Cafe R&C (已結業)

Cafe R&C 最岩同女仔朋友黎靜靜地傾計!當然呢度最出名拉花都係其中一個因素要同女仔朋友一齊黎……打卡😂選擇困難症，真係好多圖案都好可愛，有d有立體拉花添嫁!味道定圖案，諗都諗左10分鐘!我覺得呢度的確係飲品出色過食物好多🙈🙈🙈食物就真係一般，菠菜意粉，但我覺得太乾份量都太少啦，唔係好夠食!飲品好可愛!我點左勞蘇，一路望住唔捨得搞勻佢，勁小心咁飲，最後飲到底都仲有個表情係度，好開心!味道中規中舉!香味濃郁!

眾所皆知依間有好多唔同既拉花飲品可以叫☕️ 望到menu都會有啲選擇困難，杯杯啲卡通拉花都好靚☺️ 今次叫左佢新既日本三重黑芝麻玫瑰鮮奶咖啡好好飲呀🤩開頭飲到玫瑰味好香，後勁好重好濃芝麻味🤤

今日🙎🏻‍♂️帶我黎呢間cafe食lunch原來係因為有好多可愛圖案既latte 😍Cafe環境唔大，有兩張枱同幾個對窗既位，但都幾舒服Lunch special有4款，飲品要另外叫既我地叫左daily special，白酒香蒜忌廉青口意粉，好似係$108青口細隻但新鮮，忌廉味幾濃👍🏻意粉係我鐘意既硬度，少硬唔會好淋我地仲叫左shrimp spaghetti in tomato sauce 🍝蕃茄味酸酸地，好開胃😋 個蝦幾爽口，如果係配煎大蝦就更好啦🙈2款意粉都好食，意粉好入味，用料新鮮🦐份量方面我覺得係偏細碟既，男仔可能會唔夠飽最後緊係要叫返杯latte啦😆我簡左daily special -> Earl grey soy latte杯latte味道都幾特別，唔知點解覺得有薰衣草味lol 面上有少少香草🌿呢款latte本身係冇熊仔🐻圖案既，個staff好nice咁話幫我整😍我覺得呢間cafe環境寧靜，好岩黎飲野傾計Ps: 牆上既圖幾得意又creepy😂

都有一段時期沒到R&C ，昨日中午突然掛住杯得意咖啡，特意帶埋朋友去食個晏。 去到門口，入面冇人， 看看有lunch menu, 都係大路意粉， 大約一百，唔多考慮就入去了點了兩個最普通的意粉， 一個茄汁三文魚， 一個白汁蘑菇，來到我都驚訝，份量少過茶餐廳的下午茶，兩都意粉都一樣少，留意返，意少並非貴價餸，茄汁那個有幾片煙三文魚， 白汁那個就這麼幾條蘑菇，真係homemade野， 真係似屋但是旦整既，咁樣你收$115 $105一個意粉，冇餐湯，野飲要加幾十蚊。 怪碼得lunch 由我開始食到走，一個客都冇。最後我覺得不再值得在此消費，我連本身入黎想飲既咖啡都帶叫， 就這樣百幾蚊食左幾啖冇乜餸既意粉就走商人呀， 你既良心呢銅鑼灣大把餐廳大把cafe, 高級同靚都有，百幾至幾百既價位都可以接受，但都要值以後唔會再去

一大班朋友想找個地方傾多陣計，路過見到裝修很有feel，就吸引我地試試他們的咖啡！打開menu 其實都幾花多眼亂，值得一讚是看得出咖啡師畫latte的心機同技巧。雖然價錢偏高，不過明白地段貴租，而且都係心機錢，都是值得花的。另外，除了latte出名之外，本人覺得他們的紅絲絨蛋糕是可以一試無妨的👍希望他們繼續努力，保持水準啦。

希雲街一間以特色Latte拉花裝潢好工業風 店面不大.🥗🥑All day breakfast | $ 138法包上有牛油果牛油果能熟透點就好了 有炒蛋 沙律 蕃茄仔份量不太多 剛剛好☕️ Hoiji Tea Latte  | $50焙茶無臉男🖤 超級可愛☕️ Sweet Potato Latte | $50

Cafe R&Ccappuccino 佢非常可愛 可愛到吾捨得飲 可能因為佢要畫啲狗仔出尼 所以用得比較多泡 我就覺得有啲太多啦 不過用尼打卡就一流啦Earl grey latte 佢有陣陣嘅earl grey咁 不過我就覺得有啲淡 好似飲緊奶咁紫薯latte 尼個反而我覺得幾好 好香紫薯味 但就太太太甜 如果佢可以少甜就perfect☺️不過見到尼三杯嘅樣咁可愛都已

心情有點差，思緒都帶點混亂......就讓靈魂暫時放空一下......☕️Rose Lattle ($45)淡淡的玫瑰香，配上咖啡味，味道沒什麼特別，不過賣相足以安撫內心嘅沒力感 食物就冇試，因為sad到食唔落野，不過環境係好舒服嘅，好似置身於英國古老書店，加返幅金絲眼鏡，一本書，就即刻變成一個偽文青一個適合一兩個人輕輕鬆鬆談天說地嘅地方

