Burgeroom (Fashion Walk)

营业中

休息中

約左朋友又想食好西又傾計環境好啲成日行過呢間都好想食佢個大大Burger就等我今日去會一會個美式漢堡啦🤩🍔吉列廣島蠔芝士漢堡 // Hiroshima Oyster Cheese Burger 個包好大個實夠飽🤤入面仲有3粒炸蠔🦪🦪🦪拉到個口最大咬落去粒粒蠔都好肥加埋半溶芝士真係好正係略嫌個汁少左啲 多返就無敵以女仔黎講配埋堆薯條真係食唔晒🍔牛油果醬芝士雞柳漢堡 // Guacamole Chicken Burger牛油果🥑本身唔係我食物list入面但配埋個漢堡一齊大啖食真係對牛油果改觀連埋個塊厚厚大雞柳真心Juicy到爆🤤🤤一樣以女仔黎講配埋堆薯條真係食唔晒🍹凍蕉糖鮮奶咖啡 // Ice Caramel Coffee朋友點左杯凍咖啡都幾大杯蕉糖味道唔錯又唔太甜🍹蜜桃茶 // Ice Peach Fruit Tea杯蜜桃茶入面有啲蜜桃肉係底加上有片薄荷葉同茶嘅澀味咁熱天氣飲好清新真係好爽🥳值得一提💁🏻‍♀️對於我呢啲咁斯文嘅girl💃🏾佢地都會好細心將個漢堡切開兩件就算我拉都個口人生最大都食得好淑女🤣🤣但係呀你仍然都會成個咀都係醬汁(以上食評 只屬個人意見)

唔知點解間唔中就會想食漢堡包，當然唔會求其去快餐店食啦，而burgeroom都係我all time fav，因為係cwb/tst行完街就食到，好方便。秋天嘅時候仲可以坐露天位chill~menu都冇乜點變，入到去可以自助拎水同啲汁，想拎幾多，點混醬都得😍burgerroom仲有個細心位係啲包default 會切開一半上，方便我地交換食。食漢堡最驚食到好論盡，好在有提供刀叉，唔怕食到隻手污糟晒。黑松露芝士大烤菇煙肉牛肉漢堡 $130黑松露醬好夠，菇煎完都好juicy，兩樣加埋好match！牛肉都好大舊，包好軟熟，甜甜地，加埋蕃茄同生菜解膩，正！但我食咗半個已經開始飽🤣真係勁大個，平時快餐店果啲食完都好似食咗陣風咁🤡雙層牛肉芝士漢堡 $145食肉獸男朋友表示好滿足，兩舊勁厚勁大嚿嘅牛肉😍挑戰你個口有幾大🤣classic配搭冇得輸！旋風薯條 $30幼薯條粗薯條扭紋薯條各有所愛，我就鍾意食扭紋薯條啦！啲薯條新鮮炸起好脆，堆到成座山咁🤣 好鍾意佢一樣嘢就係啲薯條真係扭到幾個圈，唔係散修修一條條！兩個人share一份啱啱好！

今日去到銅鑼灣區繼續尋找聖誕禮物，行到咁上下要食晚餐，又想食burger，於是揀咗呢間Burgeroom! 位於名店坊嘅Burgeroom有室內室外位置進食, 室外其實有feel啲嘅，但我都係prefer 坐室內多啲😉店員唔使我哋講已經自動將包分咗一半，但你唔好以為分咗一半就好容易食，因為burger 實在太大個啦🫣基本上好難一啖可以咬到個包😝大烤菇芝士牛肉漢堡 - $115朋友點，牛肉100% ，煮得啱啱好，唔會太鞋，但又唔會好生喎, 因為我識嗰啲burger中間係紅色,依家個顏色係全熟, 但唔會硬/過乾身，keep 到鬆軟👍🏻配埋生菜蕃茄唔會好漏，唔錯軟殼蟹漢堡 - $115一上碟，我真係嚇親，我自問鍾意食軟殼蟹亦都食過唔少餐廳嘅軟殼蟹，但都未食過一隻咁大嘅原隻軟殼蟹🙈好鬼滿足，又大隻又厚身，炸得好脆，熱辣辣又keep 到juicy ，我一路食一路滴汁🫣配埋他他醬，真係好食👍🏻👍🏻仲有漢堡包嘅包好鬆軟，亦都係有烘底，外微脆內鬆軟，製作絕無馬虎黑松露芝士薯條 - $68粗薯條唔似係炸到好勁，亦無好重油益味，反而我覺得有焗嘅感覺，黑松露芝士幾香，幾濃芝士味，7-8成嘅薯條都掛上汁，但食

