Burgeroom (Fashion Walk)

营业中

休息中

位於市中心的 burgeroom 絕對是本城最出色的漢堡餐廳之一。無論是用餐環境、菜品味道還是服務質量,都展現出極高的水準。用餐環境方面,餐廳裝潢時尚大氣,采用大量玻璃和金屬元素,給人一種時髦摩登的感覺。座位舒適寬敞,配有充足的自然採光,非常適合舒適用餐或與朋友聊天放鬆。餐具乾淨精緻,讓整個用餐過程都充滿了高級感。菜品味道自然也是這家餐廳的一大亮點。他們的經典牛肉堡肉質鮮嫩多汁,搭配新鮮的蔬菜和獨特的酱料,口感層次豐富而不油膩。其他漢堡選擇如雞肉堡、素食堡也同樣美味可口。薯條酥脆可口,配上醬料更是一絕。餐前小吃和甜品同樣精緻可口,讓整頓大餐吃下來賓至如歸。最後,服務人員也是這家餐廳的一大賣點。他們熱情周到,對餐廳的每一個細節都瞭如指掌,能夠迅速準確地為客人推薦和解答疑惑。整個用餐過程中我們一直感受到他們由衷的熱情和專業,讓人賓至如歸。總的來說,burgeroom 無疑是本城最值得一去的頂級漢堡餐廳之一,無論是用餐環境、菜品口味還是服務質量都讓人印象深刻。強烈推薦大家前去一嚐它的美味!

星期日下晝去到已經見到室內室外接近full晒超級爆場！有午巿漢堡套餐 比單嗌抵食凡惠顧任何漢堡另加$35配直薯條及飲品飲品選擇：罐裝汽水、無酒锖瓶裝飲品、熱飲或自家製冰茶/梳打🥤- Monday to Friday: 11am - 6pm- Saturday & Sunday: 11am - 3pm- Public Holldays: Not Avallable•蜜糖芥末大烤菇煙肉牛肉漢堡大啡菇超級Juicy牛肉厚度十足咬落去多汁 唔乾唔柴再配埋蕃茄生菜煙肉一齊食 口感豐富蜜糖芥末醬亦都好match!•鵝肝牛肉漢堡鵝肝兩面都煎到好香可以將鵝肝分開食 令到個鵝肝味更加出🫡食落都唔會好油膩 ～漢堡超級大個 一啖食唔晒 牛肉同樣係非常厚可以用刀叉切開 方便進食•飲品揀咗荔枝冰茶同埋荔枝梳打飲落去好清新好解渴仲有啲荔枝果肉 飲得出係新鮮製造唔係嗰啲好假嘅味道•薯條亦都唔會炸得過火 外脆內軟份量都唔少 正～🔥•店員都好細心咁預先分開咗個漢堡一半方便食好多 同埋啱晒同另一半/朋友share服務態度同埋環境都好好 坐得舒適✨值得一試同埋再去✊🏻

位於銅鑼灣的「Burgeroom」裝潢以工業風為主調，店內有霓虹燈裝飾。餐廳主打美式漢堡、小食、啤酒等，漢堡款式超過40款選擇，除了肉類和海鮮之外，更有素食系列，照顧不同客人需要👍🏻漢堡上桌時，餐廳已貼心地將漢堡一分為二，方便客人進食❤️ 特量芝士牛肉漢堡 $115芝麻麵包稍為烘過，表面微脆內裡鬆軟，漢堡用料豐富，牛肉漢堡入口爆汁🐮，非常juicy，肉質軟嫰，肉味濃郁帶油脂香😍加埋特量半溶芝士，非常正👍🏻👍🏻另中間夾有新鮮生菜🥬和蕃茄🍅中和油膩。香脆鱈魚柳蛋漢堡 $100鱈魚柳有2塊，魚柳夠厚肉🐟，仲啖啖嫩滑，外脆內嫩，鮮味十足，口感豐富‼️ 黑松露醬直薯條 $70薯條炸到金黃色🍟，又香脆可口，配上黑松露沙律醬，黑松露味道突出，好惹味！荔枝冰茶 $38荔枝冰茶帶淡淡荔枝香氣，味道清甜，夏天必喝的水果茶！ 蘋果汁 $38味道清爽，飲啖冰凍既蘋果汁🍎可以解解膩呢～

