Cha:rm

营业中

休息中

一向如果食韓國菜都會揀尖沙咀韓國街，但叫碟炸雞都唔會兩個人食得哂，但今日嚟到依間就覺得好唔同，雖然位置唔係坐得咁舒服，尤其是個椅個背😥我地兩個人叫左3樣野，一個紫菜牛肉飯卷； 芝士辣炒年糕同蜜糖炸雞飯卷切開有10件，坦白講唔係好食得出有牛肉，反而旁邊嘅紅蘿蔔好搶，同整體飯卷味道唔足炒年糕係正，2-3個人食份量就啱啱好，好多餐廳做得份量太多反而食到唔想食，但依個唔會，味道亦好惹味到最尾，食韓國菜潮流係要食炸雞的，雞肉炸左但唔乾好juicy，而且全部去骨，但食炸雞嘅配角依度係欠奉的，唯有要左兩罐汽水，埋單都只係233, 仲想點

之前聽一個朋友推薦過這家韓國人🇰🇷開的韓餐店，專程跑來太和吃～兩個人點了：泡菜五花肉拌飯，半份的原味炸雞還有豆腐湯。最最最推薦炸雞，很好食，外皮炸的超級脆，內裏的雞肉相當嫩並且裡面也有收汁。拌飯一般，米略為硬了一些，但是海苔很有味。豆腐湯微辣，豆腐煮的嫩又軟，很有口感。

星期六都要返工，星期日晚為咗迎接繁忙的新一周，又係出去覓食嘅時候。聽聞大埔有一間韓國餐廳炸雞唔錯，決定一試。上次經過見到好多人排隊，所以同行友人建議5:30出動，到達太和已經係6:30，已經差唔多full house!好彩兩位枱仲有最後一張， 唔使等！樓面一個女仔、三個男仔，男仔一律係韓國人，但唔係sell 靚仔㗎喎，係sell彬彬有禮、英文唔錯，溝通完全無問題。餐廳環境設計精美，放滿左復仇者聯盟嘅不同角色畫畫同埋手辦公仔。唯一美中不足係環境比較細， 啲枱擺得好密，冇乜私人空間，期待二人世界的朋友要諗諗了。店家好窩心，泡菜可以隨意refill。不過有客人會奇怪一坐低嗰碟得幾片仔、refill 之後就有座山仔，我地估係店家怕浪費，等make sure 客人鐘意食先𢳂大碟啲，呢個做法幾唔錯。泡菜酸、辣度調配得剛剛好，而且好爽脆，一開始食就會停唔到口。牛肉紫菜飯卷- 正常，可以話係不過不失，又可以話係無咩驚喜。紫菜卷有牛肉、蘿蔔、青瓜同蛋，牛肉唔係話特別靚，作為紫菜卷主菜，尚可。蛤蜊刀削麵 - 同行友人想食少啲辣嘢，所以叫左個全場得佢一個人叫嘅蛤蜊刀削麵。蛤蜊即係蜆，明明應該係主菜，但就得小

韓式食品一向唔係我的首選，但今晚突然掛住泡菜的味道近近地就去左屋企附近的韓式餐廳，晚晚都會有人門口等位，可想而知佢起大埔幾受歡迎！主打平價韓式食物，但味道都是不錯的！不能唔叫的紫菜包飯！佢有好多料可以選擇，今次叫左午餐肉！材料足加埋午餐肉的咸香，真是停唔到口！泡菜煎餅～～大大份兩個人差d食唔哂！不是太辣加埋泡菜小小酸的味道，也是大愛！最後叫左個餃子湯～～湯底清清地但食到海苔的味道！餃子亦大大隻，菜多肉小！正呀！賣單不用$200係一餐好底的韓式美食！

其實charm已經成為左我的飯堂，及同朋友的老地方～每次黎到都忍唔住叫呢三樣野！1. 芝士紫菜飯卷十件飯卷～淡淡都有濃郁的芝士味～就算冇肉都唔會dry! 加埋佢無限追加的泡菜～一齊擺入口真係perfect😍2. 蜜糖炸雞咁多款炸雞我地最愛係佢🤤 炸得香脆但又充滿蜂蜜的甜味香味～仲要好多件又Juicy～真係必點！3. 豆腐鍋（叫左兩個🙈)個名好似好dry，但其實佢係泡菜湯底～主要有雞蛋、魷魚、豆腐、肉碎同埋蜆！一d都唔馬虎架😍 撈飯食真心好好好好正！仲要真係冇味精！飲曬d湯都唔會口渴☺️今餐3個人都係$290咋～大家去到charm都不妨試呢三樣野呀😎

