Cafe Cabin

营业中

休息中

平時放假我哋都係飲茶，今日帶老公來食西餐🤪佢比較鍾意食沙律、包類、咖啡，所以揀咗All day Breakfast，每樣都唔錯沙律菜好新鮮，我既炒蛋好滑、牛角包又香脆，佢食個陣不時話．．好味．．我都覺得好滿足好幸福😊仲令我地諗番起係東歐 Honey moon既日子😍😍😍店員笑容親切😊支持用心既小店💪🏻💪🏻

做完嘢無所事事就做吓乖乖囡陪老爸老媽食個下午茶 ~~平時都會去飲茶 ...今次帶佢地試新嘢 ...去了 bookmark 好耐的 cafe 食窩夫 ~~估不到又幾啱佢地口味喎 ~~老爸點了杯愛飲的 ● 美式咖啡〈HK$35〉點了份咸食的牛角窩夫和甜食的窩夫一起分享 ~~先講講咸食的● 流心芝士蛋黃醬火腿奄列牛角漢堡〈HK$58〉鬆脆的牛角窩夫夾著膨湃的流心芝士蛋黃醬火腿奄列滋味好吃，好啱老爸老媽的口味 ~~老媽的 ● 蜜桃烏龍茶〈+HK$20〉點牛角漢堡跟配的飲品估不到咁大壼仲要係原片茶葉泡的蜜桃烏龍茶店員好醒目咁跟配了 3 隻杯比我哋飲完仲自動自覺幫我哋添熱水濃厚甘醇的烏龍茶又有蜜桃的清甜爽口食完呷一口可以解膩消食 ~~● 焗焦糖香蕉。窩夫配雲尼拿雪糕〈HK$65 / 全份〉儍媽點的全份有 4 件窩夫另外有 2件裝的半份窩夫 (HK$55) 窩夫是即製，入口香脆富蛋香焦糖香蕉原條焗，香脆的焦糖糖衣配上原條香蕉配上 Movenpick 雲尼拿雪糕和香滑忌廉，真係好滿足 ~~儍媽的 ● Latte〈+HK$25〉點窩夫跟配的飲品都可愛的小熊拉花，抵讚 ~~** 以上分享是以我的口味、體質

大約在一年多前開始幫襯,這間咖啡小店.現在差不多每個星期都會食一次早餐或午餐. 最近還吃了它的聖誕大餐.以咖啡小店來說,它食物的選擇可說是非常多了.無論是All Day Breakfast, Pasta, 窩夫,牛角包,選擇都非常多...味道更比一般人人氣咖啡店更好. 非常抵食.我自至愛: 炸魚&紫薯Croffle, 屋仔All Day, 芥末明太子貓耳朵(加英式腸一條),西班牙黑毛豬肉醬意粉，Dirty Coffee & Hand Drip Coffee (餐牌上冇㗎）

本人最欣賞嘅一間Cafe價錢實惠，食物非常好味，每一個星期起碼食一次嘅Cafe，一間用心做的食物的cafe, 由白酒蜆肉意粉出色，即叫即整嘅甜品，焦糖焗香蕉waffle 外脆內軟甜度適中，最後加咪焦糖海鹽咖啡簡直係完美無瑕♥️ perfetto😋Lunch with my hubby, everything is made with heart by this perfect cafe 💜The most elaborate coffee 💜👇🏼

這家店前身是車仔麵店，現在開了我最喜歡的西餐，當然要試。店內位置約有10-12個坐位，小店經營。食物價錢大約80左右本人覺得他的意粉尚算可以，它的擺盤在小店而言也很漂亮，而各款飲品約30-40本人就點了榛子咖啡，味道不錯。由於是小店，如果是趕上班的朋友可能要注意一下，有機會等30-45分鐘才有食物

食起來就知道，有花心思去做。食物配搭美味，廚師經常做新食物，好有創意又好味道！所以唔會覺得食來食去都係個D嘢。咖啡也好味道。除了地方比較細，入面舒適又乾淨。我絕對覺得好過大型cafe，又貴又唔好食。真係好用心去經營。廚師哥哥會好有心機介紹新菜式，也好樂意聽大家食完嘢俾意見佢。大家不妨提出意見。。交流一下都OK咖！遲D聽講會做夜市，希望係東大街食飯可以多一個選擇。本人覺得唯一可惜的是好耐冇得食 Egg Benedict 啦！呢到係我食過最啱胃口的Egg Benedict.

