Café&Meal MUJI (已結業)

今日同朋友相約小聚，揀咗無印cafe 貪佢西式日式all day brunch 和自選三品菜式，多款式+日式十六穀米，前菜喺燒牛肉沙律，簡單又豐富清新😋同行，朋友揀左all day breakfast 有 egg benedict + 生果麥片☕️豐富健康😝結尾食埋最出色嘅疏乎厘甜品好鬆軟🍮甜度適中🤩

最近開咗張新DBS卡，可以食好D，所以繼尋日食完EXP 軟殼蟹沙律🥗之後，就黎試下Muji Cafe 沙律 ：） 出奇地高質 ：） 可能之前同朋友一齊，總係食Carbo，所以一路無帶Muji Cafe 有興 但最近都係中午食面，晚餐食沙律 少D Carbo 點都係好些 ：）

Muji按季換食材，又到左秋季上新的時間。今次更新，最吸引眼球的就係全日供應的早餐🥰夜晚7點先黎點左個全素早餐，輕食冇負擔。主食有沙律菜，夠新鮮，配酸酸地的沙律醋，比以往撈沙律醬好食得多。炸薯角外脆內軟，唔太油，趁熱食好味。大啡菇、菇、聖女茄都有煎過，唔會太油之餘又為全素的沙律帶黎少少油脂，不至於太dry。牛油果2塊，量較少，但原件上，夠晒健康。跟餐有麥皮和飲品。一向我都唔食麥片，但muji的一口即上癮，正新menu真心正，期待中。

假期下晝時分既muji cafe唔算多人,兩個人被安排坐四人梳化位非常寬敞餐廳可以用QR code自助落單或者出去點餐, 因為唔肚餓嘅關係只係叫咗一份三品料理再加配蛋糕兩個人share食.三品料理賣想精緻, 套餐配上16穀飯同麵豉湯. 料理調味行簡單路線突出返食材嘅原味，每份望落細細碗但其實都幾夠份量另外加錢要咗咖啡同蛋糕, 成餐飯最有驚喜嘅估唔到係件青森蘋果芝士蛋糕爽脆既蘋果中和左芝士蛋糕嘅厚重感, 一個人都可以輕鬆冇負擔食哂😋

成日出街食都食到好heavy 間中都想搵啲light啲健康啲既餐廳食下 於是黎咗muji呢到搵食～今次叫咗個三品料理 $98係包兩個冷盤 一個熱盤 飯 同埋湯冷盤：1）芝麻醬拌菠菜冬菇 👍🏻👍🏻👍🏻 芝麻醬好香 連埋凍既菠菜食好清新 夏天食呢個啱哂😆2）和風醬汁厚燒玉子🥚呢個玉子中間有啲野菜 但係唔知係唔係雪得太耐 成舊玉子好硬好實 唔係太推薦😣😣熱盤: 1) 甜椒醬炸雞 呢個炸雞個醬真係好好味😋😋😋 酸酸甜甜咁好好送飯 不過個炸雞本身就普普通通啦有啲乾同硬 唔似係新鮮整好既 ‼️間唔中一餐半餐想食得健康啲都可以黎試吓 不過價錢都唔算平 而份量對於男士黎講可能都偏少‼️

呢排食得多熱氣野，間唔中都想食返啲比較輕食嘅餐廳， 咁岩行行下街見到muji呢間餐廳！最尾冇叫到個真係輕食套餐，反而叫左個牛油雞肉雜菜咖哩飯😆仲包左碗湯添😋隨餐仲可以揀一款冷盤，我就揀左粟米枝豆薯仔蛋沙律🥗等左都唔係好耐就上菜嚕，個咖哩係好日式咖哩嘅味，唔會覺得好辣，唔係好食得辣但又想食咖哩就可以試下🥳 雞肉就正正常常啦冇乜特別，反而個薯仔我就覺得好好食😂😂另外個薯仔蛋沙律都唔錯，作為冷盤都係一個幾好嘅選擇其實呢度環境幾好，地方都尚算闊綽，加上都幾好坐，有時諗唔到食咩又唔想食啲太heavy嘅野都可以考慮下呢度呀🤩🤩同埋佢又唔會營造到好趕要你食完快啲走咁，我覺得黎hea下全下都係唔錯選擇😁