當日接完女朋友 就係太和落車出太和站行左5分鐘就到左Cha:rm一去到就有位比我地入🤤去到雖然坐係冷氣機滴水附近 但有個水桶裝住啲水 無滴到出嚟👍🏻緊住就叫野食😋我地總共叫左3樣野 1. 韓式水冷麵 （夠凍同埋夠晒煙韌）👍🏻👍🏻👍🏻2. 韓式芝士乾魷魚紫菜飯卷（有好多種唔同嘅韓式飯卷 所以就叫左呢個特別啲嘅）👍🏻👍🏻👍🏻3. 甜酸芝士炸雞（雖然啲肉比較硬 但甜酸醬配芝士幾特別 加上脆卜卜嘅外皮 都唔錯嘅）👍🏻👍🏻

因為某陳姓同事推介大埔食炸雞，他一說就是：「Cha:rm」！好！決定一同去品嘗一下！大街，在太和村對面，其實都容易找到，因為附近都不少食店！我們6點到，所以算是晚市第一批客！ 進來後第一時間放上前菜，有泡茶，而且可以任添。 我們點了泡菜煎餅，Honey Chicken，芝士牛肉紫菜飯卷，還有我一直想吃的炸醬面！ 芝士牛肉紫菜飯卷首先到場！ 因為在其他韓國餐廳吃過這類的，所以心抱不太有驚喜的心，怎知道我的味覺完全打了我的咀！！ 這個雖然說是芝士，但不膩 (圖中白色的就是芝士~~)。 牛肉很入味，而況口感配得剛剛好，好好味啊~~這個實在回味！ 泡菜煎餅是另一位陳姓同事要求點的，香口而脆，但我認為缺少了泡菜味，這樣令我有點失望。 炸醬面~~如電視見的，黑黑的！哈哈！ 濕濕的口感好可愛！！醬汁似甜豉油，好好入口。插穿蛋汁再混在一起會更滑！ Honey Chicken可以說是我們來的原因，真心覺得雞件好脆口，而且雞肉保持了汁感，唯一的問題是太honey，甜得過頭，但我還是吃完~~哈哈！ 很好味~honey的味道還黏在咀邊~~~ 這間可以再來啊~的確不錯！！

話說食完dinner唔想返屋企緊係dessert time la其實都知道charms開左好耐但就無幫襯過，今次就試下佢既dessert餐廳環境好寧靜，幾個朋友仔傾計一流裝修簡約，用左雲石枱，好靚不過餐廳既dessert選擇都幾少🤔所以就揀左兩個刨冰一個係green tea 另一個係oreo口味我自己本身係好中意oreo既真係開左我果範😍佢入面仲要有煉奶omg🤦🏾‍♀️好好味另外果個green tea都唔錯岩哂唔中意食太甜既人

今日嚟到太和食下午茶，我哋就揀咗韓國嘢，記得呢一間韓國嘢本身係出面大街，聽啲人講夜晚都幾好食架，點知佢而家有下午茶，咁就諗住入去試吓先。見到個餐牌唔係太多選擇，只有薄餅、炸雞同埋特飲可以選擇，另外仲有好多韓國啤酒。我哋一人就揀咗一杯檸檬特飲，不過其實本身我揀咗橙汁特飲，店員同我地講話冇，所以我就揀咗檸檬特飲，另外我哋揀咗一個炸雞。呢間餐廳好得意，要自己係出面落呵打，跟住就有店員送啲食物同埋飲品俾你，炸雞個方面我哋叫咗芥末醬而且仲有少少辣嘅炸雞，見到賣相好吸引呀，上面仲有幾條年糕食啊，雞咬落去外面脆，而且雞肉好滑嫩，比我想像中好味好多啊，食完都忍唔住繼續食，連我個朋友都大讚，出乎我的意料之外，因為佢啲醬汁會喺皮嘅上面，我哋初時以為啲雞肉皮會變咗好林，點知原來有脆嘅感覺，正呀！檸檬特飲好大杯，但係其實成半杯都係冰，對於女仔嚟講就唔好飲咁多凍野啦，但係入面嘅檸檬味道好濃，而且見到好多檸檬肉，真係真材實料，又可以解渴。兩個人食下午茶，大約＄100左右啦，價錢都算合理嘅。

大埔食韓國菜的也有不少，這間看到了網評不錯所以一試上星期日午餐時段到達cha:rm，需要等4分鐘左右才能進店。牛肉飯卷大大件，牛肉很香，口感及味道很好加上價格親民已即時再reorder一碟泡菜海鮮餅及炒飯都比較多油，如果可以少d油會更好,但都幾足料幾好味的！ 同行友人堅持夏天要食水冷麵，所以也點了一個，個人認為冷冷的沒什麼特別在結帳時，waiter (韓國人來的）會問你覺得食物如何你可以起果時表達對食物的意見

