Cha:rm

营业中

休息中

太和也有韓式小店,更是韓國人開設的,韓風未免太過瘋狂了吧不過,不是每一家韓式食店質素有保證,這一家...OK啦韓式壽司,味道尚算清新,飯粒軟熟,只是芝士軟淡,濃一點比較好韓式年糕,口感煙韌,汁也算多,只是味道又是太淡,改進一下會是不錯的餐廳服務有禮,值得一讚

身為港島人 其實好少搭西鐵今次朋友介紹 即管黎試下係咪真係咁正CHA:RM離地鐵其實唔係好遠好容易就搵到~一坐低店員就比左啲泡菜我地啦先睇下menu有咩選擇種類都幾多 而且價錢都唔貴而lunch hour就更抵食了!芝士辣炒年糕 $58 份量都算多 雖然芝士冇好誇張地多但都算拉到絲~而且年糕好煙韌 唔會林到冇哂口感而個汁都唔錯 唔會非常速岩香港人口味除了炒年糕 仲叫左個泡菜煎餅 $45 相比起炒年糕依個相比起冇咁正因為我覺得油左少少不過味道都係好xd 如果少啲油就仲正~牛肉紫菜飯卷 $48 我真係好中意食gimbap雖然自己整唔難 但因為懶既關係通常都係起街買/食而堂食既紫菜飯卷通常都8x/9x好貴但依度只需$48 即刻叫左黎試🙈️味道 好 好 味😶️牛肉真係落足料 唔係比少少就算🌚️而且份量都好大 一啖食對我黎講有啲困難😂️唔食牛肉既朋友都唔洗驚因為除左牛肉仲有好多唔同既款式可能選擇!韓式拌飯 $55 (lunch hour:$45) 依個拌飯都好足料另外有辣醬去撈lunch去食$45真係幾抵又大又好味!!韓式芝士蛋卷 $70 依個唔難食既 但我覺得一般般 普普通通唔會係我first pri

不經不覺，快三個月了。旅行、工作、飲飲食食，生活的多姿多彩，讓我輕易地忘記失去公公的傷痛。曾說過要為他寫一篇食評，卻來不及吃我們的最後一餐。本打算遵守承諾。穿著黑衣的那夜，各人低著頭，靜靜地吃著面前的糖水時，我拿出手機，拍了張照。結果，接踵而來的飯聚，把它推至最底，直至現在還在草稿裡。放久了，亦掉淡了。努力為自己找藉口。要盡孝心，倒不如好好孝順遺下孤獨一人的婆婆。趁著放假，約了她到附近的太和吃韓國菜。可以做到的不多，我要讓她試勻各式各樣的美食。下午一時多來到，小店滿座。友善的韓藉店員（還是店主？）著我們到門外等等。店內掛的裝飾很可愛，粉紅色、可愛版的Iron Man和Hulk。收銀處附近還有不少模型，充滿童真。跟韓藉店主傻傻的，真誠的感覺很像。葡萄汁、桃汁果汁不太甜，果味濃，還有粒粒果肉。即使店內沒有甜品，飯後喝罐果汁已很滿足。早上媽提醒別讓她吃太多辣。婆婆卻拿著筷子一口接一口地吃起任添的泡菜。幾爽口，少少辣，實在幾開胃。芝士蔬菜飯卷無論怎樣扯開話題，婆婆咀邊總是掛著公公。公公愛吃壽司。在她淚水儲得滿瀉前，說服她這是韓式的紫菜包飯。蔬菜有蘿蔔、青瓜和酸瓜，爽口且微酸，十分清新。雞蛋添上