成日行 MUJI 但它的餐點都是第一次食 ...上個星期日去無印買野見到芒果蛋糕幾吸引又唔使等位就入去嘆個下午茶啦 ~~2:30-6PM 有下午茶加配優惠選購麵食、三文治、漢堡、蛋糕或甜點，可以優惠價加配飲品儍媽的 ...鮮芒果百香果伯爵茶戚風蛋糕 HK$38 + HK$18 凍琉球紅茶蛋糕上面鋪滿誘人的芒果粒中間填滿酸甜的百香果忌廉配搭伯爵茶戚風蛋糕鬆軟綿密，味道清新不甜膩儍爸的 ... 多士套餐 (HK$50)有兩片無印的自家製厚多士 + 一小瓶香橙果醬剛烘烤過的多士上枱仲暖烘烘，外脆內軟配上香甜的果醬，簡單美味 ~~** 以上分享是以我的口味、體質和情況作出分享及感受，一試 / 合用與否請自行決定

九龍灣｜ᴄᴀғᴇ & ᴍᴇᴀʟ ᴍᴜᴊɪ 🤎 行完街順便high 個tea三品季節甜點套餐 $88(左)🥭芒果百香果伯爵茶戚風蛋糕- 芒果粒幾甜- 百香果ᴄʀᴇᴀᴍ好酸😖，不過連埋蛋糕食就中和到酸味- 伯爵茶蛋糕好香茶味，香得嚟唔會苦👍🏻(中)🍏青蘋果芝士蛋糕- 芝士蛋糕入邊有兩舊新鮮青蘋果，清甜香口- 芝士蛋糕幾重蛋味、軟滑👍🏻(右)🥛北海道牛奶軟雪糕- 似M記6蚊甜筒🍦，唔洗試🥲sᴇᴛ ᴅʀɪɴᴋ (+$18)美式咖啡(熱)- 唔算好苦，易入口燕麥鮮奶咖啡(冷) $42- 燕麥奶味濃郁，唔會比咖啡味蓋過，兩者味道唔會有衝突，出奇地夾- 用燕麥代替鮮奶，更加健康🤎🤣🔺有加一服務費整體而言▪️味道 3.5 / 5▪️環境 3.5 / 5▪️抵食 3.5 / 5📍九龍塘宏照道33號國際交易中心2樓2號鋪

第一次食muji cafe，一入到去發現原來九龍灣分店咁大😍日式裝修，令人感覺去左日本一樣🥰今次叫左一份五品料理$118，可以簡三個冷盤同兩個熱盤，我簡左黑醋醬豚肉、甜椒醬炸雞、和風雜菌汁厚燒玉子、西柚帶子沙律、柚子醬汁牛肉蛋沙律、配十六穀米，食物各有特色，每一樣味道都好好，加配埋青蘋果芝士蛋糕🍰，蛋糕唔算好甜，有好濃芝士味😍朋友order左燒牛肉牛油果三文治$98，份量好多好大份，有好多薯條和沙律，好夠飽👍👍下次有機會一定會再幫襯😍

第一次食Muji cafe, 估唔到九龍灣間分店好大，有超市、新鮮麵包、cafe~ 喺出邊睇啲嘢食全部整好曬，有冷熱盤，感覺唔係咁吸引又驚會凍冰冰，咁都照試一試啦，味道又有水準喎！叫左牛肋條十六殼飯+雜菌厚燒玉子。牛肋骨炆得好淋，紅蘿蔔白蘿蔔做配菜一啲都唔青，朔晒啲汁再攞撈埋飯好好味。雜菌厚燒玉子呢種做法既冷盤好有創意，外表望落冷冰冰一磚玉子但食落有驚喜。另外個餐跟埋麵豉湯，唔知係咪即沖麵豉湯，但有自家煲出黎嘅感覺。另外一個係三品料理套餐，揀咗兩個冷盤一個熱食，有甜薯栗子藜麥沙律、蘋果雞肉菠菜、忌廉汁蝦，全部各有特式，味道一流，健康之選。印象深刻係係栗子蓉，平時較少食，mix埋薯仔好夾。所有食物都精緻，對男仔來講份量就應該唔係好夠。

咁耐冇得行日本嘅無印良品唯有香港嘅都行住先德福呢間無印良品好大有大半層係佢而當中亦都有Muji Cafe唔少麵包同蛋糕同小食都可以買走堂食嘅座位都好多平時經過如果係星期六日假期嘅話就會好多人等位排隊今日好彩係平日嘅下午茶時間所以唔使等位就可以直入而且仲唔算好多枱客宜家呢個疫情底下食都食得放心啲叫咗一個下午茶餐$78其實飽就一定食唔飽，而且如果以下午茶來講都幾貴。不過可以放鬆吓 relax吓，麵包又加熱到先俾客，好夾個南瓜湯佢仲有得揀飲咖啡，不過今日就冇試到。因為咁晏先至飲咖啡就怕咖啡因搞到今晚瞓唔着😅唯有下次早少少先試吓而且而家佢有得手機落單唔使吓吓自己行出去再買飛，真係好方便而且食食吓仲可以隨時自己再手機加單讚👍

