Cafe Paradise (已結業)

逛完d2 place，忽然想念長沙灣cafe paradise的意粉，今天隨意地一個吃個一人午餐。意粉與海鮮均是我的最愛，所以忌廉海鮮意粉絕對是我不二之選。忌廉味濃厚，海鮮份量也超多，蜆肉肥美多汁，不過青口較瘦小，但也有少許海味。魷魚彈性十足，吸附忌廉汁後更上層樓。蝦肉，蟹棒也配合醬汁發揮美味，意粉本身的麵香混合多重海鮮散發出獨特味道。是日餐湯粟米湯非常濃郁，粟米飽滿，又不會過鹹，順口又不膩，喝完很滿足。忽然口饞，想吃車打芝士焗肉醬馬鈴薯角，當然又即點一盤~ 滿滿的肉醬，濃香的車打芝士，外層酥脆內裡鬆軟的馬鈴薯角，吃起來真是滿足。每次來cafe paradise我都喝花茶，今次也不例外。茶壺盛滿薰衣草，可見這裡不吝嗇，這麼多茶葉經熱水浸泡，極度清幽的花味一絲絲飄出，深深感薰衣草花香，清爽至極，舒緩身心。

有時閒日得閑又唔知同I先生去做咩好，通常唔係唱K就係去食飯。選擇一間咖啡店，靜靜地享受下午時光，亦不失為一個好選擇。下午同樣可以選擇午餐，價錢相差不算太遠，也可以選擇A La Cart 的粉面，6點前同樣會送一個湯品。蘑菇湯，蘑菇味濃郁而且食到粒粒蘑菇，不過湯水就比較清。也有一個麵包，也是下午包埋的。巴拿馬火腿茄汁長通粉＄68巴拿馬火腿鹹香十足小乾，而且茄汁味道香濃，長通粉彈性也剛剛好，整體味道比較濃味，吃完會很飽呢！煙三文魚蜆肉天使麵＄68比較濕潤的天使麵都算係很好吃，因為天使麵的質感剛剛好，而且煙三文魚和蜆肉的數量也適中，特別是蜆肉新鮮，煙三文魚就香咸，忌廉汁也有很多，不太會吃得很乾。水蜜桃茶味道很香，最出色的是他不會自動給你加糖，清新的味道其實特別好喝。而且可以有不同的雜果味道，非常豐富。朋友的泡沫咖啡賣相也不錯，來這裏喝呀時間做下自己野都未嘗唔係一個好的選擇。可惜現與I先生關係已不太好，下次如果再吃，可以不要再嬲嗎？。。。

早前的工作實在忙到不可開交, 所以, 當忙碌過後, 就要吃餐好的, 獎勵自己. 於是, 我揀了一間在我家附近的cafe, 與好友一起吃飯, 一起獎勵自己. 一進入餐廳內, 第一件影入眼簾的, 就是這架方舟了. 根據聖經所說, 由於上帝要用洪水毀滅這個充滿罪惡的世界, 於是就吩咐義人挪亞製造一隻方舟, 讓挪亞一家得以進入方舟內避過這個洪水之災. 祂更吩咐挪亞要把每種動物, 一雙一對的送入方舟之內, 讓動物的品種得以保全. 因此, 每一次想起方舟, 就會給我一個避難所的感覺.我們點了一個凱撒沙律, 一個意粉及一個晚市套餐, 大家開心share.凱撒沙律是超級的大份. 羅馬生菜, 車厘茄, 芝士碎, 麵包粒, 甚至凱撒沙律醬, 也下得毫不吝嗇. 整份沙律可以用新鮮爽脆來形容, 吃到大家嗦嗦聲, 清新又滋味.  好友揀了黑醋煙豬柳意大利粉. 煙豬柳的煙燻味不重, 但沾滿黑醋汁後, 甜甜酸酸的味道, 就令平凡的豬柳條變得吸引起來. 至於意粉, 是煮得剛剛熟透, 口感未致於過腍哩.晚市套餐內的是日餐湯為忌廉湯. 質地濃稠, 也不過鹹, 亦沒有什麼特別之處可言.跟餐送的田園沙律, 沙律菜是新鮮的,

