C.O.W. Dining (已結業)

最近慢煮開始愈來愈HIT, 我當然要去試下啦!!!呢到既晚餐有2種: 3道菜同5道菜可供選擇!大廚先送左一道小食俾我地 – 威化餅上放了與蕃茄同青瓜混合既芝士,感覺清新,為一陣既晚餐掀起序幕。頭盤: 雜凍肉碟配慢煮蘋果及黑醋汁沙律 同 芒果蝦沙律配挪威煙三文魚及慢煮紅菜!慢煮蘋果口感仍保持蘋果爽口,質感實在在貌似雪梨,味道比平時食更加濃厚香甜。配以涷肉,減去油膩感之餘帶出肉既香味,讚!!!湯:野菌忌廉湯,每一口都有大量野菌充斥口腔中,混合忌廉令口感濃郁細滑,愛菌之人既首選!!!我特別要推介呢到既蓄茄清湯,平時既我對蓄茄湯既好感度不大。但呢到既蓄茄清湯鮮甜無比,最大既特點就係: 蓄茄湯色係好清澈卻有着好濃厚既蕃茄味道,真值得嘗試!!!Pasta: 自製牛肝菌雲吞配芝士及義式青醬忌廉汁 同 墨魚汁介子海鮮雲吞配龍蝦汁雲吞皮厚度剛剛好,配上牛肝菌同雲吞上既Ricotta Cheese,口感十分好而且所有既材料混合既味道配合得好好。而個個墨魚汁介子海鮮雲吞都唔錯,墨魚汁既雲吞配以新鮮既海鮮,鮮味十足。終於到左主菜啦,我地揀左慢煮挪威三文魚柳配粉紅胡椒白酒忌廉汁 同 慢煮美國牛肋條配法式紅酒汁。

慢煮，以精準的溫度及時間，將食物煮至半熟或全熟，保留食材的味道與水份，原汁原味之餘，更有助提升食材的質感，變得更軟腍入味。慢煮，成為近年熱門的烹調手法。不過，慢煮的處理方法，溫度和時間拿捏，每位廚師都有不同的個人見解。同樣的食材，用上不一樣的烹調方法，口感味道，可以有天壤之別。還記得，當年小妹初嚐「慢煮三文魚」，那一份的驚艷和讚嘆﹗是夜，與友人去觀塘工廈覓食。用餐地點，乃毅力工中心內，主打意大利菜的的C.O.W. Dining。據說，其老闆兼大廚入廚多年，曾於醫管局工作，負責病人膳食，深知慢煮對健康的好處，故與友人開設餐廳。選址工廈內，估計乃貪其租金較為相宜，營運負擔的壓力也相對較少。由觀塘道入口，沿商場地舖走至中間，乘升降機上二樓。舊式工廈的格局，走廊通道密不透風的，且夾雜一陣味道，小妹只好急急步往左手邊的餐廳走去。餐廳的裝潢簡潔，牆身以紫色為主調，襯上有點幽默且詼諧的中式漫畫，稍稍增添了一分的趣味。餐廳晚市套餐準備需時，故須預先訂枱，暫時只提供五道菜$368/位或三道菜$298/位，另加一服務費。如在5天前預訂9月推廣套餐，每位可減$30，詳情可瀏覽餐廳於Openrice內的專頁。

C.O.W. Dining是一間以慢煮為主的餐廳. 聽聞老板兼大厨入行多年, 堅持以慢煮為主, 務求另客人感受到食材的原汁原味, 食得有營健康.慢煮工序繁複, 要經過長時間烹調, 如沒有執著和堅持, 好難做到. 要比個”讚”********************晚上套餐有三道菜和五道菜可供選擇.下午套餐也有多款選擇, 價錢由$80至$200左右, 貴与否見仁見智啦!********************雜凍肉碟配慢煮蘋果和季節性沙律黑醋汁這個頭盤最吸引我的是那數片慢煮蘋果, 食落爽脆, 質感似食雪梨, 估不到效果如此神奇新鮮芒果蝦沙律配煙挪威三文魚和慢煮紅菜頭這個也無可挑剔, 只要材料新鮮己好味!********************野菌忌廉湯上枱時己香氣樸鼻, 綿綿的口感, 菌味濃郁蕃茄清湯好特別的一個湯, 坊間少有. 清, 甜, 酸共融, 口感複雜, 我喜愛…********************自家製雲吞配牛肝菌, 利可他芝士和義式青醬忌廉汁好優雅的一道菜, 醬汁做得出色, 絕對沒有膩感; 自家製的雲吞皮皮薄配以優香的牛肝菌, 絕配!自家製墨魚汁介子海鮮雲吞配龍蝦汁黑墨墨