Saturday night 行完會展booth, 去吓好耐無去過既銅鑼灣，行到攰就飲吓嘢食埋dinnerSapporoCarisberg SmoothAll day $39 好抵Straight fries夠脆，送酒一流Honey spicy chicken wings少少辣，唔多覺蜜糖咪Soft shell crab burger巨蟹加巨包，上枱時已cut in half 2個人share試多款Classic burger 同Soft shell crab burger 一樣大，唔知點解無cut, 肉汁豐富勁正

百德新街雖然位於熱鬧的銅鑼灣，但這裡的格調就比較慢活、悠閒，]購物後，跟朋友來burgeroom真係一個好選擇。鵝肝牛肉漢堡$168很貼心地一開二，方便share黎試，鵝肝很大塊，煎得香脆，是幸福的感覺，牛肉很juicy，輕輕壓一壓都會流汁，牛肉也不會煎得過熟。芝士半流質，加上千島醬非常滋味，欣賞它會將麵包煎一煎，所以麵包是外脆內軟的，直薯條$35炸得很脆身，食下去很有薯仔味，是我喜歡的質感。蘸著蕃汁食，可以不停吃吃吃。香辣單骨雞翼配蜜糖芥末醬 (8隻) $65外皮很脆，咬下去雞翼不停流汁，單骨很方便吃，放口再慢慢咬都唔輪盡。重點是蘸著蜜糖芥末醬很開胃。炸魷魚炸得脆，但入面仲係好多汁配酒一流！啤酒這種情況怎麼沒能啤酒?!吃了炸物再配啤酒，好想大嗌爽呀!!蜜桃冰茶 $38嗌了少甜，解油膩，很清爽。來吃個漢堡，食下小吃，飲兩杯冰凍啤酒，跟朋友慢慢聊天，真是享受!

有日同朋友3:00pm 想搵地方飲杯嘢就去咗呢間burgerroom原來啤酒只係30幾蚊我杯冇酒精飲品又係30幾蚊（不過冇酒精呢杯都好味）所以啤酒真係好抵而且呢度有室內同室外坐得幾舒服叫咗兩個小食一個係黑松露薯條一個係芝士炸雞個醬真係好好味兩個小食三杯嘢飲埋單二百幾蚊雖然每個小食要60幾蚊但係喺度飲吓嘢食吓嘢真係chill住過一個下午呢度Service都好好所以下次都會再過嚟

一直都想試呢間～好鐘意呢條街既環境方便就腳又有outdoor坐 熱鬧得黎又幾靜最近天氣好好 坐室外都好涼😗超愛牛油果既我😙簡左兩款都係牛油果牛油果醬芝士牛肉漢堡牛肉好juicy 牛油果醬好足 芝士味唔太濃 食晒成個都無覺得漏 推介👍牛油果醬芝士薯條薯條好脆 都係新鮮炸起 牛油果醬都係好fresh不過要快食完 唔係啲醬會整淋啲薯條但成個配搭都係好好食蜜味辣雞翼份量有6隻 岩岩炸起夠熱 面好脆 入面夠味 唔錯 唔係好辣 岩岩好👌蜜桃冰茶🍹陣味唔會好假 飲落仲有少少蜜桃果蓉 好飲奇異果汁🍹係鮮榨～