Fashion Walk呢個地段真係好有去咗外國旅行嘅感覺，下次有機會要坐出邊感受吓歐洲嘅風情。餐廳入邊嘅工業風裝潢同戶外座位嘅歐洲風截然不同。上網用QR code落單，佢哋嘅burger主要分係牛肉Burger，雞肉burger，海鮮或者素食burger。有好多配料可以加錢選擇。星期五，所以豪一下，加咗鵝肝、大啡菇、煎蛋、牛油果醬、酸瓜同埋燒烤醬六樣咁多！🤩登登！上菜見到個漢堡包勁高真係好開心😍 但係咁厚，冇可能可以壓到入到口嘅size囉，所以最後都係用刀叉食，逐層逐層切開再加包食。鵝肝好滋味😋，我會prefer唔夾住啲包就咁食。個漢堡扒好厚身，啲肉質好新鮮，質量唔錯。加左燒烤醬同酸瓜令成件事好野味，喺個唔錯嘅選擇。整體上個漢堡包真係好好味，會再嚟食。另外都叫咗個單骨炸雞翼，有少少辣，有啲似CP炸雞翼。味道唔錯同埋好脆。如果佢嗰醬唔係honey Mustard而係酸甜嘅醬會再好啲。

今日下就放左工去睇醫生，所以想黎過quick lunch。呢條街就出名多嘢食，行過見到呢間餐廳寫住Burgeroom，咁不如就食Burger啦。呢間餐廳都幾leisure ，有室內同室外，地方幾大。呢度用QR code，menu勁多選擇，連素食飽類，而lunch hr會有套餐叫。我就單點，點左自己鐘意食嘅嘢。鵝肝鱈魚柳漢堡：個樣夠吸引，旁邊仲有沙律菜。鵝肝煎得夠香，咬落滲晒油，鱈魚柳炸得香口大塊，整個食鵝肝油份流埋落去，加埋芝士好好味。中間有生菜同蕃茄中和返個味道，無咁油膩，呢個漢堡無論賣相同味道都唔錯。芝士旋風薯條：剛炸起，好大份，足夠二人份量。旋風薯條比直薯條更有薯仔味道，芝士味勁濃，越食越好夠味，熱氣加邪惡，但我鐘意。熱焦糖朱古力：焦糖味香，朱古力味濃，味濃好夾，亦夠甜，啱晒今日凍嘅天氣。

餐廳位銅鑼灣比較靜嘅位置喺繁華嘅銅鑼灣有條美食街別具一格⁡餐廳行工業玩味風🪅就咁隨性影幾張相已經係好型格特別而且有室外的遮陽位置可以坐夜晚連埋美食街本有嘅燈飾好有feel冬天嚟同朋友伴侶chill好浪漫享受👍🏻⁡同朋友叫咗2Burger2飲品1小食1.軟鼓蟹Burger2.蜜糖芥末大烤菇煙肉雞柳Burger3.凍朱古力泡沫咖啡4.熱榛子朱古力5.洋蔥圈⁡真係要續樣讚 樣樣都真心好食😋除咗好夠熱辣辣新鮮 份量對得起價錢 係兩隻手先拎到咁大個⁡軟殼蟹Burger隻蟹夠大蟹黃蟹膏足料配埋蕃茄生菜及醬汁refreshing 啖啖都食到蟹肉又唔腥 朋友話好多肉汁好正⁡另一款burger仲大一個因為有齊大啡菇/煙肉/雞柳都仲再配有蕃茄及生菜連埋個包真係咬唔到 最後要切開一件件食呢個包都有好多肉汁 煙肉有少少太乾 雞柳有啲筋但整體兩個包都冇令人失望🥰🥰⁡熱榛子朱古力要一大讚以為會係連鎖一包包沖開俾我但點知係朱古力🍫好濃郁 榛子味突出暫時係咁多間飲過中最好飲⁡至於洋蔥圈正常發揮夠熱唔會炸燶 每個圈都包住洋蔥🧅但感覺唔會好油膩 乾身脆卜卜⁡至於價錢連加一看似好貴 一個包要～$100但食完可以滿足成日 試

