Browny No.45 (已結業)

想在忙碌的working day 吃個輕鬆的不趕人走的lunch, 所以時不時都選擇了這家cafe, 動聽的音樂環繞在這家裝修別緻的cafe，令人心境開朗; 店員的親切與笑容要比個like食物不太油膩，意粉軟硬適中，咖啡都好用心沖調，簡直啱曬我們的口味! 推薦推薦! 各方面都咁好嘅cafe一定要keep著落去，而且香港都需要多d咁樣嘅小店cafe!

草根姐妹有個姐妹間嘅活動，就係星期日或者放假一齊去cafe除左為左食野當然要搵個環境好嘅地方hea一下，傾下呢一個星期發生左d咩事。今個星期俾我地搵到一間無論係環境、食物同服務都令我地好滿意嘅cafe，所以食完都決定出番個食評推介俾大家!地點係Poly U 西九龍附近，cafe主要以木系餐桌同白色牆身裝修為主，係草根中意嘅cafe感覺睇左睇menu，見到選擇都唔少，而重點係價錢好合理!!平日All Day Breakfast 都耍$100以上，呢到$78就食到，好抵!最後揀左2個餐，2杯飲品全日早餐 ($78)All Day Breakfast 茄汁豆，炒蛋，車打芝士腸，煙肉，雜菌，串茄，煙三文魚，牛角酥，沙律菜Baked Beans, Scrambled egg, Cheddar Sausage, Mixed Mushroom, Bacon, Cherry Tomato, Smoke Salmon, Croissant, Salad成個All Day Breakfast既Presentation都好令，加上木枱上「浮生」2字，只能夠講生活應當如此😌🍳炒蛋炒得非常嫩滑😍仲帶點少流心添!

朋友推介這裡，剛剛又諗住找朋友來個小聚會最後係假期來吃個下午茶，最後因為實在太吸引都叫左一份大早餐加甜品和飲品，二人堅飽肚而價錢又吾貴，都傾左成二個鐘都冇人趕，會再來過吃其他食物。終於來到，比心目中易找到喎，二話不說就入去。有點品當然吾會錯過啦。桂花豆腐芝士餅 ..女仔2人聚會點會沒有甜品，這個桂花味濃郁吾甜，豆腐都香而口感都滑。熱食和飲品選擇都吾少喎....全日早餐 $98 ，價錢同出面差不多，但份量堅十足，最後二人份量都好飽，而且味道吾錯有：茄汁豆，黑松露炒蛋好香蛋都夠滑身，漢堡扒牛肉味吾錯，車打芝士腸，串茄，窩夫，薯條，吃得太飽可以食到新鮮沙律菜清下喉嚨剛好。坐得舒服而服務態度都好好。是日蛋糕，仲要係自家制。咖啡份量都好清楚又特別畫圖顯示。這裡的冰滴咖啡十分精美同好飲，都係鐘意飲齋咖朋友吾好錯過嘅飲品，但要睇返有冇貨啦，始終新鮮就未必有量存貨。飲唔到咖啡的朋友可以有吾同飲品選擇， 熱朱古力 $33 ，拉花好味睛，而味道吾太淡都正常。炸薯條 配 黑松露醬 $35，薯條炸得剛好夠粗又吾油身， 黑松露醬吾係太濃有時覺得好滯，但這裡味道剛好吾錯。鮮奶咖啡，首先價錢吾貴夠大杯，泡泡處理得很

其實比起連鎖/大型既餐廳，我自己係會更鐘意呢啲小店😍有時候地理位置雖然唔係最方便，但正正因為咁隱世，先顯出佢咁隱世都值得一去💟呢間又是一間最近大愛✨環境都係好木系好台式，入面用左熊仔便主題好qq!👉🏿✨all day breakfast Hkd 78 💸📌老闆推薦～唔好睇佢好似好普通，我想講佢啲車仔芝士腸係我食過以黎既第一位！佢勁juicy一咬入口啲汁簡直澎湃到傻左！😳小鳥胃既人可以食呢個，每樣都有小小唔怕食唔晒啦！牛角包又夠脆，配滑蛋勁正😆👉🏿✨開心果菠菜雞肉雜菌松子仁 Hkd 75💸📌不誇張！呢個意粉可以稱得上我既top2!呢個配搭好fresh!意粉好creamy!同埋都好有咬口！軟硬岩岩好👍🏿真心食到渣到冇！必試👌🏽雞肉同松子仁仲有菠菜既份量都搭得岩岩好😍食一啖就停唔到口！👉🏿✨朱古力咖啡 熱 hkd 36 💸📌佢既朱古力係自己做，搭埋咖啡唔會苦，反而仲可以去緊啲膩感！👉🏿✨焙茶鮮奶 熱 Hkd 36 💸📌呢個簡直勁過出面啲日本過江龍既焙茶鮮奶，好濃郁又好甘香，正！👉🏿✨伯爵茶厚班cake配雪糕 Hkd 65 💸📌呢個係真伯爵茶！平時食出面個啲都好淡又假，呢個絕對唔會喎！唔好諗住

