Burger Jobs (已結業)

很喜歡吃Burger，但平時要吃水準出色的漢堡包也要到尖沙咀/ 銅鑼灣區. 最近得知荃灣開了一間新店--- Burger Jobs!! 它的招牌Tiffany Blue 漢堡實在太過吸引，從沒想過Burger會是這樣顏色的，而且是用上天然染料蝶豆花所製成，成份天然，令人吃得放心. 來到餐廳，發覺坐位不多，不過過了午市繁忙時間，2人可坐舒適的4人坐，不用搭枱都幾舒適. 而且店內裝潢用上黑、白、灰為主調，配上銀色的的餐桌，總體光潔明亮，以漢堡包店來說，環境實在漂亮. 客人先到櫃面下單& 付款，即製食物隨後由店員送上，記得食飽時把餐盤放在回收車上，方便店員收拾呢! 黑椒蜜糖雞翼 $48 一客6隻的蜜糖雞翼，面層舖滿大量的蜜糖，咬下去發覺外皮相當香脆，亦有香甜的蜜糖味，肉質亦非常嫩滑，且滲出淡淡的黑椒味. 如果黑椒味再強一點則更好. 黑松露忌廉珍珠帶子意大利粉 $58 以紙盒盛載的意大利粉，本以為是一人份量，但二人分享也足夠. 醬汁很creamy，亦帶有濃濃的黑松露香氣，而且珍珠帶子數量也多，配上煙韌有嚼勁的意粉，更為滋味! 沒想過burger店所售賣的意粉也如此有誠意!

平時睇開既飲食介紹,今次一見到佢介紹呢個Tiffany Blue漢堡包就地址仲要係荃灣咁近,當然要去一試...Tiffany Blue 爆芝流心雞排漢堡套餐 ($88), 唔需要加錢就包埋沙律,薯條及同汽水.一黎到Tiffany Blue 既麵包皮已經好吸引,而且烘到外脆內軟.水準唔錯,雞扒炸到金黃色,非常香脆,因為驚佢爆芝,所以我咬左一小口,但香濃既芝士已經不斷湧出,真係令人食到停唔到口,配埋酸青瓜,番茄,洋葱及沙律醬中和返,食落唔會太膩.而套餐包埋既沙律杯,沙律菜新鮮清爽,而薯條炸到非常脆口.鵝肝菠蘿手打牛肉漢堡配薯條( $118)需要加$15先有沙律同汽水.鵝肝有濃濃既油香, 配上新鮮烤過既菠蘿,除左香甜之外,仲可以中和鵝肝既油膩感,非常配合.而手打牛肉鮮嫩多汁,加上融化既濃郁芝士,搭配清脆爽口既蔬菜配料,真係令人回味.

早前在Facebook 見到這個Tiffany Blue 的漢堡包洗版，覺得夠晒新奇又特別，所以就約同朋友仔專程來荃灣一試。睇下是咪空有外表而味道得個桔。店子是在荃灣美食集中地--荃興徑，開業不久，隔店就是彩虹芝士拉絲吐司，兩者都是眼球食先的澱粉質。餐牌有大概10款burger ,全部都可跟餐，有小田園沙律同超厚切即炸薯條及汽水！另外都見到有小食同意粉類！Tiffany Blue爆芝流心雞扒漢堡餐 $88粉藍色的漢堡包皮是餐廳自家制的，製作時加入了蝶豆花做原材料，天然美美的顏色，亦因要保持搶眼的顏色，以低温慢焗的方法處理，所以比平時的包包乾身點，但個樣真是超美美的，可以彌補到口感不足。最特別是剛炸起的餡料芝心雞排，金黃色的雞排一咬開就見到芝士緩緩流出，芝士增加濕潤感及咸香，再配上鮮茄紅洋蔥圈生菜同特製的醬汁，份量十足。套餐包飲品，沙律及薯條，用個靚靚的架放著，薯條包到好似花束般精緻，加上可以堂食，感覺如像Fine Dining。小田園沙律加上了麻醬，不過不失吧！另外，仲叫咗一個招牌煙肉蛋手打漢堡包 手打扒是用美國安格斯牛肉打成，脂肪比例比較好肉汁多口感軟滑，煙肉煎至半脆身不油膩，差唔多

