Bugis@叻沙・海南雞飯 (已結業)

八號風球下，到距家不太遠地方覓食，踏進這餐廳未過傍晚六點，還有假日午餐可點。見時間尚早，跟老公決定叫3個餐，分別是新加坡海南雞飯、巴東牛肉飯和馬來咖哩牛腩飯。我吃的是海南雞飯，見隔鄰的油飯不俗，決定不改轉白飯，果然沒有令我後悔，雖然不屬最優質，比起其他食肆為佳，至少不會滿口油膩。雞肉味道肉質不俗，只覺略欠爽口彈牙，汁醬和湯也不錯。再試巴東牛肉飯，牛肉嫩滑腍身，微辣而入味。而馬來咖哩牛腩飯，牛腩軟滑，咖哩味道濃郁。套餐包飲品可選羅漢果水和檸檬薏米水，我們選了後者。味道甜度適中，還有許多薏米。整體質素，讓我們吃的很滿意。價錢方面，正價套餐定價似略貴，如果我們趕不及可點假日午餐的話，有機會到別的食肆吃。

响正屋企樓下的新舖頭，幾大都要試下先適逢開張，超多人，反正不太趕，就去等一等吧，結果一等，就半小時了。。。最後，我點左 馬來咖喱牛腩飯，我老婆點左 海鮮叻沙。出菜速度尚可，大概15分鐘左右就到了，以新開業來說，挺不錯的馬來咖喱色澤泥黃色，不稠，輕水性，富流動性，很好，味道夠香夠辣，而且更有辣的後勁，非常不俗。海鮮叻沙，色澤呈微橙色，微辣，餸料充足。講真，咁既價錢响屯門來說是貴，但响VCITY來說，是差不多的了，整體來說，是一間不錯的餐廳，會再來的~

一個人無無聊聊行V city，膽粗粗入去試吓佢嘅海南雞飯，雞好滑，仲去骨又juicy😮有湯，有個油飯都係＄64。一d都吾貴吖！味道不錯食物質數ok,下次再試吓其他野食先！

和媽媽去食午餐，點了一個肉骨茶和一碗叻沙。肉骨茶只有一塊肉，而個湯沒有胡椒味，也沒有藥材味，真不知道是哪門的肉骨茶。至於叻沙，可算是我食過最難吃的一碗，除了兩隻蜆和兩隻蝦尚算新鮮，個麵同同湯完全唔掂。真的很難會再有第二次光顧。

可能新開 好多人試食 第一日去食唔到 全部岩岩先開始食 要第二日lunch早點去先有d位首先叫左海南雞飯 配有冬瓜湯 個湯都夠熱雞都夠嫩滑 配上不同醬汁 味道不錯 可惜個飯係敗筆 個人認為唔夠油然後係我最期待的海鮮喇沙參參 個油湯底唔錯 辣度適中 不過配料 得蝦 蛽 豆腐卜 魚片 半個蛋就叫海鮮參參 有d勉勉強強囉 價錢都成六十幾元 食完都未必個個飽肚 呢個就夠飽la 肉配上蛋 係冇乜特色姐每個餐都有跟野飲的 飲品都還可以 另外 驚唔夠飽 佢仲有小食可以加 最值得一讚 係個男侍應 由於我地好多人 本身分開坐 佢幫我地拍埋d枱。等我地可以一齊坐 之前落左單 又幫我地取消 等我地聚埋重新點過 服務好好吖👍🏻

VCity 新開了一間海南雞飯喇沙專門店。諗住佢係海南雞出名，質素應該唔錯。叫左個海南雞飯試一試，點知味道超一般。跟快餐店沒分別。海南雞的雞肉超鞋，一d都唔滑，又無雞味，油飯係味精飯，係份量比較足，但味道一d都唔好食。叫左個小食米紙春卷，個春卷見到都唔想食，仲要係番炸既，春卷皮硬到食唔到。好失望。反而個冬瓜湯比較好，但湯內的冬瓜有點硬，明顯未煲焾。整體來說68元一個極普通的海南雞飯實在不值，沒有下次。

今晚試下V-City新開張既Bugis。海南雞飯非常有水準，雞無骨(雞翼除外)，皮爽肉嫩滑，即使雞胸都好好食，飯大碗又夠味。椰漿飯跟新加坡既味道相近，但有個非常可惜既係D魚仔好硬好鹹，花生太大粒但好脆，同飯一齊入口，有D哽口。肉骨茶係馬來西亞風味，藥材味好重，好味，但好細碗，又得有一條仔排骨同一小圈油炸鬼，有點兒孤寒。最後，個斑蘭檸檬薏米水，無斑蘭同檸檬味，只係普通薏米水一杯。會再幫襯，下次再試叻沙同巴東牛肉。

今日，5/8/2017, 去左屯門 V City揾食，剛巧見到有新開店(呢間舖位原先係越南菜舊店), 新加坡過江龍，一定要試下佢，係咪真材實料。我地叫了：新加坡海南雞飯 $68, 海鮮叻沙摻摻 $72, 午餐就包一杯檸檬薏米水 or羅漢果茶。新加坡海南雞飯：雞都算軟滑，但有雞毛，食落味道ok, 但未算好正，包中湯：冬瓜湯，ok啦。海鮮叻沙摻摻：有3隻蝦，3片魚片，3 件開邊豆卜，半隻蛋，有芽菜，內有半米粉+油麵。味道一般，湯底唔夠味道，奶多左d, 唔多有椰香味，還可以吧。材料真充足，可能就係咁，價錢都唔平。但過江龍黎講，係唔夠突出，無想像中咁好味。我未食過正宗新加坡的食物，但以呢間黎講，我唔太鐘意食。