Burger Lab

营业中

休息中

想食burger 除去老麥外,大家可能會去一d高檔次既西餐都會有burger食,當然小弟呢d窮鬼,梗係搵抵食又好味既選擇啦,今次殺到黎佐敦呢間burger lab啦呢到唔係咩大餐廳,主打外賣,有少量坐位比食客堂食,立即叫野食,小弟基本上次次都係叫當店既牛肉burger,而小胖女見到有新野推介,芥辣墨魚burger話點都要試下,牛肉burger最穩陣,份量巨形,有咬口,肉汁夠哂多,另外小胖女既芥辣墨魚burger,舊扒同墨魚丸有D似,但配埋芥辣醬估唔到咁夾,,最後當然唔小得招牌既蕃薯薯條啦,味道夠哂甜

佐敦Burger Lab的出品真係令人念念不忘，食完咁耐，到依家我都仲好掛住個漢堡☺️材料豐富，絕對重量級🈵雖然係等得耐D，但真心「等到老了都等～」😆食靚burger一定係要比多少少💰，唔好將M記混為一談🙈 呢度嘅burger太足料，冇可能一啖咬晒，我幾乎係分開所有餡料嚟食的😂btw真係好鍾意咁大片芝士🧀🧡.🍳小龍蝦蛋漢堡 $78小龍蝦肉、煎蛋、青瓜、檸檬沙律醬🐂特級牛肉漢堡 $88特選美國牛肉雙層漢堡扒、煙肉、蕃茄、生菜、美式芝士、水煮蛋、自家制燒烤醬惠顧任何漢堡包，加$32就可以轉套餐，有薯條又有飲品🤗記得揀番薯薯條🍠🍟超甜，好食到停唔到口架🤤.🍍Bless冷壓果汁：菠蘿茉莉花茶

這家漢堡包店一定要和大家分享是我吃過的漢堡中數一數二最美味這次我點了特級牛肉漢堡雙層牛肉看起來非常澎湃牛肉中心部分還有一點粉紅色咬下去牛肉漢堡爆出肉汁牛肉味濃郁吃起來相當順口中間更藏著一隻水煮蛋一刺穿蛋汁徐徐湧出配上蕃茄生菜芝士燒烤醬超合襯加二十二元可加配飲品和薯條薯條是粗薯吃得過癮另點了烤豬頸肉漢堡豬頸肉烤得香質感爽口配上沙嗲醬非常特別另加五元可轉薯格炸得非常香脆也非常熱氣呷一口冰凍椰水火氣全消

佐敦其實幾多野食，幾多特色用心小店。今次同朋友揀左食漢堡包，喺門口已經聞到好香。店鋪小小，坐位有限，所以都多人外賣。我叫左個經典牛肉漢堡，牛肉咬落好juicy，一啲都唔鞋口，加埋爽脆生菜，yummy。如果你覺得一個包包唔夠既，可以考慮叫套餐，包一款飲品同薯條，薯條可以揀蕃薯條或馬鈴薯條。朋友叫左烤豬頸肉漢堡套餐，豬頸肉甜甜的好香口，配上菠蘿，整個包包好fresh，薯條都好好食。我地仲叫左個雜錦炸磨菇，好香口又保持菇菇口感，一啲都唔乾巴巴，點埋佢配的醬，好好味。最欣賞用心整作的食物，即叫即製，香味可口，最重要係價錢合宜，識食既你一定要試下。

因為同豬豬男友諗緊食咩既時候突然聞到一陣香味 所以就入左黎呢間食burger 啦 呢間burger細細間 坐既位大約10個左右啦 不過都坐得好舒服 冇迫既感覺架發現到原來我地係出面都聞到咁香係因為佢既burger係即叫即做架〰️ 烤豬頸肉漢堡〰️鐘意食豬頸肉既我一定唔會唔點呢個啦 豬頸肉既份量都唔少 而且豬頸肉下面再加一大塊燒左但仍然好甜既菠蘿 呢個配搭又新鮮又juicy 〰️特級牛肉漢堡〰️呢個burger係比頭先既大好多 係有兩層牛肉架 絕對啱晒豬豬男友食囉牛肉又厚又多肉汁 而且除左牛肉汁之外 仲有同煮蛋既蛋汁 一咬落去既時間候 個蛋汁加埋肉汁一齊漏出黎 即叫即整先有呢種咁正既感覺架 不過大家唔駛擔心 佢既肉汁同蛋汁係唔會令到我地女仔冇晒儀態架 因為佢地好細心咁提供左手套同埋濕紙巾

