can‧teen

营业中

休息中

在返學之前，常常只吃了早餐諗住可以頂到大半天，捱到放學，但學校的冷氣實太凍，凍到震，於是趁break,就忍不住去隔離商場的飯堂補充下能量！在餐牌上，好多都好行貨的下午茶餐，例如煎蛋餐肉公仔面，叉燒飯.....等，好不容易，勉勉強強地選了芝士焗蛋沙律法包配熱奶茶，製作需等五至八分鐘因飯堂都坐滿了人，好難才找到零落的位子，我只好端著杯熱奶茶同號碼牌去找找位等我的旦多士！好了，店員姐姐終於替我呈上焗旦旦多士，yeeeee眼前有少少發亮，因為沒想過，快餐式飯堂般都竟然有火箭菜？！無錯，二片焗旦旦多旁竟然有咋火箭菜沙律伴黑醋汁wow！心情當堂好了一半！第二個令我隻眼再亮多一亮是，當我咬第一啖焗旦旦多時，我必須立即放底，然後拿小白出來影底！咩事呢？！忽然之間好緊張!!!!!好美味！你不可以想像到，這麼普通的名字--------芝士焗蛋沙律法包,在這麼的一個飯堂，可嚐到這麼的一個味道！個法包多士，咬下去是鬆化的，沒有一口硬的感覺，芝士適當地舖上旦旦上，沒有搶了主角旦旦的味道，話明主角，它佔的份量一定不可以太少！旦沙律很香，夠哂moist 一D都唔乾爭爭！！雖然那麼普通的一個Tea ,你也看得到，我咬

又是因為工作關係，今次要逗留於金鐘廊，見時間尚早之下，例牌也吃個早餐祭祭五臟廟。在既來得要快，預算亦不能太高，還想來個新選擇（註：總不成又是那幾間連鎖快餐店），思前想後，最後選了海富中心的Can-teen。早輪曾提及過美心集團的快餐業務，Can-teen便是其中早期的試驗作，採用開放式的環境，相對於同系的MX，食譜亦來得較為「高檔」，大部份食物於購票後才即場製作、或取了食物後才付款，都有別於傳統的快餐模式。當然價錢也來得偏高一點，可惜分店的數目不算太多，論普及程度仍需加把勁。在久沒品嚐之下，先來一個廿六元的炸魚柳雙蛋早餐：大家排著隊向侍者落單叫食物同時，後面的廚房亦忙個不停，當自家的早餐弄好後，也立時推去收銀處付款。這雙太陽蛋煎得甚為美觀，外層略帶焦邊，蛋心更呈現流心狀，是合格之上的水準。炸魚柳亦來得香脆，「伴碟」有茄汁豆及他他醬兩項，可惜多士來說卻烘得不脆，較為淋身，加上不太達標的熱奶茶味道，茶味也有所不足，算是虎頭蛇尾之作。兩週後剛好又在那邊，因利成便之下，那就來多一頓好了。今次已改為先購票後取餐，幸好仍是即叫即製。餐飲改為一杯即磨咖啡，味道來說也不算太香濃，帶點酸味，這裡的餐飲甚

今日去咗金鐘嘅海富中心嘅food court食lunch，估唔到都幾多人吓，等了好一陣子才有位~這裡食物的種裡不算是太多，主要的中、西、日式食物都有提供，以food court來說，價錢算是偏貴，平均四、五十元一個午餐~今次點了個黑椒雞扒飯，雞扒煎得很香，不過醃得偏鹹，肉質幾嫩滑，算是juicy的，而雞皮亦很香脆，但礙於健康問題，咬了一小口就放棄了......至於黑椒汁的味道算是一般般的，黑椒味不太重，而且味道亦是太過鹹，白飯亦有點硬......整體而言，以這個價錢來吃food court，加上這麼一般般的食物水準，感覺不太值......

距離講座開始還有30分鐘，我在Canteen食早餐，多數早餐都包括薯餅，一來怕熱氣，二來超過 $28太奢侈，所以選擇了比較便宜的港式早餐，肉醬湯米粉出乎意料之外的好吃，如絲般幼滑的米粉，加上可口的肉醬，真想再來一碗！即磨咖啡，很Milky比較淡口，但不失咖啡香。

由於本人在金鐘區工作的關係,這間Can-teen 可算是本人的飯堂之一這間快餐店的優點是除了Basic的菜式不變外,其它菜式都時常更換,為我們上班一族提供快捷新穎的午餐今午菜式:台式午肉麵 - 兩件牛肉加起來有我的拳頭咁大,肉嫩而軟滑,麵選用粗麵,有點像烏冬,湯底用了紅蘿蔔及白蘿蔔來做,雖然沒有正宗台灣午肉麵的味道,但都非常好味

很喜歡吃canteen 的日式牛肉飯，它的牛肉是薄牛扒，不是肥牛，汁很甜，拌白飯吃很美味。餸很多，飯也不少，每次我都吃不完。有少少蔬菜伴飯，算是健康。可是飯太軟。但總括來說都是百吃不厭的。

今日出去金鐘外影,中間有lunch time休息,來了海富中心來個Quick Lunch,Order左薯仔雞飯同朋友Share個薯仔雞份量都okay多,個汁好濃且雞柳同薯仔都煮到好入味,快餐黎講水準真係唔錯!但係對我黎講,個快餐menu都係偏貴,唔怪得d金鐘番工的朋友成日同我講要行番近灣仔先有飯食

先拎左野食,之後比錢燒味雙併米粉:叉燒併燒鴨,盛惠三十一元,唔係貴, 因為係下午茶價錢但唔明點解燒鴨多過叉燒既?叉燒: 全瘦, 咸得夠入味燒鴨: 少肥, 但皮較肥膩米粉: 都幾大個見到有辣椒仔, 幾好...下了一點落個湯內, 味道辣辣地, 好好味!人不多, 不用等位, 因為都成6點鐘喇...