同朋友去試下近排好hit既Tiffany blue burger好好彩一去到唔洗排隊，但見之後d人到，佢地都無一個排隊機制，無飛拎又唔知點排隊，希望會改善下叫左Tiffany blue burger，跟薯條沙律汽水賣相一流！真係好靚而且一切開係有流心芝士不過味道其實同普通burger差不多，當然好過MCD啦薯條就唔夠脆但呢個價錢有得呃like又咁多野食都算唔錯啦我地仲叫左個珍珠帶子黑松露忌廉意粉呢個意粉完全唔掂個汁好淡，隱約有黑松露味既，但個汁好稀，好似溝左水咁，意粉太淋，唔好食最後叫多左個雞翼，夠熱都幾好味有淡淡既蜜糖味Overall野食普通，建議黎到叫burger同小食好喇

荃灣有很多地道小食也有很多有創意有心的食店，只要你經過也會被這裡吸引著。我就給這間 Burger Jobs 所吸引，外表光潔同周邊的食店很不同，由一班年輕人主理很有時代感黑椒蜜糖雞翼 - 外表吸引黑椒味香蜜味剛好不會太甜，而且雞皮十分脆口潄滑多汁熱辣辣勁量級雙重手打牛肉漢堡 - 外型勁量芝士溶化把牛肉遮蓋再加上蕃茄，青瓜和醬汁一口咬下，真的回味無窮牛肉當中又加上紫洋蔥粒而且肉汁豐富美式三重芝士手打牛肉漢堡 - 喜歡芝士的就不要錯過，三款不同的芝士配合下芝士味十分突出芝味香濃和牛肉配合得恰到好處估唔到薯條也很有水準是比較粗身那一種薯味重，而且炸得香脆加上小小鹽來調味十分好食漢堡應該是這樣的

每日放工路過都見到呢間新開既burger店, 今晚得閒一於試下先.鋪面唔算太大, 採用半自助式, 先響counter買食物, 食物整好之後由店員放到你個位.睇睇餐牌原來熱潮既藍色tiffany blue burger就係呢度出品, 無理由唔食, 一於要個set, 包括有沙律, 薯條同汽水.餡料係爆芝流心雞扒, 雞扒炸得夠脆唔油膩, 爆芝真係好多芝流出黎, 芝味唔會過濃, 啱大眾口味. 夾雜住蕃茄, 生菜, 沙律醬等等.重點個tiffany blue包, 未食之前好好奇咩味, 一咬係無特別味, 不過夠軟熟, 唔會太薄身.跟餐薯條係粗薯條, 即炸香脆唔油, 而且茄汁可以以行添加.仲加左個黑椒蜜糖雞翼6PC, 完成品非常之香, 外皮脆脆地, 蜜糖好入味, 帶少少黑椒, 雞肉嫩滑.

熟荃灣既朋友都知道 路德圍係飲食呢方面從來都係兵家必爭之地而今餐朋友係荃灣收工 特登過荃灣搵佢 就過左路德圍個邊共進晚餐近期聽倒好多朋友講呢頭開左間幾有特色食BURGER 既食店去到時候 剛巧又係食飯時段, 人流都開始多, 好彩朋友早左少少去排, 好快就入得去LU我同朋友除左一人叫左一個BURGER SET 之外, 仲叫左個黑椒蜜糖雞翼一盤有六隻 咬落去外皮都香脆 蜜糖 黑椒味都非常夠 食完雞翼時間較得岩岩好 兩個BURGER就送左黎我地面前朋友簡左舖頭入面既招牌BURGER*Tiffany Blue爆芝流心雞扒漢堡套餐*老老實實 的確係睇得又食得 入面塊雞扒肉質唔乾 非常香口 咬落去熱溶溶既芝士會湧出黎 而我自己就貪心D (實在太肚餓)叫左個 *勁量級雙重手打牛肉漢堡*老實講 真係非常勁量 係冇可能用平時食一般快餐咁樣 就咁拎上手就咁咬因為實在太高 太厚兩塊手打牛肉都保流倒D肉汁係入面 加埋芝士 絕對可以填飽倒我個肚不過如果細食既女士們 可以選擇叫一層既就足夠今晚真係好滿足

