Cat tune (已結業)

我本身好鐘意貓, 屋企亦有養6隻貓貓. 但我甚少光顧貓CAFE...因為去過有好多貓CAFE, 食物素質貴又差都算, 但無論店員又或者貓們...一般都非常臭串, 導致我都無咩興趣光顧. 寧願同自己D貓玩仲好.之前因為同一個愛貓朋友有約, 想穩個安靜地方飲杯野, 傾下計. 對方上課地點剛好就在CAT TUNE對面. 所以我膽粗粗就決定去試下哩間cafe.意想不到的是, 次cafe店員比我想像中友善許多. 很樂意同客人聊天交流. 而且店內貓貓年紀比較輕, 都很願意跟人玩. 非常可愛~ 記得當日我還點了他們的藍莓起司蛋糕, 意外的居然很好吃! 是我最愛的重起司蛋糕~有了第一次愉快經驗, 我第二次就帶我另一位愛貓女生朋友光臨.一到店外, 我們就照規矩先脫鞋子, 消毒雙手再進去場內.可愛的服務員為我們詳細說明了店內規局. 這點還挺好的, 感覺是有責任心的店家~我們這次點了幾款小吃, 有心太軟, 炸物拚判, 飲料, 還有我朋友點了牛角包味道都挺不錯的. 就是心太軟的心不夠軟, 希望下次可以烤得更好.我覺得這個小cafe是一個很舒服很休閒的地方, 很適合跟三五知己或者情侶來吃個小點心, 坐著聊聊天,

地點:係北角舊區既貓CAFE,不過好方便,MTR一出就係~衛生:要係店樓下按鐘,入去之前要消毒左手先,保証人同貓貓健康店內有好多隻貓貓,不過唔會有寵物店D難聞味,而且空氣好流通,D貓毛冇周圍飛,個鼻唔會覺得敏感~服務:呢度既服務非常值得稱讚~店員會細心介紹D野食,真係比到意見你,唔會HEA~會介紹店內每一隻貓貓既性格,非常樂意同客人談貓經~ 成間店比人好舒服既感覺,就算一個人黎都唔會覺得悶,時間會好快過~PS 如果男仔想約女人去街,呢間店係好好既選擇,唔怕同人冇計傾,亦有貓貓同你玩 

經朋友介紹認識這間貓貓cafe, 就在北角著名雞蛋仔嘅樓上，店員好親切的跑嚟開門俾我，店面不大但十分乾淨，有十幾隻可愛的貓貓走嚟走去，圍繞著我玩耍，其中有名種貓，也有普通樣貌嘅家貓，細問之下才知道，原來小店係與貓義工合作，希望為流浪貓以及被遺棄嘅貓貓提供領養平台。食物很有驚喜，個人推介秘制鹵水蛋，飲品都唔錯。  喜愛貓的朋友不妨嚟坐坐，店內仲有唔少漫畫供閱讀。 加油cat tune!  祝福所有貓貓搵到好主人！

作為貓奴，又係北角做野，見到北角開貓cafe就梗係要去試下啦!上次去既時候係星期一，原來佢地星期一係放假既，摸左一次門釘之後呢日終於都上到去玩啦!佢地係計入場第一個鐘六十鐘包一杯廿五蚊以下既野飲既，(入場需要除鞋)至於我同朋友就加十五蚊叫左兩杯特飲，佢地既特飲好特別，杯杯個名都同動漫有關。係玩之前店員會詳細講一次入場玩既規則，有少少似日本貓cafe架。另外我地仲叫左一份朱古力心太軟(佢地店員極力推介，可惜掛住食唔記得影相)，結果真係好流心好好味，呢個我打十分XD佢地仲有好多漫畫睇，有我至愛既ONEPIECE TIM，不過掛住同貓貓玩完全無時間睇下次會再黎，食物環境質數都算係平衡既一間貓CAFE