我想黎咗好耐，一直擺落個to do list度，終於有機會一試。因為係hightea，叫咗兩杯咖啡同一個cake。質素比想像中高，初頭以為得個樣，但整體幾好味，可以再黎tea一tea。環境好有心機咁裝修過，枱面嘅設計都好有心思。the cake of the day 紅絲絨草莓蛋糕🍓個蛋糕唔太甜，我覺得唔錯，惟一就唔太紅絲絨，但個cream好滑唔漏，整體係喜歡的。3D cappuccino賣貌一流，飲落都唔落，打卡必點。黑芝麻latte 為熊貓而點，熊貓是小時候的回憶，依杯好有驚喜，芝麻同咖啡出奇地夾。整體食物同咖啡都好好味，特別啲咖啡較重奶味，所以我特別喜歡。有時間我會再黎，試其他咖啡同公仔。

今日同個中學同學去食飯想喺銅鑼灣搵一間性價比高又有裝修嘅地方食飯真係唔係咁容易 但又比我喺openrice入面搵到 呢一間餐廳 價錢就大約喺100至200之間 主食連飲品 裝修又靚可以話係 一個幽靜嘅地點嗰一日 我就點咗一個 卡邦尼意粉～$120再加上 一杯抹茶牛奶 ～$48。要抹茶牛奶嘅原因係因為 呢間餐廳會幫客人拉花拉出唔同卡通人物 好有滿足嘅感覺 而餐廳 亦都好快咁拉出一個有三眼仔頭像嘅抹茶牛奶畀我 非常得意同埋有心機卡邦尼意粉亦都有120蚊應有嘅水準 個卡邦尼醬汁相當有味道同有心思 可惜嗰個時候太肚餓冇影相喺銅鑼灣入面 用呢個價錢可以食到呢一種 cafe 可以話係 物超所值 整體嚟講我畀 十分入面八分👍

今日公司放早，於是約fd子去銅鑼灣飲下野吹下水。Fd子話依間cafe唔錯，於是我地就黎試下啦。今次我叫左個brunch，然後一人一杯野飲。Brunch有一大份沙律同埋煙三文魚牛油果多士。沙律好fresh，dressing酸酸地幾開胃。多士少脆，暖啲會更好。三文魚同牛油果無得挑剔啦。飲品方面，我地點左Xmas Special，Cappucino同埋Green Tea Latte。製作需時，我地都等左幾個字，but it’s worth the wait。飲品齋睇都好賞心悅目。原本Green Tea Latte嘅圖案係大眼仔，但係可以request轉做其他公仔，今次fd子就要三眼仔啦，仲幫佢戴左頂聖誕帽，加分。Cappucino係有立體嘅泡泡做出兩隻狗仔，非常可愛。飲落去唔會太凍，泡泡好有口感，咖啡都好香，唔錯。杯Xmas Special係有啲雲呢拿+薄河味，都ok㗎，完全感受到聖誕嘅氣氛！

銅鑼灣 Cafe R&C 小編每次黎見到杯咖啡都會好開心 因為整得用心 好靚好得意🐻Lunch set大約$100 加(飲品50% off)加 特別飲品收正價 約$70 都唔平架😭但間唔時一次獎勵下自己🤗

約左一位好耐唔見既朋友見面，所以特別選擇一間較清靚的cafe. 這間cafe的飲品裝飾非常可愛。可惜食物的選擇不多，但味道唔錯，而且份量適中。非常適合兩三位朋友聚會傾計。

聽朋友介紹依間Cafe d拉花睇得又飲得，一於就去試吓。入到去餐廳唔算大，位唔多，同隔離枱無乜距離，唔會話坐得太耐嘅cafe🙈一場黎到緊係要試吓d 3D拉花飲品啦，嗌咗兩杯立體奶蓋特飲，珈琲同胡麻，姐係咖啡同芝麻味。我就飲胡麻果杯，杯上面隻龍貓好得意啊，影相呃like真係無得輸，飲到最後真係唔忍心整溶隻龍貓，要隔離幫手攪勻😆，味道方面芝麻同奶味都幾重，真係睇得又飲得既。朋友杯珈啡隻熊仔都cute cute既，咖啡味都重。水牛城雞翼外皮係脆脆地，酸辣度都岩岩好，係正既，但得４隻係會有唔夠喉嘅感覺！烤雞肉菠菜汁意粉味道係唔錯既，個sauce 都creamy，雞肉幾嫩滑，不過份量真係好少，大食少少嘅女仔都應該唔夠飽總括黎講3D拉花飲品真係岀色，食物味道都好唔錯，係份量爭啲，但值得encore！

要說到睇得又飲得嘅 latte，莫過於cafe r&c。這陣子大熱的芝麻latte，襯上龍貓就最適合了。可選有咖啡的，或淨芝麻latte。latte奶也淡去芝麻的濃而強的味道，令喝下綿綿得來，帶上啖啖剛好的芝麻味。Lunch Special 的carbonara，麵條彈牙，煙肉也豐富。但creamy 感沒以往的高，剩在意大利麵上的olive oil 也略多。另一道菜，由落單到上菜足足等了半小時才上對的一碟。這個meat crab 意大利粉，蟹肉蟹籽份量足，味道與carbonara，沒太大分別。整體可以。