Cafe 2 Oyster n Grill

营业中

休息中

同事突然話要帶我食西餐，仲話佢哋嘅午餐set好抵食添🤨咁就唔使諗午餐食乜，跟住佢去就啱啦一入去人潮滿滿，好彩仲有二人座位安排畀我哋。店內裝修風格好簡約大氣，而且空間好闊落，唔會同隔離逼埋一齊😂餐廳嘅lunch menu都幾多款，而且價錢都算OK，每份主食都可以揀要飯、意粉或者薯菜～我同我同事就揀咗兩個唔同，可以一齊share嚟食✴️ 香煎豬柳伴蒜蓉汁意粉🍝豬扒鮮嫩多汁，肉質好軟嫩！外皮已經煎到焦焦地，外脆內嫩好好食😋醃製都好入味，入口鹹香，伴住蒜蓉汁一齊食口感更加濃郁～意粉煮到軟硬適中，唔會軟爛，係我鍾意嘅軟硬度✴️ 烤羊架配蒜蓉汁薯菜🐑羊架厚肉肥美，香味濃郁，鍾意羊肉嘅朋友必點！肉質軟糯嫩滑，尤其帶住脂肪嘅部位食落特別有油脂香味🤤最緊要係完全冇羶味證明廚師處理得好掂，配蒜蓉汁同薯菜一齊食簡直絕配！而家諗返起都仲好回味

It's been a long time since I had dinner with my beloved family. This Western restaurant is my choice after many days of searching. Seeing so many good reviews on OpenRice, I'm looking forward to it!Sous vide wagyu carpaccio with balsamic cream .My mom ordered this appetizer, the raw beef slices are thinly sliced, with arugula, dried cheese slices and balsamic cream. The combination is simple but the taste is super rich👍🏼 Healthy and appetizing!This seared scallop is complemented with verde sauc

呢餐晚飯令人留下深刻印象，無論係食物嘅質素、口感嘅豐富度，定係整體嘅氣氛，都令人滿意。侍應嘅態度親切周到，為用餐體驗增添唔少愉悅感。同女朋友一齊品嚐美食，享受呢餐盛宴無疑係一次難忘嘅用餐經歷。西班牙海鮮飯散發住濃郁嘅氣息，飯粒吸收咗湯汁嘅精華，每一粒都充滿住滋味。炭燒海鮮拼盤上面嘅食材新鮮多樣，魚肉鮮嫩多汁，海螺帶住微微嘅嚼勁，八爪魚口感細膩柔滑，帶子甜美鮮甜，大蝦肉質結實飽滿。煙三文魚芝麻菜沙律入面，煙燻三文魚嘅香氣同芝麻菜嘅微苦好夾，口感豐富而均衡。檸汁醃八爪魚嘅做法別具匠心，慢煮嘅八爪魚嫩滑可口，檸檬嘅酸味中和咗海鮮嘅腥味，莎莎醬增添咗一絲清新，歐芹同牛油果就為成個菜式帶嚟咗綠意盎然嘅視覺效果。我哋仲飲咗少少白酒，一邊飲一邊傾住心事，呢種感覺真係太舒服喇。成個晚餐過程中，我哋細細品味每道菜品，時而交談，時而相視而笑，度過咗一個溫馨愉快嘅夜晚。呢餐晚飯令我哋喺繁忙嘅生活入面得到放鬆。

大半年前係到食過lunch覺得都正正常常後尾聽同事講轉咗廚師 好伏是日因為諗唔到其他地方lunch而且又要坐到成10個人 求其決定咗去cafe2發現menu的確轉咗📖但係大家都唔記得咗因為轉咗廚師而伏咗嘅呢件事同時叫咗3個ribeye steak🥩2份一齊上嘅扒都勁鹹💦啲牛肉醃到好似食緊茶樓蒸排骨咁霉成件牛扒無論味道同質感都令我懷疑自己食緊豉汁蒸排骨😦而且我果件扒中間係一大舊肥膏🤢薯菜啲西蘭花煮到爛 甘筍就半生熟成碟嘢得薯條正常🍟另外1份後上嘅牛扒就冇咁鹹但食到條黑色1吋長硬身嘅唔知係咩物體 類似樹枝咁🤢另外叫咗三個意粉等足20mins都未上⏱️嘢飲又整錯 我哋咁多人冇嗌過凍奶茶 整咗拎過嚟一個個問我哋邊個係凍奶茶😦同事諗起上次嚟啲肉un到咬到牙痛今次啲肉又霉到唔似牛肉同店員反映好鹹但佢聲稱不嬲都係呢個廚師既然間餐廳都唔係用心整食物就無謂再幫襯🙂‍↔️taste 🌘🌑🌑🌑🌑environment 🌕🌕🌕🌑🌑service 🌕🌕🌗🌑🌑price 🌕🌕🌕🌑🌑

