C DESSERT

营业中

休息中

榴槤水晶珠$48口感幼滑帶少少既榴槤肉，陣陣濃濃既榴槤味，水晶珠一咬即爆，口感勁過癮榴槤士多啤梨仙草凍 $42面頭係用真材實料做嘅士多啤梨組成嘅雪芭，陣陣濃濃既士多啤梨味，中間咬珠水晶，底層就係滑嘟嘟既仙草雪梨圓肉燉川貝$45入口相當清甜滋潤，雪梨圓肉用料十足，甜度岩岩好，岩晒而家呢啲乾燥既天氣食用，養生之選杞子圓肉雪蓮子燉桃膠$45同樣用料十足，杞子圓肉雪蓮子燉，滋潤養顏，桃膠入口即化，女生滋補必食之選麻糬紅豆抹茶雪糕窩夫$44牛角窩夫底酥脆卜卜，紅豆同抹茶雪糕相味道十分夾，中間麻糬煙靭嘅口感，增加味道口感既層次布蕾醬焦糖脆脆雪糕窩夫$42窩夫酥脆可口，再配上布蕾醬焦糖脆脆雪糕，口感十分豐富，令人一試難

之前關了的聰嫂甜品這次又帶著他的甜品強勢回歸了 人氣和熱度真的持續不減 平日下午也超多人打卡 口味和質量一直很有保障 絲毫沒退步✨榴蓮水晶珠 $48吃過最濃郁最正的榴蓮味🥹 濃郁到隔著幾米都聞到 隔壁的老太一直捂著鼻子😂 一口下去的榴蓮味比一口榴蓮肉還過癮🥲而且上面還有一塊很大的榴蓮果肉 絕了🥲✨龍眼椰果冰 $46沙冰使用龍眼果汁攪打成的 清甜滋味裡面還混合著絲絲縷縷的龍眼肉粒整個口感是又清新又可口✨杏汁蜜瓜冰 $44這個的蜜瓜不會特別重 是在喝蜜瓜牛奶的感覺上面還有一些果凍，蜜瓜肉和脆珠吃起來的感覺很豐富 杏汁的味道也能吃到

以前中學放學後會去聰嫂食甜品，不過已經唔記得對上一次食聰嫂喺幾時😅今晚突然想食聰嫂嘅冰，所以嚟到灣仔，鋪頭名唔同咗，甜品依舊係依啲🧐當晚有7成都係遊客，我哋排隊等咗大概25分鐘左右就入得，算比想像中快🚶🏻‍♂️🚶🏻目測好多2人組合嘅遊客至少會叫4個甜品，好捧場🤣✴️蜜瓜西米冰✴️因為唔鍾意龍眼，所以我嘅童年回憶就係呢碗西米冰🍈感覺同以前冇咩分別，不過比較甜，蜜瓜冰嘅味道有少少假，好糖水😯✴️芒果麗莎✴️入邊有小丸子、芒果雪糕、椰果、芒果同西米🥭聰嫂嘅西米同一般甜品店嘅唔同，佢哋嘅西米係比較爽口，咬落會索索聲，幾特別～不過呢個甜品都係略甜，食完好想飲返杯水😅

去咗灣仔個新開嘅甜品店，試咗佢哋嘅幾款招牌甜品。呢度係專門賣廣東式甜品嘅，好似帶返我童年嘅味道。首先，我叫咗佢哋嘅蜜瓜西米冰，加咗椰果同西瓜。呢碟甜品好清爽，蜜瓜嘅甜味同西瓜嘅水分好夾，椰果仲加埋啲口感，整體嚟講好好食。然後，我試咗佢哋嘅芒果仙草黑糖珍珠小丸子。甜品有好濃郁嘅芒果味，仙草嘅香味同黑糖珍珠嘅嚼勁好啱。小丸子咀嚼起身好舒服，好有口感。我仲試咗佢哋嘅椰汁芋頭芋圓紫米露。甜品有濃郁嘅椰汁味同芋頭嘅香濃口感，紫米都有啲Q彈。整體嚟講，甜品好濃郁，好令人回味。最後，我食咗佢哋嘅麻糬紅豆抹茶雪糕窩夫。甜品結合咗麻糬嘅嚼勁、紅豆嘅甜味同抹茶雪糕嘅香味，窩夫嘅軟綿口感好啱哂呢啲元素。整體嚟講，甜品好新鮮創新，味道都好出色。呢間新開嘅甜品店真係留低好深刻嘅印象。佢哋嘅廣東式甜品食落去口感好豐富，味道都好好食。服務態度都好友善，令我感到好舒服。如果你鍾意廣東式甜品，我好推薦你嚟呢間店試試佢哋嘅招牌甜品，絕對唔會失望！