荃灣嘅荃興徑出晒名多野食～ 最近又有一間食Burger 吸引到QT去潮聖下！朋友話見到個burger係Tiffany Blue色好令！味道如何要食過先知，所以我食完依家就報告一下啦！單睇餐牌有10款burger ,全部都可跟餐式會有個小田園沙律同超厚切即炸薯條😻仲有氣水！另外都見到有小食同意粉類！先講burger, 藍burger 當然有點啦，由於所有野即點即做都大約等15-20分鐘，時間上可接受都見用心制作。Tiffany Blue burger 一到我就心心眼喇😻因爲真係好令仲出煙熱熱嘅👍🏻 原來依度嘅包係餐廳自制，而Tiffany Blue 係做包時落左碟豆花所以有天然嘅美美顏色，包身都軟硬適中，只係有丁丁口感干左d. （合格但可更進步完美）！涵料係流心芝士吉烈雞扒，雞扒夠juicy冇炸到干dry dry,色水都好金黃，味道上我個人接受到嘅淡淡鹽香！再配上鮮茄紅洋蔥圈生菜同特制sauce, 成件事好match！份量都十足！另外QT男朋友點左3重芝士，芝士味雖說有點淡，但當中嘅美國安格斯手打漢堡扒我絕對要讚！比起外間嘅此餐廳用嘅安格斯扒食得出同睇得出脂肪比例較高！用比較多油脂嘅扒打

突破傳統誠意製作的漢堡包專門店這間Buger Jobs望落好似甜品店，但原來款款食物都有驚喜。是高質上乘食材既。今晚約7:30到，不用等位，而且有好好既服務態度，店員會同你點餐之後坐低等食物即會奉上。感覺到店面整潔乾淨，而且內有洗水間，很方便呢！嘩～！淨係包都有好多款，主要係安格斯靚牛堡為主，今日試食左幾款包，最吸引到眼球是一款粉藍色T͟i͟f͟f͟a͟n͟y͟ B͟l͟u͟e͟ Burger外層既流心雞扒芝士b͟u͟r͟g͟e͟r͟ ，食落不但賣相好，味道更是一流，先講個套餐（$88均配一份沙律及薯條連一罐汽水）內層有塊雞扒好有誠意雞扒中不經意流出勁多芝士好夾漢堡，雞肉係好嫩又夠汁，唔乾身，女仔都食到一個，厚厚嘅牛肉加上沙律油同埋芝士洋蔥~正呀～ 再黎試左個黑椒蜜糖雞翼，一碟有六隻好鍾意食脆卜卜甜甜蜜糖淋上面，唔辣嘅同冇乜黑椒味，最後我當然食極都唔停啦!最後點的是黑松露忌廉珍珠帶子意粉，好多一粒粒小帶子肉肉，外貌不俗，吃起來都是淡淡的，但松露味就不是太明顯，但整體都幾抵食同好食。我會將Burgur jobs推介比鍾意🍔嘅食家