Cafe 2 Oyster n Grill 位於西環 餐廳裝修 簡約有格調 🍽️ 暖黃色燈光 超有氣氛 💡🥗 帕爾馬火腿凱撒沙律開胃前菜🍖 火腿肉切得薄身 鹹度適中新鮮蔬菜 🥬 鹹香爽脆 清新健康🐙 檸汁醃八爪魚用檸檬汁醃製 🍋 清爽開胃 酸酸地 八爪魚 爽口彈牙 🥑 底部牛油果 多重口感🥘 西班牙海鮮燴飯新鮮海鮮 番茄燴飯 🍅 酸開胃 口感軟糯鮮蝦青口 🦐 滿滿一碟 海鮮控必點🐄 慢煮和牛野菌意大利飯慢煮和牛 🥩 粉嫩色澤 充滿肉汁飯粒分明 🍚 濃濃奶香 🍄野菌香氣

我好鍾意食西餐，我都好鍾意食海鮮，我尤其鍾意食西式海鮮。我之前喺網上發掘到呢間【Cafe 2 Oyster n Grill】，就係主打西式料理同海鮮嘅餐廳，睇別人嘅介紹，呢間唔就係我好鍾意嘅西式海鮮咩。我好快就喺網上訂座，然後約老公晚餐嚟呢度食，嗰陣真係好期待。我同老公一共叫咗四樣菜，每一道都好好食，都有自己獨特嘅風味，真係如喺網上相片睇到咁惹味。【西班牙海鮮燴飯】像我呢種海鮮迷，就一定要試下呢味！嗰個飯煮得好香，同時仲有各種海鮮，每一味都非常鮮，同飯一齊食，真係好好食！【黑松露卡邦尼長通粉】亦都好經典，最特別嘅地方就係佢哋喺入面加咗黑松露，冇錯係上級嘅黑松露！唔止好有營養價值，味道亦都好好，食到卡邦尼嘅甜味，同時仲可以食到黑松露獨有嘅香氣。【醬香煎帶子】嘅秘製醬料真係一流，味道冇搶走帶子嘅鮮味，仲可以將鮮味發揮到極致，使帶子更加好食，而且帶子仲煎得有油香！【帕爾馬火腿凱撒沙律】真係好特別，第一次食到咁好食嘅火腿，聽老公解釋，帕爾馬火腿可以算係火腿界好頂級嘅，咸香咸香嘅，仲會回甘，食到肉嘅香味。今次撐台腳真係好開心，好享受，下次仲要嚟試佢哋嘅海鮮大餐！！

妹妹特別鍾意食西式料理。最近佢考試考得唔錯，就打算帶佢去西環嘅Cafe 2 Oyster n Grill食頓好嘅獎勵佢，順便慶祝一下！呢間店比較復古，整體都以褐色為主題，令人覺得好愉快。喺菜仲未上之前，我仲幫妹妹影咗幾張相，當作紀念。檸汁醃八爪魚嘅味道非常特別。仲加咗獨特嘅醬料，味道變得多層次，簡直係滿分💯而且配埋牛油果，味道仲有啲清爽，整體嘅口感更加豐富！炭燒美國安格斯肉眼扒本身嘅價錢就比較貴，所以我通常食到嘅比較細塊，但係呢度嘅肉眼扒份量好足，已經係我心中嘅Top 1！而且廚師煮得啱啱好，唔會太硬或者太軟，每一口都可以感受到肋眼肉獨特嘅風味！西班牙海鮮燴飯同之前喺其他餐廳食嘅海鮮飯唔同，其他地方嘅海鮮配料好少，食得一啲都唔過癮！呢度嘅海鮮燴飯就份量特別足，每一口飯都可以食到滿滿嘅海鮮，非常享受！呢度海鮮嘅種類都比較多，整碗飯都係精華！醬香煎帶子嘅帶子煎得特別香，加埋芝麻菜，味道更濃郁！帶子本身就好鮮甜，仲帶埋少少嘅辣味，令我嘅胃口瞬間大開，簡直係滿分嘅開胃菜！！！我同妹妹都食得好開心，食物真係太好食啦！下次可以帶老豆老媽一齊嚟！

