影片
食完一肚火。本身之前食过一次有不好的经验都不想再试，但有屋企人话几年无试过就俾多次机会佢。食物难食都算，啲野立痴痴的都算，最不满系佢哋嘅服务态度。事缘我哋五人一枱叫咗野食，逐碟上枱后才纷纷在那篮仔中拎餐具，发现唔够叉于是我就举手问一位著住便服长头发的中年女人唔知系店员定老板娘嘅人帮忙拎一支叉，我有讲唔该的。佢话得得得我拎俾你。好快上第二碟都系要叉，我就提佢我哋再要多一支叉。然后个女人突然停住转头登大眼望住我话：「我咪应左你得啰。」我当刻呆左无俾反应，佢见我无反应再话「我系咪应左你呀？我咪讲左拎俾你啰。」然后我屋企人就劝说算啦，我就吞左佢。点知佢唔肯放过，再问我「我有无应你呀？」我心谂条友认真吗？我就尝试同佢解释「我话我头先叫你拎一支，而家想再要多一支麻。」，我要好冷静咁同佢讲第三次，佢先听到我讲咩而不再重复话应左我，就话「我唔会只拎一支俾你嫁。」我点会知你拎几多支呀？阵间拎完一支过嚟我话再要多支时你会唔会话我要你走多转呀？最不满系人哋都算佢却不饶人哋穷追猛打。真心唔会再去！
继续阅读
迷之坐无虚席、怀旧铁板餐、吸睛海南鸡、openrice好评....等等因素，造就我今次嘅帮衬。铁板牛柳五成熟配黑椒汁、薯菜；罗宋汤；牛油餐包- 先上红汤，蔬菜足料够淋，茄味辣味适中，但欠缺肉香味，点包食差少少。铁板上台已经被淋汁，无得吱系好唔开心架😔少左份仪式感不在话下，最重要系我d薯条呀😩索哂汁变了样😮💨反而隔离台嘅比较平价嘅非铁板扒餐有香脆薯条啰☹️自己淋无得怨，宜家个心屈住屈住😢牛柳软身无筋、望落煎得唔错，但食落完全无焦脆/焦香。黑椒汁亦略厌淡口得滞。海南鸡饭；例汤- 例汤重味精，可略过。海南鸡鸡肉滑溜有油香👍但出奇地鸡皮鞋口无香味。油鸡烟韧有𡁻头，老公大赞😆总括而言，佢嘅坐无虚席仍然令我摸不著头脑😅
继续阅读
我父母两个人年纪大两个人叫一个餐 因为叫两个餐食唔哂个女服务员迫佢地叫多样野话做唔到佢地生意餐厅又无写每人最低消费虽然野食我觉得可以但系咁既垃圾服务态度真系唔系想做生意
继续阅读
今日系大埔去完亲戚度拜年，就去大埔市中心谂住食嘢，经过见到一间茶餐厅劲多人，我朋友又想简简单单食啲嘢就算，所以就入去食，多人真系唔表示一定好正😂。同行4人，望嚟望去个餐牌都唔知食咩好，最终叫咗两个精选午餐，一个黑椒牛扒，罗宋汤，一个黑椒猪扒，忌廉汤，一个鸡皇饭。💛 精选午餐-黑椒西冷牛扒跟薯菜$68有杯嘢饮（冻饮+$4）👉🏻牛扒还可以，比较多筋，就系茶餐厅牛扒味道🤣，薯条就好似冇乜点炸咁，超白唔脆。罗宋汤都几好饮，餐包就唔热，味道麻麻地。冻柠茶正常💛 精选午餐-黑椒猪扒跟薯菜$66👉🏻猪扒系「鞋啲」但都正常，薯条一样好白，好似冇乜点炸咁。忌廉汤都系茶餐厅味道，餐包追咗4次都送唔到嚟，嚟到都唔热。冻柠茶少甜，正常💚鸡皇饭$78👉🏻唔似平时嘅白汁鸡皇饭，将鸡扒煎完切成几旧，有啲白汁有啲火腿，就系鸡皇饭😂碟头饭$78，真系好贵又唔值。环境：茶餐厅内好大油烟，有点白蒙蒙，充斥住每一个位劲难闻。坐位不舒适，好迫。仲要另+10%服务费
继续阅读
所有食具都有一层油，连洗餐具的杯内外也油淋淋。呢个价钱都预咗食物普通，但仲衰过大家乐大快活，劣食到呕。餐厅整体由内而外地衰。环境污糟地下有油，食物难食，炸薯条好似用微波炉叮热咁，待应阿婶九姐连基本礼貌都冇，帮衬仲惨过去乞，食完包后恢。
继续阅读