Cafe Zense

营业中

休息中

今日同朋友去銅鑼灣！食飯我們找了一間之前朋友食過的樓上cafe 餐廳已黑色和灰色做主調！有室外和室內兩部分！我們之前訂了位！好彩有訂！如果不是要等到9:30😁我們點了小食 燒厚切牛脷！牛脷好淋好內味～外面燒得脆脆的！十分好好好味！超級推介👍🏻👍🏻👍🏻👍🏻👍🏻主食溫泉蛋海膽意大利麵溫泉蛋剛好，海膽已經容入左意粉內面味道剛好！香煎北海道帶子墨魚汁意大利飯！帶子好香！墨魚汁🤣😂食到嘴巴黑黑的！

話說呢間位於銅鑼灣嘅樓上咖啡廳之前已經同朋友嚟過好多次食夜晚，最近終於有機會趁放飯黎試佢呢度嘅lunch Set🤩套餐已經包左餐湯或者煙三文魚雜菜沙律🥗同一杯餐飲，仲可以以半價優惠轉特飲添💜_🍔美國安格斯牛肉煙肉漢堡伴蛋黃醬+招牌薯條 $128擺盤有心思，漢堡嘅麵包外層脆身香口，內層則十分鬆軟，安格斯牛肉和煙肉帶來多層次口感，值得一提嘅係薯條非常香脆，旁邊也有番茄醬🍅可以沾來食_🍌德式班戟伴冧酒脆糖香蕉·朱古力碎 $88食到最後就梗係要叫返個甜品啦，店員好主動幫我哋換碟和餐具，非常細心🥰成個鐵鍋擺款非常適合打卡，味道亦都非常有驚喜🤩班戟外圍脆身，內層口感好濕潤，食落去有層次感，配上面頭的焦糖朱古力碎香蕉和雲呢拿雪糕非常配合，食落去也不會太甜，大家下次嚟不妨叫個嚟試吓_🌼薰衣草花茶 $58有冇朋友仔平時好鍾意飲花茶呢？呢度有好多款花茶比大家選擇，薰衣草帶來淡淡清香飲落去有舒緩解膩作用，飲完仲可以叫店員加熱水沖多啲慢慢吹水慢慢飲_🍫曲奇朱古力沙冰 $52呢度嘅沙冰亦都非常有名，大大杯嘅沙冰就算當甜品都可以，曲奇朱古力味非常濃郁🍨

今日晏晝去左銅鑼灣嗰度做啲野於是就搵吓附近有啲咩好嘅餐廳食，唔打唔撞就嚟咗呢一間Cafe叫做cafe Zense一入到去望到個環境非常之闊落同埋舒服 😌雲石嘅枱面配上舒服嘅梳化，仲有植物配親，相當chill除咗室內嘅空間仲有室外，坐喺室外感覺會比較開陽尤其是而家疫情比較嚴峻，想呼吸新鮮空氣嘅朋友就可以揀坐出邊，尤其是天氣好嘅時候陽光普照坐落去都心情特別愉快午餐嘅選擇都唔少嘅有意大利粉意大利飯仲有漢堡包等等嘅選擇唔想食嘢嘅朋友仔都可以嚟呢度飲番杯野佢哋度飲嘢嘅選擇非常之多咁我今日嚟呢度食嘅晏晝呢就包括湯或者沙律再加一份主菜然之後有咖啡或者茶我揀咗嘅係蒜蓉蝦炒意大利粉沙律係跟餐嘅，呢一份係煙三文魚feta芝士田園沙律🥗沙律菜非常之新鮮，有清新爽脆嘅羅馬生菜同埋紫椰菜，配上蕃茄仔同埋煙三文魚，再夾埋feta cheese，口感清新得來又開胃主菜終於出場擺盤非常之靚大蝦嘅份量唔少而且好爽口好大隻意大利粉口感啱啱好，又唔會吵到好乾身。而且用咗辣椒同埋蒜頭炒埋一齊非常香口最後我仲叫咗一杯黑糖薑茶暖下胃，滿足哂！

