Café Circles

如心酒店既甜品一向都唔錯，最近見到佢有個週末下午茶自助餐，逢禮拜六日，3:15pm開始任食兩個鐘，$268一位，以酒店buffet黎講又唔算貴，所以趁得閒就book左去食😋食物種類黎講唔算係好多，不過下午茶黎講都唔要求有幾多野食ga la。行出自助取餐區域，首先睇下冷盤既區，有唔同款式既壽司，好似有香港人最鍾意食既三文魚壽司😂北寄貝壽司、帶子壽司、龍蝦沙律軍艦、蟹子沙律軍艦等等。然後仲有冷麵、沙律、火腿、三文治。款式都算多樣。特別鍾意佢既三文治，有一款有牛油果蓉係面頭既，食落有啲酸酸甜甜咁幾開胃👍  然後到熱食，比較特別既有keep住燒既串燒，有酒店職員企係果區一路燒，唔係一次過燒定曬既。有燒翠玉瓜、粟米、秋葵、骨付腸、豬肉腸、牛舌、番茄仔。佢地既粟米好有驚喜🤩食落係好多汁一啲都唔乾，而且面頭掃上左啲蜜糖燒，食落甜甜地😚另外熱食仲有韓式炸雞、pizza、泰式既魚餅、越式蔗蝦，好多唔同既菜式！仲有款迷你漢堡都好可愛🍔有三款唔同既口味，包括雞肉、蝦肉同埋牛肉既，細細個幾好食。  然後到甜品🤤講到食下午茶當然唔少得食甜品！甜品有藍莓芝士蛋糕、泡芙、apple crumble、牛乳奶凍、提子芭

今日去食中午buffet, openrice訂有75折，長者小童有優惠價，成人折實约$370/位，長者小童约$280/位。4人圓枱好大，枱與枱都唔迫。Buffet 竟然包橙汁，咖啡茶，罐装汽水Asahi啤酒，生啤，仲有Haagen Dazs 支装同细杯装。魚生有三文鱼、吞拿魚、希靈鱼等味道都新鲜，冇雪味，三文魚唔夠肥美，寿司都有好幾款，不过冇试；主食有粥夠綿, lasak 有驚喜，可以云吞lasak，味道略咸但lasak 夠味，比香格里拉cafe kool好好多同新加坡百勝廚叻沙方便面好，食完一碗又一碗, Cafe Kool 系完全唔得；熱菜都十多款，夠热，味道ok, 不过普通咗D，有老火汤，有幾款炸物同烤物，烧牛肉同羊腿都嫩，不过羊腿只有一輪。甜品:cake一般，但可以自制pancake, 同綠茶朱古力池(冇试，我估)。沙律都好幾款，仲有幾款coldcut , 都ok, 豆腐花夠热同嫩，好味！服務員態度很好，而且收盤效率高，贊！

‬荃灣西如心酒店‭ Café Circles ‬最近出咗個週末下午茶自助餐$268逢星期六、日，3:15pm供應，價錢好抵玩💰所以個promotion 出咗後都吸引咗好多人去食我哋當然都要去埋一份幫大家實戰睇下抵唔抵食啦😎！.環境幾舒服，樓底高座位唔算太密集食物集中喺中間區域，拎嘢食都好方便鹹甜點都有齊，不過選擇唔算多🙈.🔸串燒：我哋幾欣賞現場即燒嘅日式串燒🔥有6-7款燒足全程冇停過手，真係好有誠意❣️食咗腸仔、雞翼、雞串、粟米同翠玉瓜最鍾意佢哋嘅雞肉串燒🐥，搽滿晒醬汁，肉質軟腍夠晒入味✌🏻.🔸日式食品：每次出嘅壽司都有唔同款式😍，一出就大排長龍魚生望落色澤唔錯，食咗小龍蝦沙律同鰻魚壽司🍣2款味道都唔錯，而且細細件可以食多幾款🤩旁邊仲有蕎麥冷麵.🔸冷盤：選擇唔算多，有3款沙律同2款火腿‭🥗‬🐖味道正常水準發揮.🔸熱葷：韓、泰、西菜式樣樣有啲，有韓式炸雞、迷你漢堡、Pizza、泰式炸魚餅、雞塊同香茅蝦棒〰️漢堡：有蝦、牛、雞3款口味🍔，我哋覺得蝦最好食😋，肉質彈牙🦐；牛肉就太乾〰️Pizza：有驚喜！惹味又好食🍕〰️麥樂雞塊：新鮮炸起都唔錯〰️韓式炸雞：個皮幾脆又夠入味🍗，雞肉唔算嫩滑，但都ok〰️

