影片
餐厅主要提供扒餐、焗饭或意粉，仲有All day breakfast 价钱唔算太贵。今次就嗌左一份All day breakfast 同埋焗鸳鸯扒意粉。All day 包括芝士火腿奄列、法兰克福肠、纽伦堡肠、脆薯饼、茄汁焗豆、杂菜沙律，同埋多士份量都几足够，味道正常唔会太咸，$58的确抵焗鲜茄鸳鸯扒意粉,可以叫多汁，落单后大约等咗五至十分钟。值得一赞嘅系面头铺满咗芝士但系冇焗㶶，而且意粉亦都冇焗到干哂而变硬。不过意粉本身冇咩，好似冇茄汁还茄汁，意粉还意粉，入唔到味咁。总括黎讲性价比都唔错。
继续阅读
今日来到天水围Chef Nathan Cafe!客人好多，等位都等得比较耐！餐牌相片除咗有西餐，还有港式常餐，all day Breakfast😆🔹黑椒汁牛脷焗意粉可以选洋葱汁或者黑椒汁，份量都几大！汁好多，芝士份量都唔少！有5块牛脷都大大块👍🏻焗意粉最忌时间过长，意粉会变得又干又硬，今次时间刚刚好，味道不错！🔹焗猪扒意粉味道稳稳阵阵！猪扒都几大块！每份西餐还配上一杯饮品👍🏻整体OK不过不失职员笑容较少，语气比较赶急，可能太忙吧因为始终人流都多，长期有人等位😅
继续阅读
今晚无煮饭，去了重新装修的西餐厅。新开就有唔少小棒场客。等咗6张枱先到我哋。坐底系中间梳化位，感觉餐厅干净咗，但最唔好都系冷气口吹住个头。最后叫咗2个扒餐同1个意粉，食左三份一先醒起影相😂⋯⋯澳洲肉眼扒最唔值，杂扒最丰富，意粉就不过不失，应该无得拣再嚟帮衬了🙈。
继续阅读
餐厅环境：以蓝色为主调，有点地中海风，望落去都几舒服。.呢日系平日下午茶时段过嚟，人流唔多，可以一个人坐卡位，舒舒服服咁慢慢坐都唔怕。食物：午餐同下午茶餐都几多款式选择。虽然系下午茶时段，但仍可以拣午餐，我见午餐款式啱我多啲，所以今次拣咗个午餐～鸡扒饭配太阳蛋，自选黑椒汁。.只太阳蛋都煎得几靓，鸡扒煎得个皮有少少脆，肉质都几淋，另外仲配有少少椰菜，唔错！.价钱：呢款午餐$46包热饮，食物质素ok亦坐得舒服，所以呢个价钱都几抵食
继续阅读
间Café喺屋企附近商场，猪扒鸡扒整得特别好食，奶茶好有茶味，所以经常来帮衬。呢个铺位之前做过好多间餐厅，但冇间好味，每两三年就换一间，只有呢间做得住，经常满座，食物亦系最好味。焗鲜茄鸳鸯扒意粉 $58Café厨师整猪扒、鸡扒、鱼柳好好味，牛扒就一般般。今次点咗焗鲜茄鸳鸯扒意粉，热辣辣上菜，猪扒鸡扒腌得好入味，干煎之后再焗，外皮香脆，肉质幼嫩，番茄汁和芝士嘅分量都好有诚意。不过意粉就煮过咗少少，口感唔够。Café嘅食物分量都算几足，但餐具就令人有啲小尴尬。焗饭、焗意粉用不锈钢碟，但只碟好轻，用刀叉切扒时只碟会转嚟转去，感觉好似喺郊外食农家菜𠮶种feel~~奶茶就好好味，茶味浓郁，以Café嚟讲算有惊喜。
继续阅读
您可能会有兴趣的...