成日覺得喺香港好難食到好食同正宗嘅韓國菜，特別某集團式韓國餐廳，又貴又排隊又唔好食。直至比我遇到呢間性格比超高嘅韓國餐廳。 呢間餐廳我已經至少食左4-5次...餐廳唔係好大...會有少少迫...但裝潢簡約...坐得唔會好辛苦。幾次去，waiter waitress 都係韓國人，點菜有時要用英文。首先呢碗刀削面，次次黎都必點，佢面嘅質地真係好好，湯底鮮甜，唔濃唔油，飲晒都唔會口渴。 韓式炒粉絲，炒得非常香，面條分離，唔會好似出面有D炒到一pat野咁，推介！佢呢間嘅韓式薄餅煎得好好，唔會成口粉，佢煎嘅厚度剛好，非常香口。韓式手卷唔會飯多餡少，比例剛好，又一好食之選。另外佢地嘅kimchi都非常好食，唔會辣到蓋晒口入面嘅味覺， 搭上飯卷或刀削面食簡直一流！

今日收工去左太和醫肚，由太和火車站慢步到呢間韓國菜大慨10分鐘左右，由於時間尚早，6點鬆D，店內無咩客。好! 入去坐低望望Menu先，價錢幾公道，唔貴 !! 我們2個人點了4個東西，一個飯，一個卷物，一個煎餅同一個炒粉絲。下單不足10分鐘就已經有野食喇，應該都係即叫即整 !先來的有個牛肉飯同個炒粉絲，份量嚇我一跳呢，可能我比較細食 ! (打包 is a must >< )呢間韓國菜我個人幾鍾意，環境裝飾簡簡單單，食物味道偏向淡一點，如果吃開重口味既可能會覺得唔夠味。牛肉飯正正常常，炒粉絲係大條粉絲來的，有D口感 ! 海鮮煎餅都足料，食落唔太肥膩 ! 至於個蔬菜卷物食落幾清新，個人幾Like ! 小弟點呢4個菜都係 40-55 蚊左右，但份量比預期多，哈 !總結係︰價錢合理，份量比一般多，味道偏淡 = 值得 Encore 

.之前經過見到門口長期排隊，我同事又嚴重推介呢間，所以都一直心思思想試下。今日又入離大埔兼一行四人都有興趣試下呢間，於是就決定離呢度午餐。終於有機會試下，好期待! 哈哈 我地12:30左右離到，已經有4-5個人排緊隊啦，我地等左大概30分鐘左右就有位，比預期中快。  餐廳環境都好闊落，檯同檯之間唔會好逼，坐得幾舒服。我地點左半份炸雞、辣汁芝士炒年糕、烤豬肉蓋飯同紫菜牛肉卷。 紫菜牛肉卷賣相唔錯，不過味道就有少少失望。覺得飯太硬，牛肉太乾，食落口感嘛嘛。 原味炸雞同事之前推介新出既蜜糖炸雞好味，不過我地唔見餐牌有所以就試原味。炸雞都系覺得普通，雖然外面層粉唔算好厚，不過裡面既肉都好薄，唔系一件件既雞... 但值得一讚系蜜糖芥末醬好好味! 烤豬肉蓋飯呢個味道都唔錯，豬肉份量好多，有少少微辣但就覺得淡左少少。 辣汁芝士炒年糕呢個系超級好味!! 不過...對於唔食得辣既我離講就超級辣! 但神奇在明明已經辣到準備噴火既狀態，都仲會忍唔住繼續食..  年糕好煙"un" 個汁又好好味!朋友就略嫌芝士太少。整體離講，可能一直期待太大啦，所以都有少少失望，不過整體就唔太差，試得過。

平日大約七點幾到，無book 枱大約等15分鐘左右，好彩門口有凳俾我地坐住等 鋪面唔大，一坐底就有kimchi 食，但份量真係唔多架我地叫左一份紫菜卷，幾乎見到枱枱都有叫，好大舊，又足料。仲叫左半份炸雞，兩個醬料都好味份量兩人剛剛好不過就食到一半先影另外仲有芝士年糕 推介你地嗌！員工就無咩笑容既不過勝在裝修靚地方舒服食物好味 會再幫襯

