Cafe Zense

营业中

休息中

🌟🌟🌟🌟🌟🌟🌟🌟🌟🌟🌟🌟🌟🌟🍽 Cafe Zense (銅鑼灣)📍銅鑼灣謝斐道460-462號楊耀熾商業大廈4樓🌟🌟🌟🌟🌟🌟🌟🌟🌟🌟🌟🌟🌟🌟又到懲罰黄店時候！今日黎到銅鑼灣shopping買嘢，順便黎試下呢間黄到發光既Cafe Zense😏Grilled Ox-tongue with Sea Salt HKD78我係牛舌愛好者，呢味海鹽燒牛舌真係不得了😱😱好味到痴曬線！個面脆卜卜架😭😱😍入面肉質好結實彈牙，好好味，連伴碟沙律都好新鮮好好味😱超驚喜Seafood Paella HKD228西班牙海鮮燉飯d料多到！！洗唔洗咁良心，天呀😭好多蝦、青口同蜆！！！飯底混合左olive同甜椒絲，口感豐，用左茄膏去煮，好濃番茄味，如果冇咁濕會更正😋👍🏻Sesame Tofu HKD52叫左杯嘢飲，黑芝麻味十足，唔太甜，啱曬我Baileys Creme Brulee HKD48好重好香baileys味😍口感好滑好smooth，整得好好啊真心！埋單2個人$500幾蚊，以質素黎講都幾值得，大家記得去懲罰下佢啦！✨如果喜歡我的文章，可以關注我及讚好以作鼓勵喔✨

最近疫情嚴重想去銅鑼灣都要好小心，老婆介紹一間樓上cafe有室外位置，就過去坐下食個晚飯餐廳位置比較偏，唔係核心位置。而家倒返轉呢d位置更安全入到餐廳老婆已經坐左係入面有一半位係室內我上到去就同老婆一齊坐去室外，其實室外同時係比人吸煙，但時間比較早無人包場絕對好坐（有暖燈）我地揀好野飲同野食，等左無幾耐咖啡同茶好快就黎到之後野饂都送到黎泰式冬蔭公青口，青口數量唔少冬蔭公湯底有辣感但又未至於好辣，以cafe程度黎講好適合。海膽溫泉蛋意大利粉係店員介紹主打，果然好好味意粉好有咬口，海膽配汁半溶狀態，可以食到粒狀之餘意粉汁又有海膽味，再打開溫泉蛋伴埋一齊多重口味今次埋單落$400，但有個好環境可以出街食下野已經好好。同場加影cafe有準備結婚男女想包場，暫時一個月前已經可以book到

今日lunch同同事黎到呢間銅鑼灣樓上cafe 。我地叫左一個lunch set，散叫左蜜糖芥辣雞柳串、泰式冬蔭公大蝦意大利麵同德式班戟伴冧酒脆糖香蕉．朱古力碎。Lunch set叫左香煎慢煮加拿大黑毛豬鞍扒．南瓜薯蓉．芥末籽燒汁，包左精選餐湯或煙三文魚雜菜沙律，另送餐飲。煙三文魚雜菜沙律份量都唔細，沙律菜新鮮。香煎慢煮加拿大黑毛豬鞍扒果然嫩滑d，唔韌，而且都幾厚，南瓜薯蓉好幼滑，好食。泰式冬蔭公大蝦意大利麵有少少辣味，大蝦數量唔吝嗇，幾惹味。蜜糖芥辣雞柳串上碟估唔到甘大串，有兩大串，有炸過，食落啖啖肉。德式班戟伴冧酒脆糖香蕉．朱古力碎，香港好少餐廳有得食，班戟好大個，屬於薄班戟，用平底鑊上可以keep住溫度，同雪糕冷熱交融一齊食，正~最後仲有lunch set既蜜桃冰茶。呢間有免費wifi，可以hea足整個下午。

今日年三十，約左個中學同學見下面，佢介紹我去呢間位於銅鑼灣一蘭附近嘅樓上cafe~~先講下環境，地方都好大，最重要係有個室外嘅大露天地方，好Chill 我地點左1個lunch set: 包括 1. 煙鴨胸沙律 : 沙律菜好新鮮，不過份量少左D2. 龍蝦忌廉汁鮮蝦意大利飯 : 好濃芝士味，龍蝦好爽彈!! 另外單點左1個海膽温泉蛋意大利麵 : 呢個味道淡少少，蛋汁好豐富, 海膽份量都唔少最後點左兩杯飲品reo 豆腐Smothies及熱情果芒果沙冰本日最suprise 就係呢杯豆腐沙冰! 豆香好重，飲落又唔會好甜，加錢都一定要嗌!!