一行三人staycation，自助晚餐。利申:對食物冇乜期望。黎呢到主要只係想游下水，一齊chill下，順道去附近商場shopping餐廳主題係和風，門口有唔少日式既裝修飾物，打卡友好。有趣既係，全場最有日本味道既，正正係唒門口日式食物方面，自助餐基本既section，刺身，幾款卷物，冷麵，天婦羅，串燒，豚骨湯底x車仔麵，味噌湯，數款日式甜品x榴槤下午茶環保再用甜品。和風既野係咁多啦前面為飯友講得好中呀真係有返鄉下既感覺呀不過我就冇合作影相用文字分享吓啦上面講左點題既和風食物，其他食物都好特別架比較印象深刻既係。。。(排名不分先後架fast food界名物：雞寶誠意之作：泰式蝦餅健康護聲系列：唔開蓋充滿蒸氣既Nann珍惜食物擔當：榴槤朱古力漏氣撻正宗印度風味：咖哩薯仔三色豆小朋友至愛：有色冇味抹茶朱古力噴泉太太太太太多啦，不能盡錄個人覺得荃灣咁多日式放題，佢地既質素，比起呢到，大家識得揀啦BTW，服務真係好好，充滿笑容，主動，有熱誠。幾中意呢度既雪糕，係Häagen-Dazs，有coffee, strawberry ice cream；另外有individual box packing

今天適逢其會，到如心酒店餐廳吃自助午餐，餐廳交通方便，樓底很高及光猛，坐位舒適，我已經年多沒有來過，是次發覺食物水平提高不少，各式各樣皆有，冷盤蝦及青口味道佳，有小龍蝦，但我未曾品嘗，不能置評。沙律菜非常新鮮。日本魚生區，食物味道新鮮度足。燒羊脾味道佳，夠粉嫩，有羊味。至於甜品竟然意外地多了款蝴蝶酥，它非常鬆脆，令我吃完再吃。除了食物，最重要是他們的服務態度，令我給他們加添分數。此乃本人一定再回頭的自助餐廳。唯一是咖哩食品，味道還可以，但仍有進步空間。推介: 魚生，羊脾，蝴蝶酥及沙律菜。open rice訂餐八折。以信用卡付款九折。

經由open rice 一星期前訂座兩位成人，流程操作容易及簡明，日期前一天，酒店餐廳來電再確認訂坐，由於我在open rice上註明是慶祝生日，驚喜地獲安排在一獨立小房間內用餐，房間雖然是沒有房門，但私隱度很高，很寬敞，足夠4人用餐，安排我們入坐的侍應在我們入坐後很有禮貌地說祝生日快樂，餐廳食物種類很多，汽水，啤酒免費享用，還有Haagen-Dazs 雪糕批及雪糕杯任食，餐廳還特別送出生日蛋糕一件給我，由於是經open rice 訂坐，結賬時可獲75折優惠，感謝open rice這次的訂坐安排。