剛剛嘅星期日同Oppa去了太和其中一間韓國餐廳食。見食評都唔差又係新開，一於去試吓室內佈置得唔錯，整體好舒服又有時代感。環境亦好企理乾淨。order左兩款飲品。左邊係梨子味果汁(味道較清)，右邊係桃味果汁(味道較甜)。如果可以再雪凍d就perfect辣炒年糕: 味道剛剛好，唔會辣到人飛起但又夠晒野味如果份量多返dd就最好，賣相都會靚D。(店家係用一個類似平底pan物體盛載，d年糕攤平晒喺個pan度，其實賣相就唔多靚之餘，睇落個份量都少好多)最值得一讚係個牛肋骨湯(配飯): 個湯完全充斥住牛嘅香濃味道，每一啖都係牛嘅精華。真係爆好味Oppa想食紫菜包飯，於是我地就點左個牛肉紫菜包飯。牛肉嘅份量比一般韓國餐廳的都要多最後叫左個蜜糖炸雞($108)，menu本身係無哩款食物，係店門外嘅一塊大木板餐牌寫的。(ps. 只有全份，沒有半份的)。新鮮熱辣炸起嘅雞，皮脆肉嫩，配埋甜甜嘅蜜糖真係一絕啊

很久沒有堂食，因為人流比剛開業時多好多，枱與枱之間都無之前咁寛敞。晚市最好6點前入坐，不然要等第二輪，人齊才可入坐啊！試左新加的蜜糖炸雞，味道不錯，炸粉唔會太厚，雞唔韌，蜜糖有點拔絲效果，面層灑有杏仁片，多了一層口感。忘了問他有沒有半份，2個人吃，有點膩。洛杉磯牛肉一如以往的水準，似甜甜地的牛仔骨，跟一個白飯。牛肉紫菜飯卷加牛肉蓋飯是必點的菜式。

位於太和消防局對面的CHA:RM，乃太和的韓食愛好者的方便就腳之選。每次經過也見到不少食客在門外等侯，這個星期日卻意外地少人，我跟友人等了大約三十分鐘就可以入座。CHA:RM的老闆是正宗OPPA，也有部分侍應生不諳廣東話，須以英語溝通。甫坐下，友善的侍應生就已經送上美味的(而且可以無限任添的)的泡菜。餐牌內的手繪插圖精美，唯菜式選擇不算多。坊間很少吃到有水準的炒粉絲，這次膽粗粗一試...果然是太油了反而芝士炒年糕相當有驚喜，夠熱又夠煙韌，醬汁辣中帶甜，配上香濃芝士不錯！(剩下的醬汁還可以撈炒粉絲，掩蓋油膱味)炸雞雖無特色，但勝在即叫即炸，大大份熱辣辣另外，我們也點了紫菜卷和芝士蛋卷(忘了拍照 )。紫菜卷屬韓食中的穩陣之選，這裡的也做得不錯吃；而芝士蛋卷就讓人失望，芝士味被茄汁和蛋黃醬蓋過了，不過倒是相當足料。

呢間野長期排長龍，終於有機會試下啦 下午一點黎到已經full哂喇，最後一張就比我地坐左～不過見到係出面等既人都唔洗好耐就入得。今日係由店入面既oppa幫我地落單，佢唔識聽廣東話，要用英文～野食黎之前食下泡菜先唔算好辣，勝在免費飯卷用料豐富，呢個價錢有10件真係抵食！頭同尾咁樣放的確醒目，夾落去亦都無散。牛肉飯落足料有好多牛肉架～加埋其他配料，其實有d似吉吉家芝士蛋卷同我想像有d出入，無左應有既濃郁芝士味，真係失色不少！拉出黎果d芝士絲得好少陣味係好輕好輕。蛋卷其實就係將一隻煎蛋卷起，因為佢有一定厚度，所以食兩件已經好濟。相比起其他韓國餐廳，呢個唔值得食呀～海鮮煎餅同薄罉根本係一樣，本身自己都鍾情食薄罉，所以都覺得ok。當然呢個煎餅既配料比起茶樓就豐富得多啦！佢配左一種汁但我食唔出係咩味，落哂好似無咩味道，唔知咩黎～～～總結，2個人食咁多都要打包一盒拎走，一人都係一百蚊多d，好抵既價錢食質素唔錯既韓國菜，抵食架！