好耐冇食我最愛的漢堡包了，放假天決定過去佐敦Burger Lab吃個漢堡快餐🍔餐廳裝修簡潔光鮮，座位有7-8個餐牌選擇多元化，多款特色小食，和10款漢堡包，除了經典的牛肉漢堡，還有不少特色漢堡例如: 烤豬頸肉漢堡，日燒吞拿漢堡🍔更有小龍蝦蛋漢堡，兩款餡料都是我喜愛的，當然要點來試試，另加了本菇朋友則點了牛肉漢堡，我地都加左錢轉餐，分別揀左薯條同蕃薯條🍟點餐後發現這間小店很貼心的有手套提供，枱下有掛鉤供客人掛袋先來既係牛肉漢堡包，份量十足，餡料豐富，沙律菜新鮮，牛肉漢堡扒嫩滑多肉汁，富牛肉香，旁邊的炸薯條熱辣辣，香脆不油膩小龍蝦蛋漢堡內裡有不少龍蝦肉，配檸檬沙律醬感覺清新，去除了油膩感，麵包鬆軟炸番薯條充滿番薯香🍠

當日同朋友去佐敦整啲野，見咁多好評，所以特登潮聖下，點知希望越大失望越大。店鋪細細，一眼睇哂，當日得一位男職員同女職員。男職員應該是主打內，女職員負責外場，可惜男職員比女職員有耐性同禮貌好多。剛入店，等左陣女職員搞緊自己既野，叫我地等陣，等左陣見佢又掛住講電話又未落得單，結果男職員咁岩走出黎見到我地企係度就幫我地落單，仲好細心重覆幾次我地想要既野。雖然，一開始被個女職員既面口令我地都有啲掃興，但心諗啲野好食既話無所謂啦，點知。。。個包好硬，都幾脆但真心個包好硬好乾，啲牛肉同個包唔夾，內層都多菜有蕃茄，但無咩醬，搞到好似食法包夾堆沙律中間多件牛肉咁，牛肉味唔算好濃，但牛肉加芝士都算中規中矩，但味道不算太突出，薯條又唔算好特別，又無特別醬汁點啲薯條，得平平無其既茄汁，最慘係個包又硬，個碟又細，搞到啲料食到周圍都係，枱櫈又坐得唔舒服，食到勁狼狽，所以食完後，我同朋友都唔明點解咁多人講到咁正。。如果180蚊食兩個包加薯條再加兩枝果汁，我諗應該有更多更好既選擇。

今晚去佐敦買野，朋友食過話呢間好食，所以就提意今日晚餐食呢間呢間鋪頭唔算大，有3張高台可以俾客人坐係度食野有好多包款選擇，價錢由$48至$88都有後面餐牌仲有小食同三文治，原來買三文治同漢堡仲可以加錢轉套餐，都唔錯我叫左個辣雞肉漢堡，加左$22轉套餐，有飲品1罐同蕃薯/馬鈴薯薯條，佢地d薯條炸好好食，因為食後薯條雖然涷左，但食落去依然仲係好脆口雞扒煎得勁香同好食，仲好滑添，入面d料配搭得好好，醬汁剛剛好，絕對唔會過濃味！2塊面包有小脆，但唔會脆到一食就脆到散開d面包皮。雞扒只有微辣，絕望可以接受到朋友叫左個特級牛肉漢堡，勁大個，要分開2層食，佢都加左個$22轉套餐，我叫左馬鈴薯薯條，所以佢叫蕃薯薯條，食落去甜甜地，好食D料真係勁多，好足料，牛肉漢堡有2大塊，食落去一d都唔硬，真係好好食，面包都係小脆，好正，煙肉都有2大塊，仲有2塊芝士，朋友食唔晒要同我一齊分享，超值跟套餐嘅飲品原來加$32嘅套餐就有果汁飲，都好抵吖下次我要試呢個包

