Bugis@叻沙・海南雞飯 (已結業)

新開時行過，見到好多人排隊，之後搵左日閒日夜晚8,9點，少人既時間就去左試食，呢到出名係海南雞飯，甘當然要試試，叫左個套餐有多樣小食，點知試完非常失望，d 雞一d 都唔滑，多骨少肉，個人認為海南雞個醬汁係非常緊要，雖然佢有3個醬汁選擇，但3個都唔好味☹️個湯就味道ok, 而個小食魚餅都係一般般，個味道麻麻。另外仲叫左個鮮蝦干撈麵套餐，都係失望😑首先明明落左扁麵，點知比左油麵我，算啦，諗住費時煩照食，但d 蝦唔鮮，好干身，個麵又無咩味，我諗成餐最好味係個南乳雞翼👍🏻好香既南乳味，但個雞翼肉質就麻麻。呢到最有特色我諗係d 野飲，叫左一杯熱斑蘭檸檬薏米水同熱羅漢果水，兩杯都幾好飲！

星期日掛左個無咩風既8號風球真係好sad唯有去搵下野食啦，點知最受歡迎既米線店都唔開門，反而見呢間新開既新加坡餐廳好似唔錯，一於試下。室內裝潢有馬來西亞既感覺，採用雞公仔圖案既餐具幾懷舊呀！坐得舒服，而且服務態度不錯。揉合米粉同油麵既正宗海鮮叻沙，海鮮配料份量足（包括蝦2隻、蜆、魚片、豆腐卜、半隻蛋），湯底唔會太多椰子味，濃郁正合我意，加上有少少辣刺激味蕾好食到唔到口，覺得米粉唔太夠海南雞飯包括一碗冬瓜湯，冬瓜煲得唔夠腍擺明煲得唔夠耐致淡而無味啦！主食還可以，雞肉去骨，雞皮雖厚但個肉質算滑，雞翼中既毛剝得唔乾淨油飯不夠香，相信係缺少雞高湯去煮。價格方面同出面商場既新加坡餐廳差不多，但套裝送一杯冷或熱檸檬薏米水或羅漢果水，感覺就抵返d 啦整體味道算還可以，下次會再試下其他菜式。

之前新開想試, 一路見到都好多人排隊,就無去食,終於有日下午3點鐘落去無人等位!不過都有幾檯食客, 心諗應該食物質素唔差呀?? 可惜偏偏係一個伏....叫左個海南雞飯套餐$64, 包杯羅漢果水/薏米水3點鐘一黎無下午茶, 2黎呢個價錢係屋邨都真係偏貴.....一黎試下個醬先, 左邊個甜豉油難食到爆!!!!!!!!!!!!!薑蓉無乜特別, 右邊個辣醬又唔辣又唔香!!!!!!!!!!!!!油飯只有好少好少既雞油香....跟個冬瓜湯, 都係唔好飲, 好淡最重要, 雞都好鞋好難食!!!!!!!!!!我食左一啖已經唔想食 

我地叫左叻沙面同魚湯面 叻沙面都不過不失 算是濃味 但味精同樣有啲重 午市都五十幾蚊 本人覺得唔抵食 魚湯面同樣貴 因為朋友只食清湯既野 就試左呢款 佢表示湯都算有用魚煲過下 但個魚頭真係冇咩肉 價錢略貴

我叫左海鮮喇沙...個湯好咸，蝦好似都有成6隻，但全部梅又無味雪藏嘅，俾10隻我都唔要啦！3隻蜆都有沙$68，食佢兜麵......另外叫左個肉骨茶配飯，哩個相反，個湯好淡.....攪咩野，買個肉骨茶湯包放兩舊蒜自己煲都好飲過佢作為一間食肆=_=！堆豬軟骨冇味，明顯係湯還湯，豬軟骨用水煮熟就擗落碗就俾客食，油炸鬼....把鬼，1cm一個圈都冇放響其中一格調味碟度新開都咁難食，同收銀果個男人講，我問佢地自己有冇試過味，佢話佢地有，我話D蝦梅嘅、豬軟骨冇味噶播，佢話：冇理由.......大家口味唔同啫。 咁佢嘅口....連有雪藏/無味都唔識分～又真係唔知咩口味ge~~~~頭幾日哩邊成堆人等位，今日就對面日本野一大堆人等位，哩間喇沙一半客都冇，一定係新開果幾日俾哩間野伏完.......唔會再黎食！