今次係同大家介紹銅鑼灣一間漢堡包店😀嗰日晏晝過嚟食，都好多上班族去試，雖然係晏晝都幾乎坐滿人～雙層牛肉芝士漢堡（套餐） $175價錢係包咗一個漢堡、薯條、同埋凍嘢飲！雖然價錢唔算話係好抵，都偏向少少貴，但如果喺銅鑼灣仲要係Fashion Walk嘅來講，都算OK啦😗😮‍💨漢堡份量好大，牛肉都幾多汁，就算係雙層牛肉都唔會好乾，同埋有埋芝士成個味道升級左😍不過加餐嘅薯條份量就唔算太多，但味道係好食嘅！嘢飲就叫咗蜜桃冰茶，比想像中好飲，以為係嗰種罐頭🥫好死甜嘅，但飲落去都幾清爽😁牛油果醬芝士雞漢堡 $100其實如果一個漢堡唔跟餐嘅話，價錢又唔算話真係太貴嘅😮‍💨好似呢一款咁雞肉再加牛油果都係$100都可以接受啦～牛油果醬好新鮮，配埋雞肉嗰種鮮甜味，食落去好fresh唔會好滯💕如果你平時喺銅鑼灣區返工返學，食到冇嘢好食都可以嚟試吓嘅～（係呀不過）😤唔係好明點解依家啲餐廳咁鍾意自助形式，無論係落單定係攞餐具呢啲全部都係自己黎，但最後都係要收加一服務？

又到放假諗吓去食乜嘢好嘢，食肉獸嘅我放假都係滿腦子係肉。Fashion walk 呢邊有好多好chill嘅餐廳, 好多餐餐廳都有室外嘅座位。 天氣太熱我都係選擇返有冷氣嘅地方嘅餐廳。行過呢間Burgeroom人流唔算多， 打突然好想食漢堡包就決定入去試吓。 前菜就嗌個沙律感覺上健康啲，沙律嘅醬汁酸酸甜甜好開胃。一場嚟到冇你又唔使漢堡包，叫咗個雙層芝士牛肉漢堡配薯條，啲薯條炸好香脆超級好食，個burger啲肉汁好多，應該係好新鮮嘅肉唔係雪好耐。另一個主菜就叫咗封門柳，肉味濃而且炭烤得啱啱好。相對兩個主菜來講我個人覺得Burger做得比較出色，再加埋佢新鮮炸嘅薯條。下次人多啲可以再試多幾款嘢食。