今日來到銅鑼灣搵食，我哋去咗呢間Cafe。一上到去已經差唔多滿座，但係店員依然安排我哋兩個人坐喺四個人位，希望我哋坐得舒服啲，抵讚！我哋叫咗兩個餐一個係，羊柳配薯蓉，另一個係大蝦意大利飯。羊柳煎得好好味，好林，羊味好香，薯蓉份量好多，個汁酸酸甜甜好好食，好夾羊味！另外大蝦意大利飯，飯粒口感分明，唔會太林。大蝦新鮮，飯汁係有忌廉同埋芝士味，好好食！兩個餐分別我哋都跟咗南瓜湯，假日仲有午餐包湯，其實真係好抵，好多地方星期六日都已經冇午餐。除咗兩份餐之外，我哋另外仲叫咗個炸魷魚，魷魚外皮炸得好香脆，裏面好軟熟，廚師功能好夠！飲品叫左茉茶拿鐵同夏威夷朱古力，好好飲，質素好過好多連鎖咖啡店！

難得約左好來冇見既朋友出黎食飯，當然就想去一d坐得舒服，環境比較好既咖啡廳，咁我地就決定去銅鑼灣樓上cafe，地點都好容易搵到，係銅鑼灣c出口，行一陣就見到既楊耀熾商業大厦當中，約朋友就要搵d，近地鐵站附近既餐廳咖啡廳裏面環境優美，座椅基本就係梳化，坐落更加舒服，我見到出面有大陽臺，坐係出面就可以享受埋度假感覺白酒忌廉藍青口$138酒味唔算太濃，忌廉味道較重，令青口食落更加滑身加有淡淡牛奶味，更能帶出青口鮮甜特濃朱古力心太軟$78由中間切開，已經有朱古力醬流出，味道香濃幼滑，配上果仁雪糕，一冷一熱，食到雙重口感芒果乳酪沙冰$52因為加上乳酪，令到芒果味更加香甜，唔會出現酸味蜜桃荔枝沙冰$48蜜桃配上荔枝味，味道感覺清新，而且唔會太甜

是日同HONEY行街，去到CWB哩間樓上咖啡店Cafe Zense，室外室內的環境都唔錯，但因為凍凍地，我地都系選擇左室內坐，是日同HONEY點左Zense雜錦拼盤，芥末籽忌廉蟹肉雜菌意大利扁麵 同埋泰式冬陰功大蝦意大利麵Zense雜錦拼盤，Zense雜錦拼盤真的好多不同的炸物Zense雜錦拼盤內有蜜糖雞翼、蜜糖芥末雞柳串、薯條和紐倫堡腸由其蜜糖雞翼，真的好惹味，薯條好脆口，愈食愈想食，芥末籽忌廉蟹肉雜菌意大利扁麵芥末籽忌廉蟹肉雜菌意大利扁麵上到來，忌廉蟹肉都好多，食落口感CREAMY濃郁忌廉汁和雜菌，加上意粉，真的好有味道~~泰式冬陰功大蝦意大利麵泰式冬陰功大蝦意大利麵哩個我同HONEY都好有驚喜，食落冬陰功同意粉味道好夾，唔會太辛辣酸酸辣辣咁，真的同HONEY爭食，職員真的好好笑容 好有禮貌 抵讚!!!