>芝士辣炒年糕好creamy, 芝士同個白汁好much, 濃郁但又唔會太滯；年糕亦炒得啱啱好，唔會過軟或過硬！>原味炸雞炸雞無乜特色，粉漿雖然唔厚但有d 空心。似炸雞糕多過韓式炸雞，有d 失望， 不過個醬汁就值得讚。開胃又醒神！>紫菜卷都係普通貨色，勝在個量多，內涵亦足料，大件夾抵食！>韓式炒粉絲個人覺得汁唔夠，炒得太乾身，韓式炒粉絲ge 精髓係要適當掌握個甜度，佢就尚算做到啦~

朋友介紹呢間韓國快餐店， 見幾經濟就即管去試一試啦。 到店門口眼見都排長龍，基本上係冇得霸位的， 不過人流都算快，終於有得試下。食物方面: 烤牛肉蓋飯幾吸引，陣容強大，除了中間一大陀牛肉外，還有洋蔥﹑紅蘿蔔﹑牛肉夾雜點汁，除了牛肉帶甜味之外，其他蔬菜也食回其原味，不過辣醬帶動下，也吃得每口香辣，將全部食材用鐵匙羹撈好後，熱辣辣上檯， 香噴噴，不比一般韓國餐廳差, 加泡菜，拌勻食好正，唔錯, 有飯焦，香脆可人，食到停不到口。蜆肉刀削麵:熱辣辣的，好清新， 味道好好。泡菜可以REFILL，偏酸，辣左少少，好食芝士辣炒年糕:上枱熱la la,食落都幾辣, 炒年糕中仲加入芝士，芝士味夠，幾特別, 出來效果也相當不錯。有驚喜, 水準較一般韓式餐店高, 份量不少。整體而言，味道唔錯，無味精，地方細細，質素不俗，服務態度殷勤，好好禮貌，所以唔好預佢會好好坐， 同埋係唔坐得耐，不過呢個價錢真係好抵食。

前晩2人6:15分去到囉飛，等左20分鐘左右入去座，同我地同一時間一齊入黎隔離左邊枱既情侶，同時大家大約差不多時間叫野食，左邊枱情侶叫的全有食物到齊，我當時冇所謂，可能整緊啦，咪等下先啦，等左大約半個鐘都未有，左邊枱同我同時間入黎，都已經食左大半啦，一碟都未到，咁叫個waiter, 佢幫我跟跟，轉頭就出晒我叫既食物，3樣食物同時咁快出比我地？？咁點解要等半個鐘呢！當開始起筷食野時，同時右邊枱剛黎左枱客，座下點野食，叫的食物同我地差不多，佢地D食物5分鐘左右到，當時氣爆，左邊枱右邊枱等左5分鐘不到食物就到，我地等半個鐘頭有多，真過分，服務態度一般冇笑容。食物方面見人見智啦，我覺得一般，唔啱我口味，下次不會再光顧了。一次便夠。

一星期總有幾餐出街食, 今次就揀左屋企附近新開既CHA: RM, 今次我地六點鐘就到, 唔使等位(事關上星期7點到已經要等6張枱), 一坐低,侍應就拎水同泡菜比我地,泡菜可以REFILL架, 泡菜偏酸,不太辣首先黎到既係海鮮煎餅, 個餅底味道真係好似去茶樓食既薄餐, 呢個只係再軟身少少,同埋加左D海鮮,我食到既有魷魚粒同蝦, 配左款汁, 淡淡地, 食唔出係咩黎之後就到什菜炒粉絲,入面有香葱, 紅蘿蔔,牛肉一齊炒粉絲, 一入口就有好甜既味道,粉絲一D都唔油, 單獨食D葱就有好香既麻油味, 完全無葱獨有既青草味, 唔食葱既都可以放心試下最到就有必食炸雞半份(12件, 仲有薯條),配上兩款醬, 一款甜酸醬,另一款係芥辣,一入口個粉漿完全唔厚, 雞肉粒粒都無骨, 合晒我意,雞肉炸完後一D都唔乾, 仲好JUICY,以做街坊生意黎講, 呢餐真係好抵食, 價錢唔貴, 份量都好足, 希望大埔區繼續開多D呢類型小店,等我地可以食多D好味既野