Chatterbox Café (圍方)

营业中

休息中

大圍圍方三樓的 Chatterbox Café，專注於呈現正宗新加坡滋味，環境舒適，座位寬敞，不論係閒聊定慶祝，都係不錯選擇。參巴辣椒炒通菜（$72） 是期間限定食品，通菜炒得火喉足，爽口不老，參巴辣椒香濃微辣，辣味中滲出蝦醬香，提升整道菜嘅層次感。睇似簡單，食落卻有驚喜。星洲海鮮炒貴刁（$128） 炒得乾身帶鑊氣，麵條煙韌不黏，仲加入蝦仁、帶子同臘腸，鹹香鮮甜互相交融，臘腸更添港式風味，融合得恰到好處。豉油辣椒一上場，更令人忍唔住舀第二啖。香脆腐皮卷（$68） 一口咬下只有腐皮，但炸得酥脆，冇餡反而突顯腐皮香氣同油香，口感單純得嚟唔寡，係嗌嚟伴酒或者當小食都非常稱職。另外有Cuisine Rewards 計劃，免費登記，即可享有總值超過 $400 嘅迎新優惠。今餐體驗令人滿意，每道菜都見到心思。對新加坡菜有興趣，又鍾意有少少fusion感嘅朋友，不妨一試！

chatterbox cafe @ 圍方又到睇戲時間…今日黎圍方睇戲…之前都會去番大圍嗰邊搵食。 今次就試下圍方…呢度都有幾多選擇但就以連鎖店居多…立下水牌想食下雞飯就揀左chatterbox。 主要之前見到d post野食唔錯！原先店員介紹套餐…不過套餐主食叫雞的話…就只可以叫雞無得揀其他野。 貪心的me最後散打海南雞飯 飯乾身有飯香又唔油膩…唔錯。 雞湯有炸洋蔥碎幾香幾好飲…要讚下個湯好夠熱。 雞肉份量都唔少…雞胸位都唔會鞋柴…配左醬油幾香夠厚身, 薑蓉同辣醬。 鐵板蟹肉蘿蔔糕 蟹肉份量好多。 炒蛋入面既係白雪雪既粒粒蘿蔔糕。 味道ok…不過整體味道淡左dd…無左星洲野應有既惹味串燒拼盤有豬牛雞 肉都燒得唔錯…肉質保持juicy。 沙嗲汁有花生粒…幾香沙嗲味…不過偏甜左dd炒河粉燴牛肉 呢個份量好大 無論河粉定牛肉。 牛肉幾嫩滑…河粉煙韌…個獻汁都調得幾好味蝦多士 蝦滑都香蝦味…唔會油膩。 不過蝦滑就比較薄dd香煎辣魚餅 未試過所以試下。 魚餅跟左4塊麵包。 當三文治夾黎食。魚餅辣辣地而個質感有d似韓國魚糕…好有理由相信佢地係有親戚關系。整體食物唔錯…但一定要讚下呢度服務好好…店員

想食一個穩陣又好味嘅海南雞飯，去Chatterbox café就最理想！約咗朋友喺大圍食飯，圍方就有一間，非常方便。海南雞飯係絕對絕對唔可以錯過！每一次都係非常肥美，雞肉幼嫩，超鍾意佢碗飯，香噴噴，好食到停唔到！雞皮好薄，唔會太肥，非常抵讚！二人餐Combo可以揀兩款主食之外，仲有菜、一款小食，炒蘿蔔糕，甜甜地，口感好QQ，好有趣除咗二人餐，唔小心俾佢嘅期間限定菜式吸引到！🥰🥰🥰係鹹蛋魚皮啊！做到超級香脆，好輕好薄，但鹹香味好出！同魚皮一齊叫嘅一個小食ComboDouble the yum 😎😎係好輕身，但非常脆嘅腐皮！配搭凍飲，一流！我見佢哋而家有一個Cuisine Rewards會員計劃，免費登記，仲有超過$400嘅迎新優惠，橫掂間中都會去唔同嘅分店食，睇嚟都要join! 😎😎