中午在港島區搵食真係有點艱難，還是快快脆脆揀一些快速便利的食店完事，節省時間吧。路過近維園的此條百德新街街道，見到有很多食肆便揀了這間食漢堡包的食店，店內不算太大，但也很舒服，最重要是中午時段不太多人、或太嘈吵，可以好好享受個人me time。選了一支石榴味樽裝飲品、一個鵝肝漢堡包，小食選擇了蜜味辣雞翼。食店主要以漢堡包為主打食物，漢堡包的類別有很多款式，喜歡重量級的可以選擇重量級的漢堡包，如：黑松露芝士大烤菇煙肉牛肉漢堡、特量芝士牛肉漢堡之類；較為輕食的朋友也可以選擇輕量版的漢堡包或小食，這裏也有提供漢堡包套餐，悉隨尊便！餐廳內提供的樽裝飲品，之前在日式超市內也曾買過其他味道，石榴味是第一次選擇，味道不錯，下次有機會會再試。鵝肝漢堡包，雖然個人認為價錢略貴，但鵝肝的厚度也算值回票價。鵝肝煎得甘香，入口軟腍，配上Juicy的牛肉漢堡，完全沒有違和感，口感豐富。蜜味辣雞翼共有六隻，甜甜辣辣，炸得剛好，入口仍充滿肉汁。一個人的午餐，食物不須太複雜，最重要令人感覺享受便足夠了！

BurgeRoom開業已超過10年在港九均有分店，食物品質一向有保證。其中有招牌鵝肝漢堡、軟殼蟹漢堡、大烤菇漢堡及龍蝦漢堡，平凡中帶點不平凡。店內時尚設計是那種輕工業風 ，帶給人一種輕鬆又有格調的感覺，現在全日指定飲品$39起，太優惠了吧！銅鑼灣分店有一排室外的座位傾偈飲嘢非常chill ～大啡菇芝士漢堡- 如果你正在生酮飲食，還可以選擇走包，新鮮又充滿水份既生菜取代減去碳水化合物～牛油果芝士漢堡加菠蘿牛肉 juicy，加上菠蘿的甜酸和牛油果的自帶香味，簡直絕配！

約了朋友銅鑼灣見面，朋友想食burger，第一時間諗起位於Fashion Walk的Burgeroom，人流較少較靜，可以慢慢邊食邊傾計。餐廳設有室內及室外座位，環境舒服，如不吃煙建議坐室內，室外煙味較重。入座後自行scan QR code落單，午市設lunch combo，加多$35配直薯條及飲品。Menu簡直花多眼亂，淨係漢堡款式都令人選擇困難，除了經典牛肉burger，仲有雞、海鮮、素食等，小食及飲品種類亦非常多，樣樣都想試，落單都用了10分鐘以上(笑)值得一讚是餐廳事先將burger貼心切半，容易與朋友share，亦較方便進食，麵包亦經過烘烤，外脆內軟，份量亦足料，如果是較細食的女生，建議share一款burger再揀小食飲品已非常飽肚。芝士蛋牛肉漢堡餐 $145牛肉Juicy多汁，非常厚身，配濃濃芝士及蛋非常夾。菠蘿燒烤醬雞柳漢堡 $135香烤雞肉香口多汁，口感豐富，加上清新開胃的厚切烤菠蘿，上面塗上秘製燒烤醬，一食難忘！蜜桃冰茶解渴又開胃，熱玫瑰鮮奶咖啡則充滿淡淡玫瑰香味，拉花亦加了分。

今日要同大家分享一間位於銅鑼灣嘅漢堡店——burgeroom。首先，我要講下佢哋嘅「Jalapeno Chicken Burger」。呢款漢堡有獨特嘅墨西哥風味。佢哋將多汁嘅雞肉夾入麵包，再加上墨西哥辣椒和芝士。每一口都帶有辣椒嘅香辣味道同雞肉嘅鮮嫩口感，非常開胃。雞肉味道稍微淡咗少少，味道更突出會更好。另外一款特別推薦嘅菜式係「Soft Shell Crab Burger」。呢個漢堡以軟殼蟹為主角。佢哋將脆口嘅軟殼蟹夾入麵包，再配上新鮮蔬菜同特製醬汁。每一口都帶有蟹肉嘅鮮甜味道同麵包嘅口感。軟殼蟹超大隻。另外，我亦試咗佢哋嘅「Fish Fingers with Tartar」。呢個菜式係一個經典嘅小食選擇。佢哋將魚柳炸至金黃酥脆，再配上特製嘅塔塔醬。每一塊魚柳都帶有鮮嫩嘅魚肉味道同濃郁嘅塔塔醬，非常夾。

