Castle Cafe (已結業)

在長沙灣午膳，最正係不同價位都有好多選擇，今日又再嚟青山道上的城堡吃我喜歡的蕃茄芝士pizza。城堡餐廳裝修平平實實，食物也一樣穩打穩紥，所以午餐時段都係高朋滿座。自從第一次食過呢個pizza，之後每次嚟都會重溫。做pizza，即焗即做是基本，但最正係佢個薄餅底，而家真係唔係好多餐廳會整薄餅底。佢哋既薄餅材料唔算豐富，只有水牛芝士丶小蕃茄同羅勒，其實鍾意食正宗意大利薄餅都知材料質比量重要，做得好同熱辣辣端出嚟先係王道。脆卜卜既薄批盛載住滿滿厚厚既芝士，個餅熱到辣手手，徒手拿出來真係拉晒絲，芝士夠厚，入口又香又脆，一啲都唔膩真係味蕾享受。女仔呢講午餐一個批食唔曬，打包兩件返去下午茶剛剛好，大滿足。環境6/10服務6/10食物7/10衞生7/10

路經見到門口餐排就衝入去醫肚點了一個$30的下午茶☕️還送指定飲品◽️烤雞螺絲粉蕃茄雜菜湯底(細)烤雞兩塊雖然是小小的，但以$30來講，都合理。雜菜湯不會太酸，我幾中意☺️◽️奶油豬本來以為只有半份，原來都有一份🤭size不太厚，麵包🥯不是硬硬的，配上奶油（不是多醬到會流出來那種），咬落去，口感剛剛好👏🏻👏🏻可以食完再去食的飯堂

呢度見到輕宜的午餐，幾吸引，又唔貴，就試下，份量幾好。見其他食客的牛扒等其他選擇都幾好。份色香味都不錯。我自己的配搭係燒牛肉芝士牛角包，火腿碎蛋沙律螺絲粉，沙律醬螺絲粉的醬好足夠，所以唔會覺得淡茂茂。牛角包大而且仲有額外燒過，非常好。南瓜忌廉湯，有色有味，唔太重鹽味，飲完會繼續飲，幾好，應該都係健康之選.見其他人的星期一餐，美國牛仔柳及照燒汁葡燒鰻魚拼雞扒都非常靚。午餐時比較多年青上班族，也有藍領，光猛乾淨。區區食玩遊 荔枝角 castle cafe

🍱🍱輕鬆午餐🍱🍱環境舒適的小城堡餐廳～嘆番個午餐和咖啡先。我哋Order左兩個lunch sets，一個係咖喱雞扒奄列飯，另一個係黑椒蜜糖豬手飯。咖喱雞扒奄列飯🍱成個飯塊雞扒係最好味，雞扒煎得好香口又好味，個咖喱汁都好送飯。奄列本身以為係包住啲飯，點知嚟到原來係蘑菇奄列。同時有好多椰菜，飯嘅份量都好多。黑椒蜜糖豬手長通粉第一次試吓呢一個豬手，肉質好軟腍，但我略嫌個汁有啲鹹。果汁係有啲辣辣地和鹹鹹地的，我覺得食落鹹咗少少，如果兩個lunch set比較，我會鍾意咖喱雞扒飯嗰個多啲。😂

疫情底下好多食店都推出唔同優惠，我同朋友就比呢間食店既小食放題吸引左，今日去試一試。佢$58就有多款小食任食，仲有餐湯同飲品任飲，呢個價錢真係好抵，飲品普通奶茶咖啡都有，連利賓納都有得任飲。今日個餐湯係雜菜湯，其實好似羅宋湯，酸酸地好有層次，掛住飲湯都唔記得影比大家睇下。之後小食推介一口多士、炸帶子、雞扒、司華力腸都係唔錯既選擇，仲有個泰式香辣魚餅，好有泰式風味，辣味都幾出。薯餅同雞翼都唔錯，好香口。雞髀就覺得有點太乾，但肉質嫩滑，同埋吉烈炸蝦個炸粉如果可以薄d就更好，牛角酥都唔建議叫，唔太鬆軟。總括黎講，食物質素唔算好高，但係非常抵食。

今日過黎荔枝角拎野 約埋朋友Lunch 佢帶左我黎呢間Castle cafe 價錢都幾相宜放飯時間成間野都Full曬人👍🏻我就冇食野 只叫左一杯牛油果奶但唔太建議 因為佢啲牛油果勁生勁生成杯野飲落去勁青 完全冇牛油果既香味🥑然後朋友話佢上次都飲到係咁既咁講返比較會推薦既係佢地焗薯系列💜芝士西蘭花焗薯跟沙律 $4️⃣7️⃣ 沙律都好大份 焗薯係用超大隻既薯仔🥔有啲淡口但加埋芝士🧀食都唔錯啦門面隻色都幾靚🤍Menu係每日都唔一樣既 岩曬大家成日唔知想食咩啲人👍🏻