星期一晚上，想簡單吃個包，就回家努力工作。路過佐敦>>>Burger Lab<<<，被其特色漢堡包吸引，於是一試。 漢堡餡料有分紅肉、白肉，也有海鮮；平常鍾愛海鮮食品，所以二話不說點了一客小龍蝦蛋漢堡(HKD78)。 漢堡即叫即製，所以落單後，需要稍等五至十分鐘，方可享用漢堡。與其矯情的用刀叉慢慢切，倒不如用手拿著吃，方夠痛快。但為保清潔與衛生，餐廳提供一隻塑膠手套，另外還有乾濕紙巾 ，確保企理用膳。 新鮮做起的漢堡包，熱騰騰，用膳時，還得要小心，被燙傷決非好事。小龍蝦肉質爽口，數量亦多；煎蛋外脆內流心，非常厚實，口感一流。清香檸檬沙律醬，味道濃淡適宜，沒有搶走小龍蝦和煎蛋的風頭，又能恰到好處地為整個漢堡調味。 飲品是菠蘿茉莉花茶(HKD28)。無添加的味道寧舍清純，含蓄的甜教人一試難忘。菠蘿餘香很強，也是另一教人難以忘懷的賣點。小小的一瓶，點到即止；用餐過後，仍要繼續努力工作，只能期望一餐比一餐吃得更好。

.🍴蜜糖蒜香雞翼🍴$35🍴芝士龍蝦蛋漢堡🍴$78🍴特級雙層牛肉漢堡🍴$88Shake shake薯條近期就食得多印尼撈麵shake雞翼又幾得意😂呢間burger店既蜜糖蒜香雞翼一食落去 竟然係印撈既味🤤😍仲要上面嘅乾蒜都好似印尼撈麵😂🤗.Burger大大份 雙層牛堡都幾juicy 無咩醬所以醬怪獸應該會覺得差d 但起碼唔會食到周圍都係🙉🙉好貼心小店仲會提供埋即棄手套同埋乾紙巾👐🏻.龍蝦蛋堡比想像中淡味🤔味道主要係塊芝士 但同樣冇乜醬🤡

上星期六又約左閨蜜食晏, 係佐敦四圍揾野食既時候, 見到Burger Lab!~ BL 我幾個月前食過一次, 覺得好好味~而且款式選擇都幾多, 包包又好味, 入面啲牛肉又嫩又多汁 所以就提議來呢間食burger! 坦白說, 店子就真係唔大, 全店可以容納約7-8人左右, 所以要食可能就要睇吓有冇位~ 不過店子佈置得幾簡單舒服, 店員幾有禮貌, 而且餐廳會播歌架! 成餐飯食得幾開心幾舒服! 呢度burger既選擇都幾多,牛肉, 小龍蝦, 墨魚餅都有, 價位都係40-60, 個人覺得好抵食! 另外仲有多款小食, 雞翼蘑菇,炸薯格, 蕃薯條等等 另外如選購burger, 仲可以加hkd 32, 就有bless 既冷壓菓汁+薯條/蕃薯條 正呀! 店子在做多款試管burger, 應該係比大家試啲新野 所以我今次試左呢款- 芥辣墨魚漢堡~ 價錢係hkd 68 (單點) 店子每人會準備膠手套飲管比大家食野, 幾細心! 我同朋友加左hkd 32, 要左二set 薯條/蕃薯條+ 冷壓蘋果汁 bless一向好飲, 不過出面買都幾貴 而家加hkd 32 就有齊二樣野食 真心唔錯! 我既芥

男友非常喜愛吃漢堡，所以今晚帶他來這手作漢堡的小店，全部食物都即叫即做這點吸引到我們呢。店面小，只有幾個座位，堂食外賣均可，我當然推介堂食啦~漢堡的種類均勻，豬牛雞海鮮蔬菜類別一應俱全。身為牛魔王的我倆當然不能錯過特級牛肉漢堡，所以另外叫個烤大菇漢堡平衡一下。漢堡可加錢要額外配料。小食有雞翼和薯條等等，飲品也有數款選擇。因為漢堡都會比較heavy，所以選了清潤的椰青水分著喝~付款後店員會給你手套，濕紙巾和紙巾套組，相當細心牛魔王必點特級牛肉漢堡，88元像座塔那麽高，中間餡料量多，沒可能一口咬掉全部掀起光滑的包蓋看到原隻水煮蛋，半溶芝士，牛肉漢堡扒和兩大厚片煙肉。平常的煙肉，都乾身又薄，這兩片又厚肉又油潤，看得我們垂㖡欲滴兩片牛肉漢堡扒都是超級厚的，啖啖肉又juicy又充滿牛味蛋黃是半溶的，跟牛肉好match，再搭上芝士，整個組合無得彈另外點了個烤大菇漢堡，包身好光滑靚仔~一開就看到半溶芝士，醬汁雜菇和一大片大啡菇扒。包身鬆軟，菇類都好多汁，生菜爽脆！除了半溶芝士，這漢堡還有黑松露芝士醬，香上加香小食我們選了蜜糖蒜香雞翼，上菜時熱騰騰的，香氣四溢。香脆的炸雞翼上塗了蜜糖和一點燒烤醬，加上

