BuBu 廚房 (已搬遷)

BuBu 廚房 (屯門)屯門達仁坊24號好運洋樓地下15號舖黑松露雜菇意大利飯$58意大利粉粒粒分明，吸收了黑松露白汁，飯粒既煙韌又帶有念成。黑松露汁非常香口，我們的黑松露水融入返飯中，雜菇爽口。炸薯條$20炸薯條非常香脆可口，薯條粗幼度剛剛好。原條燒粟米$15燒粟米好食，要自己燒的話實在太麻煩原來這裏有佢好整條粟米非常飽滿，算啦香香甜甜， 10分惹味。澳洲一口牛$25牛肉好香牛肉味，非常有咬口，同時間肉質嫩滑，配上燒烤的調味， 我返去四日，食過返尋味。厚切五花腩$15五花籃肥瘦均勻，而且肥瘦相夾，燒起上嚟油脂滿滿。食物份量君大大份，比起一般西餐廳得來，這裏吃的要飽肚。…查看更多

完全唔起眼既小店，之前朋友介紹黎食過burger同pasta，各樣野都好好食。今日放工諗唔到食咩，突然諗起呢間小店就過嚟買外賣。可以WhatsApp定佢哋落單，去到就即刻攞，如果唔係即叫即整都要等幾耐！今次試吓佢哋嘅串燒，燒韭菜、粟米、蘑菇、雞軟骨！最深刻係燒韭菜，配埋佢哋串燒嘅汁，辣辣地好好食！燒雞軟骨好香口！想食大份啲可以叫炸雞軟骨，有一盒。墨汁意大利飯，有帶子同魚柳，味道唔錯但有少少油膩。下次再食我會揀返意粉！…查看更多

在家附近找到美食系列，屯門牛Save低，一定要試下。😬招牌蘑菇牛肉漢堡配薯條$72酥炸雞軟骨$28完全唔起眼既小店，真係不得了。漢堡各樣野都好食，最重要塊包真係好食牛肉幾Juicy，芝士同醬汁份量岩岩好令我覺得好食既粗薯條唔多，呢份係其中之一我下次買完會行返屋企先食，罪惡感少dd咁因為都真係有d油😂但又真係好食囉炸雞軟骨做小食真係100分💯💯究竟有無人鍾意食淋左既炸野真係好食好多架 你唔覺咩🥲…查看更多

今天行完山，餓了5個鐘，一份煙肉漢堡包和薯條都已經覺得好飽！若果平時，一定食唔晒！不過真係好好食！😋 倆位一齊行山的女仕，分別食了磨菇漢堡和經典漢堡，都食唔晒！…查看更多

屯門街坊介紹的抵食外賣小店Bu Bu 廚房， 在逆境下有很好的口碑，今晚就去買外賣試試。雖然是下雨天，但晚市時間仍然有很多人等外賣，看見前面的人買了十多款串燒外賣，才知道這裡除了出名的漢堡包和意粉，這裏還有串燒。看看餐牌，串燒價錢真的便宜，於是買了兩串串燒和兩款意粉試試。由於串燒是即點即燒的，而且很多人下單，要預算等候時間約15分鐘。準備開餐，一打開香蒜蜆肉意粉$52， 超香的蒜蓉味撲鼻而來。份量裝滿一整盒外賣盒，而且蜆肉和煙肉份量超多，煙韌爽口，帶點鮮甜味，意粉質感煙韌，不會太硬或太軟，口感很好。蒜蓉又香又多，另一半吃過也大讚好吃，味道比得上正式西餐廳，價錢實惠，街坊小店也十分有水準呢！星期六日也會有另一餐牌，在主餐牌是沒有的。點了蕃茄海鮮意粉$52, 喜歡他的蕃茄汁，不是用茄膏煮出來的肉醬意粉汁，而是用新鮮番茄煮的，味道十分鮮甜沒有酸味，汁很清，像蕃茄湯的味道。而裏面的海鮮材料份量十足，有青口、魷魚、蜆肉、小帶子等，煮完口感仍然又爽又滑，不會太韌。期待的串燒，未吃已聞到BBQ 的香味。點了一串燒韭菜$8,和一串燒金菇$8。燒韮菜長長的一大串，用牛油和香料燒完，除了 燒烤香味，還有五香粉和辣椒粉的惹味！味道微鹹而不辣，能調出韭菜的香氣，爽爽的口感越吃越滋味，開罐啤酒一起吃更過癮！串燒金菇，份量也不少，不會把金菇拆散幾撮來燒，而是一整團金菇串著燒，份量比其他串燒店多，而且燒完更能保留汁液。香料的微微鹹味和BBQ香，被金菇吸收，口感爽甜多汁，更加惹味！二人晚餐，點了兩款意粉和兩款串燒，共$120元，非常超值，份量多，大胃王也很夠飽。街坊小店，值得支持！…查看更多