中午喺附近上完堂老公過嚟接我順便一齊食個tea港女老公被個門面吸引😂於是我哋就入去試吓坐低有本tea menu價錢好似仲平過附近嘅茶餐廳🙊選擇花款都叫多環境就不過不失梳化位都幾好坐嘅少少迫聽到晒隔籬枱嘅對話內容🤣我叫咗個蘑菇雞肉香草包老公叫咗個吉烈豬扒拼沙律個包熱辣辣 又唔會烘得太乾外脆內軟幾好食但個餡就凍嘅🙈個人嚟講想連個餡都整熱埋就好喇老公個吉烈豬扒都幾大塊試咗一啖都唔會太油好脆又唔會太乾沙律無乜特別2杯嘢飲咖啡幾香叫咗少冰所以少咗一啖😂見到隔籬枱食下午茶放題八卦問姐姐拎張紙嚟睇都幾多選擇不過全垃圾食物😂揾日全日唔食嘢淨係食一餐嘅時候可以嚟試吓卡路里爆燈🙉

餐廳服務有待改善！這間餐廳跟附近的比較特別少女，所以這天特地一試。我當日大概3:20到餐廳，本來想吃小吃放題，但坐下後得知餐廳4點關門，所以我便盡快點一個下午茶套餐。餐廳上菜速度快，紅豆冰飛快送到。我覺得味道不過不失，雖然它幾乎沒有紅豆，但畢竟$28有湯麵、雞翼及紅豆冰，這個質量很合理。湯麵我選了清湯燒牛肉螺絲粉。清湯是即食麵的味道，而螺絲粉是不錯的。雞翼味道亦很不錯。因為整體非常抵食，所以對食物整體很滿意。不過，我認為餐廳服務有待改善。我點餐後，想稍微再看一下餐牌，剛打開餐牌，店員便在毫無通知的情況下收掉餐牌。但，這不是問題。在我剛剛喝完最後一口的紅豆冰後，店員連杯子都還沒有收走，便走過來一邊傾電話一邊抺枱。其實我已經正從手袋取紙巾抺嘴及準備戴口罩，毋須用清潔劑逼我離開吧！再說，我離開餐廳的時間是3:45，當時餐廳內亦有好幾位客人。自問沒有阻人收工，我覺得這頓下午茶吃得很委屈！

今日下午經過荔枝角， 見到呢間餐廳做下午茶放題，有豬扒，雞脾，雞扒等，好抵食咁第一轉就叫左雞扒，豬扒，雞髀同魚餅等1）雞髀要讚一讚， 一啲都唔hea ，揸咗層蜜糖係面， 脆脆甜2）雞扒第一轉好細， 得2/3 隻手掌心咁上下 第二轉正常size最值得讚係唔會好柴， 又唔會有陣腥臊味。3） 豬扒第一轉炸得剛好， 唔會炸到乾晒，但第二轉就有啲乾4） 一口西多士都ok , 係太油， 但中間都有揸少少花生醬， 都叫合格； 豬仔包， 鬆軟得來又有烘脆咗表面，加上煉奶，的確唔錯，但牛油🧈揸多咗，攪到個包鹹得濟，有違和感放題落單點都會漏啲單， 例如個鳳尾蝦春卷要叫第二轉先有；而個魷魚蝦枝就無貨， 要問店員先至知至於其他野，炸帶子，炸蟹鉗，泰式魚餅，春卷同咖哩角都正常，咖哩角中間仲有幾多餡吉列炸蝦同鳳尾蝦春卷隻蝦都係厚粉蝦細薯角薯餅，炸雞翼，魚片頭，司華力腸，牛角酥同薯仔沙律就無試，唔知得唔得， 應該都唔會太差掛野飲方面真係任飲， 我叫左4杯凍檸茶走甜Btw , 呢啲放題一次好了， 真係太油膩， 全部都係炸物

來到castle cafe 午餐，叫了兩個套餐。1） 龍蝦牛扒螺絲粉： 龍蝦比想像中大，啖啖肉，爽口，有龍蝦味和海水味。牛扒不老，是茶餐廳牛扒的大小和厚度，有牛味。 抵食！2)白汁雞柳意粉： 不推介，雞柳味道很淡，有雪味，而且煮法沒有誠意，只是把白汁倒在煮好的意粉上。如果意粉炒過會更好。而且不夠creamy，汁太稀。加錢叫了一杯紅豆冰。通常喝的紅豆冰是用淡奶，而castle cafe的則是用椰汁，不過個人喜歡淡奶，因為椰汁味太重蓋了紅豆的味道。Castle Cafe 價錢親民，味道不過不失，如果光顧的話，建議叫扒類套餐。