原來食漢堡飽都可以好健康，行經佐敦發現了一間細細的漢堡飽専門店。地方不算大，只有兩旁的高坐，店員全是年輕小伙子好有活力。漢堡飽隨了牛肉，雞扒，豬柳之外，還可選全素，今日被我選中的幸運兒是特式田園漢堡。內餡是大啡菇，牛油果，番茄和生菜，只是簡簡單單的幾款蔬菜，賣相了得，吸引。拿上手是微微的熱，即叫即做。好有濕潤感，味道層次感豐富，我個人認為好食過加肉類，不會有膩感。正👍潮興冷壓果汁，我都順應潮流買了支蘋果伯嚼茶味的，味道真係幾清甜，健康飲料。

朋友知我愛吃牛油果, 就介紹了一間在佐敦的小小 burger店, 說那裡有我愛的牛油果 burger ; 週末專誠走一趟,  去到庇利金街其實不難找, 店面雖然小小, 不過有個大的易拉架在門外, 很容易就找到店子雖小, 仍有數個 bar 枱座位讓人堂食, 不過仍有不少客人是外賣取走的;  本來一心想試朋友介紹的牛油果漢堡, 不過在餐牌上一看, 見有燒大菇漢堡, 即時心大心細轉了軚餐廳很細心, 準備了手套給客人, 不會吃得輪輪盡盡的雖說是即時製作,  也只不過等了十分鐘便有了,  叫了套餐, 跟上蕃薯薯條及冷壓果汁,  漢堡上場嚇了一跳, 超大個呀~ 比起一個小朋友的臉還要大, 手指篤一篤, 麵飽非常鬆軟, 飽面有點點脆, 這樣鬆軟就應該不會吃完飽得過份吧!燒大菇漢堡除了有隻特大波特菇, 還有雜菌菇, 車打芝士及生菜, 再加上黑松露芝士醬, 暖暖的飽一上枱已經飄來陣陣黑松露香味;  一口咬下去, 漢堡果真非常香軟, 與燒菇一起吃進口, 菇香加上黑松露芝士味道在口裡遊走, 好滿足 ; 跟套餐的蕃薯薯條熱辣辣, 蕃薯甜味熱熱的, 在稍冷的天氣下, 有點像在吃街頭的燴蕃薯呢! 今天吃的燒菇 b

是日生日，女友話帶我去食壽包。原來…係漢堡包! 一間小店，門面簡潔，入內可坐10人，侍應同廚房都是年青一族，置身食店令自己感覺年輕d .我地叫咗兩個漢堡跟餐，一個跟餐要蕃薯薯條，另一個跟餐要薯格，另外加個蜜糖蒜香雞亦。特級牛肉漢堡如圖，非常豐腴，兩塊厚厚的牛肉漢堡扒中間都呈粉紅色，煎得剛好。相信自家製燒烤醬是增添滋味的重要元素，配上半溶的美式芝士、水煮蛋爆開時嘅蛋漿，juice到不得了呀! 還未點名出場嘅仲有香口又大片嘅煙肉、新鮮的生菜、蕃茄、洋葱。這個生日壽包，確係滿滿嘅誠意!烤大菇漢堡爆漿程度不比特級牛肉漢堡遜色，因為選用咗肥大肉厚嘅波特菇。 漢堡切開後，融化中嘅芝士混和咗醬汁隨即滲出。一口咬落去…嘩!不得了! 大菇都可以咁juice! 正呀! 店家非常細心，醬汁係黑松露芝士醬，令菇味更為突出，而大菇面頭亦加咗d切片雜菌菇，令食落口感唔只得一塊菇扒咁單調。而菇底嘅一片生菜，亦令個包帶點清新感。讚!至於薯格同埋蕃薯薯條都炸得乾身不油膩，薯格還淋上芝士醬同煙肉碎條，好細心呀。蜜糖蒜香雞亦是炸好後淋上蜜糖，雞亦皮脆肉不乾，有少量蒜蓉碎係面，恰到好處不搶味。呢餐壽宴我非常滿意。