Cheers & Taste

最基本顧客要求都做唔到叫左個蘑菇豬柳包+什果沙律走醬整完話我知個沙律冇得走醬又不在點餐時通知，視顧客要求如無物，垃圾。個包味道超一般，毫不值40元。態度欠奉 一句唔好意思都冇完全唔明點樣生存到？…查看更多

價錢同大家樂大快活同價，之前幫襯得多係見佢小店經營想支持下，但佢唔理你幫襯多與少，我lunch hour通常食佢 ，食左7,80次，食物麻麻 純綷唔想大財團壟斷市場所以支持下。但佢經常廚房唔請人 得2,3個人做野 賺盡，導致等外賣時間好長。你等左十幾分鐘，多口問句食物係咪漏單or有冇XXX no. 得未，店主都會好唔耐煩+態度惡劣禁回應你。近呢幾個月態度更差，所以我都唔再食佢啦，幫襯你食物唔係話好食，等又等得耐，態度又差，15分鐘我行遠少少過D2 or附近食店買完返上寫字樓時間一樣，又多選擇，又唔洗受你氣，仲好。 唔會再食 。…查看更多

今晚難得約左朋友喺荔枝角打完波，真係又累又肚餓，即刻就去搵地方食晚飯，朋友喺荔枝角做嘢，就梗係要搵佢介紹下有乜抵食，最後佢介紹左長沙灣廣場1樓的Cheers & taste。店舖面積較小，只可坐三抬人，好在今天是weekend ，有位坐吾洗等，但發現原來呢度外賣減$3！今晚我哋每人叫咗一個餐，大家都揀左B餐，一個是泰式酸甜汁豬扒飯，另一個係泰式酸甜汁雞扒意粉，下單後好快就有得食，熱辣辣上菜，好味，份量都好大份添，仲奉送湯。…查看更多

見小店，幫襯下，隔離係大家樂叫左2個餐，1個係燒汁雞排意粉個意粉特別粗，燒汁就咁放上去個汁麻麻地，個菜係菜頭，個雞排煎得幾脆，上面有木魚，呢個餐得雞排係好食，有啲中伏。檸檬唔新鮮，中間和邊邊位變左色，佢自己都要批走啲皮，我知係小店，但可唔可以比啲誠意，其實我唔介意你比2塊檸檬我，但唔好比塊唔新鮮既我。另一個餐係蛋糕加沙律，盛惠$39，我見意粉咁大碟，個沙律應該都有返咁上下，所以我對呢個分量我有好大落差大家見到佢只有1/3盒高不過個沙律食好食，有棷果，仲有2片萍果皮居然另外沙律醬太多喇，如果醬少返3成，沙律有2/3滿，呢個餐會滿分！因爲個cake夠熱，食完中間仲有微暖。以呢個size既蛋糕同沙律.....早知叫個意粉不過侍應態度好，有小店既人情味，希望佢會改善下啦…查看更多

一丁友食飯，唔知去邊好。之前都聽過呢間野一直未有機會去試。細細間，坐鍋7至9人。所有野算平，套餐38-43都有。晚上冇咩人，可以直接自己坐低，不過我唔建議拎起台上既餐牌，因為好油，套餐已經list左係牆上。叫左個香草茄豬扒意粉，個廚房就係隔離，好香，配個忌廉南瓜湯。個湯黎先，杯裝。幾好味，唔係好cream，食倒好多南瓜肉，足料既。主食黎到，賣相ok，見倒香草同番茄，個汁幾香。先講講塊豬扒，兩塊，不過乾，唔算厚，比較有咬口，味比較濃，煎得香既，食落同隔離大x樂差唔多，只係個汁比隔離好少少。意粉，煮過龍，比較唸，同隔離都差唔多。有d菜，冇咩特別。簡簡單單港式西餐，冇咩特別，如果你一支公既話，又想靜靜地求求其其一餐既話，可以試下，不過真係唔好期望太高，呢個價，算合理。…查看更多

喺長沙灣廣場食咗咁多次野，都未試過係一樓食，因為永遠都唔會留意一樓🤣今次試下西式野。🥔薯仔碎蛋沙律🥚 $25雖然賣相麻麻地，但係薯仔碎蛋好難唔好食，沙律中最愛既材料。😙🥄忌廉南瓜湯 跟餐叫咗個湯，用杯裝湯都幾搞笑，重點係好方便飲。湯入面有粒粒嘅南瓜蓉，味道正常。🐔照燒汁烤雞扒意粉🍝 $43意粉好明顯係一早煮好左，然後叮返熱再淋醬汁，幸好我鍾意食呢一種口感嘅意粉，相平比時食既淋身同滑。呢個係朋友叫嘅，我一向對燒汁麻麻哋，雞扒尚算嫩。🐂洋蔥汁牛肉意粉🍝 $43牛肉嘅份量真係好多啊～因為頭先食晒個沙律，搞到已經飽飽地。洋蔥汁比照燒好食多，牛肉味道都唔錯，可惜太熟，有鞋口感覺。鋪頭好細，服務麻麻地，但食物、價錢中規中矩，賣單兩人$111😆，平時返工食下都係個唔錯選擇。…查看更多

Near Lai Chi Kok, the resturants gave been raising the price so much that it has been my concern to take dinner around. This shop is conveniently located in Cheung Sha Wan Plaza and the price is cheap. They do not have lots of table but the sandwich is freshly made. I took the Italian bread with black pepper ham, cheese, tomatoes and lettuce. The set includes the creamy pumpkin soup which is good as I can find pumpkin in it. The bread is soft too. It seemed to me that the rice with steak at next table was similar to those in fast food restaurants. Thus, I would recommend to try their light meals as I did. …查看更多

