ChezLouis (已結業)

香港既比利時餐廳其實唔多，小店又係主打比利時菜既其實都好少。最近上網睇左個報導係關於一個比利時人同香港女仔既愛情故事，又得知佢係土瓜灣開左間餐廳，於是乎決定去一試!認識我既人都知我對比利時啤酒極度情有獨鐘，呢度絕對滿足哂我既要求好感動!!!有好多選擇，連非常難搵既orval都有!!!佢地既青口都絕對高質，起碼一啲沙都冇!兼粒粒都好大粒！比利時薯條做得好好食，個醬都有兩種選擇，我鐘意黃色醬因為佢有煙薰味好特別！蒜蓉白汁充滿住每一舊青口肉，食得好過癮！最後我地食完青口就上左呢個素菜意粉，58蚊我地冇諗過會咁大碟！仲要性價比超級高因為佢既紅椒醬汁係出奇地咁creamy同好食！芝士粉撈埋啲意粉同素菜even無肉都唔會覺得差咁啲野，絕對抵食！建議如果係細食既其實點一個青口set已經非常夠服務好好，比利時藉既waiter會問我地既feedback to their food，好有笑容好有禮貌極度支持呢間咁有誠意既餐廳，下次要試下佢地既肉類同其他比利時啤酒

Happy Friday!!!!公司冇晒高層,同事們決定走出去...三四個字路程都要黎開飯除左上網睇過介紹,其實同事們已經黎過食一次今次係返尋味龍蝦汁海鮮長通粉上枱個陣諗,係咪我嫁,咁足料既...賣相好好每條通粉都上晒色,味道恰到好處一般餐廳既龍蝦汁通常都過鹹,依間啱我口味海鮮方面既有青口仔,蜆,蝦,每款都不錯特別係蝦,殼已去掉,而且食得出新鮮貨,再讚奇異果檸檬梳打相比食物,依杯飲品就比較失色,冇咩特別...重要加錢叫添...試一次夠冇食過既就不作長細評論啦,但每款食物都試左啖,一樣好有水準出返市區至少貴一半...希望下次黎重keep到水準以上食評只反映本人立場,如有雷同,實屬不幸

尋晚第一次光顧這間餐廳。環境雖細但佈置有心思，不會感覺擠逼，坐得尚算舒適。食物質素係其一大亮點，第一次試比利時菜，都會歸其為西餐。1. 隨雞翼一齊上碟嘅source非常好味，酸酸甜甜，頓時胃口大開。2. Risotto係全晚最大驚喜！唔「劇透」！我下次再幫襯都一定會再order!!3. 芝麻吞拿魚係當日嘅special, 口感同平時食吞拿魚有分別，值得一試。4. 薯條屬於長粗條型🍟搭配埋D醬汁一個字：正。5. 飲品方面我叫咗「青瓜薄荷蘇打」清新唔太甜，值得一試。

平時係西環食得多西餐，今次土瓜灣開既西餐，我食過之後好有期望!！我曾經諗過如果係土瓜灣開餐，一定有生意，但現實有人真係去做！所以我好想支持下，雖然依區等重建，但係我想依間好餐廳做落去，今次腸胃炎食唔到扒飲唔到野，唯有下次食，到時我再寫食評！叫個薑啤同扒都唔錯！(幻想ing)所以我叫左個意粉!！佢個卡邦尼意粉價錢合理，好味過出面一般餐廳！好香濃，煙肉好好食！仲要加即磨黑椒！絕對唔係現成野！佢個雞翼個汁係好得意！而且雞翼第一口有煙燻味！但依個有得改進，如果香口D仲正！另外多謝大廚，佢係無休過息！！要展現你既夢想！加油！希望大家黎到，要好好品嚐佢既手藝！例如唔好只食扒，記得食配菜！

Walking past ChezLouis at 11:48 today. Tempted by the lunch menu. Chose the Smoked duck breast Sunny side up egg Rocket Salad 煙鴨胸太陽蛋火箭菜沙律. All tables are reserved this Friday noon. Good to hear that means customers are increasing. Got a seat at the bar. Watched Chef Louis preparing my mixed vegetable salad. Portion is big. Lunch comes with Lipton tea. HKD 68 is really worth the while! Will definitely visit again. Highly recommend. Reservation is recommended.