超過一年冇食過buffet，星期五晚決定同朋友放肆下，咁啱我地都近荃灣，揀左就近呢間如心酒店，裡面呢間Café Circles嘅和風嚐鮮自助餐，啱曬我呢d想返鄉下嘅人啦😆我地係through openrice訂位所以有85折優惠🈹️，假期dinner buffet折完$5xx，價錢係幾吸引。-🍮一入門口見到好多甜品，有哈根大師雪糕杯同雪糕批任食！呢個認真吸引🤩就講甜品先，款款都勁靚，成個士多啤梨造型咁嘅福岡草莓乳酪巴伐利亞，🍵宇治抹茶撻係好清香綠茶味。🍇巨峰提子芭菲杯好吸睛，甜品整體相當唔錯，起碼唔會睇得唔食得先，為甜品而黎就啱曬。-🦞海鮮方面，有長腳蟹、麵包蟹同青口，長腳蟹好鮮甜有驚喜。-🍣刺身有吞拿魚、鯛魚、希靈魚等，都係buffet水平啦。而個晚星期五咁啱有廚師即席切原條日本油甘魚，場面好震撼，個個都走過去影相📸️😂-🍤另外有日式串燒同埋即炸嘅天婦羅。有燒日本和牛、好淋嘅燒牛脷、炸蝦天婦羅等。-最吸引係個大大塊牛扒同即烤即切嘅燒豬卷，個皮超脆。-另外有超多款熟食，個人覺得野食ok啦，未算好好食不過折完價錢都幾多選擇幾抵玩。

荃灣西都有好食既afternoon tea 🥰自從荃灣愈黎愈多樓 我黎呢邊都真係多左爸媽有時都喜歡呢邊散步我有時都會跟隊呢先排見到幾個食友力推如心餅店既拿破崙咁就梗係要試下啦！ 先黎試下佢既下午茶先！ 因為其實我唔係超肚餓加上又係夏天我同朋友都唔係食唔晒其實當late lunch 份量都好足夠因為無食晒咁多款我介紹下我推介既先第一層既咸點個慢煮八爪魚好軟熟加埋個醬好青新 夏天食一流！個泰式肉碎生菜刈包都惹咪味本身我都係好鍾意食刈包既☺️個彩虹蕃茄西瓜芝士杯就比較清淡但係夏天食好消暑第二層甜點呢個係精彩既本身甜野我食唔到好多但呢個我停唔到口1.士多啤梨拿破崙真係好得 無論係酥皮吉士醬同水果都好好我係勁想買黎同家人分享架2.柚子慕絲蛋糕就酸度相對高少少個殼做得都好好成個食落有酸度唔會太膩個人會鍾意個底再酥脆番些少 但味道方面我滿意3.本身我唔好朱古力同車厘子既pastry我成日怕伏但佢個車厘子朱古力撻好食平衡度好 食落會有個種充滿朱古力同車厘子既口感好滿足但又唔會好漏 本身食左兩啖跟住都追住食😂4.芒果椰子奶凍味道都好好 無過甜又滑也是滿意的一味因為太飽我無食鬆餅可能因為太熱我戰鬥力好低佢呢

老友係自助餐食家，介紹呢度，起初聽，荃灣如心？有冇搞錯？荃灣有自助餐？充滿問號？？咁啱老媽生日，就訂佢。當天12點05分到，嘩！排隊入場？好耐未試過，心諗，一定好嘢！係等入場時，見廚師預備緊食物，問帶位小姐，想入去睇睇，佢好鬼nice,話靜靜地，唔好打擾廚師，放我一個入去，但要快睇。入到去先知，原來做緊意大利主題，擺哂D意大利凍肉腸片，芝士出嚟，好多我唔識佢邊款，但有我最愛，Parma ham，salami，其他唔識，仲有2⃣️款三文魚，凍嘢有蝦，蟹，青口，硯，响螺，龍蝦仔。沙律有好多⋯⋯嘩！頂！開始流口水雖然人多，但幾個帶位小姐，非常熟練，幾分鐘已經坐低，肚子發出呼聲，即刻出動。沙律菜新鮮，爽，乾淨，D凍肉，凍海鮮，三文魚已經搞掂我。老媽凍野一般，攞左D壽司同凍蝦蟹，三文魚，花膠金華火腿雞湯， 再來個馬來西亞喇沙，配雲吞，魚片頭，半肥瘦叉燒，黑椒牛柳粒俾佢，食到佢唔停口😀😀我見佢中間仲有個印度廚師，攞咗佢啲薄餅配咖喱羊肉，正！老婆話個燒牛仲正！其實D意大利凍肉，三文，芝士，沙律已經令我半飽，加埋喇沙，燒三文魚頭⋯⋯個女已經開始食甜野，👀見有crème brûlée, brownie,頂，

