Bubble Tree (成業工業大廈)

营业中

休息中

聽聞觀塘唔少工廈都有水準唔錯既cafe，最近就同朋友到訪呢間bubble tree試下佢既下午茶。餐廳位於工廈二樓，交通都方便不過上到二樓之後因為無乜指示所以都搵左一陣。可能最近少左人出街所以只有一枱客，店內無窗但都算闊落。睇過唔少評論都話性價比高，下午茶都係三十幾蚊有熱飲送，我就揀左煙三文魚蛋沙律牛角包，加五蚊凍蘋果茶。牛角包香脆，蛋沙律同煙三文魚份量都夠，而且都好食，以呢個價錢黎講算係非常划算。但加五蚊既凍蘋果茶就比較失望，只係無味既凍紅茶上面擺兩片蘋果，唔推薦。整體黎講價錢相宜食物都唔錯，同朋友下午茶可以一試，不過除左凍蘋果茶有D失望之外，餐具既衛生程度都麻麻，攞做三隻叉都有D污跡明顯洗得唔乾淨，希望可以改進。

觀塘工廠大廈裡其實隱藏左好多有水準的餐廳，今晚收工想食得好又食得便，成業工業大廈的bubble tree 就啱曬啦。我們點了daily special 100%純牛肉手打漢堡配薯條, 再點了凱莎莎拉配煙三文魚，雜肉配巴馬風乾火腿伴香辣蕃茄🍅意粉🍝，一份紫薯湯。首先講下個daily special 100%純牛肉手打漢堡配薯條，呢個漢堡真係正到不得了，一口咬下去，純牛肉的肉鮮味真的好濃郁，而且手打純牛肉果然與眾不同，口感十分細膩，薯條是新鮮炸的，整個餐才$65超划算。再來說說這個雜肉配巴馬風乾火腿伴香辣蕃茄🍅意粉🍝，Parma ham大大塊，足料之餘，最正係個意粉，呢隻香辣蕃茄味真係開胃爆，食完會想繼續吃。最後我想講個紫薯湯也是我最愛，紫薯味濃有口感，熱呼呼的湯讓人覺得溫暖。

觀塘工廈隱世西餐Menu - 有成廿款主食，飯、意粉、沙律、三文治同漢堡包應有盡有。價錢由五十幾到七十幾不等。法式慢煮豬仔脾配有機紅米飯 $65喜歡肉肉的朋友可以試呢個，真心啖啖肉，好入味好滿足。香濃的茄醬，加入不少香草，用來撈飯好好食。黑椒鯷魚蕃茄醬吞拿魚菠菜意粉 $52呢款以鯷魚同呑拿魚主打的意粉，突出之處响個醬到，充滿魚香的鮮味。菠菜闊麵，健康野，同鯷魚蕃茄醬好夾。田園素菜沙律配牛油果 + $8好新鮮，生菜係爽脆的，厚切牛油果都幾大片，加$8好抵。雪糕窩夫 +$25熱辣辣的窩夫，外脆內軟好有蛋味。加球雪糕，作為飯後甜點的不二之選。蘋果茶 +$13呢個牌子的蘋果茶未飮過，來路野又幾香果味。不過加 $13 ，對比其他飲品價錢略高。Cappuccino +$8加 $8 就有一啡，有啡味又有打泡，似模似樣抵到爛。