Chatterbox Cafe（圍方）餐廳位於新界沙田大圍車公廟路18號圍方3樓,餐廳裝修族新,設計充滿東南亞色彩,餐廳現時舉行全新會員優惠計劃,免費登記Cuisine Rewards可盡享超過400元迎新優惠,包括25元優惠券及免費特色鹹蛋雞翼優惠券。文華海南雞飯餐廳招牌菜之一,海南雞飯配料有香茜,車厘茄和青瓜作點綴,配有椰菜豆腐湯,油飯,辣醬,薑蓉和醬油,雞肉口感嫩滑,油香肉嫩,點買配料更美味可口,油飯口感軟糯,飲品有機紅榭茶。星洲海鮮炒貴刁炒貴刁上桌芳香樸鼻,好有鑊氣,配料有韭菜,椰菜,芽菜,魚乾仔,臘腸,帶子,海蝦,魷魚和雞蛋,材料豐富,貴刁比較幼細,口感香滑,海鮮新鮮,魷魚和海蝦爽口兼彈牙,魚乾仔和臘腸好香口,飲品有節咖啡。甜品有椰子雙球雪糕,配有薄荷葉作點綴,香濃椰子雪糕有椰絲口感。

同朋友行開圍方，發覺呢間星加坡餐廳原來有二人套餐，價錢好似唔錯，所以試一試．今次點了的「二人滋味套餐」，餐牌設計不錯，選擇多樣，正好滿足兩人的胃口。以下分享每道菜式的感受：．*黑醬油炒蘿蔔糕（半份）*炒得香氣四溢，蘿蔔糕內裡軟滑，醬香濃郁但不過鹹。半份剛好作為開胃小菜，十分惹味。．*文華海南雞飯*海南雞肉滑嫩，油香而不膩，配上白飯，雞油的香氣滲透其中。雞飯的味道平衡，無需升級已經十分滿意。．*星州海鮮炒貴刁*炒貴刁的火候掌握得宜，河粉不過於油膩，搭配星州醬汁，充滿南洋風情，值得推薦。．*醬油生菜生菜保留了清脆的口感，醬油調味簡單卻有層次，作為配菜十分合適，能中和其他菜式的重口味。．*熱錫蘭奶茶奶茶茶香濃郁且順滑，溫熱的口感十分舒心，是套餐內的亮點之一。．*凍檸檬茶（+$10）檸檬茶冰涼配合埋個套餐，額外加$10升級也相當值得。．整體而言，套餐設計周到，無論口感還是分量都非常合適，而且價錢合理，兩個人坐低食吓飯傾吓偈確實唔錯。

起大圍圍方嘅 食咗一餐晚飯，環境舒服闊落，本身喺尖沙咀都食過佢嘅分店，唔錯🍴 整體黎講呢度嘅菜式價錢唔算平，但質素都對得住，啱晒想搵個地方慢慢享受晚餐嘅時候～👩‍🍳✨白胡椒肉骨茶配麵線 $142白胡椒味道啱啱好，唔會嗆喉又夠香～湯底飲落暖笠笠，仲有啲微辣嘅後勁！欣賞有半粒原隻蒜頭起湯，可以慢慢食，配埋麵線，吸晒湯底精華，滑溜溜又唔會太鹹～🍜🔥香辣蒜茸秋葵 +$68秋葵好嫩滑，夾埋啲蒜茸香氣，好惹味！有少少辣椒粒，香辣程度適中！🌶️🧄🥬原個鮮椰青 $68呢個椰青用黎解辣～大大個椰水清甜，飲落好爽口，有啲天然椰香～飲完仲可以用湯匙刮啲椰肉食～🥥💧

第一次食呢一間嘅海南雞飯感覺好有驚喜啲雞好滑黃油飯好香三個汁我最鍾意就係辣辣地紅色個喎有好開胃嘅感覺個餐仲包咗碗湯，不過個人就麻麻哋，好重蒜頭味天氣咁熱我哋加咗杯特飲紅莓鮮果梳打，味道正常，飲完都好解渴