上次嚟食過lunch覺得都唔錯，而且環境又舒服，咁啱又經過附近，所以決定再嚟多一次。今次個沙律已經轉咗做象拔蚌沙律，象拔蚌份量都算唔少，食落去都好爽口同鮮甜，加咗芝麻醬就更加惹味。今次嘅餐湯都同上一次唔同，轉咗做意大利菜湯，湯加咗少許香草油，除咗一般嘅雜菜，仲有意大利粉。一般嘅做法好少會加意大利粉，所以成個感覺好特別，而且過湯酸酸地又幾開胃。我比較欣賞呢度嘅自家製意粉，所以Main Course今次叫咗自家製墨魚汁麵配海鮮羅勒香草蕃茄汁。墨魚汁麵做得好好，依然好有水準，今次意粉做得比較軟身，再配賣蕃茄汁真係好好味。配料方面亦都有好多，有蝦、青口、魷魚。而且我幾鍾意呢個番茄汁做得比較稀同薄身，唔會有好濃膩嘅感覺。

藩茄芝士沙律夠新鮮，配上黑醋橄欖油，其實沒什麼特別，不過味道上不錯。餐湯跟蒜蓉包，蒜蓉包很香脆，一放下來己聞到蒜香，吃下去時也覺得香口。Main Course叫了慢煮雞扒配Rosemary Sauce，我喜歡這裡的食物味道不會太濃，有少許Rosemary的香味也又雞扒的味道。一般來說慢煮的肉應該比較juicy，但這塊雞扒吃起來比較乾，似煎多過似慢煮。後來厨師解釋慢煮之後會再把有皮的一邊再煎一陣，令有皮的一邊食起來比較香脆，有機會煎的時間多了一點才會有這效果。最後他說會注意慢煮和煎的時間，再配合一下改善，這個值得一讚。雞扒還配了自家製的扁意粉，意粉食得出很新鮮，不會太乾身，而且柔軟度和也剛剛好。其次還叫了自家製海鮮千層麵，千層麵中夾了很多海鮮，最高一層有蝦、墨魚，之後有一層是龍利柳，中間黑色一層是墨魚汁意粉，之後一層又是海鮮。整個層次很豐富，每一口也食到海鮮，而且整會千層麵濕度也剛剛好，其實不用伴藩茄汁就已經很好味！再配藩茄汁的話，成個味道會濃多一點。跟餐飲叫了熱奶茶，飲品方面就一般啦~茶太濃而且不夠滑！飲品方面有待改善！

每個工作天都係趕頭趕命咁，難得假日，好想時間走得慢一點。偶爾下得知哩間慢煮餐廳，所以特地嚟試下。午餐比晚餐抵食，因此就嚟小試牛刀。 餐廳裝修得懷舊西餐廳咁，環境舒適，牆上掛有不少掛畫。係等食物期間不忘欣賞一下畫作，作品都幾搞笑。 餐牌每星期都會轉，確保客人每次都有新鮮感。 午餐包沙律,餐湯同熱飲，絕對係抵食之選！跟餐沙律有好誠意，青口沙律，有三隻青口，配上新鮮蔬菜蕃茄，加埋黑醋，好開胃。跟住係南瓜忌廉湯，又係值得一讚。 飲到南瓜蓉，傑身嘅湯，好足料，絕對唔係罐頭貨色。另外，南瓜湯十分清甜，甜味係來自南瓜本身，前非後期加工。蒜蓉法包就略為燶左少少。慢煮雞扒係入門版，價錢適宜。雞扒一大件，配上薯條同慢煮菇。肉質結實，但並唔鞋口。雞肉無落咩調味，食到真正雞肉味，配上rosemary sauce幾夾。蕃茄下嘅慢煮菇係驚喜之作。蘑菇肉質嫩滑，陣陣鮮香。原本擔心煎得耐會太乾，佢唔單止可以保留到濕潤，仲有因為煎嘅關係有香口嘅味道，將蘑菇嘅鮮香昇華。席間主廚為我地介紹慢煮，哩餐確係得益不少。慢煮係講求保持食材最原始嘅味道，不破壞食物嘅營養，因此唔會加太多調味料。没有太多後期加工，品嘗食物嘅鮮味，因此慢