係荔枝角做完按摩已經三點，唔理三七廿一，搵間就腳 cafe, 食個 lunch, 嘆杯咖啡，叫咗個西冷扒螺絲粉加埋杯咖啡都係 $50。大大份，牛扒$50 嚟講都幾好食。螺絲粉好多，一定飽肚。個汁酸酸地，幾惹味。

大熱天時，仲要正午時分跑出街搵食，真係未出發先一身汗...今日得一條友單拖陪阿姐食lunch，本身阿姐話想食salad既，但間野勁多人排係門口等，唔知要等幾耐，就建議轉場，試下新野。之前路過見到呢間Castle Cafe，外觀好似幾好，見佢平日lunch time都坐滿既，估佢唔會難既🤣等左一陣就有share table seat，Thur Menu 咖哩吉豬薄餅配南瓜忌廉湯。南瓜忌廉湯咸左少少，咖哩汁水流流左dd，但塊吉豬好香脆沾茄汁食好味d，薄餅厚薄適中，配埋杯ice lemon tea剛剛好😋😋

咁啱嚟到荔枝角呢頭 見到呢間餐廳裝修同價錢都唔錯所以入嚟試下睇menu同一般菜餐廳形式差唔多 每日有唔同餐揀 雖然佢叫cafe不過其實係港式西餐廳本身想揀比較特別嘅德國豬手餐 但見佢推介西冷扒餐就諗住試下佢 另外加$8 轉飲凍cappucino先嚟咗餐湯有南瓜湯同羅宋湯 南瓜湯味道一般啦後來等咗十幾分鐘都未有嘢食嚟 先發現漏單 見到其他客人都有漏單情況 需要改善同咗侍應反映漏單後都好快上菜我揀呢個飯個蝦有驚喜 算大隻同彈牙 唔錯而西冷扒比較薄同韌 有啲失望 醬汁味道不俗凍cappucino一般般 唔可以同出面靚cafe比 不過唔甜已經算好Overall嚟講幾抵食 味道中規中矩 但人手唔夠 午飯時間漏單情況嚴重 需要改善

依家所有餐廳都喜歡叫自己Cafe, 原本諗住輕食再嘆杯咖啡，怎知原來都是西式餐廳。不打緊吧！抱著試一試的心情入去。餐廳地方不大，但感覺算是ok舒服的。沒有特色的裝潢，只有這位置望上去有少許歐陸風情。這裡由星期一至星期六都有特定的set lunch, 今天是星期五，幸好選擇還是合口味的。今天的餐湯是南瓜忌廉湯，質感調得不錯，南瓜跟忌廉/奶的份量也調得很好，南瓜味十足，忌廉亦不會因為過多而有飽滯感。德國黑椒蜜糖豬手配意粉：意粉比較腍，如果烚的時間調短一點，帶點煙韌會較理想。豬手焗得很好，皮是脆的，肉質鮮嫩帶點鹹，最欣賞的是沒有多餘的油份但卻不會有乾的感覺，$50食到這樣的水準算是不錯👍🏼芝士菠蘿鮮茄焗豬扒飯 ： 焗飯時間拿捏得不錯，豬扒juicy, 鮮茄汁份量亦剛好，不會太乾或太濕，可惜的是米的質量較差，像是米糠般。再者，全個焗飯一粒菠蘿都沒有😂飯後的即磨咖啡味香而不澀，為Cafe一字帶回少許存在感，應記一功😆但大家要有心理準備，因為飯後身上帶點油煙味，如果晚上有gathering而著得靚靚的，就要考慮考慮😊

由於工作關係，又唔太熟荔枝角，所以同同事求其搵咗間餐廳食飯。諗住近近地咩都試下先，點知咁容易就中伏。黑椒蒜香薯仔牛柳粒飯＄46米飯偏硬，唔係軟熟個種。自問對飯嘅要求都係正正常常就可以，但呢間嘅飯令我有種食緊小學飯盒嘅感覺，有濃濃嘅頹味。醬汁方面，黑椒味好濃，但濃烈得好死，唔係香個種，反而令人覺得太刺激。蒜香味就真係唔太食到，比黑椒味搶哂。薯仔係細細粒切法，都係普通貨色唔特別，亦食唔出薯香。牛柳粒唔香，牛肉味欠奉，好失望。由於呢個飯連正常都算唔上，實在好難食哂佢。呢個餐仲有包餐湯，但係全枱人嘅湯都係食完個飯後上，仲要我地醒起提店員先有得飲。呢類服務上我覺得亦有改善空間，店員工作態度感覺有點散漫。