星期日同朋友想揾個地方坐底傾下計，之前行過見大角咀有間cafe'唔錯，今日決定去試下😋同朋友兩個人叫咗一個黑松露軟殼蟹意粉同小食炸雞。個炸雞好有驚喜，好大份，三四個人食都得，48蚊好抵食，上枱仲熱辣辣，好正！黑松露軟殼蟹意粉上枱唔夠熱，不過黑松露好夠味，個軟殻蟹都味道唔錯！另外，叫咗杯latte，個拉花好靚，有心思！除了食物之外，嚟得cafe都係想揾個靜靜地嘅環境同朋友傾下計或者做下嘢，browny絕對係一個好嘅選擇！

今日上午公司一直開訓話會議，所以中午午餐就想找個安靜的地方吃。就想到附近的Browny No.45。我喜歡這裡沒有很擠擁而地方又優雅，可以讓我邊吃邊放鬆。我要了黑松露軟殼蟹意大利麵。麵送上來後我還忙著用手機發電郵，過了約十分鐘才能起動吃，卻發現麵和軟殼蟹還是熱烘烘，所以應是下單即做的。黑松露不只是幾個放在麵上，而是一邊吃還能找到的所以特別的香。軟殼蟹也不是只有殼，蟹裡也帶肉的。最後送上的Latte口感也不錯。另外餐廳的員工也很友善，就是不像其他餐廳趕著你下單吃完就想你走的。這家店絕對可以再來幫襯

假日旺角既cafe 實在太多人啦...比較嘈同好難傾計，所以搵左呢間cafe試下。由油麻地地鐵站行去都唔算好耐。只係十分鐘左右路程，地圖顯示太準，間cafe 係面向馬路屋苑既外面。可能位置唔算方便，好少人同有好多空位。但環境幾好幾舒服。呢到既野食都比平時市區價錢平，份量都好適中。表弟唔知係咪肚餓得濟，我未記得要影相既時候，佢已經食左一半我就叫左All day breakfast + cafe latte我幾鍾意佢係用芝心腸...勁香又差d爆左d芝士出黎，煙肉又煎得好脆😁不過對個蛋有d失望，可能加左奶唔夠蛋味。呢到既latte 我鍾意...小弟比較鍾意奶味重既。

宜家好多地方都好興梳乎厘pancake,但佢地竟然冇跟住潮流走，反而推出左個厚實pancake !!我自己好中意食pancake，見到佢推出左真係諗到唔諗就衝左入去試下先！！店主話宜家推出一款口味先，得earl grey味，之後話會推出更多😍不過因為係厚pancake,所以整既時間都要比較耐，要等返２０分鐘，同其他地方差唔多。pancake食落好香earl grey味，再配上自己淋上去的蜜糖，食落夠厚實唔會太濕或者太乾。睇黎個base應該有認真研究過😇 仲有大大粒士多啤梨同埋最愛既cream真係好滿足呀😇Pancake份量因為夠厚，兩個人食就岩岩好。再配埋杯latte已經好飽lu...可能因為新推出，老板主動過黎問我地好唔好食，有冇咩改進見著呢間小店不斷調整menu同加入新元素，食物同咖啡亦都越來越有質素，真係感覺到小店果團火同熱情。💪有時小店吃的不止是味道，還有那份人情味及貼心呢。😊