又到左介紹觀塘工廈高質素餐廳既時候啦🥳 今次呢間真係平靚正到不得了😱 位於東廣場附近既成業工業大廈 裝修都幾靚坐得舒服 晚餐價錢$50-75不等😚我地就揀左試蟹籽 蘆筍 煙三文魚伴香蒜橄欖油意粉同新鮮雜菌伴香蒜忌廉汁意大利飯🤤 跟餐加$5(單點$18)試左佢地既南瓜湯同$8 (單點$12)既墨汁包多士 南瓜湯飲落非常creamy 仲食到有南瓜蓉 絕對係真材實料 值得一試😋 墨汁包多士出面都唔常見 上碟熱辣辣香脆好味 點湯一流👍🏻 蟹籽 蘆筍 煙三文魚伴香蒜橄欖油意粉賣相吸引 蒜片足夠而且爆得夠香 每啖意粉食落都有蒜既香味 以蘆筍配搭煙三文魚 2者味道配合得天衣無縫 食哂都唔膩👅 新鮮雜菌伴香蒜忌廉汁意大利飯既飯質岩岩好 唔會過硬過淋 雜菌份量驚人 同飯既比例接近1:1😂 每啖意大利飯都食到雜菌 好creamy 同樣蒜頭味都好香食到一粒飯都無淨✌🏻飲品方面我地就揀左Green Tea Latte 同Mocha 仲可以自由配搭口味 我杯mocha就加左caramel 好濃 好好飲😚 甜品可惜今晚無心太軟 所以就揀左泡芙雪糕 有成3件咁多 旁邊仲有開心果碎 好食又好抵食丫真係🌟

觀塘工廈裏真的有不少隱世食店，是日來到同事介紹的Bubble Tree試試，地點不算難找，電梯一出轉個邊就到。在平凡的工廈走廊中看到不一樣的裝修就知道走對地方了，小店不大，在1.5米的限制下，只能容下5枱客人了。還好是我過了lunch time才來，幸運的不用等位。煙燻黑椒燒牛肉大啡菇墨汁包三文治＋西蘭花藜麥薯仔沙律＋蘋果茶因為是即叫即整的，製作需時，加上店內有不少食客下單，又有大量外賣單，大概等了30分鐘左右，個人覺得很合理，想吃有質素的食物當然要等，想快的去快餐店吧。先吃吃沙律，半軟身的西蘭花依然翠綠，軟綿綿的薯仔混和不少沙律醬，簡單好吃。三文治擺盤很靚，好適合打卡，哈哈。內裏夾著燒牛肉，青瓜，蕃茄，菇片，沙律菜和芝士，沒有添加醬汁，咬下是食材本身的味道，鮮嫩好吃，半溶芝士把食材黏在一起美味升級，芝士按表示很滿意。蘋果茶香甜，冰涼解渴。雪糕窩夫還點了甜品，完全均等的裝飾很治癒。同樣即叫即製，窩夫上枱時好香啊！厚實加上滿滿的蛋香很好吃呢，熱辣辣的窩夫配上冰凍的雪糕好正，旁邊還灑上堅果碎，甜美中更添一份香氣。原來十周年了，多多支持小店。

雖然疫情令我們減少了朋友間的聚餐，但和和男友的二人晚餐約會還是必須定期進行的👩‍❤️‍👨今天晚上我們找來了觀塘區這間工廈的餐廳，網上不太多人談論，但食物卻驚奇地高質，吃過後我對自己說，這篇食評我是一定會寫了，而且一定會是好評😍門口走文青簡約風cafe路線，大理石紋配金色的餐廳名字，低調具風格🙂餐牌是手繪風，看上去感覺清新舒服🎨✨韓式辣汁海鮮意粉配刁草煙三文魚 $56除了扭成玫瑰花狀的煙三文魚外，配料吃到有蜆肉、爽口的墨魚咀粒和青椒，材料豐富吸引，辣汁惹味~加$5配上餐湯，我們選了紫薯湯，在其他餐廳從未見過，而味道如它的外觀一樣討好，還吃到紫薯的軟糯的口感🍠非常出色👏🏻😃✨烤焗丹麥原隻豬手配有機紅米飯 $75烤豬手啖啖肉，醬汁比預期中較沒那麼濃烈，反而更突出了肉質的嫩滑，亦附上芥末醬，又是另一種風味。米飯方面是有機紅米飯，中和了吃那麼多肉類後的負擔感😘男友還叫了墨汁包多士和肉醬薯條作小食，多士上桌時仍保持溫熱，口感鬆軟香脆，三片單售$12算是超值。肉醬薯條也是真心高質，隱約看見薯條上有少許薯皮的痕跡，感覺像是手工薯條，配上開胃的茄汁肉醬，是邪惡又令人慾罷不能的小食😈最後本來打算叫一份心太軟