​ 無啦啦想食羊，問朋友有咩推介， 聽講長沙灣有一間咖啡店（其實又好似西餐店）嘅餐廳有羊食， 因為平時自己唔識煮羊，所以就一定要出去食。 去到之後原來未到晚餐時間，好彩下午茶都有開放，咁就唯有散叫左一個 巴黎式紅酒慢煮紐西蘭羊膝$168 等左幾個字，冇店員嘅半個鐘咁耐， 大大件一只羊膝的確「吸睛」， 羊膝我本身仲以為佢唔夠熟， 點知切開之後啱啱好熟晒， 而且唔會太深色，仲有少少粉嫩， 羊肉都算幾嫩滑，不過就未至於好稔， 冇咩特別嘅羊酥味，處理唔錯而且脂肪亦不多。 之後配菜其實呢比想像中好味，有好多條嫩蘆筍， 食落去爽口而且有清新香味。 薯角就外皮炸得夠香脆，裏面亦有好多薯仔蓉， 翠玉瓜同埋蕃茄仔，亦恰到好處， 煮得夠稔作為伴菜小食。 一個人食一個主菜其實已經好夠飽， 價錢就同出面嘅西餐差唔多啦。 的確下午茶人數唔多，不過睇餐牌來講下午茶價錢亦非常合理！ 可惜店舖位於繁忙的馬路旁邊， 附近恐怕比較少泊車地方， 就算經過嘅私家車想食都可能要搵位泊車， 如果經過長沙灣或者荔枝角嘅話不妨一試。 Cafe Paradise 長沙灣長沙灣道638號地舖

同班姊妹黎 cafe paradise 食 all day breakfast for high tea Food:衝動咁order 左最大既paradise full set, 主要係因為見到隔離枱嘅full set好豐富好靚好colorful... 其實真心講，真係超級超級大份，正常女仔唔會食得曬。咁我呢啲大食又唔浪費唔會製造廚餘嘅， 都花咗兩個幾鐘先食得曬。味道上, 我自己幾鍾意杯粟米，除咗甜味仲有鹹香味。 滑蛋炒得算都幾滑，可惜應該啲蛋唔夠蛋香。 Hamburger 肉冇乜調味, 牛肉味淡， 亦都overcooked， 有待改進。 煙三文魚肉質鬆散，應該係平嘅貨色。 薯餅炸得好， 厚多士亦都烤得剛剛好， 外脆內軟。 連厚多士一齊上嘅果醬調得剛好，濃度適中，亦都唔太甜。Setting: 店內裝修有少女嘅感覺， 有充足嘅光線， 柔和嘅顏色， 輕鬆嘅音樂。我哋今日係星期日下午三點鐘嚟嘅， 坐到五點幾， 都冇畀人趕走，應該就冇限時啦。 幾適合女孩子一齊high tea談心。 今日拋棄咗佢同班姊妹出去食嘢， 見到嗰幾塊炸得咁好嘅hashbrown...下次要帶埋佢出嚟食先得 😘

被Cafe Paradise舖外的裝飾吸引，便走進店內試試吧！海鮮南瓜汁燴意大利飯，飯面上插了兩隻青口，其中一隻還未開口。服務員應我們的投訴，立即拿走未熟的青口，並隨後奉上兩隻青口作補償。飯身充滿南瓜汁，有嚼勁。表面看來，不見其他海鮮，但其實各類配料與意大利飯混為一體，十份惹味。蟹棒蟹釨忌廉寬條麵，表面佈滿蟹釨及濃郁忌廉汁，啖啖麵匀能嚐到蟹釨的脆卜卜口感。餐湯及沙津屬中檔質素，飯後甜品為tiramisu，件頭屬雖少，但味道合乎預期。

同舊同事聚舊，搵到呢間好多好評嘅cafe, 有啲期待。餐廳位置雖然離地鐵站有一段距離（在荔枝角、長沙灣站中間），由荔枝角地鐵站出要行約10分鐘，但尚算易搵，唔係太吊腳。約 11:15am早到，但餐廳仲未開門， 但好快就已經好多人喺門口等。我地一行六人，坐得比較迫狹，但環境尚算清潔、佈置整齊Set 選擇不多，只有三set, 而宜分別不大，有一個是素的，其餘兩個都係平時all day breakfast 嘅材料，乜都有啲，分別係有冇三文魚我點咗All day  breakfast 乜都有嗰個set, 加$5轉多士做窩夫，估唔到窩夫有驚喜，有啲吉士醬喺裡面，幾好味餐飲有免費橙汁，good! 最鍾意啲mushroom , 煮得好香！其他食物不過不失，但整體份量對正常食量嘅女仔嚟講略嫌大份

時常看見這西餐廳長龍不斷，終於有機會一試。店內是簡約的木系風格，是輕鬆小 cafe的格調。先來一杯野莓沙冰醒神一下。沙冰十分有睇頭，出現時老婆都好歡喜。味道頗清新，少甜。餐牌上選擇不少，價錢合理。不少主菜更可「加少少錢」轉成套餐，更加抵食。我點了一客豬手，老婆當然選了港女最愛all day breakfast。跟餐的沙律也不遜色，製作頗為認真，屬誠意之作。豬手皮脆肉嫩滑，味道十足，伴碟的著蓉亦軟滑香濃。點上醬汁是不錯的食法，但如果能配上酸菜就更佳。老婆的all day breakfast非常足料，一人一份已經十分飽了。看她食得十分滿意，猜想食物也是出色之作吧！除了主食外，我們還點了芝麻雞翼。芝麻味香，雞肉鮮嫩，附上調味的微辣，幾惹味。食物整體算時不俗，環境頗為乾淨舒適，價錢卻親民，難怪長龍不斷。