Cafe zense，如果沒有老友介紹，真係搵唔到呢間商厦樓上鋪。室内地方唔算大，佈置好有心思，有沙發坐，感覺好relex，而室外也有頗大地方用餐，随你鍾意坐邊。中午來到，揀咗两個lunch set，餐湯，沙律任揀其一，仲叫咗個78蚊嘅『鹽燒厚切牛脷』，厚切增加實在感，有咬口，真心好食。『慢煮加拿大黑毛豬鞍扒|時令薯菜|焦糖蘋果蓉』，價錢148，擺碟精緻，慢煮咗嘅豬鞍豬味十足亦唔韌易入口，焦糖蘋果蓉襯托如錦上添花。『羅勒香草醬大蝦魷魚扁麵』價錢128，大蝦鮮味足，够彈牙，香草醬飄來啖啖清香，風味十足。而跟餐半價優惠的蘆薈柚子茶真係有粒粒蘆薈㗎。

Cafe Zense📍銅鑼灣 Causeway Bay.⭐️ 呢間喺謝斐道嘅黃店樓上cafe有室外室內 室內有雲石雅座 啱哂幾個女仔食嘢chill吓傾計 餐廳都係以輕食為主 有all day breakfast, pasta, risotto 而飲品就有好多選擇 最特別就係佢哋嘅豆腐沙冰🤍 價錢方面都可接受👌🏻.🍔 美國安格斯牛肉煙肉漢堡伴蜜糖芥辣醬配招牌薯條: 份量好大 漢堡包塗上蜜糖芥辣醬好好味 可惜塊牛肉有啲乾又唔juicy😭 反而好中意啲薯條 炸得好脆亦帶薯味👍🏻.🦀 軟殼蟹蟹籽忌廉意大利飯: 本身係跟意粉 但係轉咗做risotto 有兩舊軟殼蟹 啲蟹籽令到賣相更加靚😚.🧊 芝麻豆腐沙冰 : smoothie好綿密順滑 芝麻味好岀帶清新嘅豆腐味 味道有啲似帶芝麻味嘅豆漿😍.☕️ 夏威夷果仁咖啡: 還可以 夏威夷果仁味不重🙈.🥗 煙三文魚沙律: 菜唔多 有一塊煙三文魚 都ok嘅😂

最近中午經常到銅鑼灣開餐，好像已經成為習慣，畢竟疫情肆虐下，所有餐廳都受到影響，現在出外用膳已經不用再大排長龍。重來Cafe Zense，感覺依舊，而且次我選擇到室內入座，望著戶外露天的園林景色，充滿悠閒感👍。 午餐跟配精選餐湯🥣/煙鴨胸柑肉沙律🥗，我們各自點了一款來吃，這天的精選餐湯是甘筍湯，口感香滑，帶有淡淡甘筍香，最重要是湯底濃稠適中。而煙鴨胸柑肉沙律感覺清新，煙鴨胸肥美甘香，柑肉既可中和煙鴨胸的肥膩感，亦能讓胃口大開。美國安格斯牛肉煙肉漢堡伴蜜糖芥辣醬🍔 l 招牌薯條🍟漢堡賣相不錯，伴有招牌薯條，而包包內裏的安格斯牛肉煙肉非常美味，牛肉製成漢堡扒，口感juicy，不易散落，沿邊帶點焦香及微脆，牛肉味重，讚。而薯條有炸至金黃色，入口香脆，即使放涼了亦不會變淋，加點蕃茄辣醬，惹味又滋味。肝菌忌廉和粒意大利飯🍜這裏的意大利飯和全統的不一樣，就是飯粒軟硬適中，不會有硬生生的感覺，而整個飯都帶有濃濃的菌香，而忌廉汁令口感更潤滑，配上肉質鮮嫩的和牛粒，perfect~蜜糖芥辣雞柳串🍽推介! 雞柳串淋上蜜糖芥辣，香甜中帶點辛辣，而雞柳大大粒，外脆內嫩，肉汁豐富，水準之作。焦糖咖啡及精選冰茶🍹