話說今晚想食kimbap 於是就諗住一係係呢條街食首爾一係就食呢間 難得見到呢間門口冇人等 所以就決定入去食 呢度d staff好好 5分鐘就安排到位俾我地 唔知係咪韓國人 見佢同我地溝渠都係用英文😂***我地叫左兩樣嘢食 前菜泡菜係免費嘅泡菜牛肉紫菜飯卷 $60Total有10件 每件都真材實料 包得好實 口感一流 ***石鍋韓式拌飯 $78呢個鍋熱辣辣 比我想象中大 有芽菜紫菜牛肉泡菜蛋仲可以因自己嘅口味而加辣醬啱哂d食唔到辣嘅人😂

今日行經太和就順便去試下好唔好食到達時大概12點 岩岩唔使排隊Staff都係韓國人哦，令我又懷念起韓國嘅旅行叫咗芝士牛肉紫菜飯卷 同 辣炒豬肉蓋飯飯卷好好味 特別係有芝士 口感多咗一種軟滑食飯卷一定要點有芝士的哦

第一次來這間餐廳, 一行3人等了15分鐘左右,內裡裝潢暗暗的,宏觀看沒有很多桌子.星期日沒有LUNCH SET, 同一款菜式, LUNCH 同DINNER都有唔同價錢, 我們共ORDER了5個菜.前菜是韓國泡菜, 不是十分辣, 3個人只有一小碟, 我們都不夠吃, 加添了4次有多, 店員都冇黑面. 原味韓式炸雞(半份) $78, 有2個SAUCE 附上, 我們也喜歡, 但量很少,不停叫侍應加添,  有2粒車厘蕃茄子一些著條拌碟, 第一次吃韓式炸雞, 脆度剛剛好, 雞很滑, 很JUICY, 完全沒有乾感, 不覺得油膩膩的口感, 但碟下有很多油雜菜炒粉絲$48, 粉絲很軟, 有點碎, 較難夾起, 味道不錯, 碟底也有很多油.海鮮泡菜煎餅$60, 很散, 不能一整件切出, 可能是不夠米漿煎, 碟底很多油, 海鮮中只見魷魚條, 其他是蔬菜多, 不辣的. 宮庭炒年糕$58, 因為被"宮庭"二宇吸引著, 我們也很好奇想試, 年糕上有白芝麻粒, 有些許肥牛拌碟,  有湯拌底, 這不是炒的吧?!年糕很軟滑辣魷魚飯卷, 大概有10件, 少少辣, 上面淋了白芝麻粒, 不錯, 跟一般的飯卷差不多味.第一次食C

突然又想食韓國嘢，就去咗附近呢間。芝士辣炒年糕 $60 。小小辣，有啲魚塊做配菜，汁好濃郁。豆腐嫩鍋 $60。主要得豆腐湯，性價比好似唔係好高。蜜糖炸雞 $108。見到好多人推介所以試吓，味道的確唔錯，雞好香脆，但以呢個份量來講，價錢太貴。雜錦炒粉絲 $48。質素都唔差，但有幾條粉絲炒燶咗，同埋配菜唔好咁生會好啲。呢度唔使加一，以韓國嘢食來講價錢唔算好貴，唯一係炸雞貴左少少。

男朋友介紹黎架今日嗌左一個蓋飯，海洋煎餅，兩個紫菜卷(吞拿肉同肉鬆)個煎餅幾意外，邊邊幾脆口，食到有八爪魚男朋友食個個係芝士豬肉蓋飯，我本身好憎食芝士乜乜，但係我搶食兩啖，唔係好重既芝士味，量唔算多，啱哂我依啲最憎一大pat芝士既人。而且蔬菜量都ok，所以肉同菜都balance。飯粒幾好，晍係爛飯，劣米紫菜卷幾香服務方面我覺得幾好，其實主要serve我地既係韓國人。本身舉手落單既時候，係香港人比signal我地:佢黎幫我地。我見個位韓國人好主動，通知個同事:等我黎依樣野，我覺得幾impressed，加分唔係因為佢係韓仔而係佢主動去serve人食既過程都有幫我地收起唔用既碟係最後埋單，佢都主動問how's the food，整體上比人感覺佢有心去招呼客人而唔係亂炒一碟野 食完就走 個啲平民路線黎講，依間有8/10可能我上次係荃灣南豐食過一間好劣既韓國野所以會高分少少以價錢同食物質素中規中矩，服務幾好，都食得過架下次會嗌炸雞，我見隔離枱係鐵板上，好香(食評以當日質素而寫)