Cafe Fifty Fifty (已結業)

知道MEGA BOX開左間新甜品店仲有我至愛既WAFFLE食,食晚飯時已經留肚要去食甜品.叫左個芒果窩夫選左綠茶雪糕單單睇個賣相已經吸引, 上來時WAFFLE都唔係微暖, 估計預先已經做左.不過窩夫仍然外脆內軟, 旁邊既芒果份量都幾多, 不過我至喜歡就係佢地有大量既杏仁片.成個甜品最差算係個雪糕, 綠茶味道麻麻再一點都唔能配合上芒果同窩夫味道.9點來到都只得2-3枱客人, 希望可以繼續為持落去, 這間甜品店係九龍灣算係出色.

Mega box真係唔多野行另1伴見到有間甜品又坐底食下叫左紅豆窩夫三文治雪糕 可以揀2球雪糕味 揀左綠茶同朱古力等左10分鐘左右3塊窩夫中間都係夾住CREAM同紅豆仲有少少杏仁片窩夫都夠熱 溶了CREAM 所以唔愛食CREAM既我都覺得OK紅豆份量都夠好味道啊2球雪糕應該唔係haagen-dazs 貨真係好味又夠飽 !! $45都抵啊 一定再試

唔知間野好唔好食..但LUNCH 的時侯係無咩人的..買了團購 2張...20$當40$用.12PM-11PM , 今日一心唸住LUNCH去食.去到大約1:15PM..見佢做緊68$一位午餐自助餐..我攞住張團購問佢攞位.個職員同我講要等45分鐘.我話吓45分鐘??即係無得食啦.佢話有呀,, 不過要等耐D我話45分鐘個甜品係咪耐左D?佢話宜家個緊午餐自助餐, 師傅唔得閑整.我話我LUNCH得1個鍾..等45分鐘, 同無得食有咩分別? 我話你無得食就唔好寫明12PM-11PM 啦.. 而應寫14PM-11PM(过左個午餐時間.)佢話都話唔係無得食, 而係要等耐DO咀.....佢話一係你聽日來食呀, 而家落定ORDER先大佬呀,今日唔知聽日事, 失驚無神要開會/見下客点算食個甜品姐要早一日ORDER??無野呀!我話可唔可以退錢呀.佢話唔得.不过睇佢個午餐自助餐好似一D都唔吸引, 好少野食.D茄汁意粉好茄汁.咩料都無.其他有幾個熱食.68$係貴的.好唔好食我已經無咩興趣了.. 因為好食的甜品多的是....多佢一間唔多.少佢一間又唔少.

用團購卷食左個士多啤梨窩夫三文治雪糕，個窩夫新鮮整，份量足，好香好好味，忌廉甜度剛好，綠茶雪糕都幾好味，不過窩夫同雲尼拿雪糕夾d。之前食過佢既芒果窩夫，不過我覺得窩夫三文治多球雪糕抵食d，同埋芒果太甜我唔鐘意，我覺得士多啤梨清新d。賣相好靚，地方坐得幾舒服，我都黎過過幾次，會返黎再食佢既窩夫~ 食完就上樓上買朱古力同睇戲，成日都甜到入心~~

團購了四張劵.以$80可作$160使用. 我地点咗以下當晚 order的甜品有水準.超好味. 士多啤梨班戟-忌廉超滑.甜度剛剛好.心太軟-朱古加味夠濃厚芒菓夾餅拼雪糕- 夾餅即做夠熱. 雪糕夠凍 焗雪山-外邊加上杏仁,買相一流.唯獨是內裏的蛋白打不夠時間.有少少稀. 我地亦向店員反映. 她們有禮地回應會把意見轉逹甜品師傅. 我地掛住食. 忘記了映 芒菓河粉和黑白涼粉.一定會再幫襯呀!!!

月初經過得悉本在這裡的深井發記甜品經已結業，取已代之的是這家售賣甜品和飲品的CAFE FiFtY.FiFtY。到達時剛好十二時正，店子剛開始營業，設置的座位數目頗多。所售甜品的款式也有不少，有最基本的數款Cheesecake，如Creme Brulee、Souffle等等的傳統型甜點，如河粉/撈麵等等的新奇型甜點，還有厚吐司、Crepe、英式和比利時式窩夫等等份量較多的飽滯型甜點，也有西米露、黑珍珠和涼粉等東方甜品，價格由約二十元至一百元不等。飲品選擇就比較少，咖啡、水果溝奶、果汁和沙冰，價格中等偏高。這天點了客士多啤梨窩夫三文治配雪榚($45)，兩球雪榚可自選口味(雲呢拿、朱古力和綠茶)，這次要了雲呢拿味和綠茶味。窩夫上枱便發覺份量頗多，單以份量來說定價算是合理。單看外在賣相確是頗吸引的。雪榚上枱時已開始極速溶化，味道和質感屬平平無奇的水準。窩夫本身很夠蛋香，烘焦味較少，外皮微脆，具一定的熱力，伴上鮮士多啤梨片和士多啤梨醬已很是美味。破壞了整體感覺的是窩夫之間的甜忌廉，忌廉因窩夫的熱力溶化變泡，變成質感不討好的甜泡。再加上起初已溶化的雪榚液，活像實驗失敗遺下的化學溶液。未致於嘔心，美