上次喺太子試過呢一間Cafe Paradise，一直都好想去搵機會再食。今日咁啱去開長沙灣，就可以再去呢間餐廳返尋味。好彩我哋六點鐘就去到餐廳食，因為我哋冇book枱，去到七點嘅時候都差唔多全場full晒。我同朋友都叫咗個set ,就有得送餐湯同沙律。餐湯係蘑菇忌廉湯，好香蘑菇味，入口都淡淡蘑菇碎，飲得出好多料，沙律就係沙律菜拌黑醋。朋友點左美國肉眼扒5成熟$208。塊牛扒份量不少，差唔多成隻手掌咁大，五成熟啱啱好，好重牛味而且有咬口，煎到少少紅，配上醬汁味道不錯。食旁邊嘅薯蓉都有驚喜，撈埋三文魚子一齊食，兩者會有唔同嘅口感。蘆筍就用牛油輕輕煎起，好重牛油味。我就叫咗個豬鞍配蜜糖燒烤汁$188，一上枱又係比佢個份量嚇親，同果塊牛扒差不多比例，豬鞍用香草醃製，就算唔洗點旁邊兩個醬汁都非常夠味亦都好香，厚度大概有1.5cm，外表煎得脆脆地，但係內裏仍然可以保持到夠肉汁，非常不錯，而且啱女仔食，因為冇乜肥膏。我哋重點左一個小食，香煎墨魚餅$32，一人一塊啱啱好，外表煎到金黃色，入邊係食到細細粒嘅墨魚，再點泰式椒醬，非常惹味，好想食多幾塊。飲品方面，朋友就加＄15要薄荷熱朱古力，我就加$25要

相約在長沙灣工作的朋友聚舊，不想走太遠；便選了這家就近他公司的餐廳晚膳。地點很好找，由長沙灣地鐵C2 出口，沿長沙灣道向荔枝角方向行，經過昌華街後不遠處便會見到。門前已有晚餐推介，價錢唔算貴，食物也算吸引。門口放置了玩具摩天輪及旋轉木馬，充滿童趣及夢幻的感覺。店子不大，呈長方形；採用藍白色調有助擴闊空間感。看過餐牌，選擇了以下的食物，白菌忌廉湯～湯做得濃稠而滑溜、白菌與忌廉的比例平均，白菌完全溶化在湯內，但個人卻更喜歡有點咬口的版本呢。田園沙律～簡簡單單的油醋沙律，新鮮爽脆，健康之選。巴黎式紅酒慢煮紐西蘭羊膝（$178）～羊膝分量真不少，切開後飄來陣陣羊肉的膻香，惟肉質卻帶有點韌。烤美國豬鞍配蜜糖燒烤汁（$188）～看到這麼一個頗有厚度的豬鞍，也質疑過它的肉質；入口後卻釋除了我的疑慮，肉身爽口且富肉味，後來侍者告知，豬鞍部位帶點脂肪；難怪有咬口之餘也不會嚡口。只是本已脂香味濃的豬鞍配以烤汁卻稍嫌膩了一點，如改為蘋果蓉/醬、黑醋汁等；相信效果更佳。抹茶紅豆蛋糕～抹茶味較淡，反而紅豆味較為特出。Afforgato～將適量的Espresso 及奶倒入雲呢拿雪糕內，非常喜歡那苦中帶甜的味道，就

這晚特地約了好姊妹幫手到荔枝角試衫，試完剛剛好８點，心想不如慢慢步行回到舊居附近看看有什麼新食店吧，畢竟離開這區已經６年有多，附近建了不少新的私人住宅，應該也多了一點年輕人住，那麼自然有岩心水的食店吧沿著長沙灣道行了十分鐘左右就看到了CAFE PARADISE，店內已經有９成滿了，心想應該不錯，就試試吧一打開門立即聞到黑松露的香味，先看看ｍｅｎｕ，我們看到有All Day Breakfast總是會抗拒不了，無他，炒滑蛋、煎腸仔、煎火腿、多士，根本就是要彌補早上趕頭趕命來不及吃的豐富早餐啊！All Day Breakfast - Paradise Full:大堆頭的炒滑蛋、煎腸仔、煎火腿、漢堡扒、炒磨菇、三文魚等，令人興奮的是有炸薯餅！開心過早上吃ｍ記早餐很多很多倍！炒滑蛋是意料之內的滑滑，煎腸仔如果多一條可以share會更好，炒磨菇好吃有點香草的味道，炸薯餅真的讓我非常開心～哈哈漢堡扒可能放涼了一點，有些少硬多士配草莓醬，因我有點牙痛的關係吃不了，兩塊都交給好姊妹對付～黑牛：嘩，多久沒喝過黑牛了？朱古力雪糕加可樂，又是肥仔之選，難得懷舊一下，算啦～慢煮三文魚配芒果薄荷汁：完全是就著我ｄ

