Cafe Polanka

营业中

休息中

FD 話這裏由朝到晚都咁多人，咪試下。見到人食焗飯個樣好似好靚，點知一試就真係....................焗飯都無焗的感覺，似就咁放上去就算，餸又少個湯又唔好飲只係裝修較為好!

平時行過呢間cafe都好多人食....無論中午定夜晚!今日諗唔到食咩,又遲左食lunch,所以試下食呢間既下午茶餐~叫左個炒貴刁($29+$3凍飲),普通啦~份量同味道都同出面食既差唔多~仲有叫左腸仔煎雞扒湯河($29),河粉都幾多,仲有兩塊雞扒,算係咁啦~但雞扒有酥味,唔知係咪之前隻鑊煎過其他有酥味既野!1:45p.m.去到等位都好多人,但等左5min就有位啦~仲係卡位,都幾快啦~

有人想去消滅咸豬手，咁當然點了德國咸豬手 dinner set，包餐包、粟米忌廉湯同杯凍檸茶。啖啖肉既咸豬手配上黑椒汁，唔錯，只係個薯菜差左啲，薯條軟淋淋，啲菜個樣又令人唔係咁想食... 我叫的沙爹雞絲炒麵，出奇地令人滿意，個汁加上菠蘿，醒胃晒~~~個炒麵仲有部分係卜卜脆，好岩我胃口~~~

踩單車踩左去大埔~放低左架單車就入左大埔超級城搵野食~行過見到間CAFE POLANKA睇起黎好似幾好坐~又有下午茶食.. 就入左去啦 坐WINDOW SEAT~不過個WINDOW SEAT個window係對住商場的..對住冒險樂園.. 睇住d小朋友玩xddd怪怪地~ 不過環境呀凳呀個d都算係幾好坐啦..因為我唔係好餓.. 所以剩係叫左一個餐"就係 >>> 鹹魚雞粒炒飯 啦哈個 鹹魚雞粒炒飯 又炒得幾好味喎~不過我地都覺得稍為咸左D唧...廿幾蚊幾抵食啦仲包埋餐茶^^

星期六，媽媽有事做，午餐只得妹妹和我同吃。見都有一段時間冇來，又正值下午茶時段，雖然門口企滿等位的人，但也照取籌。約 15 分鐘，侍應便安排我們入座，妹妹要煎豬扒午餐，跟飯；我看到下午茶餐有個名為蜜桃雜菓/吉列魚柳沙律。心諗蜜桃雜菓沙律的沙律該不會是雜菜啩，於是便要了這個餐。兩個餐都很快端來，那個所謂的蜜桃雜菓沙律，原來真係薯仔雜菜沙律，面頭鋪少許罐頭雜菓和一整個罐頭蜜桃，真係吹到啤一聲。至於味道，中規中矩啦，豬扒被肉鬆粉乸到冇晒肉味，汁多飯少，完全係汁浸飯。結賬時，真想跟那兒的經理說一聲，可否改一改餐牌，又或者在餐牌上說明是薯仔雜菜沙律，以免令人誤會。

話說貓下班以後與表姊相約到Polanka吃飯~ 結果失望而歸.表姊點的是牛扒餐配白湯跟薯菜~ 偶點了個雞扒餐配羅宋湯跟薯菜~我們都要了黑椒汁.羅宋湯不好喝~ 味道像麵粉開茄膏, 一點羅宋湯有的香味都沒有!!!雞扒還可以~ 黑椒汁很咸~ 白湯還可以, 不過也不是很好喝~ 倒是牛扒不錯~ 買單的時候叫了老半天都沒有人來~結論是, 下次不會再光顧

經過地產商迫南風閣改名之後的polanka海南雞飯仍是不錯飯很入味,雞雖然是冰鮮,但仍幾有質感酸汁仍舊很配合另外牛柳也不錯我食的沒有炭燒牛柳有兩塊,約手掌心size的很嫩,食牛柳6x算幾抵而且有一塊arm arm7成, 中間raw外面熟口感極佳紅豆冰和沙爹亦可推介

