Chatterbox Café (圍方)

营业中

休息中

來自新加坡文華大酒店的chatterbox cafe 除了海南雞出名外，還有其他新加坡地道菜式😋座位舒適，環境優雅，枱與枱之間都有距離感😊 Lunch set $88起 可追加小食，可加錢轉其他飲品😊文華海南雞飯 $138呢個係招牌菜一定要叫😋用了無骨海南雞，食嘅來啖啖肉，肉質嫩滑， 旁邊配有三款醬料：黑醬汁，薑蓉及自家秘制辣醬比你點，自制辣醬好特別嘅香辣好惹味😋 香米飯好香粒粒分明好味而不覺油膩👍星洲海鮮炒貴刁 $128貴刁炒得好乾身，每一條粉都均勻包上醬汁，色澤油香，有蠟腸炒起香濃很多一點都不帶辣， 海鮮有大蝦，帶子，鮮魷魚加埋香蔥芽菜蛋絲配料，每樣都好夾😋黑醬油蘿蔔糕+$25細細粒好易食，入口綿密，每粒都沾滿黑醬油很惹味😋椰子牛奶咖啡 +$16濃郁椰子味，杯邊還撒了少少椰絲加多了入口時多了一份口感😜芒果菠蘿梳打 +$24把新鮮芒果同菠蘿搞勻後，入口鮮甜可口，夏天佳品😋

新加坡過江龍Chatterbox出名嫩滑海南雞店內充滿新加坡南洋佈局色彩繽紛嘅壁畫更吸引到👩🏻👧🏻去打卡🤗今次我哋order咗 🍴文華海南雞飯 $138海南雞超嫩滑！就算唔係脾位 係雞胸位都一樣咁嫩咁滑 咸香雞味再配雞油飯 仲有雞皮仲係爽滑 係薄皮脆口嘅口感加上有3款醬汁各有特色好味到想再添飯🍹凍美祿恐龍（+$24）應該要叫勁爆美祿 因為有勁多美祿粉、美祿波波粒 勁好飲🍴雞絲雞湯河粉 $88雞湯味濃但又清甜 雞絲都頗多 肉質嫩滑可口仲有鮮甜嘅小棠菜同脆香嘅炸蒜都令碗河粉加唔少分不過略嫌河粉太碎😅🍹椰子雪糕菠蘿梳打 （+$28）香滑嘅椰子雪糕配上酸甜菠蘿層次感豐富😋除咗色彩繽紛之外仲好解渴🤗Chatterbox Café ( #大圍 ) @chatterboxcafehongkong 📍大圍車公廟路18號圍方3樓304號舖#圍方 #thewai #沙田美食 #大圍美食 #海南雞 #cafe #lcty食誌 #香港美食 #18區美食 #hkfoodie #hkeats #香港好去處 #美食 #香港 #香港探店 #香港必吃 #香港生活

去大圍圍方食飯，正值暑假，周圍人山人海，加上停車場下午六點後有泊車優惠，只需用電子消費滿$200可免費泊車4個鐘，應該吸引好多揸車人士😀😀點咗二人餐小食：馬來特色炸豆腐主菜：文華海南雞飯海南雞真係好滑滑，已經去骨，而且配上幾種醬料，本人最喜歡雞茸，同雞原味配搭主菜：星洲海鮮炒貴刁有大蝦同帶子，好大份蔬菜：蠔油小棠菜菜好新鮮，菜頭唔會苦，好食飲品：凍檸檬水另外加配甜品：雙球椰子雪糕裏面有粒粒椰絲和清甜的椰子味，非常推介😊😊另外加配沙嗲串燒拼盤雞肉和牛肉都好好味😊兩個人食真係飽，我哋盡力食，唔做大嘥鬼😊😊😊

去到大圍圍方商場，泊低架車之後，搵咗間食海南雞飯出名嘅餐廳食個靚晚餐，兩個人入到去見到隔籬枱個個都食海南雞飯，即刻都點返一set，果然冇失望，冇骨海南雞，香軟嫩滑，肉質鮮美，非常可口，記得要點薑蓉，大大提升雞味，配一碗油飯非常夾，另外朋友點了一個串燒拼盤，有雞肉串，牛肉串和羊肉串。串燒味道啱啱好，而且肉質鮮味，加少少醬汁確實好有風味。另外再加了一個星洲海鮮炒貴刁，好大大隻蝦，爽口彈牙，後來發現有一隻勁大的帶子，抵讚抵讚。嗌咗杯斑斕咖啡直頭好似去咗東南亞，十分滿足。