撲鼻嚟嘅係芒果雙皮奶嘅醇厚奶香🥭，一啖咬落去，滑溜溜嘅芒果布甸，仲有果肉粒粒，真係口口解渴，份外過癮。再黎個杏汁蜜瓜冰，同以前嗰個味道無兩樣，食落去清新爽口，蜜瓜啫喱加埋西米，幼滑得黎又彈牙，送啖冰涼，夏天清涼一流。緊係少不了龍眼冰，已經係招牌中嘅招牌。椰果同水晶珠混合嘅口感，加埋龍眼嘅自然甘香，每一啖都清新解熱💧。食完成個人都舒坦晒。店入面嘅氣氛都好似嗰碟龍眼冰咁，涼快添！「聰²」嘅甜品，滿載回憶，又岩岩好適合和朋友分享時光，打邊爐感覺；食物賣相爽心，咩話都多餘，呢度必到，有得食，已經好知足啦👍！

灣仔返工終於有機會幫襯聰嫂甜品，後生都幫襯過將軍澳同銅鑼灣，都係買招牌龍眼椰果冰（$46），問咗侍應姐姐🧍‍♀️買外賣冰返去會唔會溶，姐姐🧍‍♀️話唔會，所以先買。返到去打開蓋真係冇溶，有兩粒龍眼，仲有椰果同少少🤏西米，冰🧊好清甜

百變聰明濛仔識食地道甜品濛仔2024年新年祝大家身體健康,今天降溫下決定帶大家來到灣仔吃一間長久的甜品店,經翻新後終於重臨,變成一間人氣的紅店~濛仔真的聰明又識食~榴槤水晶珠 $48全場最多人點的甜品,榴槤份量十足,即使不是榴槤季節,味道卻濃郁,晶瑩剔透的水晶珠帶上幾分口感,難怪成為全場首選~龍眼椰果冰 $46用原粒龍眼肉打成的龍眼冰,配上西米和椰果,味道清甜口感豐富,夏天吃的話一定更有冰涼感覺~布蕾醬焦糖脆脆雪糕窩夫 $42好罕有的窩夫系列,即叫即製等了10分鐘就上台,牛油味撲鼻而來,配搭雪糕焦糖脆脆,吃得濛仔津津有味~聰。C Dessert灣仔莊士敦道35-45號利文樓地下1D號舖#濛仔 #灣仔 #甜品店 #香港 #wanchai #浣熊 #龍眼冰 #榴槤 #水晶珠 #dessert #焦糖脆脆 #雪糕 #窩夫 #icecream #waffle #hongkong #nightmarket #夜生活  

聰嫂甜品重新開返，一於黎試下係咪仲係咁好味😋最愛超濃郁榴槤冰同清新椰果冰❤️🔻榴槤水晶珠 💰48 🌟榴槤愛好者必吃‼️上面有一大塊榴槤蓉，有粒粒水晶爆珠，下面全部都係榴槤冰，榴槤冰整得好好，口感軟綿濃厚，陣陣榴槤香，有啲分唔出係真榴槤定榴槤冰😍🔻龍眼椰果冰 💰46 🌟有幾粒龍眼擺起面頭，龍眼冰係用龍眼肉打碎做冰底，加上水晶爆珠，一啖食落去龍眼冰同水晶珠起個口爆開，充滿龍眼味，啖啖清香👍🏻🔻芒芒麗莎(+小丸子) 💰58有啲似楊枝甘露，有入面有大大粒芒果，爆爆珠同西米，都算幾好食，芒果味唔假，不過對比其他兩款就有啲遜色啦🙈平日夜晚9點去，竟然都大排長龍，超級火爆🔥不過好彩翻檯好快，大概等左20分鐘就排到啦，大家有經過灣仔非常值得一試👍🏻

