can‧teen

营业中

休息中

11-9-2005 1712去H-Tea-O Tea Salon 食個貴夾唔飽既午餐，點有心機上堂呢？趁大休時近近地黎呢度整番碗車仔麵，裡面有豬皮、貢丸及豆卜，份量係茶餐來講都已經唔少，加埋自取既辣椒油、辣椒醬，及凍咖啡，咁就真係飽曬！

下午茶, 一盒田園沙律, 一罐健怡可樂.田園沙律ok多料, 但個"醋汁"好難食, 好似係中式紅醋咁, quality好差. 最妙係個非吸煙區, 同吸煙區只隔一棵樹, 就算海富中心中央個樓底有3層樓, d二手萬寶路一樣會飄向隔離, 十個臭!!!

早幾日食過利苑果碗乾爭爭手指公牛腩後, 今日又想食.下午茶, $25有凍飲有牛腩河, 牛腩鬆化汁香, 用坑腩(?), 脂肪比例剛好, 唔使"趙"都食到, 估唔到咁掂!

下午茶餐（$15）有：占醬多：抹上草莓果醬和牛油的厚多士，烤得唔夠火喉，但都好過「大家x」那款僅烤到廿個巴仙的厚多士。熱鴛鴦：快餐店水準而言，算麻麻地，…。傍晚六點，巳經人頭湧湧。貴「大家x 」五蚊，但服務和食物質素都好廿個巴仙！多士即製，店員親自把製成品送到我跟前，還附上快餐店罕見的…「笑容」兩秒，以及「要你久等，唔好意思」這句窩心話。

某天早上，本想到「黑麥」買早餐，但因「蕩失路」，亂打亂撞走到這兒。啊！原來這兒亦有「Can-teen」！於是，將錯就錯地在這兒外賣早餐回公司。跟在IFC 時一樣，購買美式鬆餅和熱飲。是日的美式鬆餅只有巧克力味和陳皮味！好，連新皮味都夠膽出，不愧係勇於嘗試的美心集團！陳皮味美式鬆餅（$6）：製品招紙印著「marinated orange peel muffin」！老實講，食到濃郁的牛油味，但果皮味就連影都唔多覺，…，真係…失覺晒！算罷啦。熱檸茶（特價$5）：有茶味，惜偏淡。此濃度用來作檸檬茶還勉強可以；若用來作港式奶茶或鴛鴦，睇怕走奶都嫌淡！隨著麵粉漲價，市內大部份麵粉製品都加了價。美式鬆餅每枚加一塊錢，即廿個巴仙，漲幅不少。