酒店入面嘅西餐廳，份量都幾大，食咗一半都冇，味道都唔錯，招呼都可以，就係冷氣弱啲，可能今日天氣太熱，講返食物，松露入饌好多地方都有，但要掌握份量就要啲心思，今日呢間mushroom 味蓋過咗，main course 係sea brass, 唔錯，可以試吓

是日喺荃灣西如心酒店check out前，先到酒店餐廳食埋早餐。今日酒店提供嘅早餐係set breakfast，有中西式menu各一。我哋中西式都叫左一個。而早餐時間餐廳供應飲品有茶啡同橙汁。先講左中式早餐，有炒麵，皮蛋粥同兩件點心。點心正常，但炒麵有少許麵條未熟哂，調味料亦未完全炒勻。而皮蛋粥偏淡之餘亦太稀。西式早餐質素同樣令人失望。炒蛋質感粗嚡，分唔出係炒蛋定煎蛋。煙肉煎得過左火，硬得餐刀都難以切割。白麵包雖然脆身，但極為薄身，無口感可言。以上早餐味道唔算濃烈，但用餐後半個鐘就感到非常口乾，明顯有落到味精。四五星級酒店供應如此早餐，令人驚訝之餘亦感到失望。

今日到荃灣西如心酒店staycation，package包埋晚餐自助餐同早餐。先講下環境：餐廳設施以至碗碟外貌新淨，座位之間留有非常充裕嘅空間。人流高峰時期取餐區唔會擠迫，再加上高樓底同適當嘅燈光照明，環境黎講係無可挑剔。用餐期間，職員收去空杯空碟嘅頻率都令人滿意。相對而言，食物質素比較遜色。餐廳現正做緊意大利風味主題，但真正意大利相關嘅食品寥寥可數（反而泰式食物數量更多！）。食物選擇可以接受，當中鮑魚同鵝肝限量每人一件。鮑魚一直用煲烹煮，雖然入味但略嫌有啲韌。冷盤唔計沙律菜同刺身大概有十款。沙律正常，而海鮮冷盤中只試過麵包蟹同青口。麵包蟹奇怪地每次只refill一隻。蟹不帶鮮味，青口更有隻帶腥味。日式刺身問題更嚴重，五種刺身當中，三文魚有腥味，而吞拿魚更是腥得令我不敢吞嚥。熱葷方面選擇相對較多，食物味道都較好。中、泰同西式各佔約三份一。儘管係咁，熱食當中嘅焗蠔拎左兩隻都係腥嘅。整個自助餐中最滿意係甜品部分，為整個自助餐挽回不少分數。西式甜品用上整張長枱放置，外加pancake、兩款中式甜品同朱古力噴泉。雪糕有三款味道嘅Haagen-Dazs杯裝雪糕供應。個人而言，自助餐應以食物質素行