餐廳：聰。C Dessert地點：灣仔莊士敦道菜式：甜品餐牌：有熱辣辣糖水，燉品，豆腐花，西米露，仙草凍+黑糖珍珠，特別推介，居然連窩夫都有。仲可以自選配搭配料。先黎三款特別推介甜品。榴槤黑糯米 $48榴槤黑糯米有唔少煙韌黑糯米做底，好有咬口，加上冰凍滑溜榴槤蓉，新鮮榴槤果肉同脆口西米喺面，味道層次豐富。榴槤味好香，而榴槤蓉食極都有，味道香氣都好正，配搭黑糯米都唔會過甜。芒芒麗莎 $48芒芒麗莎係好多鮮芒果肉同芒果汁做底加上脆口西米，煙韌白色小丸子，白色小麻糬粒，爽口椰果同一球芒果雪糕。味道十分清爽，芒果味好香濃而唔會過甜，而且口感豐富！芒果奶昔雙皮奶 $46我都係第一次食芒果奶昔雙皮奶。芒果奶昔雙皮奶係滑溜奶香十足燉奶面頭加上冰凍芒果奶昔同四片新鮮芒果肉，食落滑溜鮮奶中帶芒果香甜味道，入口冰凍，好正！再黎一款仙草凍+黑糖珍珠。咖啡雪糕仙草黑糖珍珠 $44咖啡雪糕仙草黑糖珍珠有兩大球香滑咖啡味雪糕，加上唔少滑溜仙草，煙韌黑糖珍珠，脆口西米同仙草粒。味道口感主要係咖啡味雪糕，而當中帶有脆有煙韌有滑溜既多款配料，好特別。麻糬紅豆抹茶雪糕窩夫 $44麻糬紅豆抹茶雪糕窩夫賣相一流！一個熱辣辣既

晚餐唔夠飽，特登走咗去食糖水補底！一家四口，叫左4款！士多啤梨豆腐花(凍）細仔鍾意士多啤梨，淨係食曬面果啲雪芭，因為佢唔鍾意果啲水晶，借頭借路求其食2啖豆腐花就唔食，其實豆腐花好滑，豆味亦夠，正大嘥鬼🤦🏻‍♂️龍眼豆腐花(凍）大仔嘅，好清甜好好味，豆腐花同上，佢食到刮底紅豆茸豆腐花(凍）我嘅，紅豆茸甜度適中，豆腐花同上，極速刮底杏仁茶燉蛋白豆腐花（熱）太太嘅，杏仁茶都好香，甜度亦適中，佢係糖水控，佢話好味！

去灣仔食除夕飯，見聰嫂由8:30至10:00都排長龍，所以takeaway返屋企食算。Menu比之前舊鋪多咗好多新嘢，所以試下Menu新嘢，見有士多啤梨，蜜瓜冰，有類似東寶嘅薑汁涼粉。士多啤梨冰豆腐花好味，士多啤梨味夠濃，豆腐花夠滑，但無豆味。蜜瓜冰，普通，無乜特別。薑汁涼粉，雖然佢一條條，但完全無薑味，非常失望，同東寶個個差太遠。最後總結，下次都係食返舊signature，始終榴連冰，龍眼冰最好食。

一直都喜歡食聰嫂甜品，可惜佢消失左一排，最近在灣仔再開店叫「聰C.dessert 」，原班聰嫂人馬再重出江湖，很開心可以再食返佢哋嘅甜品，一於唔客氣叫了三款甜品，等緊既時候環顧四週，木系裝潢，很暖和和諧既感覺，也有少少日本風的氣氛，店舖可容納30人左右。榴槤水晶珠 $48榴槤香濃而不滯，水準仍然咁好椰汁芋頭芋圓紫米露 $39椰汁好香，紫米好多，夾雜彩色芋圓，好食又好睇薑汁燉雙皮奶 $38薑味夠，雙皮奶好滑，養顏之選