朋友介紹呢間西餐廳俾我，話係高質黃店。既然係咁，一於大大力懲罰下佢先。作為樓上鋪，佢有indoor同outdoor兩part，outdour 係吸煙區，比較chill，同班朋友係度吹下水一定好舒服。而indoor就有得涼冷氣～侍應服務態度好好，而食物質素都好高。可以搵到咁高質既黄店真係好開心。鐘意食辣既可以試下水牛城雞翼，而我呢個甜品控最鐘意既就一定係Baileys Crème brûlée，實在太好食啦

係銅鑼灣呢個鬧市入面，要揾一間樓上cafe，同friend傾下計、飲下咖啡，其實都唔係有好多選擇。今次就嚟到呢間有得飲咖啡，又有得飲酒，仲有好多嘢食揀嘅cafe。一入到去，除左有室內嘅座位揀，仲有露台嘅位呀，啱晒打卡，好正呀。ZENSE snack combo ($138) 呢個小食拼盤完全滿足晒客人咩都想試下嘅諗法，有香草蜜燒雞翼，雞翼嘅香草味好香濃呀。仲有蜜糖芥末雞柳串，雞肉都幾嫩架。大量招牌薯條，又脆又香。加埋平時好少機會食到嘅紐倫堡腸，大大份好抵食！焗榛子朱古力牛角酥布甸 ($68)呢個甜品夠晒特別呀，有牛角酥嘅酥脆，加上布甸嘅柔軟，好夾呀。伴碟仲有一球雲呢拿雪糕，超級好食，令人好想encore呀！芝麻豆腐 Smoothie ($52)第一次見到有豆腐嘅沙冰，梗係要試下啦。一入口就飲到好濃郁嘅芝麻味，加埋淡淡嘅豆腐味，配合得好好呀，飲到停唔到口。熱情果芒果沙冰 ($48)沙冰真係好大杯！份量多到成隻杯都裝唔晒咁濟呀。芒果味好濃呀，芒果控大愛！！

閨蜜生日 特登揀左間好耐之前食過覺得唔錯ge cafe同佢慶祝本來訂位嗰陣remark話想坐室內 不過去到都係要坐室外 好彩冇人食煙就算啦叫左兩個main course 一個小食拼盤shareZense雜錦拼盤 ($138)有薯條 雞翼 雞串 德國腸 都幾豐富個雞串幾juicy 不過雞翼就生左少少 仲有d見紅香煎北海道帶子墨魚汁意大利飯 ($148)我本人其實麻麻地意大利飯 不過壽星女想食就惟有陪佢啦~但食落又ok 唔係好一patpat嗰d口感 帶子都幾香芥末籽忌廉蟹肉雜菌意大利扁麵 ($118)我揀ge意粉 蟹肉好足量 個汁好濃郁 超正一人叫左一個花茶 少少不足ge地方係佢冇個小火爐熱住壺茶 所以去到後來d茶就有d凍左不過整體都ok 會再去幫襯

同朋友出街食飯，想幫襯值得香港人支持的小店，於是搵到呢間cafe Zense。total 叫左4樣野，分別係凱薩沙律，墨魚汁帶子意大利飯，炸魷魚圈，芝麻沙冰凱薩沙律好食，蔬菜新鮮，份量剛剛好，唔算多唔算少墨魚汁帶子意大利飯驚喜地好食，意大利飯煮得剛剛好，不會太多CREAM而好滯，帶子新鮮同埋鮮甜，份量亦唔錯炸魷魚圈個汁醬十分之好食，可惜既係食得出魷魚唔係新鮮貨，但份量都大份既芝麻沙冰好飲，唔會太甜得黎好有芝麻味另外值得一提既係服務好好，好多時你未舉手示意侍應定老闆都識得埋黎，雖然CP值不算高，但都值得再幫襯！

