Cafe Corridor (已結業)

找到不起眼的門口，經過窄窄長長掛滿相的Corridor，終於入到去。內裡地方細細，大約可以容納20 人，裝修算別緻，Bar檯旁邊放了一些杯、CD同小飾物，另一邊牆則放了些書供人閱讀。友人點了個cake set，一件Double blueberry cheesecake 加一杯Corridor Monster，在下則點了個Latte。個cake ok，上軟下實，脆餅做底，芝味不濃，頗合在下口味。Corridor Monster是espresso加奶泡，細細杯，同Latte 一樣在泡面都有拉花圖案，在下的Latte 是一棵樹，Corridor Monster 則是招牌笑臉。Latte 奶味較重，咖啡味清淡，適合女士多一點，下一次還是試試Corridor Monster好了。

十點幾去到銅鑼灣, 都無咩特別野想食, 約左朋友傾下計, 順手入去飲杯啡醒一醒神. 食一個遲來的早餐, 叫左2個飛碟三文治, 分別係咸牛肉同磨菇火腿, 中間d料好似薄左少少, 而隻麵包又幾粗粒下, 組合得有d怪怪地, 食落去d粗粒好似咬唔開. 朋友杯Mocha 好似沖得幾靚, 我杯熱咖啡就一般, 咖啡味唔夠濃. (其實我應該指明要齋啡). 感覺上夜晚去d咖啡好似好dd.

The drinks and food there are not very good ( a bit expenisve as well), but it's really a good place to hv a stop whenever u walk throu Causeway Bay.#Coffee are much better than any other drinks.#Chocolate cake is too sweet.#Only one choice for the lunch set ( always 豉油炒意粉, not 西式also not 中式)Also, it's really a place for smoking ppl. As space is less, it is not suggestable for ppl do not smoke to go. The staff are quite polite and friendly.

昨天下午原本同長頸鹿行街好地地的,無啦啦因為佢問的難題後,令我感到好迷茫失落,兼好大壓力,再加上這幾天所有事都唔順利,以致我勁唔開心同埋胡思亂想,而長頸鹿之前已約了朋友晚上食飯,就咁樣'掉'低我在銅鑼灣一個人閒逛.行完差不多成個銅鑼灣後,突然好想飲杯咖啡去relax,見到呢間我一直好想去的coffee shop,卒之走左入去.晚上差不多9點去到,店裡面好細,但塞了成十幾人,幾嘈,好逼,相信tea time來會好d啩,我見到有幾個人好似我咁,慕名而來飲呢度的咖啡,唔知d咖啡好唔好飲呢?叫了杯Corridor Monster Double同辣魚飽,唔係tea time,但只要$34,唔算貴.杯coffee細細杯,畫了招牌笑面,我望了幾秒才加糖搞勻,飲了一口,對我呢個飲咖啡新手來講算好苦,不過就好配合我當時心情,仲覺得有d甘添.哈!~o~.至於個辣魚飽,我本來無乜期望,但來到時令我有d驚喜,係用烘過的意大利香草飽,夾住辣的tuna,白汁同生菜,味道好夾,幾好味.一個人坐在店裡的某一角落,慢慢嘆著咖啡同麵包,聽著店內播的音樂,望著店內的佈置,邊含淚邊發呆,萬般滋味在心頭.發呆過後才離開,再圍著

應該你啱

依度應該寫住"no cigar smoking"喎~ 唔通轉o左??

上次嚟飲過cappuccino，雖然對我嚟講唔夠濃，但teture同味道都唔錯，起碼好過cova今日嚟叫double espresso，濃就夠濃味，但口感頗差，無咖啡既酸同甘，得一大陣苦味，follow through仲恐怖，成陣蓮子芯咁味!依度有個牌寫住no smoking，但次次都係煙霧彌漫

Once have dinner with bf here. As i'm not hungry at all, i choose a cake set ($3x) including a drink. And this banana chocoalte cheese cake is really delicious. Even my bf don't like cheese cake, he said it's good!! But the place really smoky...

食完cheesecake黎左呢度買cappuccino飲. 見到裡面煙霧濔漫,我地選擇左takeaway. 杯cappuccino($20)奶味比咖啡味重(o岩我,因為下晏唔想飲咁濃o既咖啡),泡打得幾好,都幾滑.唔錯!p.s.買咖啡時,竟然見到佢地蛋糕櫃裡面個blueberry cheesecake同又一城page one cafe o既一樣. 我好鍾意食呢個cheesecake嫁!呢度$25一slice, 下次我會黎買!

要左capuccino 加牛油果醬多士，廿零蚊。咖啡幾香濃，牛油果醬有少少檸檬味，幾清新特別，唔錯。我見有個男人一人佔左四人檯，有客人到，侍應都冇請佢讓位，侍應都係後生仔，幾親切，會教你點揀coffee，重問我要唔要double shot，冇講話要加錢喎。

每次經過都被佢濃濃咖啡香吸引,忍不住一定會入去幹掉一柸decaf mocha-ccino or decaf cappuccino,實在太太好味,令人震攝心靡

我都覺得自己有d奇怪....anyway,上次入到黎時唔想飲咖啡,反而有少少肚餓,叫左佢個窩夫食, 要左朱古力醬同埋果占.可能唔係好多人叫呢樣啦, 所以唔係好熟手...因為個waffle個面就燶晒,中間係唔熟o既! 至於醬係現成o既nutella同埋果占..下次都係叫咖啡算lu...

每次入去飲咖啡之前, 都會慢慢睇掛係條走廊2邊的攝影展, 好多時會發覺到少創意既相片.另外佢地d咖啡都好有創意, 好多時會係泡沫上繪上圖案~

同個friend行到累, 去左呢度飲杯野. 2個都係叫左榛子coffee, 幾香滑. 好有咖啡味. 但又唔會蓋晒d榛子味. 幾好飲. 不過好多人煲煙. 幾難頂下!!呢度係冇咩service可言

間coffee shop 好隱敝呀,原本想去許留山飲野,但D朋友話有間coffee shop,於是就走左入去.一入到去已經有個男仔同我say hi la ,雖然間鋪細就細左D,但就幾乎無人禁滯.(可能己經9點幾了)我地叫左兩杯latte同一件cheese cake,兩杯咖啡的圖案都唔同嫁!飲落又唔太濃,但件cheese cake 就比我想像中普通.不過呢度既服務員就好好,(有一男一女)個女既都幾靚,個男既就好nice,加上間鋪的格局好柔和,(如果間鋪再大D就更好)所以我同個朋友都坐左好耐先走.如果同班朋友下次經開呢頭既話,又多左個選擇!!總之一讚喇!