因為怕凍嘅關係所以一早打去BOOK定室內坐地方唔算好大， 二人坐位有少少迫不過如果多人去我見會比張大D嘅檯， 可以坐得鬆動D🍝 香蒜黑椒煙肉蜆肉意大利麵 ＄118意粉軟硬適中少少辣， 好香蒜蓉味😋差唔多檯檯都有叫 👉🏻 Zense 雜錦拼盤 ($138)雞翼同蜜糖芥辣雞串都點咗D黑醋醬酸酸甜甜好開胃呀蕃薯條熱辣辣好香口， 會食唔停嘅🙈🍩 特濃朱古力心太軟 ＄78每次見到我都叫嘅甜品中間嘅流心真係超濃朱古力味， 唔會太甜配雪糕食變咗人間美食🤤上菜速度慢咗DD不過就可以邊食邊傾偈， 又唔會趕交檯可以同朋友輕鬆ENJOY晚餐

同閨蜜gathering，當然要選適合談心而坐得舒適嘅地方啦喺cwb行完街search到呢間黃色樓上cafe唔凍嗰陣坐出面露台仲chill質素唔錯，唔會趕人走，可以慢慢食慢慢傾不過我哋都唔會坐太耐阻人做生意 抺茶豆腐呢杯smoothie好特別，質感幼滑最初飲到粒粒豆腐口感愈飲抺茶味愈濃郁，豆腐味反而被抺茶味遮蓋咗飲到底抺茶味最濃泰式冬蔭公大蝦意大利麵有辣味，味道幾香濃惹味大蝦配料充足，唔呃秤炸魚薯條伴香茅他他醬我喺澳洲返嚟好少食炸魚薯條啦突然想食返吓質素都唔差，薯條外脆內軟，條條都幾大條，數量都唔少炸魚亦值得一讚，咬開真係有一塊塊魚肉油炸完啲粉唔厚，只係薄薄一層炸粉食落好香口香草蜜燒雞翼味道偏甜，香草味點綴令聞落更香蜜糖包裹每隻雞翼，不嬲都覺得香甜嘅蜜糖味超適合配搭雞翼脆焗蘋果金寶首選推介！apple crumble即叫即整，建議後上更美味上枱時apple crumble熱辣辣，而上面有一顆雲呢嗱軟雪糕球一冷一熱，對感官好刺激雪糕好快會溶，所以要影相就要快啦！apple crumble經烤焗後，表面輕脆而內餡有粒粒蘋果粒，啖啖軟綿綿味道只係少少甜，好可口

早幾日同朋友嚟到銅鑼灣食晚飯，諗住搵間靚靚咖啡廳坐低傾吓計食下野，結果就嚟咗呢間餐廳，餐廳分咗室外室內兩部份，喺露天位置食嘢更加chill🙂_首先我哋叫咗一個白酒忌廉藍青口$138分量本身以為會好少原來都幾多下，一大盤一邊滿滿的忌廉汁和蘑菇，配上青口很夾，店員也會另外再給盤子放殻，不用擔心會弄污餐枱_甜品方面叫咗一個特濃朱古力心太軟 $78這個有驚喜，擺盤設計非常靚，心太軟有流心而且份量亦都非常足夠，心太軟旁邊有時令水果和一球雪糕，雪糕有nuts食落去都幾有口感，另外這裏也有很多款甜品可供選擇_飲品方面除咗一般咖啡之外也有一些沙冰和花茶， 我們叫了一杯芒果乳酪沙冰$52和蜜桃荔枝沙冰$48兩杯感覺也很清新，比較喜歡蜜桃荔枝的那杯，飲落去會比較清爽一點

鑱咀萬萬歲🙌🏻ChamZeoiLongLongLife🙌🏻🐭Zense Cafe一半萬歲🙌🏻餐廳分室內室外，室外環境非常chill ，飲野傾計絕對一流，而室內嘅枱櫈空間就迫左DD.菜式選擇唔多: 小食，意粉，意大利飯，Pizza，但有大量特色飲品。Scallop Squid Ink Rissotto $148賣相👅👅👅👅味道👅👅👅👅口感👅👅👅👅份量👅👅👅👅性價比👅👅👅👅👅🐭帶子外層煎得甘香，裏面非常鮮嫩。除咗墨魚汁，米飯亦吸收咗上湯嘅香味，飯入面仲加咗大量蘑菇片。Spaghetti Cabonara $108賣相👅👅👅👅味道👅👅👅👅口感👅👅👅份量👅👅👅👅性價比👅👅👅👅🐭調味剛好，又多配料。但美中不足係意粉太硬Daily Soup $38賣相👅👅👅味道👅口感👅份量👅👅👅性價比👅🐭味道非常之怪！忌廉味好淡，入面有d打碎咗嘅薯仔溶。最敗筆係居然加左大量蒜蓉醬落個湯度，莫名其妙🤨Honey Mustard Chicken Skewer $68賣相👅👅👅👅味道👅👅👅口感👅份量👅👅👅性價比👅👅🐭烤過龍，雞肉非常乾。Honey Mustard 汁味道唔錯錯, 伴碟沙律菜新鮮Aloe Vera Ci