今日好想食好西，朋友介紹觀塘開咗一間叫Bubble Tree, 於是就約老公一齊去食，老公話疫情嚴重都係唔好出去食啦，但真係好想食，於是問下可唔可以外賣，好開心回覆話可以，所以我哋就買返屋企食，間餐廳其實裝修得好靚，坐低食一定好舒服。我哋叫左沙律配烤雞，芝士肉醬焗薯，西班牙火腿意粉，同埋原隻豬手，老公另外加咗一杯特濃凍咖啡。個沙律啲菜好新鮮，烤雞雞肉鮮嫩，芝士肉醬口感豐富，西班牙火腿係賣飛佛，豬手炆得好淋又入味，下次去堂食要encore先得，疫情下可以食到一餐咁美味，性價比高嘅西餐，大滿足。👍👍👍

觀塘真係美食天堂呢！今日比我搵到依間工廈裡面既隱世美食店💕係喺成業大廈嘅2樓，地方好大好舒適，而且服務態度超好，兩個人食到超飽😚一睇張餐牌已經好多樣嘢揀，而且每叫一個set就可以加樣甜品/野飲，真係好抵食㗎1. 吞拿魚沙律焗薯 + 凍檸檬茶第一次冇後悔自己點嘅餐😚 好食得來又好健康，外邊有烤過好香薯味嘅薯仔，熱辣辣，裏便包住超多吞拿魚沙律，仲配上兩塊青瓜，吞拿魚一啲都唔吝嗇，落咗超多！勁足料！三樣口感超夾，又健康又野味😚仲有杯檸檬茶飲添2. 焗烤丹麥原隻豬手配有機紅米飯豬手比我想像中嘅多好多！份量有我兩隻手掌咁大😛 而且豬手肉質鮮嫩旦牙，煮嘅時間控制得好好，外邊配上嘅燒汁亦都一流😚 配埋紅米飯食好有營養，仲要食得好飽另外叫咗杯凍咖啡，賣相一流！而且甜度啱啱好💕依間餐廳論服務、環境嘢食質素都超高質，仲要價錢好平，下次同朋友嚟gathering一定會再嚟❤️

這天放工來到觀塘工廈取件，係網上搜尋附近的工廈餐廳，於是見到位於成業工廈的這間Bubble Tree評價很高，一於坐電梯上去吃個晚飯。這間餐廳走型格路線，環境怖置簡約主義，適逢播著悦耳的韓劇歌曲，舒服寫意。餐廳食物選擇頗多，亦可配不同set點配，價格亦很相宜，點了新鮮雜菌配香蒜忌廉汁意大利飯，忌廉味濃，雜菌亦非常豐富，意大利飯很有水準和正宗，大力推介！小食選了芝士球，每粒炸得金黃，咬下有濃濃的芝士在內，外脆內軟，愛吃芝士和香口食物的必點呢！飲品點了一杯凍朱古力配上棉花糖，超級好飲，濃濃的朱古力非常驚喜，媲美外邊連鎖咖啡店的凍朱古力飲品，配上烤過的棉花糖，朱古力迷必點，吃得實在滿足的一餐～

觀塘工廈樓上鋪不嬲都好多好抵食嘅Cafe今次嚟到依間bubble tree佢嘅餐牌選擇都好多而且可以加幾蚊就多一個沙律加幾蚊飲多一杯嘢飲加幾蚊又多個湯令人感覺好抵食我哋叫咗個巴馬火腿香辣意粉同埋一個蜜糖芥末雞扒三文治佢嘅南瓜湯非常之棉密甜甜地好有南瓜味相當推介另外叫咗個牛油果沙律同埋薯仔沙律個人比較鍾意薯仔沙律啊因為係用沙律醬整成嘅份量都好大 好抵食另外個牛油果沙律就係用醋整成嘅男朋友都幾鍾意個雞扒三文治幾大份賣相都好靚但係入邊就比較少汁感覺有啲乾佢嘅巴馬火腿意大利粉就幾好食喎辣辣地其實好開胃亦都感覺到有好天然嘅番茄醬整成嘅番茄汁都幾推介但個人認為最驚喜嘅係佢嘅甜品！佢呢個雪糕窩夫唔單止有雲呢拿雪糕球雪糕下面仲有一層燒溶左嘅棉花糖配上窩夫識落煙韌又溫暖面頭脆外面軟林林非常好食而佢杯mocha亦都好好飲完全係比起出邊嘅咖啡店更加好飲朱古力味幾濃而且個泡好綿密非常之細滑嘅咖啡泡Hot chocolate都幾好相當扺食都唔洗200

