ChaTraMue (已結業)

之前去曼谷見依間野出名所以都有試過，覺得幾好飲！既然係香港開左，就梗係要去試下啦香港依間野飲選擇都好多！好多款都想試，不過第一次係香港飲就試番佢最傳統嘅泰式奶茶先啦～正宗泰式奶茶都係偏甜，不過又真係幾好飲嘅！依杯係同我係泰國飲嘅味道係一樣好正！另外加左個斑蘭珍珠，個珍珠都有驚喜，好重斑蘭味，而且好有咬口，幾好味！但佢個杯蓋太高支飲管又唔係好夠長所以搞到好難先啜到啲珍珠，有啲唔方便！另外仲試左佢嘅雪糕，$25蚊都幾大杯！個奶茶味好濃，好好食但個抹茶味係同食開嘅抹茶味完全唔同，反而係有啲似茉莉花嘅味道！雖然比想像中唔同但個味又唔錯啵！依間真係無令人失望，下次會去試埋其他野飲

早前去曼谷試了好幾次，念念不忘，香港終於開了！幸好排隊的人數不多，我們排了3分鐘便買到了！今次試試他們家的雪糕！泰式奶茶雪糕這個十分有驚喜！首先份量是頗多的！這個雪糕的味道與我在泰國喝的泰式奶茶一樣，甜度剛好，帶有濃郁的奶茶味，而且口感幼滑，值得推介！朋友點了泰式玫瑰奶茶，這個玫瑰味較濃，帶有點點苦澀的味道，還是喜歡原味泰式奶茶。香港的與泰國的有些不同，是泰國會用碎冰，香港用大顆冰塊，個人比較喜歡用碎冰。下次可以試試他們的雙味雪糕！🤤🤤

去親泰國都必飲的泰式奶茶店終於在香港開分店，對於我這個粉絲來說，一定要去試試啦！雖然都開咗成個月，但係排隊嘅人依然有好多，門口條龍一直現場去到隔離三四間鋪，星期六下午時分排隊俾錢加等嘢飲，總共大約20分鐘，其實還可以接受，只是天氣太熱，排隊俾錢落order的時候，就熱到快溶咗！叫咗一杯泰式奶茶，相比起泰國，價錢當然貴左幾陪，但都唔緊要，明白嘅，如果飲得返在泰國的味道，我願意俾錢架！不過有少少可惜，香港分店的泰式奶茶可能要就香港人口味，未到冇泰國咁甜，味道亦都比較淡。飲到最尾啲冰融左時，成杯奶茶都好似水咁淡啦

泰國茶葉品牌ChaTraMue登陸銅鑼灣, 見口渴, 人龍又不長, 一於買杯試試。飲品款式不少, 既然首次光顧, 一於試最基本的正宗泰國奶茶和追加斑蘭碧綠珍珠。店舖已將甜度調節為港人口味, 故點單時沒再刻意調整冰和甜度。正宗泰國奶茶 $29 + 斑蘭碧綠珍珠 $5奶茶甜度適中, 不會過甜。唯茶的味道不濃, 相比在泰國餐廳飲到的還要淡。而且冰量超多又大粒, 估計超過半杯, 阻礙食珍珠之餘, 喝完奶茶還剩下超多冰。不過話說回來, 如果慢慢飲, 待冰溶化, 相信甜度和茶味會更淡。至於斑蘭珍珠質感偏實, 味道並不突出。整體來說, 性價比不高, 味道偏淡, 冰量超多, 茶量偏少, 試過便算。

今次第二次黎飲當然要試下其他🤪。🌹泰國玫瑰花奶茶 $32樽身好美滿滿的玫瑰花圖案😍原本粉紅色的奶茶有少少令我欲步以為味道會好藥水💊但竟然有驚喜‼️飲得出輕輕的玫瑰花味 味道挺自然花茶香味 並不假 整體幾特別 可以一試😗個人覺得特別過普通泰式奶茶☕。🍃泰國綠茶雪糕 $25經上次試過雙拼後今次果斷點了綠茶味🍵味道好特別而且好濃郁 頗重香料味 有少許薄荷味 這個推推推🌞。📍ChaTraMue (銅鑼灣)銅鑼灣渣甸街49號地舖