餐廳喺Fashion Walk 有室內或者室外座位，環境好舒服☺️當日天氣唔算太凍，所以有好多人都選擇坐喺出邊同朋友飲番杯吹吓水餐廳主打食burger，我同朋友都叫咗一個嚟share🔸芝士煙肉漢堡🍔漢堡非常大份😍餐廳已經將佢一分為二方便同朋友share👍🏻漢堡包非常鬆軟，漢堡肉juicy每一口咬落去都有煙肉嘅煙燻香味漢堡裡面仲有新鮮蔬菜🥬，蕃茄🍅增加咗層次感同口感🔸芝士旋風薯條加咗芝士，所以比起普通旋風薯條貴$30不過芝士份量真係好足2-3人share啱啱好，薯條炸得金黃酥脆非常香口😋🔸爆谷雞配蜜糖燒烤醬炸雞炸得好酥脆🤤🤤 熱辣辣，相信係即叫即整入面嘅肉質都好嫩滑多汁配上特製嘅帶蜜糖燒烤醬，非常美味😋

🍔Burgeroom (銅鑼灣)📍今次嚟到銅鑼灣食burger🍔，佢啲burger會好貼心咁樣幫你分開咗一半🫶🏻，令到可以好容易share 👯‍♀️，同埋食嘅時候冇咁遴迍。🍴牛油果醬芝士雞柳漢堡 $100佢個包好鬆軟🍞，而且有烘過個底👍🏻。而個雞柳，係成塊雞扒咁放上去🐥，幾大塊吓，唔會食到最後淨係得返啲包。🍴鵝肝牛肉漢堡 $168個鵝肝煎到勁香🪿，而牛肉勁Juicy💦，同埋都幾厚吓📏，不過略嫌有少少搶咗鵝肝陣味🤌🏻。我像佢拆裝再組件⚙️，齋嘅夾鵝肝先，食完再夾牛肉，嗰味即刻出晒嚟😽。📍Burgeroom (Fashion Walk) (銅鑼灣) @burgeroom_cwb

牛肉勁細，又硬，冇汁。個包好咪。下午5時到，都多人係出面happy hour.之前食過burger都ok,今日就嘛嘛地。fashion street 都小人。佢出色都有素漢堡，下次都試吓。

同朋友係附近行完街經過食街想食burger就入咗去餐廳餐廳店舖好大室外室內都有好多位置自助型式加水、拎餐具、醬汁Lunch set 軟殼蟹漢堡 $150哇 職員送上餐嘅時候真係嚇親勁大份軟殼蟹 蟹腳凸晒出嚟唔將個漢堡包解體，根本就一口食唔到🤭軟殼蟹炸到鬆脆，但食落唔會覺得好油膩脹卜卜嘅蟹肉唔會炸到乾晒身香脆鱈魚柳蛋漢堡 $100鱈魚柳唔會有雪藏好耐嘅雪味魚柳一條條魚肉好嫩滑唔乾身表皮炸到好香脆配埋蛋食好夾飲品我揀咗荔枝冰茶朋友揀咗蜜桃冰茶今日天氣好熱，飲一啖冰茶身心舒暢好鍾意呢個冰茶好好飲飲到底仲會有好幼細嘅果肉絕對唔係假甜嘅水果茶推介大家一試冰茶有多款味道選擇我同朋友都好鍾意佢嘅冰茶！