隱身於商場，以淺木色調搭配藤編燈飾，低調復刻南洋咖啡店氛圍。卡座間寬敞輕鬆文華海南雞飯 升級雞髀 - 雞肉低溫慢煮，皮下凝脂像啫喱呢，肉質嫩滑！ - 隱藏食法：新加坡黑醬油濃醇，薑蓉辛香和辣椒醬鮮辣，三重暴擊！ 越南炸豬扒配香米飯 - 梅頭肉炸到香濃，醃製時加入魚露和青檸汁，炸衣薄脆「咔嚓」有聲。 - 伴碟之蕃茄酸甜醒胃，完美中和炸物油膩感馬來西亞蘿蔔糕 - 即叫即製！香蒜粒蘿蔔糕外層焦脆，內裡滿滿白蘿蔔絲清甜飲品小心機 熱檸檬茶用香香茶底甜品壓軸戲椰子香濃，口感層次分明～棒免費登記Cuisine Rewards 全新會員計劃，享受總值超過$400迎新優惠喔

係圍方揀返好耐無食過嘅新加坡菜水準依舊唔錯二人餐$348 for 2二人餐有小食、有兩個主菜、蔬菜同埋野飲小食揀左咸蛋雞中翼超香咸蛋黃味 雞翼炸到外皮超級脆，咸蛋黃勁香，十分邪惡！招牌菜一定要叫海南雞飯，雞肉依然係好嫩滑，啲油飯煮得好香，點埋啲醬料食好有南洋風味香炒河粉燴牛鑊氣十足，牛肉份量都幾多估唔到幾有驚喜醬油生菜營簡單清爽嘅配菜，生菜新鮮脆口見到新出特色飲品，凍熱情果柑桔綠茶 酸酸甜甜，好清爽熱錫蘭奶茶茶味香濃，飲落順滑呢晚仲做埋會員 有得免費ioin「 CuisineRewards 全新會員計劃」，有$400迎新優惠，包括$25優惠券及免費特色咸蛋雞翼優惠券，下次嚟食用先！

來到大圍圍方行行街見這間餐廳坐位舒適，適合友人傾談。一看餐牌就果斷叫了二人餐，選擇多多不太局限！這次品嚐了的套餐，包含特色炸素春卷、招牌海南雞飯、招牌大蝦喇沙、醬油生菜，並附兩杯飲品。整體風味濃郁地道，充滿東南亞特色！🥟 特色炸素春卷外皮炸得金黃酥脆，咬下去咔嗞作響，內餡是清甜的胡蘿蔔絲、爽脆胡蘿蔔，搭配微酸辣的泰式醬汁，開胃又不會油膩，素食者也能享受這道香口小食！🍗 招牌海南雞飯雞肉嫩滑得幾乎入口即化，雞皮帶着晶瑩的膠質，蘸上靈魂辣椒醬——蒜香中帶點酸辣，超級提味！香茅薑黃飯粒粒分明，散發着濃郁香料香氣，單吃飯都滿足。旁邊的老抽和薑蓉讓味道層次更豐富，絕對是鎮店之寶！🍜 招牌大蝦喇沙一上桌就聞到濃濃的椰奶香，湯頭醇厚帶微辣，喝起來順喉不膩。兩隻大蝦新鮮彈牙，魚片嫩滑，吸飽湯汁的豆卜咬下去會爆汁！米線的口感很特別，配上脆爽芽菜和蛋，每一勺都是滿滿的南洋風味，重口味愛好者必點！🥬 醬油生菜翠綠的生菜淋上鹹甜適中的醬油，炸蒜粒和芝麻增添香氣，清脆解膩，剛好平衡了炸物和椰漿的濃郁感。

環境位置方便，以淺木色調搭配藤編燈飾，輕鬆之感覺 文華海南雞飯雞肉嫩滑！油飯香而不膩，蘸上醬油和薑蓉，正宗新加坡風味～ 棒，啖啖肉滿足！ 越南炸豬扒配香米飯豬扒炸得金黄酥脆，肉質鬆化，酸甜醬汁，令人開胃～ 馬來西亞炸豆腐外皮微脆，內裡豆香濃郁，蘸甜辣醬，味道惹味喔！ 飲品小驚喜熱檸檬茶，酸甜解膩。熱檸水清爽，怕甜人士首選～ 甜品壓軸椰子雪糕椰香爆炸！雪糕綿密，幸福～ 假日可能要等位，登記Cuisine Rewards 全新會員計劃，享受總值超過$400迎新優惠喔