東大街街頭既Cafe Cabin，因為見openrice 既相幾靚就黎試下。由佢既裝飾都睇到係間好有心思既咖啡店。選擇都唔少，有選擇困難症都要諗一陣呀傳統卡邦尼扁意粉$72賣相唔錯，正常味道，有芝士味，差左少少蛋味。大蝦蕃茄扁意粉$78賣相唔錯，蝦幾彈牙，正常蕃茄意粉味。原味牛角包窩夫$25原來呢度食窩夫先係重點！真心好正，牛角包既香脆配少少焦糖，好夾好好味。意式泡沫咖啡 （跟餐+$25）味道正常，拉花好靚，打卡一流。焙茶拿鐵 （跟餐+$30）好少見有焙茶拿鐵，每次見有都要飲！茶味好濃，拉花好靚！好想飲多杯呀整體黎講鋪位唔算好大，少少迫，所以覺得貴左少少，不過野食野飲都有心思有誠意，拉花好靚，窩夫好好味，值得再黎呀！

下雨天去吃全日早餐叫咗一個經典一個豪華，配flat White同埋薄荷茶Fred white原來都幾大杯，估唔到都夠咖啡味又夠nutty，原來店主係試過好多唔同咖啡豆嘅 combination 👍薄荷茶都好香冇留意原來經典早餐係配窩夫，口感係我鍾意嘅，少少脆但係又唔會乾，似少少pancake質地豪華早餐個牛角包好好味，偷睇到佢哋係用麵團焗牛角包，唔係翻熱㗎！腸仔 juicy，炒蛋就有待改善，唔夠嫩滑。唔知早餐可唔可以自由加減配搭，例如改窩夫/牛角包改croffle 或者煙肉改為parma ham

筲箕灣咖啡店不算多，今次到訪的這間咖啡小店食物選擇也不少，有意粉、全日早餐，也有牛角包、窩夫、牛角包窩夫等輕食供應，口味也非常多。屋仔經典全日早餐 全日早餐都幾豐富，有：窩夫、大啡菇、煙肉、牛油果、煎蛋、車厘茄、沙律菜。早餐份量最多的是煙肉🤣煎得夠香脆，煎蛋是半生熟的，窩夫外面夠香脆，裏面濕潤，跟配楓糖漿。加$25可以跟配咖啡/茶。

筲箕灣很多唐樓改建，居民開始越來越多中產，coffee shop 亦越來越多。東大街都有3-4間 coffee shop，而 cabin 係最好食、選擇選比較多的一間。筆者去食早餐，點了牛油果煙肉蛋牛角包，加火腿芝士牛角包。兩款牛角包都做了烘底，非常脆口。餡料亦很足，味道很好。Latte 就一直有飲開，味道合我口味。不過一至五外賣$15，堂食跟餐要$25，感覺很貴😂。另加一杯朱古力，拉花好靚，不過唔係我飲，唔俾 comment。

香蕉榛子牛角包窩夫配雪糕本身好鍾意食牛角包亦都好鍾意食窩夫所以就揀咗croffle香蕉同榛子真係Perfect match 再加埋雪糕 越邪惡越好食 正紫薯奶 打卡一流 無諗過熱飲都可以整到好似凍飲咁靚 如果濃味d就更好了友人點了latte 都有拉花😆唔錯Total $10x比起其他Cafe黎講 好抵

