時候再心諗，都幾辛苦先嚟到，如果食物唔好食，真係會嬲到想鬧人！嚟到門口，連個名都用紅色紙遮住，睇睇個menu，lunch係$58！再望一望入面，街坊客多，究竟呢間係搵兩個洋人喺度行行企企，扮餐廳嘅茶餐廳，定係正正經經做美食嘅餐廳呢？唔知點解，就係有一份堅持，好想試呢個唔知係茶餐廳定係餐廳嘅地方，好想知究竟你係人定鬼$58嘅set lunch有Egg benedict？！睇嚟都係中伏居多，肉醬意粉應該都係茶餐廳貨色。望望頭上嘅黑板，有貴啲嘅豬扒、牛扒及羊，不過第一次嚟，都係試啲平啲先啦，中伏都冇咁肉赤。再望望隔離檯，有碟芝士喺肉醬意粉旁邊嘅？！有位食完嘅街坊又話，個意粉好好味㗎！心諗，係咪做媒㗎？哈哈！Cappuccino (+$8)個樣得喎，啲泡質感綿密，係我鍾意嘅深炒咖啡豆味！放佢喺盆栽附近影相又幾得喎，由這一分鐘開始計起，我

餐廳環境舒適，仲係由外國人做㕑師，睇得出廚師用心做每一份餐， 既美味又美觀，另1位調酒師啲手掣飲品又特別，仲有手掣咖啡飲，佢地仲會同啲客人傾計，一路整一路傾，整體都可以話好好