最近又有一間飲品店係銅鑼灣插旗，而且仲係渣甸街，係老虎堂對面，老虎堂經已冇咩人排隊 😂 大勢而去，反而今次飲呢間要排隊等，不過唔算多人，排 10 個左右啦，新飲呢個情況係正常嘅，今次入呢間號稱亞洲區泰式奶茶王，今次就試下係咪有料到 😍 #泰式奶茶加碧綠珍珠 $34，一杯泰式珍珠奶茶黎講都算幾貴，不過價錢唔係問題，最緊要係好飲 😛 但問題係唔好飲，泰式奶茶理應係較濃厚同偏小小甜，茶又唔滑奶又淡，= 個名就紅但個餡就唔得，啲珍珠都叫有啲睇頭，係近排興起嘅綠，打卡黎講都算唔錯，亦有小小斑蘭味，但係口感參差，一啲好硬，一啲有淋到爛，就冇一啲煙韌嘅，其實我比左三十四皮唔緊要，刷靚泰式奶茶嘅招牌先係值得嘉許 😋❤️-ChaTraMue銅鑼灣渣甸街 49 號地舖

終於等到冇人排隊喇！上次來嗰陣時見到起碼有50人喺度排隊 嚇到我都吾敢排呀今日終於得幾個人排，好開心 等左10分鐘左右就到我喇泰國奶茶 真係好泰國風味 好甜 但冰實在太多 最搞笑佢冇得小冰 冰係嘢杯野既3分2 跟住支飲管離奇的短 完全十分奇怪囉⋯⋯ 根本飲唔到入邊啲珍珠 珍珠十分好味 正呀！不過啲冰實在太多 多到飲吾到珍珠而泰國檸檬茶都可以既，佢有種酸味好犀利，同普通香港嘅檸檬茶好唔同，可以值得一試嘅 不過都係泰國奶茶最好飲如果下次唔使咁多人排隊都會再返嚟買

杯玫瑰花奶茶加珍珠係不錯的，但成杯都係冰，珍珠又少，點飲呀成$37性價比實在太低。完全唔合理！！！！我對佢真係好失望，飲左幾啖幾話飲哂....好bad!!!! 如果佢唔改善真係唔會再幫襯即使佢味道真係唔錯，但係都太過份！

正宗泰國奶茶 $29 (+斑蘭珍珠 $5) Original Thai Milk Tea (+pandan emerald pearls).黎自泰國嘅過江龍，主打正宗泰式奶茶嘅chatramue殺到黎銅鑼灣！咁啱平日下午人少少經過，唔係唔試呀嘛😏.我地叫左一杯最傳統嘅凍泰式奶茶少甜，再加配斑蘭珍珠🤤 泰式奶茶味道幾正宗，少甜後甜度適中，泰茶香滑而味濃.斑蘭珍珠坊間少見，綠色嘅外表幾吸晴，咬落煙韌好有嚼勁，味道方面唔似一般珍珠咁甜，但同時斑蘭味都唔夠出，有啲似食緊糯米😐😂.最可惜係無得少冰，啲冰同茶同珍珠嘅比例應該有7:2:1，飲到最後好難吸番啲珍珠因爲比啲冰阻住左，同埋如果飲得唔夠快，啲融左嘅冰會溝淡左本身香濃嘅泰茶😅.本身仲想試泰茶雪糕，可惜當日已售罄😰😭 不過目測雪糕唔算大，唔食都唔係好大損失姐~(吃不到的葡萄是酸的mode haha).總括而言，真心唔錯，可以一戰🤓

早排日本有無顏色既奶茶估唔到香港既cha tra mue青出於藍成功推出有顏色既水如果想消下暑又唔想飲watsons既水可以考慮買呢個同樣地加左$5班蘭珍珠同樣綠野仙蹤既顏色 Let it go elsa既味道同泰國飲既差天共地服務方面叫完野飲可以入去坐仲好貼心咁有個顯示牌寫住叫到幾多號諗住萬無一失點知等左半個鐘都仲未有原來個顯示牌skip左我個number原本仲以為因為咁popular所以要等咁耐因為見其他comments話等左好耐