行過見到門口有個牌有青口煲食就走左入去，個餐牌d價錢都好抵食，原來餐廳出面個牌係佢地每日ga special，咁我地就叫左個當日special ga紅呑拿魚，平時唔鍾意食魚ga我，試左一啖，有驚喜，口感唔似平時食ga魚，外面脆，入面好嫩，到入正題，青口煲，有兩種味ga另一隻就辣辣地，咁我就揀隻唔辣ga蒜香忌廉，一打開個蓋陣香味好香，青口好鮮甜，配埋多士點d忌廉汁好好味，後尾聽大廚講唔係用急凍青口係新鮮青口黎，埋單完全覺得物超所值，仲要唔洗加一

家住土瓜灣一直都不知道原來開了一家新的西餐, 經朋友極力推薦, 周末就和三五知己來試試晚餐。店舖在土瓜灣街市附近的一條後街內, 誰想到這裡竟然有位外國人在此開餐廳! 門口有是日Special的餐牌。一行四人決定點些小食及兩個主菜分著吃。BBQ煙燻雞翼: 雞翼很熱, 本身雞翼未沾醬已有煙燻味, 很香, 沾上bbq醬又是另一番風味。Smoothies (左下:熱情果, 右下: 芒果, 上: 藍莓) : 點了3杯smoothies, 3杯都富有鮮果味, 而且溶了也不變淡, 真材實料, 解渴一流。炸意大利蘑菇飯團配黑松露汁: 於Special Menu上選了這個炸飯團, 切下的聲音清脆已知炸得相當好, 吃下感覺就像在吃一個炸的忌廉蘑菇risotto。黑松露汁內亦有粒粒蘑菇, 相當精彩。雞肉凱薩沙律: 想不到$58有這麼大份! 菜很新鮮, 麵包粒香脆, 加上溏心蛋非常有誠意, 雞肉用上了雞扒, 煎香放上沙律, 很好吃。卡邦尼意粉(加黑松露): 其中一個主食選了卡邦尼意粉, $20加了黑松露, 意粉口感剛好, 帶點煙韌, 是我喜歡的質感, 卡邦尼汁剛好掛在麵條上, 加上松露香, perfect。澳

公司有姐姐幫我哋煮午餐，今日有其他工作安排，所以一行 4 人出咗去揾食，見到呢間又近又新咁就試吓啦。土瓜灣車房堆開間相對高檔餐廳，老闆都比較大膽，仲要有外國人做廚同侍應，今日咁啱有記者嚟采訪添。午飯時間都好多客。今日有 4 個 chef special，分別唔同價錢，我哋揀咗個龍蝦汁海鮮長通粉同黑松露汁雞扒配薯條，另外見佢個意大利飯好評多，所以我哋叫咗份加多個炸魚薯條。餐廳份量比較細，男士可能唔夠飽，午餐幫襯送凍或熱茶，茶係立頓，但得一片檸檬，孤寒咗啲喎!

平日同朋友一共4人吃dinner ！雖然見負責落單得2個，但服務態度都幾好，食最後chef 會出黎問每張table 啲野食點樣！用餐到中間，可能廚房太忙，唔見佢冇問過隔壁枱有啲可惜，不過作為小店，對食物咁有心，好難得！價錢上相比其他西餐便宜，質素同份量都唔錯！值得一試。今次試過會和朋友再去。甜品賣相不錯，有別其他地方，都非常值得一試！位置算偏僻，但環境幽靜，合適2-4人小聚聊天，但見人手有限，要耐心等候。

支持小店！星期日夜晚氣氛非常熱鬧，各式各樣既客人為餐廳帶黎一種熱鬧既氣氛～今次主要叫左肉眼排配粗薯條，帶子龍蝦湯，海鮮意大利飯，烤雞翼配自家製BBQ醬，芒果特飲。肉眼排叫左6成熟，外皮香脆非常好食👍🏻肉質有質感，唔會過熟。對我黎講無多餘既調味食到牛排本身既牛油香味～海鮮意大利飯，感受到店主掌握醬汁+飯既軟硬非常有研究。汁唔會過濃而令到食客有濟既感覺，同一般出面餐廳比呢個汁非常好👍🏻👍🏻👍🏻烤雞翼聽落好普通～但重點係個醬度，係店家自己調製，同其他出面既來貨質素非常有分別。出面食完一定要瘋狂飲水。但呢個汁用黎點雞翼薯條都非常正👍🏻可以取代到茄汁既地位👏芒果沙冰，唔會過甜已經足夠。

有介紹呢間餐廳俾我但一聽到地點係土瓜灣就唔係幾想去但係友人堅持下，去左試下佢lunch 點左一個海鮮意大利飯同埋佢既泡沫湯，今日係紫薯味首先上既係湯，外觀相當吸引首先食佢面頭既忌廉，味道好有層次有少少咸味及淡淡酒味，非常開胃而跟湯既多士亦不過不失主菜意大利飯隨即送到！第一啖食落去已經覺得好好食唔係單純鹹味，可以食到佢配菜入面芝士同蝦味，蜆亦煮得岩岩好 唔乾身 好鮮甜好過出面所謂既西餐廳好多倍雖然價錢係88蚊，午餐黎講有點貴但質素係相當高鬼佬服務員亦好有禮貌會主動問你要唔要黑椒！