繼續發掘工廈美食😎呢間係我上次去同一棟大廈食飯嘅時候發現的😆其實都一直想去試㗎啦❗️上網睇人地話CP值超高💕平.靚.正👍🏻今晚一於試吓係咪咁正😎🔹煙燻黑椒燒牛肉、大啡菇墨汁包三文治$52 ：個包超好食🥰雖然墨汁味唔濃，但烘到外脆內軟🤩再配埋入面啲料，尤其係隻大啡菇😌一嘢咬落去勁Juicy🤤燒牛配芝士再加蜜糖芥末醬‼️呢個組合簡直又係最佳拍檔👍🏻好味指數：🌟🌟🌟🌟🌟🔹烤焗丹麥原隻豬手配有機紅米飯$77 ：極力推薦‼️$77真係超高CP值😎睇相就知，堅係原隻豬手🐷一個人真係唔知點樣先食得晒🤣隻豬手煮得夠晒腍👍🏻配埋本身燒汁又係無得輸🤩再加少少黃芥末醬仲惹味🥰好味指數：🌟🌟🌟🌟🌟🔹雪糕窩夫 跟餐+$25 ：淨係賣相都已經好吸引😍咁啱個雪糕仲要係我最愛嘅曲奇味🤩等到啲雪糕溶溶地，再夾埋啲窩夫一齊食🤤簡直係雙重享受💕最正嘅係佢雪糕下面有兩粒棉花糖，係燒過外層嘅棉花糖😍食嘅時候棉花糖仲可以拉絲😂真係估佢唔到👍🏻好味指數：🌟🌟🌟🌟🔹凍朱古力 跟餐+$10 ：飲品Size都唔細杯😎都只係加$10‼️飲品調配有出面啲飲品連鎖店嘅水準👍🏻朱古力味夠晒濃郁🤤超正❗️好味指數：🌟🌟🌟🌟果然

上網見到呢間嘅餐牌平平哋，賣相OK，就嚟食晚飯，估唔到工廈餐廳有驚喜🤤餐牌內嘅食物選擇很多，但統一價錢都大概$50-$60，西餐來講呢個價錢超值，食物質素比我想像中更有驚喜🤤黑椒鯷魚番茄醬吞拿魚菠菜意粉~蕃茄醬配吞拿魚嘅味道比我想像中夾，酸酸甜甜嘅蕃茄味道更可以帶出吞拿魚的鮮味，食落十分惹味，意粉口感很好，有手工意粉的質感，但菠菜味則不太重，整體來講配搭都不錯~加$5另外有個餐湯，是日餐湯南瓜湯口感濃厚，南瓜味突出，亦夠creamy~法式慢煮豬仔脾配有機紅米飯~慢煮豬仔脾肉質非常軟唸，咬落去一點也不韌，骨和肉一咬便分離，而且亦夠入味，幾驚喜~雖然配搭紅米飯，但紅米沒有想像中般硬，反而有咬口，質感上更勝百米一籌~蜜糖芥末雞扒意大利軟包三文治~呢個價錢幾抵食，雞肉份量好多，佈滿整個三文治，配合生菜和番茄味道略為清新，少許的芥末則帶來點點味蕾刺激，不過多點蜜糖芥末醬會更好~