今日為食牛牛又出動就等我試吓屯門呢間特色嘅手打漢堡同埋意粉鋪仔細細位置唔多 但鋪頭老闆服務非常殷勤 非常有禮貌仲向我介紹餐牌冇嘅神秘dish餐廳～打包外賣回家！！呢個係煙三文魚松露炒蛋漢堡～～一打開啲香味就噴晒出嚟 你睇吓！份量好大要兩個人分享我仲叫咗個卡邦尼意粉 老闆仲好細心咁話我知 返到屋企要盡快食如果唔係就會變到太冧㗎啦仲有粗薯條 係跟漢堡嘅 其實我諗當場食應該會更加好味～始終熱辣辣啱啱整好 下次再去試吓佢哋個招牌漢堡先…查看更多

放工去到屯門何福堂附近，見到呢間由兩小口經營bubu廚房，以漢堡、意粉、串燒為主，即點即整。拎住外賣返屋企途中已聞到香濃味道，想盡快返屋企品嚐。招牌磨菇牛肉漢堡$72包含薯條：磨菇爆晒汁，牛肉漢堡厚身，煎到半熟多汁狀態，份量足。麵包鬆軟，蛋香味濃，呈微黃色，不同於之前食過漢堡包皮。薯條粗身厚實，外脆內軟。鹽燒雞軟骨$18：咬落咯咯脆，忍唔住咬完一粒又一粒。燒金菇$8：難得燒完仲好多汁，蒜香惹味~韭菜$8：一條條嫰綠韭菜，好入味香濃！最後飲埋凍柑桔蜜，解熱清涼~…查看更多

半溶嘅香濃芝士🍔塊扒仲Juicy到爆汁！-睇返IG嘅數據，比起其他Post，Burger係特別多人Save同Share。而今次呢個，真係田中近期食過最高質嘅burger，值得大家瘋狂Share出去！-🍔招牌蘑菇牛肉漢堡 連粗薯條($72)1️⃣一望，大份足料嘅Burger，肉汁同牛油流到薯條都係，滲出半溶芝士，已經邪惡地誘人。2️⃣一咬超Juicy，散發漢堡肉嘅牛脂香，配上芝士、招牌蘑菇同醬汁，配搭非常出色。3️⃣而塊包亦係重點，切開後呈現淡黃色嘅包身，有少少似蛋糕，厚而鬆軟，煎香而微微焦脆。4️⃣粗薯條粗到好似薯角咁，外脆內軟，陣陣薯仔香，夠大份，大滿足！👍🏻9.5/10…查看更多

今日嚟到一個小店嗌外賣burger, 意粉同串燒 都有得揀仲要咁啱撞正佢今日有生蠔返到屋企就開餐法國生蠔 $33 x 4偷聽到佢同個熟客仔話啲蠔好正忍唔住即刻嗌返幾隻先隻隻都好厚肉好鮮甜不定時返貨咖，老闆娘話要留意fb先知幾時有貨返煙肉牛肉漢堡 $88🍔好大份一切開就見到好厚肉 望落好吸引仲有好多塊煙肉 好足料啖落去🥺好有口感 啲肉汁爆仲晒出嚟如果多返少少醬 應該更加啱我口味香蒜蜆肉意粉 $52真係要用 寶物沉歸底 嚟形容撈起啲意粉 就見到好多蜆肉同煙肉香蒜味好香 唔錯唔錯仲要大大份 一個人應該唔係咁容易食晒食物質素唔素，性價比幾高老細同老闆娘兩小口經營，仲都好熱情，好好傾有愛嘅小店…查看更多

今晚去試新嘅餐廳外賣，店主倆小口熱情又nice，好有禮貌，啲嘢又好食，會再encore！香菇安格斯牛堡加薯條，牛肉係用安格斯打碎整成肉餅有咬口，牛肉煎得啱啱好又好有牛味，香菇亦好有香菇味，成個包份量好大，肉都好多，呢個香菇安格斯牛堡整體嚟講，都非常令人滿意！唔記得將啲食物分開影，仲有鵝肝多士，鵝肝煎得好嫩又有甘香味，多士都香脆。另外，仲有蒜香蜆肉煙肉意粉，蒜香味濃，煙肉脆，份量好大，夠曬兩個人食。今晚呢餐外賣整體嚟講，高質又大份，令人好滿意，簡直係大滿足呀！…查看更多