今日放工去銅鑼灣搵嘢食，無意間發現左間唔錯環境 、價錢唔太貴的樓上cafe😉好適合成班朋友gathering🐔水牛城雞翼 $68好惹味，佢d醬汁好開胃😍酸酸甜甜咁，又帶啲辣😌🍽All day breakfast $128有🐠煙三文魚、🥓煙肉、紐倫堡腸、🍳香滑炒蛋、茄汁焗豆、香草炒雜菌、🍞蒜蓉多士、🥔千層焗薯， 好豐富😚個千層焗薯幾正❤️📔Menu 上d 食物同飲品款式幾多，可惜我呢日係毒毒食🥴如果唔係的話，可以叫好多款嘢食🤤

朋友介紹嚟銅鑼灣食西餐，好開心因為發現呢間有質數嘅新餐廳，先講頭盤嘅沙律，唔只係有菜，仲有鴨胸，南瓜湯好夠味，唔會好浠👍🏻Lunch Set嘅選擇樣樣都唔錯，安格斯牛肉漢堡超厚，厚到上枱時要用把刀插住先唔會瀉，青檸雞肉芫茜扁麵，呢個真係有驚喜，原來有少少酸酸地嘅青檸味道可以咁夾，龍蝦忌廉汁鮮蝦意大利飯，飯質好有咬口，隻蝦又爽口😋套餐可以配冰桃茶，唔洗飲咖啡檸水咁悶，特別要介紹下特飲真係要一試，曲奇朱古力沙冰, 大大杯好濃郁...今餐真係有驚喜，加上環境舒服，見到小擺設係良心店舖，食得好開心...

熱鬧嘅銅鑼灣，原來隱藏着一間喺商廈嘅寧靜餐廳，環境好舒適，有室內同戶外，啱晒身邊吸煙嘅朋友。一行四人叫咗三個lunch套餐，有南瓜餐湯或沙律、沙律仲配煙鴨胸👍🏻意粉好煙韌唔會煮到好淋，意大利飯好夠味，有口感😋漢堡包配薯條份量都好多呀，飲品可以配冰桃茶，轉飲咗杯朱古力曲奇沙冰，半價好抵飲，同埋放咗好耐都唔會溶，用飲管都可以當匙羹咁用，好杰身，唔會好浠...正👍🏻每樣食物都好好味，價錢又唔貴，平日lunch又唔收加一，好抵食✌🏻

銅鑼灣cafe 數目唔少但印象最好我最滿意都莫過於呢間Cafe zense咁成個Cafe嘅格局呢都係非常之fancy座位闊落而且睇得出佢哋好有心機裝修💕💕💕咁我哋首先就叫咗個小食拼盤拼盤嘅內容都幾豐富燒雞串💕咁佢嘅雞件無骨但係好Juicy 大大嚿肉燒得卜卜趣正蜜糖雞翼💕非常香口 好多汁酥炸薯條💕加埋茄汁勁好食雞肉腸💕香味好濃😘仲有少少沙律配碟添首先要咗個意式香草蕃茄大蝦扁面首先非常鍾意佢嘅蕃茄香味而且蕃茄整到非常之合適😁有咬口得來酸度亦都足夠大蝦都新鮮 煎完之後先放上扁面上面非常之理想❤️第二個係墨魚汁帶子risotto 佢上面仲放咗好多芝士碎片融入喺risotto 入面好正👍帶子真係成個飯嘅精髓💋好林又大粒💕另外我哋要咗兩杯好特別嘅嘢飲我自己就叫咗宇治金時嘅沙冰飲落去綠茶味超級香!!!必點item而且佢哋打得好滑一d 澀味都無男朋友要做要一杯Oreo嘅飲品唔算特別甜而且夠晒香價錢亦都唔貴服務態度亦都勁好