銅鑼灣人多車多，想搵一處寧靜地方傾計真係好困難。朋友介紹呢間隱世cafe， 環境好、食物性價比高，確係唔錯。餐廳裝修以白色為主，每枱擺放蘭花，散發高貴優雅氣息。戶外座 佈置園林種植，打造鬧市中的後花園，令人放鬆心情，有休閒自癒嘅感覺。芝麻豆腐沙冰不可不試豆腐沙冰，特色飲品有多款口味。推介芝麻豆腐，芝麻香濃豆腐軟滑，味道很突出!香煎北海道帶子墨魚意大利飯帶子微微煎燶外皮，香滑爽甜，意大利米粒短身圓渾，綿綿軟熟，吸收了墨魚汁嘅精華，味道濃沃有口感！全天候早餐有燻三文魚、煙肉、紐倫堡腸、炒滑蛋、茄汁焗豆、炒雜菌、蒜蓉多士和千層焗薯，份量十足。 煙肉香脆油脂甘香。紐倫堡腸肉質嫩滑多汁，食材高質。炒雜菌 菇菌香草味突出！特濃朱古力心太軟期待已久的甜品。朱古力味非常濃郁，切開心太軟，熱辣辣流心朱古力醬即刻溢出，和雲呢拿雪糕一齊食，一冷一熱，口感味覺一大享受！脆焗蘋果金寶經典甜品。底層蘋果粒，鋪上奶油和曲奇碎新鮮焗製，香氣撲鼻。外層香脆可口， 裏面蘋果蓉酸甜美味！

今次去咗銅鑼灣食佢嘅lunch set，佢包左餐湯🥣或者煙鴨胸柑肉沙律🥗同一杯餐飲，值得一提嘅係佢嘅沙律真係好新鮮好惹味！1️⃣德式班戟伴冧酒脆糖香蕉。朱古力碎 $88呢個夠晒架勢🔥成個鐵鍋擺上枱面！口感好有層次。班戟外圍有微微嘅薄脆，內層口感好濕潤。上面仲有焦糖朱古力碎香蕉雪糕，唔算好甜，配上咖啡☕️一流！🙆🏻‍♀️美味指數:7.75/102️⃣軟殼蟹蟹籽忌廉意大利麵 $138佢嘅忌廉真係好香滑，而且每條意大利麵上面都有蟹籽，好有咬口。意大利麵軟硬度啱啱好，唔會覺得好膩。軟殼蟹食落去啖啖肉，外層薄脆。🙆🏻‍♀️美味指數:7.95/103️⃣美國安格斯牛肉煙肉漢堡伴蜜糖芥辣醬+招牌薯條 $128用餐刀直插落漢堡，呢個絕對係重量級嘅代表。漢堡嘅麵包外層脆脆地，內層香軟可口，安格斯牛肉好肥美。薯條🍟炸得非常香脆！🙆🏻‍♀️美味指數:7.32/104️⃣芝麻豆腐 $52呢度嘅豆腐smoothie係佢哋嘅招牌之一，冰沙好綿密香滑，芝麻同豆腐嘅味道配合到淋漓盡致。🙆🏻‍♀️美味指數:7.12/10💡整體來講，同朋友嚟聚會呢度就最適合不過啦！Cafe Zense 地址🐾:銅鑼灣謝斐道460-462號楊耀熾商業大廈4樓