在開飯尋找到這間新開的店便一試相比同區的餐廳, COW的宣傳實在不足, 連大堂指示樓層的牌都沒標示雖然是平日午餐, 但全場只有我們一檯客, 實在有點擔心能否營運下去。客少但可與侍應們有多點的互動, 值得一讚是侍應們有足夠的知識去回答客人的問題,如烹調的方法與醃製用的材料, 絕非求其打份工。象拔蚌夠新鮮, 聽說是逢星期一才有的飛機貨, 略嫌醬汁太多說是開業首次加入的雜菜湯, 材料足夠, 個人喜好只覺得一般試食了一點, 嫩滑有牛味但普通口感嫩滑, 雖然配以炸薯不太飽肚, 但侍應說可要求加大份量或加意粉餡料夠多, 芝士味香濃不會過軟或過硬,有咬口, 值得一試的菜式, 配牛肝菌醬十分美味提早15分鐘ORDER的甜品, 好像是加$28, 不會太甜雖然定價比同區其他餐廳高了十幾廿元, 但不收加一, 又有9折, 變相更便宜.而且食物誠意十足, 希望在同區的激烈競爭下能站穩腳

今日同同事黎lunch, menu都幾多選擇，價錢偏貴，同事叫左意大利雲吞，我就試佢主打嘅慢煮雞。先黎沙律同湯，個意大利菜湯味道偏淡，用料新鮮，唔係一般茄膏貨色，加上分量幾足，女士飲完都飽左一半。食完好快上主菜，唔使等千年嘅慢煮雲吞一睇就知係home made 自家製，唔係超市現買，個雞都好juicy,肉質幾滑。今日仲送梳芺厘，超好味食完真係超飽。一百蚊唔使有齊咁多course, 分量足仲要唔係茶餐廳用料，其實計返真係唔算貴。仲要like 埋facebook有九折，真係有又食又拎嘅感覺

寫食評寫咗五個月, 一直都想寫啲未有食評嘅餐廳, 希望可以為各位介紹一間新餐廳! 等網友睇嘅時候參考價值都大啲, 而黎緊就係情人節, 相信大家要絞盡腦汁, 諗吓去邊到慶祝, 又係考心思嘅時候喇  嘿, 男朋友就搵到呢間新得黎而位置又比較隱閉, 係工廈裏面以Slow cook做賣點嘅西餐廳 店名 C.O.W 係兩位老闆用佢地嘅小朋友個名拼出黎, 用意係想將鋪頭一代傳一代! 晚市暫時只接受預訂, 我地6:30黎到人流唔多, 播住純音樂感覺好輕鬆, 枱之間距離都幾闊, 傾計都好有私隱 今晚餐牌    客人book枱嘅時候可以同店員溝通吓想食啲咩菜式, 餐廳都會盡量配合睇完餐牌, 店員就為我地送上餐前小食 (3.5/5)用三種唔同顏色嘅意大利青瓜, 炒到軟身之後整齊排好, 放cream cheese係中間, 好似卷壽司咁卷實佢, 雪凍後切好上碟  芝士味唔濃, 咬兩啖先出cream cheese個香, 嫌淡味可以配側邊黑醋汁, 裝飾之餘又可以當醬汁食  自家制黑橄欖麵包 配橄欖油、意大利黑醋、牛油 (2.5/5)望落好似scone, 外層食落口感脆口中間就好軟, 唔知由幾時開始鐘意