晚餐1) 鐵板套餐 - 牛扒拼雞扒 ($62)冇咩特別，尚算可以。2) 蜜桃吉列魚柳沙律 ($48)個沙律真係唔錯，唔會太多沙律醬，魚柳炸得夠鬆化，唔錯！

呢個咁嘢直情不知所謂, 星期五晚(即2月29日), 我同我男友見有人食鹹豬手(我地不嬲都係鍾意食), 咁就拎籌等位啦(我地2個人), 其實就只係等3張飛咁大把啫, 咪企左一陣, 見到前面兩檯都入左咯, 即下張到我地啦, 點知~~~~勁好笑, 我地兩個企左係度好似個低b 仔咁, 我見唔多對路, 因為個帶位姐姐一而再俾人入, 係唔洗拎籌, 我咪問佢囉, 佢竟然答我~~~你地要卡位嘛, 我咪話"我一直都無講過話要卡位. 都算數啦, 佢咪帶我地入去囉, 直情唔掂, 人唔多(都係大約7成滿), 佢竟然俾一張6人檯我地兩個同人搭檯(另一邊已經坐左4個人), 後面個張6人檯, 竟然淨係坐得1個人, 都算啦, 有卡位又唔我地轉番卡位....咁都唔緊要, 侍應個個目無表情, 叫都唔應, 好似係直情扮睇唔到, 全晚最落力就係兩個老嘢, 老闆同經理, d 後生侍應就叫極都唔應囉我地叫左一個鹹豬手一個西冷跟意大利粉黑椒汁....嘢食好快就上檯(只係用左5至10分鐘左右, 所有嘢已經上哂檯)...直情極難食到死, 黑椒汁大大粒黑椒(淨係得個辣), 鹹豬手放係意大利粉面頭, 叫人點食, 鹹豬手又唔夠鹹味, 個樣好

昨晚媽媽去了飲宴，晚飯只有我跟妹妹，由於放工已差不多9 時，費事煮，還是出街食。9 時許︳餐廳冇乜人，妹妹要了炭燒牛柳餐，我要炭燒鰻魚沙律。先來羅宋湯和餐包，冇乜特別，羅宋湯已沒有從前那樣好飲，餐包好似杯紙包蛋糕咁，好重牛油味，連牛油都慳番冇俾。跟著主菜，妹妹那碟牛柳，只得兩片薄切切的勁腍兼冇肉味的牛柳，反而汁多，配菜又多；炭燒鰻魚沙律亦不遑多讓，啲沙律冚到山咁高，鰻魚卻只有三小片，完全搵笨。

南風閣在此經營多年, 一直都好好生意, 後來重新裝修改名, 原來仍舊是南風閣經營的.星期日同太太送完細路去參加活動, 兩個人無事做食個下午茶, 餐廳走了較年輕路線, 連樓面侍應同經理都年青化, menu內品種變化卻不大, 依然中西美日泰馬星都有, 個人認為選擇太多令人覺得唔伯專注, 亦唔會特別好食. 叫了2個下午茶-西多士, 龍利沙律, 港式豉油西餐水準, 唔難食但平, 大埔街坊集慣性消費地方, 好間唔中食下無妨.

裝修過後，連名都改埋，餐牌又轉，冇咁多食，不過老細，廚房跟侍應都係班南風閣人馬，味道都有保證。是夜姐姐生日，我們一行八人來跟她慶祝。要了海南雞飯、鐵板豬扒和西冷扒餐，牛燴意粉、鮑魚海鮮炒飯、照燒牛柳和照燒肉眼扒，另加了一客蜜桃雞翼拼薯條。總括來說，味道不過不失，最好都係牛燴意粉，個汁真係冇得頂，我猜只有老牌西餐廳才能整出這種又稠又濃的西汁，還有就是豬扒今次失手，太，而且無乜味；海南雞飯的雞油飯好油，吃一啖已覺滯。