最近真係食多咗好多外賣，今次去試朋友介紹係太太觀塘公司附近嘅一間西餐廳。餐廳喺工廈裏面，唔難搵，算吾差。門口個牌幾型，裏面裝修都好簡潔，仲有塊黑板寫咗當日嘅人氣美食，因為我到嘅時間係五點半，所以仲未有人。我之前已經打電話訂左嘢食，所以等左唔係好耐就已經可以攞走。返到屋企，即刻開餐，餐盒都有用環保紙盒，讚。全部食物仲keep到熱沙律配烤雞，蔬菜好新鮮，烤雞ok。芝士肉醬焗薯啲芝士好正，焗薯好香。Parma ham 意大利粉有少少辣好開胃，Parms ham 好食，唔夠喉，豬手炆得好淋，個汁都好好味，真係好值得叫嚟食。最後叫咗杯特濃凍咖啡，好strong，要再試。好抵食嘅一餐晚餐，又唔貴又好味。希望疫症快D過去，下次同太太上嚟食。

觀塘成業街 一向有好多食肆 年前我去過Bubble Tree幫襯 嗰時喺觀塘商場裏面 最近搬咗上樓 今晚專程去食嘢 睇佢有冇保持水準-🍠🥣紫薯湯 (跟餐加$5 單點$18)我好鍾意食番薯 無論係黃肉 白肉定係紫肉 照單全收 當我望見餐牌上面呢個選項 雙眼發光🤩 非試不可 個湯唔需要用花巧餐具盛載 紫薯本身嘅天然色澤 就係賣點 非常吸睛 勺幾匙湯飲 味道天然滑溜 材料只有紫薯🍠薯仔🥔 同洋蔥🧅 簡單就是美-🌶🍤🍝 韓式辣汁海鮮意粉配刁草煙三文魚 ($56)意大利粉加韓式醬汁加煙三文魚 嗜辣嘅朋友 食呢個fusion系意粉 會有驚喜 大廚用韓式辣汁取代紅辣椒 味道獨特 海鮮多又新鮮 建議先食嗰件煙三文魚 等味蕾嘅層次 由淺入深 循序漸進 -🍖🍚法式慢煮豬仔脾配有機紅米飯 ($65)豬仔脾賣相討好 慢煮多個小時後嘅豬髀肉 依然軟腍 保持肉汁鮮味 想再重口味啲 點吓鮮拌番茄醬🍅 更加開胃 配埋有機紅米飯 非常飽肚-🍦🧇雪糕窩夫 跟餐加$25 單點$38上樓食飯好處甚多 食物性價比高 雪糕窩夫🧇 係一個例子 現叫現製 要有心理準備 等大概15分鐘

性價比超級高，工廈平價高質野👏🏻——野食又靚又好食，但價錢係出面嘅一半，仲免加一....痴咗線真係好正😂.大啡菇雞肉配南瓜汁燴意大利飯($60)作為一個菇控，我必須講個菇真係好好食，爽口又juicy...同risotto個甜甜地嘅南瓜汁好夾。係真係有南瓜味，唔係d人工加工味。飯係軟身嘅飯，冇得頂👍🏻.煙燻黑椒燒牛肉、大啡菇墨汁包三文治($50)墨汁包好特別，雖然我食唔出墨汁味，但個包好好食，個皮係脆脆地添㗎😍裡面就軟淋淋！入面除咗有大啡菇同肉，融融地芝士同其他配菜，個蜜糖芥末汁都好好味🥰令到個包一D都唔乾。.凱撒沙律配烤雞($50)因為上面兩樣太出色，呢個有d比下去，但都唔錯！D菜好新鮮，雞肉都好嫩，鍾意食菜salad嘅朋友可以一試！.以上三樣主食，可以配Set：- Set C：雪糕窩夫(+$25)窩夫外脆內軟，自帶dd甜味。加上朱古力醬同雪糕，正😌最特別嘅係，上面果層窩夫個面係有燒融咗嘅棉花糖😍變咗脆糖咁，勁加分！- Set D：蘋果茶(+$5)冇乜特別，幾解渴，唔算好甜。- Set E：Latte (+$10)上面個拉花好似fail fail地😂？定其實佢唔係拉花黎...不過唔緊要