位於荃灣的burger jobs ，它的招牌是Tiffany Blue Burger今日和朋友由3點吃到晩上8點，晩餐決定在此解決Tiffany Blue爆芝流心雞排漢堡套餐$88套餐包薯條，另加$15有沙律和汔水沙律可沾上芝麻醬，更好吃哦色彩特別的藍色漢堡，當然要一試以蝶豆花調色製成的tiffany blue色面包，烤至微微脆身麵身和普通麵包沒太大分別內裡夾著芝心雞排，雞排炸得不乾，切開流岀大量芝心，味道不錯鵝肝菠蘿手打牛肉漢堡$118份量十足的漢堡，以多層配料組成包括: 鵝肝，菠蘿，漢堡肉，菜，蕃茄，芝士等芝士微溶蓋在鵝肝，漢堡肉肉質軟嫩，但有點過油菠蘿過於薄切，薄如煙肉，要找找才看得到不過整體來說味道不錯的Fish n Chips $58另點的小食，因朋友說他未吃晩餐前已超飽，所以沒有要薯條炸魚不像英式的大條，但炸得香脆調味也足，配紫洋蔥醬，有點特色哦

荃灣最近多了幾間新食店, 今次食呢間原先鋪位是甜品店, 近日發現有新店是食漢堡包.價位偏高, 但賣的是超大個, 厚身包夾手打牛肉, 成個包有幾寸高, 一口差點咬唔哂的厚度.除了有幾款漢堡包, 還有意粉、薯條及雞翼, 我就俾個藍色漢堡吸引左.鵝肝菠蘿手打牛肉漢堡配薯條 $118, 加$15 有沙律及汽水.芝麻漢堡包烘得脆口, 又保持到麵包鬆軟度, 漢堡包好大個, 一手拎著也有難度.薯條用粗薯, 既有粉綿薯肉, 又炸得香口.套餐的沙律用和風芝麻醬, 醬汁份量夠多, 酸酸地又香芝麻味好正, 沙律菜偏少, 但好新鮮.來個橫切面, 睇相都吸引. 手打牛肉鬆化有肉味, 多肉汁且嫩淋不易散, 煎得不過熟保留點生才嫩.鵝肝薄切味道濃郁油潤甘香, 菠蘿用新鮮的並且薄切燒烤過, 除了好香, 仲多汁又可中和鵝肝的油膩.芝士味道也非常濃郁, 由於有好多青瓜蕃茄, 醬汁也夠, 所以整個包食落唔乾又有清爽口感.Tiffany Blue 爆芝流心雞排漢堡套餐 $88, 已有齊沙律、薯條及汽水.TIFFANY BLUE 藍色麵包, 好夢幻的感覺, 女仔必叫啦. 看似平平無奇的炸雞排漢堡, 店員還提點我地小心爆芝到件衫

今晚同媽媽隨街食 見到粉藍漢堡嘅burger jobs 即入簡簡單單 黑同白嘅裝潢 全部都係套餐來的 包汽水 沙律同薯條我地㨂左餐廳最出名嘅粉藍漢堡顏色的確非常吸睛 女生們都愛嘅顏色雞排中間夾住芝士 即叫即炸 爆芝 勁香脆媽媽㨂左手打牛肉漢堡 勁大個手打牛肉 比較有咬口 而且好juicy重叫左客蜜糖雞翼 外皮脆又甜

早幾日行過，見到38蚊個醬爆雞堡，呢日再行過，諗都唔諗就入左去。餐廳面積好細，裡面基本上已經坐無虛席。好特別既係，要點餐先自己搵位坐。不過佢會將餐送去你個位，都ok啦。我地兩個人，叫左個蘑菇芝士漢堡同一個醬爆雞堡醬爆雞堡 3/5雞用黑胡椒掩得好入味，包皮幾脆，唯一唔好既係好乾!38蚊得個淨雞堡，唔包野飲冇薯條，呢個價錢算係咁啦蘑菇漢堡 2/5好寒酸咁得半隻手掌大既漢堡，食落去唔juicy，係有啲唔好架啦都係好乾!78淨包漢堡加薯條，有啲唔抵囉好在包薯條係即炸，feel到佢幾有heart既食完仲要"X心，X家樂"式托盤回收