Cha:rm

营业中

休息中

韓式芝士蛋卷冇芝士味道，簡單又少的材料但價錢略貴！味道冇誠意，牛肋骨湯冇味，牛肉咬唔開的！又完全唔入味！最後個白飯加前菜送的泡菜撈飯食，食物質素差劣價錢唔值！浪費食材的餐廳！

係大埔踩完單車好想食韓國野於是就黎左太和Charm！一行四人，叫左紫菜包飯、炒年糕、石頭鍋飯、蛋卷 & 炸雞... 因為餐廳無酒牌，食炸雞無得配啤酒係爭啲！不過重點都唔係呢度，個炸雞$118/碟 只有8粒炸雞柳，仲要有啲好細粒！個碟都算大，同啲雞嘅份量黎比真係好寒酸！我地有問過店員個份量問題，佢話係得咁多！咁我地唯有食啦～ 味道係ok嘅，係個份量同價錢黎比真心唔值，如果有下次唔會再叫！ 到個炒年糕，味道同以往出面餐廳食嘅一樣，但配料無乜好似得啲醬同年糕咁！其他菜式都正正常常！唯一好就係泡菜可任添～ 完！

太和多嘢食就係人都知，新潮韓式餐廳呢間係數一數二，試過幾次都覺得唔錯，價錢合理👍🏻👍🏻佢嘅泡菜係任加的Order了三款食物：📌牛肉泡菜飯卷🍙牛肉飯卷總共有10件，飯卷配料充足，一啖食唔晒啲料會跌晒出嚟，食落都幾飽肚，喜愛壽司人士都可以選擇！👅📌 牛肋骨湯🍲天氣凍，想飲番啲暖粒粒嘅湯，呢個湯比較清淡，亦有牛肋骨肉帶出甜甜鮮味。📌蜜糖炸雞🍗本身對呢個炸雞都有啲期望但係食落覺得好一般，首先佢嘅蜜糖令到咬炸雞嘅時候太痴牙，搞到每食一啖都會覺得個口腔唔係幾舒服。其次，佢炸雞嘅份量又細又少，唔係幾抵食！🥴🥴想食炸雞可以試吓其他味道！

這天來到了一間小小的韓式餐館吃午餐，說是韓式也不如說也是挺港式的偽韓料理。Openrice的相片是挺吸引的，果然也是如comment所說的飯卷的選擇很多，我也是很喜歡吃韓國的紫菜包飯，這次點了午餐肉紫菜包飯試試，還可以，不算太特別，感覺沒有紫菜包飯那種充滿麻油香的感覺，我沒有太深的印象。然後也點了一蜜糖炸雞和薯條，其實也炸得外表很脆，不差的，但我本來就不太喜好甜類炸雞，一般般，價錢其實也不貴，可能我要求有點高

記得好耐之前食過呢間cha:rm 一次，印象中係好好食既，今日經過太和，就有d 掛住呢間餐廳。餐廳既裝修係幾舒服既，外觀幾靚，d 枱凳都係用木既，靚就幾靚，但d 凳唔算好好坐。不過有樣野今次唔係好滿意，就係張枱有d 污糟，痴luplup. 一坐低有泡菜食，但兩個人只有一碟。雖然係任添既，但佢地職員唔算多，見佢地都幾忙咁，所以都唔好意思叫佢添咁多次。我地兩個人叫左3樣野食：雜菌炒粉絲、辣炒豬肉飯卷、韓式芝士蛋卷。雜菌炒粉絲就$48蚊，都算平，味道都可以，冇乜特別。飯卷味道都唔錯，大約$60，份量都夠。但個韓式芝士蛋卷就有d 失望，$68蚊，最貴係佢，雖然好大份，但賣相唔靚、蛋太熟、冇芝士味，唔推薦叫佢。

係太和的小店，裝修還不錯，像韓國的咖啡店，人不多，坐得很舒服，不過沒有想到的是自助式的，叫了幾個比較傳統的韓國食物。第一個係韓式蜜糖炸雞，酸甜酸甜的炸雞，只叫了半份，酸甜的味道冇咁易膩。第二個係正宗的韓式拌飯，一如既往既香港既韓式拌飯都一般般，同之前係韓國食既都係有一段距離，可能缺少咗韓國特別既拌飯醬。最後仲叫咗韓式煎餅，第一次知韓國仲有呢種煎餅，裏面有芝士，鍾意食芝士既可以一試，但味道上唔算特別。

經開呢區去試下出名既餐廳，最近又想食韓國菜🇰🇷，就試下佢啦！lunch set 有韓國拉麵加飯卷同飲品都係5x，同就咁叫個飯卷差不多，好抵飯卷雖然無肉但係酸瓜整得好入味，韓式豬肉辣拉麵就不過不失啦，裝修舒服，比一百分!

