Burger Bar (已結業)

經開附近又突然想食漢堡包，見到有包食，就入去試下。好肚餓揀左個牛魔王包，黎到的確好大個，包好鬆軟，肉配醬汁都好夾，食完即刻飽左八成，跟住賣單走，但價錢一d都唔平，可能因為咁，所以店鋪客人唔多。整體黎講，好食但貴，一試就無妨。

唔知大家去蘭桂坊除咗會同朋友飲嘢之外仲會唔會食嘢呢，最近同朋友過去飲嘢嘅時候見到有間新開嘅漢堡包店，見有啲肚餓就諗住食啲嘢先再去飲嘢。入到去見到漢堡包嘅種類唔算太多，但係貴精不貴多，餐牌上面有幾款唔同嘅漢堡包，店員就為我地介紹左幾款signature burger，大蘑菇漢堡係餐廳最主打嘅漢堡包之一，蘑菇嘅味道非常之入味而且非常之juicy，牛肉嘅肉汁亦都非常之多，食落去唔會係乾身嗰隻，而且漢堡包查咗牛油同埋看過兩面所以食落去都好香口，而且中間夾左芝士，味道非常之夾同埋好好食。二店員亦都有介紹餐廳另外一個比較出名嘅漢堡，就係雞肉漢堡，千祈唔好睇小雞肉漢堡嘅味道，餐廳係用咗非常之亂畫嘅雞扒去整嘅漢堡包，同埋我加左大蘑菇入去呢個漢堡包入面，味道非常之好食，同我想像中嘅雞肉漢堡完全係兩回事。平時餐廳出去食嘅雞肉漢堡都係非常之乾身而且冇肉汁，呢個漢堡係非常之juicy仲有一款好獨特嘅醬汁味道，係令我覺得好好味最後仲加左薯條同埋一款飲品，食完就已經覺得好飽以漢堡包嘅質素來講我覺得而家真係算唔錯，而且價錢一啲都唔貴覺得非常之抵食。