Cafeteria

营业中

休息中

母親節午市變咗做自助餐。今次有焗龍蝦。仲有焗蠔。生蠔即叫即開。應該係話不停咁樣開。就算啲人不停咁攞，都唔會冇貨。仲要係不停咁樣補貨，去到自助餐完結為止。絕對唔俾機會客人投訴冇嘢食。冷盤有芝士火腿，生蠔，刺身，同壽司。熱食都係嗰啲啦。炒蟹，咕嚕肉，燒牛肉，燒雞，燒鴨，燒肉，咖喱，蒸魚，仲有點心。室外泳池旁邊仲有廚師即場燒烤⋯⋯不過我太飽。食完室內嘅嘢，已經冇位食室外嘅燒烤。甜品好多都好好味。不過creme brulee 上面加燕窩有少少多此一舉。啲燕窩唔好味。仲要搞到面頭嘅焦糖溶晒，冇晒脆嘅焦糖。好鍾意食佢哋嘅芝士蛋糕。movenpick 雪糕只得三種口味.

特別節日會有自助餐供應。因為通常都係會員先喺度食，所以唔太多人。食物種類都算多，質素亦都唔錯。所有嘢都好新鮮。生蠔好新鮮，唔會有怪味。因為人唔多，所以唔會好似外面啲酒店咁要排隊或者限住攞幾多隻。佢哋嘅鵝肝好好味。煙三文魚都好好味。外面有即燒BBQ。其實真係有好多唔同嘅食物選擇，好難一次過食晒所有嘢。連甜品都好多。職員服務態度好好。不過特別日子有自助餐嘅話可以坐滿，呢啲時候就可能要迫少少啦。食一個lunch buffet，可以飽成日。