Cafe 178 (已結業)

幾年前佢剛開張時食過一次，叫的是凱撒沙律，真係好味，最近剛光顧，發覺價錢好似平咗﹗？set dinner可配凱撒沙律或湯，當然係沙律好味好多啦﹗佢啲意粉/天使麵好多都係連汁一起上，有啲似湯麵，個人覺得味道好柔和，好好味，但男仔可能會唔夠食。我有朋友試過叫扒，話唔掂，所以最緊要識揀。

如題

都唔知食咩好，求其入o左去，見到個menu有d後悔，因為唔太多選擇。有個$158二人套餐，不過可以單叫一份就收$79，所以就叫一份餐同一客煙三文魚沙律兩份食。個忌廉湯都ok略淡o左少少，主菜揀香草蜆肉忌廉汁天使麵，好濃香草味，忌廉味適中，蜆肉唔少、天使麵又唔會煮得太淋身。甜品轉o左Tiramisu，好一般貨色，所以無信心另叫佢的cheese cake。另外散叫的煙三文魚沙律幾好，買相又唔錯、沙律汁係olive oil加了檸檬汁同芒果汁，所以酸酸甜甜，而且中和了olive oil，唔駛咁油。如果唔嫌選擇少的話，食物都尚好的。

約左個小學同學，佢話呢度新開，所以入去試下。叫左個兩人套餐，有沙律或餐湯，兩個主菜，甜品同咖啡或茶。揀左一個沙律，一個意大利菜湯，沙律得兩片薄薄0既煙三文魚，一般。個菜湯都OK。主菜叫左一個海鮮扁意粉同煙鴨胸，個煙鴨胸唔錯，D汁都好好味；而個海鮮扁意粉都係一般，唔係差又唔太出色。最後黎左兩個的的骰骰0既Tiramisu，都ok喎，係蛋糕底，都幾好味。個二人餐$158(另加一)，唔算抵食，而且唔係坐卡位好迫，同隔離距離好近，唔係太舒服﹗

上個月己經冇做, 宜家變埋178 cafe了.