今日黎行大圍新商場想食海南雞飯，就入咗呢間餐廳食店舖裝修非常新淨光猛，座位都多唔需要等位。直接叫咗個二人餐$348,比散叫更加抵食🔸小食:黑醬油炒鮮蝦蘿蔔糕本著未食過炒嘅蘿蔔糕就叫嚟食，成碟都係軟腍腍，醬油都好入味，用嚟送飯更佳🔸主食:文華海南雞飯油飯好出色，個飯本身已經有味，亦唔會太油。海南雞好嫩滑，佢有配三個醬料:分別係薑蓉，辣椒醬同埋黑醬油。朋友最鍾意點辣椒醬，更能提鮮。而海南雞飯配嘅湯更加冇得頂，好鍾意飲個湯(˶‾᷄ ⁻̫ ‾᷅˵)🔸主食:白胡椒肉骨茶配飯 +$20(我哋改咗麵線)肉骨茶嚟講藥材味唔重，白胡椒味比較出，基本上我哋都飲晒個湯。🔸菜: 蠔油小棠菜唔使多講，連個菜都好食🔸飲品: 錫蘭奶茶呢個不過不失Overall, 埋單連加一$400, 算係抵食又好飽嘅晚餐，性價比唔錯😌

之前去過尖咀想既chatter box café，今次去開大圍再次幫襯就試下新野，主打係佢期間限定menu。1香炒咖哩鮮魷魚配白飯：這道菜的咖哩香氣撲鼻，魷魚鮮嫩多汁，與白飯搭配得恰到好處。咖哩醬汁濃郁，讓每一口都充滿了風味，令人回味無窮。2.星州海鮮炒貴刁：這道星州海鮮炒貴刁份量十足，海鮮如蝦、魷魚和帶子都非常新鮮。炒貴刁的火候掌握得很好，帶有一點鍋氣，口感豐富，是一道非常滿足的主菜。3.椰子雪糕番石榴梳打：這款飲品/甜品非常清爽，椰子雪糕的濃郁奶香與番石榴梳打的酸甜味道完美結合。環境方面，餐廳裝潢現代，座位舒適，燈光柔和。乾淨整潔，餐桌同地面保持得非常乾淨。服務效率高，點餐同上菜速度快，服務員對客人嘅需求反應迅速。

Chatterbox Café (圍方) 早排出圍方同朋友交收,順便食飯啦上左樓上既海南雞飯專門店今日個人病病地,見到有肉骨茶湯米線另外就叫左份海南雞飯雞飯一如平常都係去骨,今日水準特別好, 雞肉好滑好食反而係肉骨茶湯米線印像深刻估唔到可以咁好飲肉排係用鮮肉,食起上黎有肥有瘦,一咬就撕得開,肉嫩,因為個人好病,精神好差,飲呢碗肉骨茶湯,成身汗迫曬D唔舒服既感覺出黎,出一身汗,成個人爽曬,最近流感好勁,大家都要小心#圍方 #香港美食 #大圍美食 地址 大圍車公廟路18號圍方3樓304號舖Shop 304, 3/F, The Wai, 18 Che Kung Miu Road, Tai Wai港鐵大圍站 D 出口, 步行約1分鐘

呢排出左dinner set幾抵食😍海南雞同咸蛋雞中翼仍然係我最喜愛😋食過好多間都食唔到呢種咁高質😍😍📍二人滋味套餐咸蛋雞中翼2隻星州海鮮炒貴刁文華海南雞飯配香米飯醬油生菜加配 黑醬油炒蘿蔔糕（半份）香脆薄餅4件配咖喱汁，蔬菜條📍雞肉沙嗲6串📍凍美祿恐龍雞飯真心得！幫襯咁多次都係咁正！個文華海南雞飯承傳新加坡文華酒店正宗風味，啖啖鮮嫩嘅無骨雞肉 ，雞皮爽滑，油脂比例啱啱好，配以油香撲鼻嘅香米飯 。

晚上嚟左係大圍圍方嘅Chatterbox Café ，叫左個文華海南雞飯，成個餐有海南切雞、油飯、雞湯、醬汁配料。海南切雞好有光澤，雞皮好滑溜，雞肉肉味幾濃，肉質滑身。油飯粒粒分明，幾清爽。雞湯清清地，不過不失。醬汁入面嘅薑蓉有薑嘅辣度，好味。另外叫左白胡椒肉骨茶配白飯同油炸鬼，白胡椒肉骨茶入面有豆泡、連皮大蒜、草菇，白胡椒湯嘅胡椒辣度好香口，油炸鬼吸左啲白胡椒湯汁仲係咁脆，肉骨嘅皮骨比例平均，大大件。

香港有幾間分店🇸🇬🌈正宗到食到新加坡菜文華海南雞飯 $138舉世聞名的海南雞飯 嫩滑的雞肉香噴噴的米飯仲有雞湯配有他們自製的辣椒、薑和黑醬油雞肉 份量適中，當然仲想食啦咁好食飯就少啲啦200克米飯食完會再想食，唔夠喉招牌蝦烤寬麵條 $178粗米粉配大蝦、雞蛋、魚餅、豆乾和辣椰汁價錢其實都貴，好似食拉麵咁😂咁二個大人，傾吓偈，食吓美食，都OK呀👍🏻好食就一定😂炸素春捲（6個） $ 68呢排成日都想食春卷，又唔錯喎睇吓佢個皮整得好脆，又唔會油淋淋仲要係素幾健康，唔使成日食肉紅莓鮮果梳打 $48呢杯叫俾個小朋友飲飲得佢好開心唔會太甜，唔會太淡，都可以叫👍🏻

