ChaTraMue (已結業)

香港人愛到泰國旅遊，其中喝泰國手標奶茶更是不可或缺的行程手標奶茶近日在銅鑼灣開店，立即帶起一股打卡熱潮。有不少評論說是泰國喝到的水準，還原度接近百分百，所以我特意來嚐嚐我點了「正宗泰國奶茶」（少甜）加「斑蘭珍珠」，奶茶茶味非常香濃其實我在泰國喝過2次手標奶茶，但總覺得煉奶太多，蓋過了茶味像煉奶水般。 幸好香港這杯是茶味較濃，也可能因爲叫了少甜，所以甜度適中，我覺得比泰國的味道更好不過「斑蘭珍珠」則很一般，斑蘭味很淡，口感太軟了，不像台式珍珠般煙韌有嚼口，不太推薦

ChaTraMue係泰國好出名既一個奶茶品牌，但我之前去泰國冇飲過😢所以知道係香港開總店真係好想試下啊！我同我男朋友約定今日一齊去銅鑼灣行街，順便排隊飲呢個泰式奶茶，其實今日都應該係係香港開左店大概一個星期，但都仲係好多人排隊😂我地諗左好耐究竟飲咩好😊本身其實有啲想試下佢既特飲，不過我男朋友話第一次飲梗係試佢最正宗既奶茶，所以我地叫左杯正宗泰國奶茶同埋正宗泰國綠奶茶，兩杯都係有加到珍珠的。因為都要等接近二十幾個到，我地就想睇下入面會唔會有位坐，點知好好彩咁岩真係有人離開，我地就可以霸到位慢慢等了！終於飲到了！！ 味道方面我覺得唔會太甜，可能真係有稍微調整過咁🙈飲落其實都好重茶味的，感覺真係好正宗！！但略嫌真係有太多冰了，啲冰係好大粒同好多😅我地整極枝飲管都覺得好難食到裡面啲珍珠！結果飲哂成杯奶茶之後，都係決定放棄裡面啲珍珠！

第一次飲，同係泰國買嘅茶葉一樣味。一杯chalum（奶茶） 有佢獨特嘅椰香味，我諗就係只能少甜嘅原因。其實泰國人都好飲得甜，但我覺得少甜反而係我要求嘅正常甜，好難想像正常有幾甜。但都不能怪的，因為佢係泰國特色。飲得甜都幾似台灣嘅奶茶，可以有幾甜得幾甜，而令人忘記飲奶茶重點係茶同奶嘅配合。所以港式奶茶反而勝過曬台灣同泰國奶茶，可以選擇甜度，正如之前係尖沙咀主打賣絲襪奶茶嘅善茶。唔同甜度奶茶嘅味道都會有變化。講番轉頭，依杯奶茶都幾香，熱飲真係好熱。但店員話無杯套，我又唔見有紙巾供應，所以都係辣手，另一問題係佢只能拎住，杯蓋無封口位，如果買十幾杯熱泰式奶茶可能會倒瀉。出餐情況可以改善，等一杯野都要5分鐘，唔知係人手問題定係沖得慢，而想製造人龍及多人效果。另外，見人哋買凍飲，個杯係幾大杯嘅，但啲冰真心多，少冰都好似多冰咁，唔怪得個杯大，俾人感覺都合理，但咁樣不如轉細個杯，冰嘅份量少啲仲好啦，雖然話泰國長期都係好熱，啲國民好中意多冰，但香港天氣唔會咁熱，希望佢哋可以作出區域調整。所以有一點幾岩，佢哋飲品凍嘅真係凍，熱嘅真係好熱。總括而言，有泰國特色，可以試下。

🍵正宗泰國綠奶茶加斑蘭珍珠🍃 ($29+5)🥰✔️可揀正常甜或者少甜 無❌無糖 揀叫咗少甜 冰度固定無得改❄️同正常泰國奶茶唔同 呢款用泰國綠茶去沖👍🏻無紅茶咁濃 但有好清香淡椰味🥥整杯味道淡口但香滑 個人十分喜歡😊無得少冰 會易啲飲到無味🤭斑蘭珍珠有𡁻口 唔粉 有斑蘭獨有嘅奶香😍唔錯唔錯 可以去試試😆題外話：latte先係用鮮奶沖🐄其他是奶粉哦