出銅鑼灣嘅日子，就去左Fashion walk food street搵野食。成條街嘅餐廳都有室外座，特別好feel。見到Burgeroom d burger 款式幾多，又有cocktail 飲下，就入左去試下啦！見到咁多款，咩都想試下。點餐用QRCode ，lunch有set+$30配直薯條+飲品。最後我揀左蜜糖芥末大烤啡菇煙肉牛肉漢堡(Honey mustard Portobello Beef Butter)topping再加蛋，芝士同酸瓜。飲品想叫返d清新d嘅就叫左Lemon highball.Burger嘅份量係超級大，一個人嘅話一個lunch set真係都已經好飽飽。材料眾多，疊到好高，一開始真係冇辦法成個食。包身外脆內軟，咬落有軟熟感。蛋係煎到半熟嘅太陽蛋，嫰滑，多香味濃郁。再下一層係大啡菇，本身驚可能會切唔開，但切落好易切，大啡菇熟度剛好，唔會太乾，咬落有吸收左嘅油香，大啡菇嘅香味都好出但唔會搶哂味。之後就到左芝士同牛肉，芝士因為熱力溶左喺牛肉嘅表面，牛肉嘅厚度比一節食指仲要厚！相當夠份量！肉質唔會係好免治嘅感，肉扒保留左較大嘅肉粒同埋少量筋，咬起上黎更有口感，配埋蜜糖芥

平時帶住狗狗通常只可以食cafe難得銅鑼灣burgerroom 可以帶狗雖然坐出面但環境一樣咁好————————————煙肉牛肉漢堡 🌟🌟🌟🌟漢堡勁大份 煙肉牛肉夠juicy啖啖肉正煙肉牛肉大啡菇漢堡🌟🌟🌟🌟🌟多咗大啡菇味道更上一層樓再配埋芥末醬好食雞棒🌟🌟🌟🌟食落唔會好乾再點埋中間嘅BBQ醬好食扭扭薯條配芝士醬🌟🌟🌟🌟由於我唔食芝士好彩呢度可以分開上薯條炸得啱啱好熱辣辣好好食——————————買單大約四百幾仲叫咗杯嘢飲有時食下漢堡都係一個唔錯嘅選擇

放假諗住同朋友一齊輕鬆吓，比呢間百德新街嘅漢堡店吸引咗。除左環境舒適，而且味道一流👍🏻👍🏻👍🏻非常值得大家同朋友一齊嚟試吓！.Double Decker 呢份雙層牛肉芝士漢堡上真係勁大份好足料！牛排煎得好香又唔會太熟，肉汁好juicy，仲有濃厚嘅芝士，實在又好味又邪惡！😜😜😜..大烤菇芝士牛肉漢堡烤菇又大塊又好味，佢哋嘅麵包都非常鬆軟，唔想食咁多肉嘅朋友可以試呢個！☺️☺️牛油果醬芝士牛肉漢堡超鍾意食牛油果嘅我，估唔到可以同牛肉咁match! 牛肉結實彈牙有咬口👍🏻👍🏻👍🏻👍🏻.黑松露芝士薯條芝士係半溶嘅，熱辣辣好好食！芝士味好濃郁，薯條全部即炸，好脆🥰🥰🥰.

百德新街食街算係鬧市中的悠閒一角，係幾棟樓的中間，雖然條食街比較短，但係都有唔少餐廳，有室內室外可以坐，比較多人鍾意黎飲嘢，懷念出國時光的可以黎呢度感受下。因為當日風比較大，選擇左坐室內，室內裝飾燈光比較柔和。見隔離檯上的漢堡包好大份，本來想點多一個薯條試下，不過都係忍住左。最後兩人只點左一個牛油果醬芝士雞柳漢堡加熱蜜桃茶同黑松露芝士大烤菇煙肉牛肉漢堡加冰蜜桃茶。牛油果醬芝士雞柳漢堡：好大份量，層層足料，最愛的牛油果醬都爆滿，無辦法一口咬，唯有分開兩層先食，雞肉都多汁香嫩，如果包可以烘一烘脆脆哋就更好了。茶就係用茶包沖，普通點。黑松露芝士大烤菇煙肉牛肉漢堡：好香的黑松露味，芝士醬濃郁，牛肉烤得剛好，不老比較嫩易咬，冰蜜桃茶比熱的濃味，又可以走冰👍食完個burger 都夠飽，每人大約$160