銅鑼灣人多車多 鬧市中既樓上cafe比比皆是 但鬧市中有室外座位既cafe少之有少餐廳座位唔算特別多 裝修簡約優雅 室內有雲石枱梳化椅 室外有木枱藤椅 環境舒適 但當日天氣唔係特別好 所以就冇坐岀去Lunch Set 包餐湯或沙律🍄雜菌湯有粒粒雜菌 質地較稀 旁邊的麵包烘得很脆很脆 沾湯吃一流🥗沙律菜新鮮無苦澀味 淋有最愛的芝麻醬 煙燻鴨胸帶鹹香 還有酸甜開胃的橘子▪️香煎北海道帶子墨魚汁意大利飯 $148超黑的墨魚汁意大利飯 吃完整個嘴和牙齒絕對會變成黑色(淑女們要小心🌚) 意大利飯黏稠順滑 入口帶鮮味 米粒帶咬口 熟而不軟爛 帶子煎得略微乾了一點 面層還舖有芝士片▪️黑松露野菌忌廉意大利麵 $118入口淡淡的黑松露香 忌廉很香滑 每一條麵條都掛上醬汁 麵條軟硬適中 帶點咬口 野菌份量不少 整體不會太重口味 但能夠滿足肥仔的口癮▪️德式班㦸伴冧酒脆糖香蕉 • 朱古力碎 $88班㦸即叫即製熱騰騰 全個鐵板上很有氣勢 德式班㦸比起平常的班㦸薄身 口感濕潤實在 班㦸邊邊位超脆 帶點焦香 香蕉香甜軟冧 面層的焦糖薄薄一片很脆身 鐵板的班㦸配上雪糕 即使拍照拍得久了 依然能夠體驗到冷熱交融 焦糖香蕉

疫情期間，很多人選擇買外賣吃。 但我怕悶，不喜歡全日都留在同一地方，我要出外走走。今日我精心選了一間有露台的餐廳。可惜，遲了一步，室外的枱已full，不過，室內嘅枱都好闊落，也能吃得很安心。我和同事都選了南瓜湯作頭盤。同事鍾意steak，選了香煎紐西蘭穀飼肉眼扒配薯菜作主菜，肉眼扒肉質okay，如果可以自選七成熟就好了。同事話好好吃，一D都唔乾，因為它係撈咗鹹蛋醬，薯條變得好惹味。我選了黑松露雜菌大啡菇蜆殼粉，黑松露很香，啡菇蜆殼粉又健康又好吃。我們各自加了甜品，非常驚喜。我的法式百利甜酒脆糖燉蛋正宗法式甜品，又香又甜又滑，水準之作。同事的迷你泡芙伴海鹽焦糖醬，甜品一上場，嘩，很靚，簡直是驚為天人，而且很香甜。餐飲我們都叫咗Home Made Iced Tea，低糖健康之選。

同朋友去銅鑼灣行街睇下野 黎左間黃店cafe食飯 @Cafe Zense一入到去望落環境幾靚 用色淡白素灰色為主 有小小植物做裝飾 有幾靚既雲石枱同坐落幾舒適既梳化坐 唔錯我地一人叫左一個pasta食 我叫左個Spaghetti alla Carbonara with Onsen Tamago 意粉上面有隻滾動既蛋仲有幾塊芝士片 入口醬汁幾濃郁 意粉比有咬口 比較適合鐘意硬身意粉既人 食落幾重洋蔥煙肉味道 個意粉幾足料同埋幾creamy朋友叫左個Penne with chorizo &mushrooming tomato sauce意粉上面幾多茄蓉同辣肉腸 幾足料 入口幾濃蕃茄味 不過長通粉食落都係比較有咬口 同上面個意粉一樣 比較偏硬 身 個人都幾鐘意比較適合鐘意硬身意粉既人 幾惹味飲品都唔錯 奶泡打得幾厚 朱古力味幾濃 拉花幾靚 飲落幾香甜 而沙冰夠大杯夠凍食完餐飯都未溶到好水 仲幾有質感 好飲到桃味 味道唔會過甜 入落幾清新解膩 都唔錯Cafe Zense銅鑼灣謝斐道460﹣462號楊耀熾商業大廈4樓