飯是微溫的，仲要唔熟的食到一口生米！買相頗出色。雞肉脆口但有d「鞋」！服務人員幾有禮貌！但係桌上有水杯，但幾污槽。杯內有好多漬同未洗淨。價錢都少少貴！唔係太值！如果要飲凍檸茶等奶茶咖啡，要加$6或以上，我覺得唔平！

一直以黎天耀呢條屋邨都冇乜好野食 但自從改建之後食肆多咗 終於收工之後返到嚟都有啖好食今次試咗呢間新加坡嘅餐廳 去嘅時候大概九點正 但係餐廳裏面都依然滿座等咗兩張枱就到我哋都唔算話要等太耐先講下個環境先裝修 裝修感覺vintage 座位都算寬敞 而且佢嘅碗碟同埋杯都係有呢一個公雞嘅標誌都幾懷舊㗎 整體畀人嘅感覺入到去都幾舒服 夜晚會有一人餐 小食加主食同送一杯嘢飲 我揀咗兩個喇沙 一個蝦炸蝦餅 一個米紙春卷嘢飲就揀咗一個清熱羅漢果茶同埋班蘭檸檬薏米水米紙春捲食落去外皮幾脆口 但係食耐啲就會有少少黐牙 味道都算ok冇乜特別炸蝦餅送上嚟嘅時候熱辣辣脆卜卜好有蝦味 到主食喇沙啦 個湯底好濃郁好好飲 而且海鮮嘅份量都幾多 每一碗都會有兩隻蝦兩隻蜆 有少量芽菜同埋魚片 最特別嘅係佢個麵會有兩種一碗裏面會有油麵同埋米粉 可以食到兩種唔同麵嘅口感 食曬個麵之後連個湯都差啲飲曬呀嘢飲羅漢果茶就有少少帶甘 而熱嘅薏米水呢就飲完之後會即刻有潤喉嘅感覺 薏米都煲得好林整體嚟講係屋邨入面有多幾間呢啲餐廳 以後放工之後可以嚟呢度真係食番一餐飯 唔洗淨係食茶餐廳同m記lu

昨日同老婆接完個女放學揾午餐食，便來到依間新開海南雞飯店。好彩來既時間尚早，唔駛等位。入到去睇，點知冇menu，原來要用紙去剔。叫咗兩份午餐加一份小食海南雞飯切雞已去骨，份量亦足油飯夠味三款汁醬，酸辣醬，薑容，豉油，味道剛好冬瓜湯，味道適中，有啖啖金華火腿味可惜只有2舊醃蘿蔔，少許不足肉骨茶配白飯味道濃郁，材料充足薯絲炸蝦卷香脆可口，味道尚可需然價錢於同區偏貴，但味道，服務都已超出預期，實喜出望外。

我見星期日咁多人等位，要等成個鐘，都吃不到。星期一下午6點來吃飯，這個時間是不用等位的。我試吃了海南雞飯、鮮蝦干撈麵、肉骨茶和米紙脆春卷。先講海南雞飯，鷄皮多過肉，醬汁也沒有什麼特別，大家可以不試。再試鮮蝦干撈麵，成隻大碗𥚃只有兩隻蝦，每隻再一開兩邊，D肉痴穀，再加2隻蝦頭和兩舊豆腐，味道一般。然後輪到肉骨茶味道淡無味，沒有藥材味。最後評吃米紙脆春卷都幾脆，醬汁都幾好味。最後想評論一下員工態度，著白衫那個應該是老闆男人或經理親力親為，態度積極。不過D著黑衫員工就服務態度有點寸咀，令我不想再來，嚴重漏單，要等。名過其實。