叉燒河粉($28).叉燒份量都幾多, 肥瘦適中, 蜜汁味好濃, 正！不過d河粉太碎, 好難夾, 亦都太腍；湯底又太鹹。所以好多方面都仲要改善。

諗住係美心的化身,加上上次係九龍灣個間食過都幾好,諗住佢都唔會差啦,點知..我本人自問對食唔係話太多要求,什麼我都可以放進口的,可是今次真是..粉面套餐:$25 可選2個餸加一個面,我選了腐皮卷,水較,刀削面,見佢有刀削面咁特別咪試下囉,面都可以接受,但我以為腐皮卷係泰色個d ,原本唔係,係街市買個d ,好失望.失望之餘再上佢的腐皮卷係好唔新鮮囉 , 好林梅梅地咁~~湯又比得勁小喎,.成碗野好似未煮熟咁!燒味雙併粉:墨魚併燒鵝,冇記錯係三十幾元,冷飲加$3,唔係貴,墨魚係冷的都情有可願,但唔明點解燒鵝都係冷的,是在雪櫃裹放出來忘記丁返熱嗎?在食冷盤嗎?餐廳是先取食物,後比錢,怪怪的!食個三文治好過,起馬見人地食都是熱熱的,大大件!

早了出門大把時間, 0黎好日都唔0黎的呢度買個好日都唔食的「連鎖早餐」返公司慢慢食, 簡單要份腿蛋治, 加個熱奶茶 ($20).一心以為可以食到茶記 style 的腿蛋治, 點知去到「外賣部」拎0野食, 先知原來係 Pret 式包裝, 好在無樣衰地要求「烘底」0者 @_@" 腿蛋治賣相「健康」得很, 連皮白包乾爭爭得很, 火腿味道「金妹」得很, 勁薄蛋就無味得很. 好在有杯奶茶濕潤0下!不過杯奶茶都真係幾唔好飲, 味道令人諗起醫院 / 學校 canteen 的出品. 唔怪得呢度索性叫自己做 "can-teen" 啦.$20 食一個咁0既早餐, 雖然幾健康0下, 但都幾肉赤, 免得過都係自備香蕉蘋果菠蘿包好了.本來無諗住寫呢篇食評, 但有幾可食早餐 / 食街外0野做早餐0丫, 唔爭在寫一篇俾佢, 還掂短期內唔會幫襯的!

因為趕時間,快快趣趣係CANTEEN買左份腿蛋三文治,要成十幾蚊,又凍冰冰,好似都幾貴…以為係切皮白方包,拆開左先知係連皮,未拆時真係睇唔出,塊包乾乾咁,真係好麻麻地;火腿有一片,但係質素低,好多白色部分,無火腿香;件蛋係煎蛋餅果款,唔係烚蛋果種,薄薄一片,只係有少少蛋味,又乾又薄又味淡。整體上,食得你飽既,但係唔好有好大期望,茶餐廳一定比佢好食!同埋,如果呢度可以有麥包做既三文治就最好啦!我喜歡麥包多一點,希望CANTEEN可以俾顧客多一點選擇啦!

因為趕住去朋友婚禮,星期六收工後飛快係附近食個午餐。點左個什麼牛柳絲飯,真係好快,一叫即有,順手要多個中式例湯(加$6),然後先排隊俾錢。估唔快餐都咁骨子,個飯係用一隻長身船型碟載,上放一碗牛柳,旁邊放一舊倒模出黎既白飯,坦白講賣相都幾靚。睇落以為份量少,食落先知原來份量好足好夠,仲令人好飽,原來感覺上少,因為個碟太大!牛柳夠腍少筋,幾好味,而且唔少,牛柳加汁飯好好味,令人食下食下好易食晒,不過青椒紅椒份量其實可以少一點。中湯係合掌瓜豬肉咁上下,都可以,飲唔出有好大味精,但係有好多好多合掌瓜,仲有南杏,以快餐黎講,都算唔錯!

是晚放工後去金鐘AMC 看Rambo,看戲前偕友來到這裡。未看水牌也是心裡有裡預料是百(食)物騰貴的，但意想不到的是即炒粉麵配汽水竟然只需$28，我們當然二話不說就要了。是一碟合格有餘香氣撲鼻的乾炒牛河，份量適中，夠鑊氣，牛和河都炒得很乾身，比不少餐廳都還要好。$28 連汽水，人在金鐘，夫復何求哉？

8/4(二) 12nn午飯時段,與學友們一行四人於海富中心內的Can-teen找點吃的.Can-teen乃為高檔次的美心快餐;價錢也故之然屬非一般;先爭食物後付錢.跟一學友share了鮮茄汁海鮮天使麵$48.茄汁味道天然,天使麵口感的份量尚可;而大蝦,魚柳,青口,魷魚等海鮮除青口外,其餘的海鮮屬新鮮資色,加入數撮火箭菜頓時升格不少!加$6可享像樣的即磨咖啡一杯,再者環境挺開揚的,總括來說是吃得過!