一直久仰呢間餐廳嘅大名，聽唔少朋友講過鍾意食漢堡包嘅人一定要試吓呢間餐廳，尤其是佢嘅鵝肝漢堡，夠哂矜貴又好味咁話喎今日同男朋友行過，見餐廳人唔算多，一於決定試吓~ 除咗必叫嘅鵝肝漢堡之外，另外仲叫咗個菠蘿牛肉漢堡配咗份薯條~鵝肝漢堡嘅味道真係好正，個包食落軟熟，配埋好厚身又juicy嘅牛肉真係天作之合! 食完雖然充滿罪惡感不過都抵嘅另外個菠蘿牛肉都好高水準，菠蘿同牛肉都新鮮又多汁，正呀就連擺喺漢堡旁邊嘅沙律菜食落都新鮮無苦味~ 薯條都係即炸嘅，熱辣辣又夠脆~ 終於明點解呢間餐廳咁多人讚，除咗主打菜漢堡之外，其他食物都幾用心製作~ 最後其實食完兩個都幾重份量嘅漢堡已經好飽，期待下次嚟試吓其他漢堡

同阿仔逛完SOGO，阿仔話想食漢堡包🍔，記得有朋友介紹個~Fashion Walk食街~有間好好食嘅漢堡包店🍔，咁近，就一於去試下啦🥰。行到百德新街大約中間位置就會見到一個黑紙紅字好搶眼嘅招牌🤩，店員好好，佢咁問我地想坐外面定裏面😊，兩邊都好似都唔錯，最後我選擇了室內梳化位😆。Menu📔入面淨係計漢堡包🍔都有好多嘅選擇，有選擇困難嘅阿仔真係揀到頭都大埋😂😂。值得一讚嘅係餐廳係用QR code落單，非常方便👍，最後我地叫咗兩個漢堡包和兩個小食試下😊。煙肉芝士牛肉漢堡 $95一上枱真係嚇死人😳，嗰漢堡大得有點誇張😆。餐廳好好咁將漢堡1️⃣分為2️⃣，方便食客享用。先講下主角，牛肉🐂好重牛香味，好juicy好多汁😋；煙肉亦煎得非常香脆🥰，搭上半溶芝士🧀，已經無得輸😍。另外配菜新鲜不特止，而且佢地嘅麵包同樣出色🥰，表面好脆口，入面好鬆軟，整體感覺非常好味💯。菠蘿燒烤醬牛肉漢堡 $98阿仔鍾意食漢堡包但唔鍾意有沙律醬😅，所以一向食漢堡都走醬，今次竟然俾佢搵到一個無沙律醬嘅漢堡😂，仲要有埋佢最鐘意嘅菠蘿🍍。比我頭先嗰漢堡🍔仲要大，牛肉🐂當然同樣juicy多汁，而燒烤醬份量適中👍，唔會過甜，配搭上大大個

已經好耐冇入到黎呢條食街搵食，對上一次食burgeroom已經係好幾年前，印象中佢已經係呢個位好多年，屹立不倒🤣🍔🦀軟殼蟹漢堡 $115漢堡包一黎已經切開咗一半，方便share~ 🦀軟殼蟹都算大隻同厚身，炸到酥脆😋配合🍅蕃茄、🥬生菜和沙律醬口感十分豐富👍🏼🍔🍍菠蘿燒烤醬🐥雞柳漢堡 $100上層🥯麵包搽上燒烤醬，🐥雞柳好大塊，雖然有少許干身，但配合酸酸甜甜嘅🍍菠蘿、🧅洋蔥、🍅蕃茄和🥬生菜balance 返，都係一個唔錯嘅配搭👍🏼🥗田園沙律 $60已經撈好沙律醋，係偏酸的～食完burger就可以食返啲沙律refresh一下，減低飽濟感。份量幾大，適合兩個人share👭Coke Zero $20環境：4/5餐廳有分indoor同outdoor，不過outdoor 就有機會有人食煙，所以我自己prefer坐indoor☺️服務：4/5Qr code 落單，上菜速度正常，沙律會較快。出面有水可以自己斟👍🏼食物：4/5份量幾足😋建議叫🥗田園沙律shareRevisit: Yes