朋友黎找我食飯，近近地在附近找到了這間韓國菜，看到價錢看起來很實惠，裝修也不錯，便去試試。結果並沒有讓我們失望，食物質素不錯，賣相佳，味道好，而且環境舒服，方便聊天。兩個人share幾樣野，最後埋單平均都唔使100蚊，可謂性價比相當高。

Charm短短時間便係大埔開分店，剛開幕排隊人潮不斷，逢星期六日排隊並唔出奇。老闆雖是韓國人，但食物都調整一下適合香港人食，唔會辣到食唔到。由剛開幕到依家，耐唔耐都會去食。今次星期日下午大約3點黎到，得2枱客人，唔洗等位就入得。可能開得耐及有分店，人潮唔似以前晏就時段咁多人了。—當時店內冇咩客人，一部冷氣都唔開😳好焗因為廚房整野食D熱空氣都有湧出黎，玻璃門下只有一條小空隙，唔夠新鮮空氣入黎。另外係一邊食飯，Keep住都有蒼蠅飛黎飛去食2下又要趕蒼蠅。—🥢M5.泡菜海鮮煎餅($60)一直好喜歡食泡菜餅，以前黎食都煎到脆脆地又香口，而且餡料豐富。最重要係煎完都唔油。Charm單係煎餅已經有6款比你揀，一定有岩食嘅。不過今次個餅好似比人食左咁😂唔似以前圓形大大塊。今次個餅好失望，軟淋淋又多油。不過粉漿調配十分好，唔會咬落又粉又剩。泡菜亦好足料！不過好奇的係，海鮮煎餅只有魷魚🦑冇其他海鮮🤔男朋友搞Gag話「唔通韓國嘅海得魷魚？」夾起塊餅先見到咁多油😳希望以後會回復以前咁。另外一道餸係C3.蜜糖炸雞($118)。呢到係一份...睇韓劇都知道D炸雞大大碟，但呢到嘅份量比以前黎食少咗一半！除咗三四舊

太和的韓式食店唔算好多，路過就黎左呢間。叫左kimbap ，如果一個人食一份都好夠飽，幾好味，入面配料味道突出。之後再叫左個海鮮煎餅，但係偏薄，，海鮮料唔算多，有少少對唔住個價錢

charm太和附近愈開愈多食店你講得出諗得到既都會有太和的後裔真係幸福😙冬天尾春天頭附近既農墟會有好多人去影白梅樹💁🏻‍♀️夏天又有橘橙色既鳳凰木不妨行一行才去吃別有一番味道在心頭白梅樹既對面馬路斜角有間感覺都幾地道既韓國店charm既炸雞好出色好夠味而且都好乾身肉質軟嫩不喜歡太油膩既感覺既話食過一定會愛上外皮脆漿夠哂薄！點解覺得夠道地係因為去韓國食既炸雞都脆漿薄脆可口加上酸甜醬汁，口水都流埋而且就算灘涼左都仲保持到脆口兩個人食既話我recommend半份炸雞會配有薯條，又唔會太多紫菜包飯又係做到好地道大概一食個紫菜皮就會明白好似去左韓國食咁，料多飯薄咬落去啖啖送菜好滋味另一推薦是芝士蛋捲！大大份，滿滿沙津醬同芝士味由於本人很喜歡食蛋掛住食忘記影依度位都算多但每張枱空間較小這是落單時要留意的小地方量多難放環境望落有韓國風格牆壁組合架都充滿特色落地玻璃光線充足下午來既話，7個字偷得浮生半日閒感覺寫意自在大埔韓國食店首推

不知所謂，不知所謂，中伏了😤😤😤😤😤😤😤😤😤😤😤😤😤😤😤😤😤😤😤😤冇可能再幫襯啦，一份價值$65嘅宮廷年糕少到可憐，油仲多過年糕，一間無良心的餐廳，不知所謂的餐廳，又無餐具,

星期六晚上時段來到，第一樣食物韓式伴飯大概係order後25分鐘送上。同韓式伴飯一齊order嘅飯卷60分鐘都未到，期間大量外賣車手出出入入攞外賣，只見廚房不斷出外賣餐。期間叫了一個芝士炒年糕，合理時間送上。催了兩次後（order後30及50分鐘)頂唔順叫賣單走人，叫佢取消個item先話包緊(實情係先肯整),5分鐘後終於有得食。老實講，食物幾好味。建議餐廳廚房做到爆煲時暫停接外賣單，免得餐廳內外長期得個等字。

見佢好多好評，就走去試。聽講佢啲炸雞介好食過好多出名嘅連鎖韓式餐廳，就走去試。試左個咩甜酸芝士炸雞。樣幾靚，但份量少，粉漿好厚，而且粉漿鬆散，咬落去雞肉同粉漿分開嘅。個芝士牛肉飯卷就一般韓式餐廳水準嘅， 冇咩驚喜。總括來講係可以唔洗專登黎食。因為冇啲人講到真係咁好食。都係食返出面山名嘅韓式炸雞店啦。而且服務都差。叫佢加水佢都唔記得，但個時只係得返幾張台。佢唔洗加一，啲野食有分lunch 同dinner唔同價錢，大約差十元。

喜歡食辣野既我，就緊係食韓國餐廳🍴一入餐廳就好快安排坐位，並送上泡菜、2杯水。因為我地係食晏晝，所以都係輕食，叫左3樣野：醍魚飯卷、泡菜煎餅、五花腩泡菜拉麵。醍魚飯卷一睇到個賣相就已經好吸引人，因為色彩繽紛，裡面有唔同材料：飯、紫菜、紅蘿蔔絲🥕、青瓜🥒、雞蛋🥚、醃黃瓜、醍魚、芝麻。吃下去口感十分豐富，有好清新既蔬菜味、而醍魚同芝麻帶出少量既咸香味，泡菜煎餅每次去韓國餐廳我都會叫呢樣，裡面有泡菜，帶點辣味，但不算太辣。不過，煎得略有少少過火，同埋有少少油。中間果個油，酸酸甜甜，配上呢個煎餅味道好夾，整體都好好食。五花腩泡菜拉麵五花腩份量太少，拉麵🍜感覺似辛辣麵煮出黎既感覺，所以就好一般，因為係屋企都煮得出，所以冇乜驚喜。