相信好多朋友仔同我一樣去完泰國旅行都好掛住隨處係bts站買到嘅手標茶泰式奶茶，等咗咁耐佢地終於係香港正式插第一支旗啦當日排隊落order嘅人唔多，不過等攞野飲嘅客人就極多，我大概夜晚8點幾去到，買完要等40杯到，等咗半個鐘到。落單個陣有得同店員講嗌少甜嘅，不過就比定心理準備就唔似泰式奶茶個隻超甜咁架啦！不過冰度就唔可以改等咗咁耐終於有得飲！一飲係真係好掛住個隻手標茶味不過冰量真係太多啦，加上天氣比較熱，好快冰開始溶就變到好淡無咩味最後我係飲唔晒成杯！如果比我諗如果佢係想減少成本比少啲茶，倒不如唔好跟泰國size 嘅杯，出隻細size，咁可以落返少啲冰，等杯野無咁快淡，一淡咗就唔好飲啦

朋友未到銅鑼灣，我這個嘴饞的又開始動腦筋，打算邊吃點小食邊等朋友來。可能因為下雨關係，最近在香港開業的泰國人氣飲品店ChaTraMue相對較少人排隊，我當然把握機會試試它的雪糕。其實我也想試飲品的，但怕等候多時，故選擇快捷的雙拼雪糕筒，一次過吃到泰國奶茶和泰國抹茶口味。一拿上手，感覺雪糕超快溶化，我只拍了數張照片，抹茶口味都沒拍到，直接吃雪糕。若說雪糕的滑溜度屬一般，可能ChaTraMue較著重茶方面的調配，因而忽略雪糕的牛奶比例。味道方面也沒想像中出色，不太吃到抹茶的回甘，奶茶口味則要吃到三分二才浮現，不算濃郁。

銅鑼灣又有新飲品店，周六下午黎到大排長龍。不過飲得多台式飲料，有其他新既選擇都唔錯。呢間主打正宗泰式茶飲，選用既都係來自泰國手標牌茶底！除左原味泰式奶茶，亦有綠奶茶、玫瑰花奶茶、咖啡等，仲有啱晒夏日炎炎既泰式奶茶軟雪糕！第一次黎到，當然都係飲返杯正宗泰式奶茶，揀左少甜，加斑蘭珍珠。奶茶好好飲，茶底夠香，而且少甜比較啱香港人口味，唔似泰國飲到既太甜。斑蘭珍珠亦有驚喜，同杯奶茶又幾夾！要挑剔既係冇得揀少冰，雖然明白沖泰奶茶本身要熱茶溶奶，但有大半杯都係冰，實在太多

雙拼雪糕 $25.又一過江龍黎左香港 其實之前我去清萊布吉都冇聽過哩間😛不過見咁多人排 所以岩岩個星期日我冇野做又去排下隊咁.本身想飲野 不過要等 唯有試下雪糕 即刻有😏我又有選擇困難症 所以就揀左2隻味😏😏😏😏.幾大枝 $25都算係咁 奶茶味濃 其實我又食唔到泰式綠茶味 可能我既味覺已經俾第一啖既味道影響左 但含下lam下其實好似有d香料味咁 食到中間全部都係綠茶黎 雙拼到有d唔平均 我覺得剩叫奶茶味應該會好食d 而且溶得好快 要快d食快d影.Anyway 我覺得可以一試 不過下次我會買奶茶味同買奶茶飲就算🤔但真心好怕個d香料味 好似食左舊香薰落肚咁

終於去試依間正宗泰式奶茶啦！都唔算太多人排隊，買完之後等10個到就有得攞泰式奶茶+斑蘭珍珠 ($29+5=$34)茶味好香好濃！係我鐘意既味道！不過冇得揀少冰，一定要100%冰，真係「真多冰😂，d 冰佔左一半以上。揀左少甜，所以甜度啱啱好。不過要飲得快 d冰一融就淡哂。斑蘭珍珠都幾特別，但口感有d粉唔煙韌。同埋因為隻杯太長又多冰，飲哂d奶茶都未吸到d珍珠。整體而言，鐘意泰式奶茶既朋友值得一試，雖然價錢都算貴🤔。