曾經以為筲箕灣既美食天堂名銜已經越走越遠，但今日找到一間新開既小店，食物高質又有誠意。煙三文魚菠菜忌廉扁意粉 （$84）🍝：三文魚炙至大約9成熟，好香。外面較熟，咬到最入會有少少生，令我每啖都食得有入神。意粉夾雜著滿滿既菠菜葉、洋蔥碎同忌廉汁。老實說用咁多菠菜葉去炒香個菠菜意粉，市面上好多餐廳都做唔到，但呢個步驟大大提升左成個意粉既質素，整體好rich好豐富。Latte （跟餐加中+$25）：啡味好濃，沒有被奶遮蓋左啡味，好鍾意。同老闆傾計，老闆透露咖啡由4種咖啡豆混製而成，所以先可以製作出啡味咁濃嘅latte。今日咖啡師放假，由老闆悉心為我制作了聖誕樹拉花，配上粉紅色咖啡杯，確實令我擺持不住了🥰

呢一年嘅東大街都開咗唔少新店，不過開𝘊𝘢𝘧𝘦喺呢度就屬於小眾，終於比到新鮮感我地東區人🥲𝘊𝘢𝘧𝘦以白色同木系作主調，舖位較細，所以未見有太多裝飾，但迎合聖誕都叫有棵聖誕樹喺度🎄😛 店員（長？）態度誠懇有禮，小店有小店嘅好就係服務周到😌《 煙三文魚菠菜忌廉扁意粉🍝 》 $84 4.5 / 5賣相靚，煙三文魚有再用火槍輕輕燒過，所以上菜時有聞到魚香，呢個做法幾特別，出面有八成以上都就咁用煙三文魚砌玫瑰花🌹有心思👍🏻 另外應該係小編食過最多菠菜碎嘅菠菜忌廉汁😂 多到係食得到嘅口感，反而幾清新，真材實料😋👍🏻 意粉硬度得宜又掛汁😋🍝《 烤棉花糖窩夫配石板街雪糕🧇 》 $64 4.5 / 5半份同全份只係相差$10嘅情況下當然要食全份🤣🤣🤣 無小編咁大食可以叫半份都窩心嘅😙 賣相好有冬日感覺，糖霜如雪花❄️ 烤棉花糖淋上朱古力醬，襯熱用窩夫沾上綿花糖食又邪惡又滿足，窩夫厚身但好脆😍😋 可惜棉花糖一涼咗就好硬好痴牙🥲 可以再烤得焦啲有脆邊仲正😋 《 𝘊𝘢𝘱𝘱𝘶𝘤𝘤𝘪𝘯𝘰 》 +$25𝘸𝘪𝘧 𝘴𝘦𝘵 4 / 5正常發揮嘅味道，而拉花就好顯到功夫😍 好靚嘅聖誕樹仲有飄雪🎄 有驚喜☺️整體食物質素高質

在這個充滿冬意的星期日下午，我們又來到心愛的cafe。好多謝cafe將抹茶latte加入menu（不知道是否因為上次食評的提議呢😝），而眼前抹茶latte亦沒有令我們失望，濃郁的香氣令我一口接一口。我們仨，再一口氣點了三客cafe的主打 — 牛角包窩夫，口味分別是芋泥、紫薯和朱古力脆脆（附上movenpick雲呢拿雪糕😋)，並配以焙茶和榛子latte。這個完美的配搭為今天的下午茶畫上了完美的句號，期待下次再有新嘗試，希望會有新驚喜！

係香港能食到一個正宗Croffel已經唔容易，而且仲要只係$25（配焦糖醬）！嗰醬不會太甜，而且帶有少少牛油香味，配件Croffel一流我都忍唔住嚟多個take away返office 再食過除了Croffel好食之外，佢個蜆肉意粉勁鮮甜，蜆肉煮得啱啱好，肉質好嫩滑冇沙扁意粉是Al dente級數，冇得輸一定會再返嚟！要注意嘅係，呢間小店目測大概只有20-24個位，所以如果peak hour嚟就可能要等等。