當人人都話好飲嘅時候，我想係要諗吓，究竟係邊度岀問題。我其實好鍾意飲呢間嘅泰茶，喺泰國嘅時候都有飲，都覺得好好飲，好飲到我買咗一盒茶葉諗住攞返香港自己沖，但可惜，太懶仲係未沖過的。當我知道呢間嘢會嚟香港開舖嗰陣，已經好開心好期待可以快啲飲到。我去嗰日落雨，愈嚟愈大，條隊無咁多人，所以我諗住排一陣就攞得，點知到等咗20-30分鐘先攞到，飲落去第一啖就覺得，咦唔對路喎，點解唔甜嘅，再睇下，原來啲煉奶味攪勻，有好多仲沉咗係底，無嘢嘅，我再攪匀咪得囉，但愈飲就愈啖，太多冰，又無得少冰，坐咗5分鐘倒，已經好似飲梗冰水咁，完全無泰茶嘅味道，成杯都係冰水嚟，但有勁稀嘅奶茶味，仲要係英式奶茶嘅奶茶，唔係泰國奶茶陣味嚟，超級失望。我見到有人話好飲，我好好奇，明明稀到無味，點解佢地話好重茶味呢？我估可能係我呢杯失手，個味完全唔同咗。點都好，我好鍾意飲泰茶，我都會畀多次機會再試下，或者試下另一隻味，可能會好啲。🙈

哈哈，今日接個朋友收工，之後教突如其來話想食雪糕，跟住本身想去喜茶食，之後諗諗下好似有間泰式奶茶店開左，但佢話平時都好多人排隊，果下有d驚行到過去無得食😂，因為吾想排隊，好好在，可能落雨關係，都吾係好多人，入面幾好，有得搵位坐下，飲杯野，食下雪糕咁之後我個朋友就話不如去試下呀，因為始終又新開同佢試過佢間既野杯都吾錯，latte 正，我地驚食唔哂就叫左一杯混味🧁綠茶泰式奶茶雪糕，第一口感，佢吾係屬於好軟好滑果種雪糕，佢係有點口感，吾滑有質感既，之後佢既綠茶味都好重，同奶茶味夾埋一齊都吾差，果陣我係道諗吾知今晚會不會訓吾著因爲茶味太濃但整體都吾好味👍

之前好幾次BKK都儀發現呢個牌子嘅Thai tea，直至最近去清邁先explore左，然後愛上🤤點知竟然過左一排係香港開！勁excited! 之前係清邁飲左最出名嘅Thai tea同Thai green tea，仲有試左雪糕！呢排因爲香港新舖岩岩開，所以都有好多publishers share d reviews!今日開完會經過係無特登揾嘅情況下竟然pass by間舖，又唔算好多人等，就買左黎試！買左個Thai tea雪糕，但食落唔太出色，同清邁都爭啲，有啲失望😞

最近人氣爆燈嘅過江龍泰式飲品店黎左銅鑼灣 經過當然要試試🧡。🥤正宗泰式奶茶 $29過江龍一於試吓係咪好似正宗泰國奶茶咁正先！今次叫咗少甜 可惜冰係已經定好嘅 冇得叫少冰😕個人略嫌冰太多 唔知點解冰度唔可以調校🤷🏻‍♀飲落去茶味極度香濃 少甜可以接受👍🏼有驚喜 感覺同泰國飲嘅Thai tea冇咩分別🥳價錢亦可以接受 鍾意飲泰國奶茶嘅朋友可以試下呀❤。🍦泰式奶茶x綠茶雪糕 $25專登黎到又點會試得一樣😎自己對佢地嘅雪糕好好奇❤😗第一啖已經非常驚艷😍係非常濃郁的茶香味🍃比飲品還濃 兩者口味都正 不過個人認為綠茶口味好特別 融入泰式味道(?) 😂而且口感細滑 這個推推推 但份量方面比想像中細🌛推介一開始試可以叫雙拼 兩隻可以一次過試曬✌🏻

開11:30am唔係11點呀!!! 唔好摸門🚪釘喔! 尋日試咗Rose Milk Tea,可揀少甜(70%)但唔可以全走,亦冇得揀少冰/走冰,d冰多到一個點,不過好香玫瑰花🌹味. 諗住今日再試埋其他味,但係未開門...🤣🤣🤣 所以重要嘅事講3次: 開11:30am唔係11點呀!!! 唔好摸門🚪釘喔! 開11:30am唔係11點呀!!! 唔好摸門🚪釘喔! 開11:30am唔係11點呀!!! 唔好摸門🚪釘喔!