今天難得和男朋友一起放假，便試下呢間自助餐。我們食中午12時，見到已有非常多食客。估唔到我們短期內又中伏。🤣食物方面選擇比較少，今期餐廳是以「意大利」為主題，見到有pizza、意大利雲吞、意式湯等等。我試了一小塊pizza，餡料及芝士少得可憐😓，只有普通咸味，咬了一口不想再吃。我本身很喜歡食意粉的，可是現場只有螺絲通粉。另外試了意式千層麵，煮得太淋身了😅，吃了一口覺得有點難食，慶幸只拿了一小角。刺身有四款選擇，但沒有章魚或墨魚片。熱食方面，竟然沒有牛扒，只有羊及豬。又沒有普通的炒菜，只有炒椰菜花🥲，是否我太揀擇？最出色的要數是青口，非常新鮮及飽滿。由於沒有太多想吃的東西，最後吃沙律菜比較多。然後轉戰甜品，不過不失，咖啡味那款及藍莓芝士那款比較好吃，其他都幾伏，唔好亂試。😕以下附上真金白銀去食既單據，以證清白。

自從晚市重開之後食咗幾間自助餐，今次是荃灣如心酒店嘅Cafe circle，居然有驚喜一踏入Cafe circle門口，見到有張十幾米嘅長枱，一條完整嘅木製成，本身已經係一件藝術品吸引人駐足觀賞，但係與此同時，前邊嘅食物已經向我招手。一入門口嘅係甜品Section，有唔同類型嘅蛋糕布甸咁。再向前望就有朱古力噴泉、水果，在前少少就有Häagen-Dazs甜品櫃，右手邊就係日式刺身同壽司🍣左轉就會見海鮮冷盤、沙律、cold cut 、cheese Station，再向前行就係到熱食嘅部份。首先係noodle Station，後邊係即煎鵝肝扒爐，隔離係牛扒同埋脆皮燒豬卷，仲有啲街頭小食咖喱魚蛋滷水雞翼咁。再後邊就係一系列嘅熱食，種類繁多，有燒味啦蒸魚啦胡椒豬肚等等。食物種類真係好多，中西日印泰，基本上如果每碟都拎一件嘅話，都已經係食到飽到行唔郁。食物質素方面我會認為係中上，刺身新鮮好食，鵝肝鮑魚就一人一份，脆皮燒腩卷同埋燒腩仔都係推介嘅食物👍仲有個油炸鬼蝦多士，唔係度度有得食十分驚喜，仲有佛羅倫斯雞湯都煮得好出色😋而家啱啱開返，人唔算好多基本上都唔使點排隊，做緊$568 +1，平日有八折可以

今日（2022年4月28日）臨時臨急發現亞洲萬里通嘅積分就嚟到期，咁啱下午要請假攪家裡裝修既野，所以呢求其搵間自助餐嘅轉換咗佢嚟食。發現今日只得荃灣如心酒店Cafe Circles有位，所以諗都唔諗就換咗。環境真係好靚，一入門口左手邊就係甜品區，右手邊就係呢一張超長大枱，應該50人都可以坐得落。樓底極高，甚有氣派，淨係坐喺度享受已經值回票價。。食物方面日式刺身有，三文魚，希靈魚，𩶘魚，吞拿魚四種。壽司十種左右，中華沙律，麵豉湯。冷盤凍蝦，凍蜆，凍小龍蝦，凍青口，無ColdCut肉沙律普普通通，有煙三文魚，但係冇火箭菜。湯青紅蘿蔔煲豬骨，磨菇忌廉湯。現切牛仔肉，火腿。卥水檔有牛腩，豬紅，卥水雞翼，喇沙湯麵。熱盤炸麥樂雞，炸魚餅，四方嘅pizza仔，咕嚕肉，叉燒，炸雞翼，燴牛尾，牛仔骨，炒雜菜，蒸鱈魚，醬爆芝士豬扒，咖哩牛肉，印度薄餅，炸蝦片，咖哩雜菜。水果三款切好片嘅，西瓜，蜜瓜，菠蘿。有啲放喺隔離完個嘅水果，可能係擺設用，冇人攞。有個朱古力噴泉，有棉花糖，有切粒哈密瓜，菠蘿。甜品Haagen Dazs杯裝雪糕，梳乎厘，心太軟。馬卡龍，芝士蛋糕，啫喱，不同蛋糕，豆腐花。食物質素...中上