我們中午時候去，分別order兩份午餐(一牛一豬),但兩份肉類食物好似忘記落鹽，沒有味道，餐湯的忌廉一嚿一嚿。綜合這裡的分享及自己的經驗，似乎千萬不要吃任何形式的牛扒是聰明選擇，若勇敢地order了，保證你會後悔。服務生態度可以，但沒有什麼服務，要叫才來，看見我們留下大片肉，主動問我們有什麼問題，並表示向廚房了解，但沒有回來告訴我們有什麼了解了什麼。其實他只要回頭說聲對不起，我們會更多注意...。我們都會收貨，也許下次會再來，但今次，不會了。總而言之，不會再來。

月中老婆卒之返完學，所以，同佢出街食番餐，今回佢連份功課都煞科埋，真喺乜都輕鬆晒，所以，費事煮兩公婆出街食。大半年前到訪過Cafe Paradise，知道佢嘅水準去到邊，價位又唔太貴，對我哋嚟講又算近近哋，所以，就選址晌度食。唔知喺臨近年尾，定喺是夜喺周五，個場超多客，爆晒之餘仲有少少人晌門外等位。店內環境裝修簡約，以白與藍色為主調，配點閃亮嘅壁燈同水晶吊燈，我哋被安排晌最入面嘅二人枱，算得上全場最靜局嘅位置！散叫餐牌包括沙律、小食、意大利飯、意大利麵、主菜等類別，種類較為偏向意大利口味，不過主菜類就集多國大成。店員仲解釋意大利飯、意大利麵一欄，俾$118就可以將$58嘅菜式變為套餐，而俾$128就可以將$68/$73嘅菜式變為套餐，即喺多咗餐湯、沙律、甜品及餐飲，超划算。至於基本晚餐有7款主菜選擇（$118-$208），包餐湯、沙律、主菜、甜品及餐飲，同樣喺抵食之選。是日餐湯餐湯喺野菌忌廉湯，野菌打得幼細，故個湯嘅質感都幾順滑，然而，菌味不過不失，再強啲就故然更有個性，依家個味道都還可以。田園沙律今次嚟見佢個田園沙律唔再喺油醋汁撈沙律菜咁寡，而喺加咗啲車厘茄，粒車厘茄應該輕焗過，所以

新一年新開始！朋友下午約去D2逛街,事前食少少食物充飢。數月前曾𦲷臨食晚餐,下午時份到亦不愁沒有選擇！環境變化不大,甚寧靜之餘內裡佈置亦挺漂亮！座椅套上可愛造型的椅子套,同時亦有一隻大大的熊熊公仔。粟米忌廉湯 - 質感滑身不稠,有著微微的粟米香,挺易入口。香辣鮮蝦意大利飯 - 飯粒煮得適中,食落酸酸軟稔而不太辛辣,甚為醒胃！吉列蝦脆卜卜又彈牙,炸粉亦不太厚。車打芝士焗肉醬馬鈴薯角 - 熱辣辣得很,飄出陣陣熱氣。薯角厚切,薯味濃而不粉稔,淋上香味肉味兼備而不滯的芝士肉醬,更加可口。辣辣芝麻雞翼 - 外皮炸得脆身,滲上芝麻顯得更香更有口感！雞翼肉質嫩滑,不過辣味不太明顯！薰衣草花茶 - 店員提醒需等待一陣,待茶味浸泡得差不多的時候便可飲用。茶味甚濃,色澤深而不濁！飲落解渴消滯挺舒喉！

最近大小姐的同學有免費飛去迪士尼，就約埋一班老友記迪士尼一天遊，玩完後晚上要找地方吃，大家住的地方都不同，所以選擇了中間點，長沙灣這間店，之前都有去過太子店嘗試，覺得食物不錯就以此為聚點。到達該店時座位差不多已爆滿玩了一天所以很肚餓 餐牌有很多套餐可以選擇田園沙律，蔬菜新鮮而且還有亞枝竹，芝士，醋沙律醤酸味剛好👍紅酒燴牛尾配闊條麵， 牛尾略嫌火候煮得未夠能腍， 紅酒味道夠濃郁， 麵條分量頗多。Terimisu 鬆軟甜味剛好😋。節日的時候，想二人撐枱腳吃西餐的話，這裏是一個很經濟的選擇。