最近同男朋友食日本菜食到厭，就諗住搵啲西餐當今晚嘅晚餐。我就去OpenRice 試下搵下，結果比我發現咗呢間位於西環嘅Cafe 2 Oyster n Grill。呢間餐廳有好多嘅西餐，睇落好吸引，我就打算同男朋友去嗰度試下。餐牌上嘅食物每樣都睇落好好食，我哋最後點咗慢煮和牛薄片伴香醋汁、慢煮和牛野菌意大利飯、檸汁醃八爪魚、白酒、紅酒、紫蘇海蜆扁麵同埋鐵板朱古力布朗尼伴雲呢拿雪糕。慢煮和牛薄片伴香醋汁：和牛嘅味道特別高級，一口咬落去好彈牙！香醋汁非常香，唔會太酸，搭配和牛有著明顯嘅對比，整體嘅味道非常豐富！慢煮和牛野菌意大利飯：和牛配意大利飯真係絕配！飯煮得啱啱好，唔會太軟或者太硬，同和牛嘅香氣融合一體，太正啦！加埋新鮮嘅野菌，味道更加濃郁！檸汁醃八爪魚：八爪魚咬落去好有嚼勁，配埋檸檬汁，令人十分開胃，食到停唔到口！而且八爪魚嘅份量都好足，我同男朋友食得非常爽！白酒：我特別鍾意感受白酒獨特嘅味道！白酒帶有微微嘅果香味，飲起嚟好順口，同意大利飯好夾紅酒：紅酒嘅味道就比較濃郁，同白酒有好大嘅分別。搭配和牛嘅口味簡直就係絕配，人間美味！紫蘇海蜆扁麵：成碗麵都係滿滿嘅海蜆，睇落就特別爽！仲有麵特

星期日同老婆食西餐 係近期食過最滿意嘅一間店唔會錯嘅經典漢堡一定係芝士牛肉漢堡，超級勁厚好足料!咁大個口都咬唔到!包本身質感好 鬆軟，微微嘅牛油香味，仲有小小脆。漢堡牛肉扒勁juicy，牛味好夠，加埋芝士滿晒同厚厚牛扒超 邪惡，好霖。蔬菜薯條份量啱啱好，薯條炸得好香脆，蔬菜又夠晒新鮮，味道好夾。而且食完成個 burger都唔會覺得好滯烤羊架係我食過最好食嘅之一，羊肉好厚身，肉都好紮實，仲有少少肥膏，烤到7成熟，肉汁仲啱 啱好保留得好好配埋蒜蓉汁嘅蒜香味，口感綿密順滑!小菜仲配埋薯菜，份量都俾得好足!總括嚟講，性價比好高，除咗食物質素好，選擇多，份量多，員工服務都好好!

經由嘴巴好挑剔嘅同事介紹認識到呢間餐廳Cafe 2 Oyster n Grill就開喺西環 佢提議收工去嗰度食晚餐 享受吓同佢講嘅一樣 呢度真係好有格調 睇落好豪華又帶少少西域風情 環境令人舒壓我叫咗個好有特色嘅帶子鮮茄蓉泡菜意大利飯味道非常多樣 口感豐富帶子好新鮮 同泡菜搭配住飯變化多樣 好開胃 食落去停唔到口同事要咗美國安格斯牛肉眼扒經過炭燒烹調 風味十足而且唔會韌 口感好好咬仲會流汁 juicy醬香煎帶子好香 醬料嘅味道都好特別好香帶子都好新鮮 可以食到鮮甜味搭配個嘅醬好開胃我哋仲叫咗檸汁醃八爪魚 腌製過嘅八爪魚味道好酸爽八爪魚嘅口感好彈牙食呢道菜仲可以享受咀嚼嘅樂趣 值得推呢次體驗好豐盛 覺得可以介紹埋俾親戚朋友

My fd and I had dinner at this restaurant the other day and we were both very pleased because the food was absolutely delicious.We had the Seared Scallop for our starter, the scallop was soft and mild in flavor, with a refreshing tangy and spicy flavor. The arugula adding a slight of bitterness and peppery flavor, the Parmesan cheese adding some salty taste.For our mains, we had the Canadian Scallop Risotto With Korean Kimchi in Pomodoro Sauce. The Canadian Scallop was tender and succulent, and