今日開張，等晏小小開鋪就即刻試試佢。先講下門面先，裝修唔錯，內部都有座位比人堂飲堂食。可以新開未有咁多人知，又或者等太早排買飛都係排7-8個人就到我，之後就係等拎預6-7分鐘左右。都好多選擇，唔飲野食雪糕都可以。今之最主要緊係試左佢個招牌泰式奶茶先啦。一杯都係$28。網上都有人講過話佢地會調教返香港人嘅口味。因為去過泰國飲過泰式奶茶既人都知，泰國真係落到好甜。點左一杯正常甜既泰式奶茶，果然教岩香港人口味，保持到甜味，飲到落口又唔會膩。茶香無比甜味蓋過，飲落好香泰茶味。可以再試

聽聞在泰國很火紅的奶茶店開到銅鑼灣所以決定來買杯飲品試試看位置也很容易找 整條街有一半也是賣飲品來到的時候很多人在等飲品耶這家果然很火紅🤭人們也來買飲品打打卡這家還有位置可以坐下來飲東西在香港有一家可以坐的很少·泰國玫瑰花奶茶 HKD$32冰塊是固定份量 甜度可以選擇少甜到我取飲品的時候看到是粉紅色的飲品忍不住要自拍一下 太少女心的顏色飲到挻香的玫瑰味 再飲茶味就飲到出來🤤但一定要快快飲完才行 冰塊溶了會變淡今次就破例飲了一杯凍飲🤭

真心過份！難得正宗泰式奶茶終於可以係香港飲到，梗係去試下啦，但係真係好失望囉！🔥我同朋友一人一杯，分別係泰式奶茶同泰式綠奶茶，都係$29，但係呢29蚊係絕對唔值！🔥買嘅時候想少冰，但係唔得，因為收銀話係固定左，心諗都無所謂，應該唔會多冰得太過份。點知到手之後飲左2啖，就見到d冰係好大粒，仲到頂！飲多幾啖已經飲完！平時一杯同size嘅手搖飲品我正常速度咁飲都可以飲到10-15分鐘，但係呢杯野我係5分鐘飲完！點解？因為成杯都係冰！d冰竟然可以多到痴杯頂！10啖都唔使就飲完！另外味道係飲唔出！因為多冰，凍到飲緊冰水咁，連味都飲唔到！🔥總捨而言，無良心，用29蚊買左杯冰水！

泰國奶茶來港梗係要撐下場，今日放假終於來潮性下，等待時間吾算耐，可能夜晚關係加上有雨，未拎上手已經發現有好多冰，插飲管時發覺連飲管都插吾入已為有咩野頂住😑(買前店員已表明冇得小冰)，真心覺得啲冰多到離哂大譜，啲冰好似起樓啲石頭咁密密麻麻一粒搭住一粒咁，飲管沒有進入空間，飲管要來來回回插幾下先成功入到小小，飲幾啖就冇 有啲失望。。。😔😔同埋味偏淡，可能冰太多關係茶味小同係泰國飲有分別，我就吾會有小次 試過就算

全城熱話的泰式奶茶位於銅鑼灣的方便位置沒去過泰國，只喝過在港不算正宗的泰式奶茶對泰式奶茶的感覺是茶味濃、入口頗順滑這晚，點了兩杯泰國斑蘭珍珠泰茶鮮奶泰國玫瑰花奶茶個人對斑蘭有私心，極喜歡斑蘭的副產品。以斑蘭製成的甜點，更是不能抗拒珍珠Q彈，大小一致，少許煙韌，像粉圓的口感跟市面的台式珍珠奶茶不同整體來說非常配合玫瑰花奶茶打開蓋子會散發陣陣玫瑰花味惟冰塊太大，攪拌得不太順且有少許沖淡了奶茶味喝下是清新的玫瑰味不過，包裝實在太美了🥰

今日eatmug9 #46終於都等到喇當成街都係啲乜乜堂嘅台式奶茶泰式奶茶終於都掘起有去過泰國嘅朋友絕對唔會對"ChaTraMue" 依個牌子(又或者佢個logo)感到陌生熱愛泰國嘅小弟 當然要嚟潮拜一下新店開張條隊水蛇春咁張都絕對唔意外㗎喇飲開經典原味係估唔到原來仲有咁多款式又花茶又雪糕又咖啡唔搞咁多花巧嘢識飲一定飲返classic味嗌咗杯泰式綠奶茶水吧大哥做咗成日都迷迷地沖咗杯泰式綠奶茶走綠畀我一於唔理 影完相先換一貫泰式風味都係味濃奶味充足 同埋飲落有陣陣薄荷香飲完即刻精神晒經典不愧為經典飲到一半再望下杯茶啲冰多到成杯都係即刻諗起食神史提芬周