位於大圍市中心的馬來西亞餐廳，裝修相當靚，充滿熱帶風情。座位設計舒適，適合朋友聚餐或家庭聚會。我試了他們的招牌海南雞飯，雞肉鮮嫩多汁，皮薄肉滑，搭配特製的醬油和香油，味道非常出色。米飯香氣四溢，粒粒分明，真係食過返尋味。另一道肉骨茶也相當推薦，湯底濃郁，味道香醇，裡面有多種藥材和香料，喝一口就感受到暖意。肉骨煮得剛剛好，肉質軟嫩，與湯底的搭配非常完美。這間餐廳不單止食物好味，環境亦十分舒適，值得一試。無論是想品嚐地道的馬來西亞風味，還是與朋友分享美好時光，這裡都非常合適。下次一定要再來！

最近去咗間好有驚喜嘅馬來西亞餐廳，裝修好有南洋風情，木系傢俬配暖色燈光，坐得舒服又夠情調。平日夜晚七點幾到，已經八成滿，好彩早到唔使等位！首先試咗招牌肉骨茶，一上枱就聞到濃濃藥材香，湯底深色但唔會太鹹，飲落有當歸、杞子嘅甘甜，排骨燉到鬆化，仲有冬菇同豆卜索盡湯汁，跟油條點湯食超正！跟住係咖喱雞，咖喱汁香濃帶椰奶香，辣度溫和好易入口，雞件嫩滑無雪藏味，薯仔煮到粉糯，撈飯食簡直停唔到口！服務員態度友善，上菜速度合理，人均消費約$150，以咁嘅食物質素同環境絕對抵食！已經約定朋友下次再嚟試海南雞飯同喇沙～

Chatterbox Café 係新加坡有名過江龍，主打星馬菜，黎左香港都開左好幾間分店，今次第一次同朋友黎大圍分店試一試😝環境光猛闊落，乾淨衛生。侍應殷勤接待，感覺不錯。侍應主動介紹期間限定食品：有特色咸蛋魚皮及參巴辣椒炒通菜，呢幾款都係精選推介👍因為我同朋友見到二人套餐 （$348）真係非常抵食，忍唔住叫左😆下次黎真係必食呢度既推介精選🤭🔆小食Snack 黑醬油炒蘿蔔糕醬油香濃、鑊氣十足，炒蘿蔔糕外層微焦脆，內裡保留蘿蔔絲的軟嫩，不會過粉或太爛。搭配黑醬油（甜醬油）和鹹香，非常惹味！🔆主菜Mains 星洲海南炸豬扒配香米飯厚切豬扒炸得鬆化，食落酥脆多汁，一啲都吾不油膩。配搭埋甜甜酸酸特色醬汁，好開胃惹味。香米飯係油飯黎，整體豐富又飽足。星洲海鮮炒貴刁上到黎熱辣辣，鑊氣十足，帶點微微焦香，炒得乾身不油膩，醬汁均勻包裹每條粿條，海鮮亦非常新鮮，爽口彈牙。份量亦大大碟。🔆蔬菜Vegetable醬油生菜🔆飲品Drinks凍檸茶 凍奶茶剛剛侍應亦派左單張介紹Cuisine Rewards 全新會員計劃，免費登記之餘，仲有超過$400迎新優惠添，當中吾少得$25優惠券同埋免費特色咸蛋雞翼優惠券

來自新加坡文華酒店的名廚圍方就在大圍名城旁邊，餐廳裝修屬東南亞高雅風❤️有美麗打卡位。Tea time時間，淺淺地吃個下午茶。🐥文華海南雞飯雞皮淡淡奶黃色，皮脆肉滑，雞肉帶有鹹鮮味，沾了3色海南雞醬後更是下飯。套餐還有以雞骨淆製的鮮美雞湯，湯中加有生菜絲和豆腐。🍝海鮮炒貴刁相對海南雞正氣健康，炒貴刁多了一份火氣🔥原粒大帶子、爽口大蝦、彈牙魷魚、清爽芽菜、甜口臘腸，大火快炒🤩醬油色貴刁油亮香口，好可怕😭會停唔到口！