第一次去行圍方，竟然見到呢間新加坡出名嘅餐廳，當然立即入去探店！睇返餐牌，價錢合理，當中亦有啲期間限定嘅菜式同特飲，而我當然叫咗我念念不忘嘅招牌菜~海南雞飯喇😬佢有個二人餐都幾抵食！不過今晚胃口唔大，所以點咗單點😆文華海南雞飯~附有三種醬汁，每一個口味都各具特色，應該係秘製嘅！喺出面未食過同樣味道，油飯更加香而不膩，主角海南雞，雞肉嫩滑，帶有微微酒香，而湯品亦都夠曬鮮甜。星洲海鮮炒貴刁~大大粒超厚帶子，大大隻蝦！完全可以令人驚喜！炒得非常乾身，有鑊氣，附上一小碟辣椒豉油，更覺惹味

今日去圍方行下新商場，想食海南雞，即刻就諗起呢間Chartterbox, 原來呢度都新開左我地叫左個二人滋味套餐咸蛋雞中翼2隻新鮮炸起熱辣辣，夠哂脆口，蛋黃醬夠濃好惹味星州海鮮炒貴刁呢個炒特好夠穫氣，仲有大蝦、帶子同魷魚，非常豐富文華海南雞飯配香米飯呢個海南雞真係好出色，又嫩又滑醬油生菜加配 黑醬油炒蘿蔔糕（半份）加配左呢個特別既菜式，都好好味香脆薄餅4件配咖喱汁，蔬菜條呢個個咖喱汁辣辣地好正雞肉沙嗲6串再加左呢個好香口既雞肉串燒，沙嗲汁都唔錯凍美祿恐龍青檸梳打 兩杯飲品各有特色，必點美祿恐龍

去咗大圍圍方 Chatterbox Café, 之前已經食過一次，好喜歡座位之間有一定距離，跟朋友傾幾都可以盡興。 1 / 文華海南雞飯 (HK$118)呢個招牌菜一定要食，配搭三款醬汁，香辣、蒜香、甜醬油三款醬汁，各有特色。冇骨嘅海南雞啖啖肉，肉質嫩滑，皮忍唔住都食埋。淡黃色雞飯吸收了雞湯精華，散發著海南雞飯特有香氣。 2/ 鐵板蠔餅 (HK$118) (限定菜式) 〔另加+ $48有白飯及一杯期間限定飲品〕用鐵板上枱所以熱辣辣，表面鋪了很多芽菜，有蛋汁，有不少蠔仔 3/ 椰子雪糕菠蘿梳打 (限定飲品)椰子雪糕有椰子蓉，值得推介 QR落單嘅時候，發現可以加配依個：4/ 香脆薄餅配咖喱汁及蔬菜條脆卜卜薄餅！加一點咖喱汁，少少辣，好好食，好有趣 下次再嚟食啦

星期六上網預約咗一點正， 我哋七個大人一個小朋友 被安排坐餐廳中央長枱位置， 我哋叫咗一個四人餐$708 及一個二人餐$368， 包六杯飲品 ，額外升級飲品 通常要加24蚊或者18蚊💸( 有 涼粉冰 、青檸梳打、 薏米水 、美祿恐龍 等等供選擇)， 套餐入面有多項主菜和粉麵飯 選擇，但有多項係要額外加錢升級，最終我哋加$去order 。2個餐共有: 小食拼盤、海南雞飯、海鮮炒貴刁、 炸豬扒配 香米飯 、香炒河粉燴牛肉 ，大蝦喇沙 ， 黑醬油炒蘿蔔糕 ，仲有兩碟菜 (生菜和小棠菜)， 整體上食物ok，最好味係海南雞飯 同埋 炒蘿蔔糕， 飲品足料 😍芒果菠蘿冰真係有一塊塊菠蘿佔三分一杯，涼粉冰成個杯都有涼粉， 青檸梳打有整個青檸畀你💚🤩， 真材實料，並不是出面齋合成香料hea你。 做會員有一球雪糕同埋50蚊coupon送， 入會的會費可以即場扣返 用落張單。 埋單連加一，$1322， 性價比just so so，人均($165)， 值得一讚💯係 服務員十分有禮貌，有效率💝 有機會下次再嚟。

咁啱去大圍做嘢，隨便搵一間餐廳就入去食。無乜人，算舒服，lunch 連加一 $98…好一般的炒麵，份量都OK，都有啲料，有兩三隻蝦，算係咁～ 我見好多人食海南雞，比較少人叫炒麵🫢奶茶就正常啦，我比較喜歡港式奶茶多啲. Overall, average meal and service.