I personally love Western cuisine, and I found this place, Cafe 2 Oyster n Grill, in Sai Wan. The atmosphere here is very classy, and I had a feeling the food would be great too.I ordered their steak and wagyu, and they were really amazing.The Char-grilled US Angus ribeye steak 12oz with roast vegetables had incredibly tender meat, very juicy, and cooked to perfection. It wasn't too tough, and paired with the vegetables, it was refreshing and flavorful.The Wagyu CheeseSteak Baguette was also del

尋晚同朋友喺西環樂信大廈嗰邊發現咗一間好正嘅西式餐廳，原係本想食中餐，但係諗到我好耐冇食西餐，又咁難得搵到一間性價比高嘅西餐廳，就決定試試呢間。餐廳入面同出門面都充滿咗優雅嘅氣氛，環境好舒服，侍應生態度好親切，令我對呢間餐廳嘅印象大大加分。當然！食物嘅質素都好緊要，我哋食咗四道菜，每一道菜都唔错。前菜食咗煙燻三文魚芝麻菜沙律，煙燻三文魚經常俾人認為係營養最豐富嘅海鮮之一，三文魚入口帶有陣陣嘅煙燻香味，芝麻菜嘅芝麻香味好香，口感有D似胡椒嘅味，令人食咗好想食多幾啖。仲有慢煮和牛薄片伴香醋汁，慢煮和牛可以最大程度咁保持和牛嘅鮮味口感同營養，嘅和牛，配搭上酸香開胃嘅香醋汁，味道酸甜開胃，值得我哋細嚼慢嚥。之後我哋叫咗兩道西班牙菜，西班牙海鮮燴飯同埋蒜蓉牛油炭燒西班牙春雞。西班牙海鮮燴飯嘅特色就係飯會吸晒海鮮鮮甜嘅湯汁，充滿住濃郁嘅風味，同時飯粒分明乾爽，好好食。蒜蓉牛油炭燒西班牙春雞嘅鷄肉脂肪唔多但係肉汁豐富，炭燒雞肉入口好嫩軟好多汁，仲带有牛油香味同惹味嘅蒜蓉味，真好味。

有時真係好想好好放空自己，enjoy屬於自己嘅時間。難得今日攞假，就特登嚟到呢間西餐廳坐低叫杯紅酒坐低放鬆心情~呢間西餐廳入面舒服又闊落，睇我一個人嚟都右怠慢我，用餐體驗好好👍🏻慢煮和牛薄片伴香醋汁和牛切得好薄身，有入口即溶嘅口感。經過慢煮嘅方式，肉質依然保持粉嫩多汁。非常欣賞香醋汁，味道酸酸甜甜嘅，搭配和牛薄片一齊入口整體口感好smooth。洋蔥煙肉拌西蘭花我個人幾鍾意呢個配菜，薄薄嘅肉片散發出濃濃嘅煙燻香味，西蘭花仲吸收咗煙燻肉片嘅香味，食落即唔油膩又好味～西蘭花清爽嘅口感，仲有煙燻肉片嘅鹹香味融合埋一齊，完美組合。炭燒美國安格斯肉眼扒牛扒網紋望落賣相好吸睛，外層煎到焦香，入面肉質仲好鮮嫩多汁！咬落牛肉味非常濃郁，細嫩緊實嘅口感真係令我念念不忘！配埋一杯醇厚嘅紅酒，令到整體口感更加平衡，令我度過咗一個人完美嘅時光。

週末同男朋友去咗西環食西餐，呢間餐廳裝潢優雅，食物款式選擇都好多～慢煮和牛野菌意大利飯🥩🍄‍🟫🍚意大利飯煮得粒粒分明，每啖都充滿野菌香味，慢煮嘅和牛相當嫩滑，同是保留到牛鮮味🥩黑松露卡邦尼長通粉🍄‍🟫🧀長通粉彈牙有咬口，每條通粉都掛滿帶芝士咸香嘅黑松露醬汁，食到停唔到口🤤醬香煎帶子🐚帶子鮮嫩彈牙，醬汁提升咗帶子嘅味道但同時保留到帶子嘅鮮味，整體味道鮮甜😋西班牙蒜味蝦🦐🌶️蝦肉鮮甜爽脆，每啖蝦都品賞到蒜頭嘅甜味、濃郁嘅橄欖油味、輕微嘅辣味，好滋味～下次一定再encore～☺️