朋友請食飯，帶咗我嚟食Muji😆。原來有好健康嘅三品四品五品料理。我同朋友揀咗四品（$110）同埋五品（$118）料理，四品料理可以揀兩個冷盤，同埋兩個熱盤；五品料理可以揀三個冷盤，同埋兩個熱盤。以下係我哋揀咗嘅冷盤同埋熱盤。🔹冷盤🏷明太子醬汁雜菌厚燒玉子原本以為玉子係甜嘅，原來冇落到任何糖，玉子偏向有鮮蛋味，加上混合了雜菌，令玉子有多一重菇味。玉子有厚度，而且嫩滑。🏷味噌甘酒醬汁蝦肉金柚沙律酒味唔算好重，金柚粒令成個沙律變得酸酸的，十分開胃。🏷芝麻醬拌菠菜冬菇主要有菠菜、冬菇同埋甘筍絲🥕，加入芝麻醬汁，令成個菜充滿芝麻香味。🏷羽衣甘藍薏米帶子沙律包含咗羽衣甘藍、帶子、薏米、藍莓🫐、沙律菜🥗等。材料都很新鮮。沙律中加入咗紅桑子油醋汁，令料理帶酸味，又係一款開胃菜。🏷烤雜菌伴半風乾蕃茄用各式各樣嘅菇同埋少量嘅乾蕃茄，加入黑醋炮製，除咗食到甜味，亦都食到酒味。🔸熱盤🏷和風醬汁炒八爪魚菠蘿🍍八爪魚好煙韌，有咬口；菠蘿🍍煮熟咗，唔酸、很甜。🏷有機藜麥芝麻烤雞兩小塊雞肉經特別醃製，表皮加上藜麥烘烤，令雞塊充滿香料味。🏷味噌三文魚配南瓜高湯三文魚質感厚實，有淡淡的味噌味。除咗有三文魚，仲有一塊海綿

MUJI cafe其實食過好多次，九龍灣呢間就真係第一次黎，感覺比起其他分店闊落好多咁～咁鍾意食muji除左因為係日本迷之外，仲因為佢標榜食材新鮮同埋健康為主。今日剛剛轉了新一季餐單，同樣叫左個四品料理試試新菜式。有黎開嘅都知黑醋豚肉係佢地四季必有嘅餸，呢個真係好好食，酸酸甜甜（但又唔係粵式咕嚕肉個種嘅味道），而且今次整得幾好，舊肉唔肥唔乾，啱啱好！而薯餅就脆卜卜啱啱炸起咁，新鮮！冷盤方面叫左兩個沙律，反而呢兩個凍食冇乜特別，普通出面都食到嘅沙律味道。下次要試吓其他秋季冷盤先評價到，但overall成個餐都係好食，望似細份但都好夠飽。

平時 去Muji cafe 通常都係食晚餐， 每次見到梳乎厘奄列都好想試。今日終於有機會啦。Muji 用左QR CODE 點餐好耐，個人覺得好方便，慢慢揀唔洗企係cashier 左諗右諗。4點幾嘅Muji cafe 得幾張枱有人，出面又少人行，戴上耳機，真係以為自己去左日本。用QR code 點完大約5分鐘就有得食啦。梳乎厘奄列好軟林林同好濃蛋味，配上糖漿同朱古力醬同士多啤梨🍓藍莓🫐，真係好好味。冰美式咖啡，微微酸味，飲落好舒服。

Muji Cafe的午餐相當健康, 其十六榖米吃得舒服, 肉類也不會煮得很膩, 蔬菜種類選擇也不少, 裝修簡樸自然, 坐得算舒. 以連鎖日式輕食餐廳來説, 已足物有所值的類型. 當中的梳乎厘奄列算是其招牌, 和大熱的梳乎厘Pancake不同, 除了內裡口感更為實在之外, 因為雞蛋成份更多, 自然更有蛋香. 一切下來, 內裡軟糯但沒出水, 如此厚的奄列處理起來, 比不少日式食肆處理的玉子燒更出色. 外面加上黑糖炙燒後的焦脆, 提供了口感的層次, 其甘甜的味道也豐富其味道. 兩人份量一個人也能吃盡, 加上附送的雪糕和花茶, 可當成是一餐Early Dinner.