星期五晚上厭倦了蘇豪區的嘈吵，黃金周尖沙咀的人滿為患，同朋友一齊來試一試呢間隱藏在土瓜灣不起眼一條街的西餐。到達現場見裝修有格調，坐位舒適，新潮的霓虹光管配上滿牆的花絕對係影相打卡的靚景，入內一位外籍服務員有笑容禮貌地安排好坐位，店內眼見大部分是外籍的員工及廚師，有一位香港的的女仔，餐牌是中英對照。今次我一行4人頭盤小吃叫了 牛油蝦配蜆跟多士，蝦同蜆都好鮮美，烘脆的麵包沾上有海鮮味的牛油好正， 雞肉沙律🥗 雞肉做到外脆內軟有汁有驚喜，薯條🍟係即炸熱辣辣，烤汁炸雞翼有水準但未見驚喜。到主菜先上一個時令的大虎蝦，廚師👨🏻‍🍳說是今日在海鮮檔見到很新鮮所以特別挑的，煎得剛剛好，蝦🦐外層煎香帶出蝦味，蝦肉爽彈夠大隻有滿足感好新鮮，伴有酸酸地的TaTa醬更開胃。第二款澳洲肉眼牛扒叫左medium rare，熟度控制得剛剛好，是我最愛的pan fry煎法，雖然無坑紋賣相咁靚，但整塊扒表面都有梅納反應外脆內軟，中心仲保留到Medium rare應有紅寶石色的嫩滑牛肉外表帶點焦香 好味，配埋個蘑菇汁有畫龍點睛之效。羊扒煎得也不錯，但我並不是十分好，所以切開後只吃了兩塊；再來就係個海鮮西班牙飯，飯煮得剛

見到附近新開，今日早放6點幾就去試，坐低無耐都陸續有客入。我哋兩個人淨係叫左小食雞翼，同每人一個main coursebbq雞翼香脆肉嫩，附有一小碟醬仲好香，令雞翼更可口。rib eye 同filet mignon都好抵食，建議食medium可以食到軟嫩質地同肉汁另外，鋪頭每日3-7都係happy hour, cocktail買一送一，佢哋cocktail$55左右一杯，而且無加一，真心抵！有機會會去試lunch 同埋cocktail。

先前想同朋友搵間高質西餐試下 上網睇食評見呢度開業冇耐竟然咁多食評大讚 所以決定一於黎試試！地點方面 雖然開係車房隔離 但一啲都唔嘈 人流亦唔會太多 最啱同朋友黎一路食野一路傾下計 感覺好chill 而且比想像中近大街 加上門口燈牌好醒目 所以好快就搵到鋪頭由於我同朋友都唔算好肚餓 所以就叫左個意粉，野飲同兩份甜品share意粉方面 我地叫左個卡邦尼意粉 比想像中大碟 自問唔算細食 同朋友share咗都覺得飽 聽老闆娘講入面既蝦等等既海鮮都係即日去街市買番黎 所以都好新鮮 而且細心位係隻蝦剝埋殼 啱哂懶人 味道方面都同街外既唔同 出面既多數淨係食到好多芝士 但呢度既芝士味適中 食到後來都唔會膩 加埋啲海鮮同少少黑椒 唔會寡 惹味咗 食到有啲口渴就叫咗watermelon nojito試下 呢杯飲品又係比想像中大杯 而且賣相確實相當靚 唔怪之得咁多人拎黎打卡 味道方面飲落好消暑 當初以為只係普通西瓜汁 原來入面仲有青檸，薄荷同梳打 所以酸酸甜甜 感覺好fresh 上面仲有一大舊厚切冇核西瓜 有得食又有得飲 而且西瓜汁都係新鮮即製既(望到即場榨) 大大杯飲落好過癮到最後緊係不忘試埋個甜品

同男朋友拍拖一週年～朋友介紹左我地去尼間西餐廳食飯慶祝，話包我地一定滿意朋友話餐廳位置有少少入，我覺得還好，搭巴士浙江街落，行2分鐘就到～先order兩杯凍檸茶。夠冰涼又大杯～見menu仲有其他幾特別既cocktail and mocktail。男朋友同我都係牛魔王，試過好多唔同類型既排房。我敢講尼間係我食過其中一間最好食既！五成熟既牛排烤得恰到好處，仲有好大陣煙熏味，好驚喜！而薯條都好新鮮，熱辣辣脆卜卜。risotto亦都超級好味！！一來已經聞到好香既烤蝦味，飯入口好creamy好香。飯入面亦加入其他海鮮如蜆同魷魚，口感好豐富。尼杯係咪好似甜品呢？其實係南瓜湯來既～店主知道係我地一週年特意送比我地試本來我同男朋友都麻麻地南瓜，但尼杯咁精緻既湯完全改變左我對南瓜既認知好香濃，但又唔似出面啲餐廳加入大量麵粉整，好易入口。尼餐用一碟充滿愛既甜品來完結～店主知道我地拍拖一週年，特登係甜品碟到寫上「happy 1st anniversary 」，so sweet尼間小店真係好用心製作食物，價錢又合理。店主仲好好人，經常面帶笑容詢問客人意見～係連鎖餐廳當道既香港，尼啲咁有heart對待食物同客人