之前上網見到有人推薦呢間嘅漢堡就去左試食。去完之後，我只可以講係不枉此行🤤🤤。唔單止老細服務態度好，會耐心同你講解下食材好風趣下🤭，而且食物質素都係一流🤤🤤。用料充足，塊肉真係好大好厚，一開始我仲以為塊肉好細，買左個雙層漢堡，最尾剩係食漢堡都飽到我差d嘔😂😂。而且整體調味都恰到好處，好啱我口味。同個漢堡相比，真係顯得個薯條好普通😂😂（當然唔係話薯條難食，只係漢堡太好食🥴）。雖然個地址都幾難搵下，不過我覺得都值得我去花時間搵。…查看更多

今日我兩個放假岀黎覓食，其實又未諗到食咩，行行下先到呢間burger 舖，老闆又好熱情招呼，好啦，就試下啦！好，坐低睇吓有咩好食先。黑松露雜菇意粉，個黑松露醬汁係老闆親手炒同調製，特別濃郁，好香黑松露味，成個意粉都沾到醬汁，好入味。安格斯牛堡薯條，份量十足，真係好抵食，超厚牛堡黎自美國手肉，係全人手打，所以肉質粗身有咬勁，而麵包係由法國訂番黎，望落以為係硬包，原來烘到外脆內軟，一啲都唔硬。叫套餐會跟一杯飲品，而且份量夠大，好抵食！…查看更多

屯門經常都有好多小店，今次就去咗呢間BuBu廚房。店主非常熱情，向食客娓娓道來佢製作美食嘅心得，對自家製嘅漢堡充滿信心哈哈！門外是長這樣子的。全部名物都list曬出來。有張小桌子同紅色膠凳，真係幾懷舊哈哈！安格斯牛肉芝士漢堡（$68）充滿牛香非常juicy，漢堡包都係鬆軟熱騰騰的。鵝肝多士（$45）超級甘香唔會過分油膩（好怕煎到好多油渣），一客有兩塊鵝肝同兩塊多士，配埋薯條簡直一絕！Menu款式都算多元化。下午茶我會嚟呢度哦！…查看更多

放工回家，最大煩惱是吃什麼，不想每天都一樣，沉悶的茶記，於是找尋一些小店外賣吧。來到BUBU廚房，發現是一對年輕男女主理，對製作食物充滿熱誠，很想不斷進步，做到大家喜歡的食品。這裡有$43的晚餐，有四款選擇，有糖水和飲品，最出名的安格斯漢堡都有餐，還有薯條奉送，不過今晚剛好賣光薯條。安格斯牛肉漢堡原來有classic版本選擇，有蕃茄、酸瓜和洋蔥，漢堡超巨型，安格斯牛肉很厚而且很有肉香，肉質呈粉紅色，沒有煎得過熟，麵包方面質感偏實在，而份量大得令人驚訝，大胃王之選。香蒜蜆肉意粉也是巨人份量，給我吃幾乎可以吃兩餐，蒜香十足有點辣感，好惹味，蜆肉也不少而且還有煙肉。北海道帶子大隻鮮味，翠玉瓜燒烤調味夠又多汁，鹽燒三文魚鮫原來分幾件的，和我想像不同。茄子味道濃郁。送的糖水是木耳雪耳，清甜味道好滋潤。…查看更多

放假同朋友入左屯門行街，晚飯時間順手買外賣返屋企食。今晚既晚餐就係人氣小店BuBu 廚房，位於屯門好運洋樓地下。好多住屯門既朋友都大力推薦，店主兩夫婦有禮貌又親切友善，所有食物都係即叫即整，雖然等既時間會耐D，但係新鮮熱辣辣，特別好食!小店主打西式意粉、漢堡同串燒。卡邦尼煙肉意粉意粉火侯控制得好，食落彈牙煙韌有嚼勁，醬汁充滿濃郁芝士香，口感CREAMY夠奶滑煙肉散發獨特鹹香。安格斯牛肉芝士漢堡特厚安格斯牛肉份量十足，油花分佈均勻，啖啖肉鮮嫩多汁，食落口感柔嫩，香氣十足!半溶香軟芝士配鲜美蘑菇片，口感層次豐富，勁滿足!巴馬火腿黑松露炒蛋漢堡炒蛋嫩滑，巴馬火腿柔軟甘甜，配以香濃黑松露，提升味道層次，漢堡鬆軟富彈性，好高質!法式鵝肝多士口感細膩鮮美，肥而不膩，多士鬆脆香口，吸滿鵝肝油香。漢堡同多士都會配送炸薯條，金黃色澤，外脆內軟，好酥脆。附送一杯自家製菊花茶，清香味甘。…查看更多