好鍾意呢間甜品屋，因為花款多多，唔同嘅中西甜品可以溝來溝去混合食，想唔到可以咁，又真係幾好食！應該是試驗過好多次先攞到適當份量。杏仁合桃露 $34，同時食到杏仁及合桃的香味，口感香滑。榴槤水晶珠 $48，榴槤真係好香，非常冰冷如雪糕，份量好多，水晶珠脆卜卜，好好食！薑汁芒果豆腐花 $42，別有風味，芒果令豆腐更好味，無需加糖。香蕉朱古力醬脆脆窩夫 $38 抵食又好食，最鍾意窩夫係脆脆地嘅，香蕉朱古力梗係好食。外賣兩碗熱的，杞子圓肉雪蓮子燉桃膠、川貝元肉燉雪梨，非常潤，甜度適中。環境舒適簡潔，有劉德華提字！。

🍈🍨💛【 聰。C Dessert 】💚🍨🍈⋄ —————⧫♟⧫————— ⋄ 香港人真係好掛住聰嫂😭 近日聰嫂喺灣仔重新開店，改名為「聰。C Dessert」，晚飯後立即同朋友過去幫襯，好想食返回憶中嘅味道🥹💚夜晚9點幾去到，門口大排長龍🔥😦 顧客不少為內地人及外國人，睇嚟「聰嫂」已經躋身「香港必食打卡熱店」之列，知名度及受歡迎程度絕對不容小覷❤️‍🔥店面裝潢偏日系風，簡約明淨，燈火通明🪟淺木色系桌椅小小的，全場坐無虛席，愈是擁擠愈有食甜品嘅氣氛🤗牆上更掛有劉德華送贈聰嫂嘅「墨寶」，認真架勢😎💚榴槤水晶珠🥇榴槤愛好者請聽我講，唔需要左揀右揀，一定要點呢個「含金量」極高嘅「榴槤水晶珠」‼️基本上每一啖都係滿滿嘅榴槤肉，含量之高絕對係榴槤類甜品當中數一數二的🏆 強烈推介💛🧡🍮布蕾醬焦糖脆脆雪糕窩夫🧇全新推出嘅窩夫系列同樣高質，即叫即製現時最具人氣嘅牛角窩夫，牛油香撲鼻而來，外脆內軟🥐 配搭雪糕，冰火口感無與倫比🤤🌰杏仁合桃露 加湯圓⚪️杏仁露係店家親自研磨、隔渣的，絕不加米漿，口感幼滑，滲透淡淡杏仁清香🤎 加埋芝麻湯圓，溫熱溫熱的，冬天來上一口，真係甜入心🖤⋄ ┄ ┄ ┄ ┄ ❖ ┄ ┄ ┄ ┄

灣仔📌 聰 • C Dessert前排見到公司附近開咗間 糖水舖，依稀印象係將軍澳見過，咁啱見到個網紅話 係佢食過最好嘅糖水舖，咁我都過嚟朝聖下 😊 ( 呢個已經朝咗好幾次，有時我仲會外賣返公司 )🖤 生磨芝麻糊 $32 嘅芝麻糊，有別於傳統較 "水" 嘅質地，而係結啲、厚啲、濃郁啲糊狀，好似BB食嘅 "糊仔"，每一啖都有滿滿香濃嘅芝麻味道，令我有唔捨得食落去嘅感覺 ，真心值得推介。🤎 芝麻合桃露 🖤 $32聰嫂嘅 ，有別於傳統芝麻糊偏 "水" 嘅質地， 同芝麻糊一樣係結啲、厚啲、濃郁啲糊狀，入面仲有啲未完全磨碎嘅合桃，好重料，口感極度豐富之餘亦都充滿咗合桃嘅香味。 佢同芝麻糊都係我嘅至愛 💞所以我有時都會食兩溝 😎🥭 楊枝甘露 $45相對楊枝甘露就失色喇 🫥 因為芒果唔夠香甜，所以影響咗成個糖水嘅整體味道，而價錢相對亦都性價比亦欠奉。🔅總括嚟講，我覺得 係高水凖，嚟緊我想試埋佢個牛角窩夫 ( 我真係好鍾意食窩夫 ) ~ 期待 🤩