影片
1511 浏览
母亲节前夕，为怕契妈煮饭操劳，傍晚时分契爷就叫埋小肥两兄弟一齐入深水湾高尔夫球会个咖啡室「Fairway Bistro & Grill」度食个便饭。点知我地六点三到达深水湾，却发现会所全场爆满 ，只有酒吧「Captain's Bar」有位，所以就临时转场，喺酒吧用膳。高尔夫球会有别于市内一般私人会所，非会员都可以享用球会内部份设施及餐饮服务，限制详情小肥就唔系好清楚。俱乐部邻近深水湾沙滩，故多条巴士线都会路经，远水路得黎都OK方便。由于会所室外停车场不设收费 ，好多客人都会选择自行驾驶，车位当然系先到先得啦！室内灯光柔和o既「Captain's Bar」通爽阴凉，店内o既几张高櫈、埋墙o既梳化及其他椅櫈全为胶皮造，阔落舒适，简洁卫生 。契父母一家同哥哥都好健康，清一色同选食自助沙律吧，唯独小肥要从餐牌上拣选淀粉质热食越南汤河 。 Vietnamese Rice Noodles Soup with Beef Carpaccio（$72）：如相所示，汤底并不油腻，碗内粉红色薄薄o既牛肉片比方间一般越南餐馆所提供o既越南汤河更为半生熟 。河粉份量虽然唔算多，但胜在用料上盛，牛肉质感软嫩，生洋葱超级爽甜，汤底香浓，美味非常！嘻嘻，既然汤河只属中型，小肥就好唔客气地叫咗个甜品食。Warm Apple Crumble with Vanilla Ice-Cream（$60）：即叫即焗o既苹果甜品新鲜热辣，面层o既饼碎香脆干身，馅中o既苹果碎半溶中又带点爽脆，配上香滑o既云尼拿雪糕，效果很是甜美 ！高尔夫球会内o既「Captain's Bar」环境优雅，皮櫈舒适，气氛轻松，食物高质，会员更可享有九折优惠，实属抵食之选 ！
继续阅读