行過長沙灣廣場，突然想起有間小店在openrice的食評好像不錯，上網看了看，ok! go!店內只見一位阿姐，我落單時係覺得我係阻左佢的。雖然佢無野做緊，店內又只有一位客人。算啦，我又唔係黎食服務的。叫了一客下午茶餐，吞拿魚蘋果沙律。請看圖。一個切粒蘋果+一pat吞拿魚醬+幾pat沙律醬。 三樣野應該係冷戰中，互不理睬，互不相干的。24蚊跟埋杯0茶，你仲想點? 我寧願去買兩個蘋果食左佢。宜家食完個肚都好似同我冷戰咁。…查看更多

看到openrice 的食評，便去試試。煙三文魚粟米飯連湯42元。粟米汁和罐頭粟米一樣。煙三文魚不凍亦不熱,令人有点不太新鮮的感覺。店員只用外賣纸掃去桌上不潔的地方，衛生可以加强一店。…查看更多

番工食LUNCH  成日食大家X , 美X , 今次試下呢間叫左個蘑茹雞肉香草包 有餐湯跟  $32 (正價$35,外賣自取-$3) 好足料 , D 菜同蕃茄十分新鮮, 雖然有沙律JAM , 但不會話好"流", 食落個口感好清新 好好味…查看更多

在工廈學完瑜珈，與友人共進午膳。經過cheers&taste,見午餐頗吸引。店舖面積少，只有四張長枱，供最多十二人左右享用店不算多人，大部分客人選擇外賣。我們選擇了午市套餐，一個正餐加一杯農田菜湯或飲料，40元，先付錢後上菜。我點了煙三文魚配粟米汁飯，上菜快。煙三文魚不太咸，味鮮而質感好，配上甜甜粟米，一甜一咸，想不到如此匹配，值得推介。 友人選了燒雞扒意粉，分了點雞扒給我，味道像平時吃到的一樣，有少少肉汁，不算突出但份量算多。我與友人選了農田菜湯，味道像羅宋湯，味道清淡，走健康路線，適合吃得清淡的朋友，但份量不多而且略嫌菜少了些。重點推介煙三文魚粟米汁飯/意粉 …查看更多

其實是第三次來，但這次最有驚喜，忍不住要寫下食評好好鼓勵小店啊!第一次是吃蛋沙律煙三文魚蕃茄意大利香草包，不錯的，幾足料第二次食燒雞扒意粉，個雞扒好好食，皮夠香脆蜜糖又夠，而且幾內質juicy今次，試左芝士蘋果飛碟配什果沙律其實叫之前有點猶疑啊，因為這樣的配搭始終較冷門嘛，未必弄得好吃怕蘋果會太稔或是像McDonald's蘋果批的餡那麼稠身，對用的芝士也不抱太大期望，認為會是車打之類的第一驚喜是什果沙律的份量比想像中要多啊! 容量差不多一碗半吧，以碟子上~有鮮蘋果又有我最喜歡的椰果(不過是荔枝味的，個人覺得原味更好吃啊)第二驚喜是飛碟的芝士用上了Mozzarella呢!咬下外脆內軟的外層，內裏的Mozzarella軟綿綿又起絲，咸香度剛剛好，配上蘋果的爽甜與微微的果酸，真的很不錯! 麵包內好像還塗了點牛油，熱溶了在多士上的是我的至愛!到現在仍十分回味...找天也要自己試試弄看!這店即叫即製，食物水準實在很不錯期待下次再吃這飛碟!! >U<希望這小店能撐下去啊…查看更多

工廠區，每到午飯四處人頭湧湧, 行慢一步都會霸唔切位，特別係好味和夠平的餐廳。這間外賣有時都要等8,9個字, 太誇張吧。難得一天能堂食,又來分享一下吧。份量足夠，合理價錢。只係等得很~~~耐吧!趕時間一定唔會係選擇之內。這份餐夠晒頂肚，光看份量都知唔小野!雞扒無因為價錢平而馬虎了事。堂內座位真是很很很小呢，三五成群就很難搵位喇!…查看更多

逛了幾小時在長沙灣(其實在長沙灣和荔枝角交界)的開倉後，覺得有點餓及累了，所以就四處找餐廳，休息一下，吃點東西。最後在長沙灣廣場裡，找到一間小小的餐廳，只能容納大約八位堂食客人。不過，剛好有客人正離開，所以只需用上2分鐘，就有座位了。味道不錯，只可惜南瓜不是蓉來的，如果把南瓜壓蓉，南瓜的味道應能更濃郁，味道更平均。香草茄汁十分香濃，煙三文魚的確好吃，但比較冷了些，整體來說都挺美味。煙鴨胸很好吃，蒜蓉汁都美味，整體來說都挺美味。…查看更多

在荔枝角工作, 其實一向都知道有這間 cafe 食店, 不過午餐時間常常爆滿, 所以一直沒有機會試, 早餐又通常只買個麵包就算.今天心血來潮突然醒起, 就決定去買個早餐試試~選了芝士法式多士早餐, 再自選兩款配料, 我選了咸牛肉炒蛋和螺絲粉沙律.多士其實是長法包上加芝士烘, 很香脆, 好味咸牛肉少蛋也不錯, 很大份, 足料!螺絲粉沙律ok, 有少少吞拿魚在裡面.早餐可以配 咖啡, 奶茶, 檸茶/水, 好立克, 朱古力. 都只是 $22蚊~ 抵 好過常吃大家樂, 有點悶呢~ …查看更多