話說好少去大角咀，由油麻地行去cafe，其實係奧運站落車奧海城行過去會更加快🚶🏻‍♀️平日下午去咖啡店只有一兩位客人在用餐，大家都是悠閑地喝著咖啡和朋加聊天。店裡給人感覺就是坐下就不想離開十分舒服，店子不大只有3 4張枱及兩張高枱。和友人剛好3點去到，是下午茶時間，點了兩份餐（不用加一），分別是煙三文魚貝果及照燒雞粒沙律。本來還想點甜品（在網上看到它得甜品不錯），可惜剛剛被隔壁桌的客人點了最後的檸檬撻及朱古力撻，唯有下次再嘗吧。兩份下午茶🍽水和調味料是自助的 ，但店員也很熱心主動幫忙。煙三文魚貝果 🍔除了厚厚的煙三文魚外，還有火箭菜 一片蕃茄 及塗了芝士忌廉。貝果烘得脆，佈滿芝麻，但也過韌，和友人share要花點力氣才能切開。如貝果能鬆軟一些會更好。照燒雞粒沙律🥗分量慷慨，左不少沙律菜，照燒醬包裹每一粒雞粒，肉質也挺嫩，沙律醬汁是有帶有柚子味的黑醋，酸酸的挺開胃。Latte☕️（跟餐+$12） 第一個餐飲點了Latte，看得出店員十分用心拉花💕而且是由一位很可愛的店員沖的😍分量是屬於大杯的，是一杯不錯的咖啡。檸檬有氣梳打水🍋🍸（跟餐免費）是用了無糖的有氣梳打水弄的，沒有加糖，但也不會太酸，

家住荃灣嘅關係，一直都有去荃灣同葵芳Browny 飲咖啡，大角咀browny 開咗幾個月，終於有時間去試一試。地方比荃灣大，食物供應亦比較多，今日我哋一行四人，兩大兩細就食咗四樣嘢，好滿足All Day Breakfast $78大大碟，食品種類多，有茄汁豆、炒蛋、雜菌、車打芝士腸、煙肉、煙三文魚、串茄、沙律菜、牛角包等，炒蛋滑，串茄稍微焗了，外觀沒有什麼特別，入口暖暖的，有茄汁流出，十分鮮甜忌廉菠菜松子仁雜菌扁意粉$58呢個其實葵芳站都有，不同的是加了松子仁，增加了口感，一直都喜歡browny 嘅菠菜汁，菠菜足料又不會打得太爛，有口感塔塔醬炸軟殼蟹漢堡 $72 （咖啡及薯條加$30）全隻軟殼蟹，喜歡軟殼蟹嘅不可以錯過，仲要講吓個包，烘得剛剛好，仲有濃郁嘅芝麻味，再加埋生菜、番茄、青瓜，大大件，其實好難一口咬下焦糖窩夫配雪糕$50起初以為係一個原味窩夫再响上面加焦糖，上枱時發現窩夫顏色明顯比一般嘅深，一食入口，發現原來窩夫都有焦糖味，好有heart，甜度剛剛好，外脆內軟Cappuccino $32最後當然唔少得咖啡，佢哋嘅咖啡係自家烘焙嘅，由佢哋嘅咖啡師响葵芳店炒，是淺炒豆，少少甘，少

又試新coffee shop! 香港愈黎愈多呢類coffee shop~ 真係要試哂都難呢！Pasta 同Bagel 都正常！bagel 係偏硬身有點難切🙈 不得不稱讚大愛truffle chips!! 😍新鮮熱辣薯條仲可以咬到一絲絲! 配truffle 醬無得輸!👍Mocha 拉花好靚！但沒有一試難忘既味道🙊Ps: 我之後再幫襯試左fish & chip就麻麻了（sorry 無影相）...脆漿同魚肉好易分開... 而魚肉本身又有d散 ! 下次都係叫返truffle chips！

一直想試佢地既意粉 今日見有點時間便入去食午餐蕃茄汁虎蝦扁意粉 $65上枱賣相吾錯呢 有兩大隻虎蝦 好吸睛 而且味道不錯呢！扁意粉軟硬感拿捏得非常好 帶點煙韌口感 而番茄汁應該用上新鮮番茄去製成 加少許調味 感覺很天然 而且食完碟底完全不會油淋淋不過略嫌配料有點單寡 吃完大蝦後便一直吃意粉了如果有點洋蔥/什菌會令碟意粉更好我太貪心了嗎⋯⋯在吃意粉的時候發現店內有芝士粉可以自行加 愛芝士的我很開心地一邊食一邊加 加了很多店員很好 會關心客人感受 問我是否感到味道過淡？其實不是的，只是我自己愛芝士粉的味道不過店員關心客人的感受 使人感到窩心呢整體感覺很好 不像外面的餐廳 為左令人覺得好食就落勁重調味或者勁油 吾考慮客人健康 係依度可以食到有啲自家feel 會再來光顧另外還有出色的Homemade Cake呢其實我一去到就被它吸引到！不知為何每次只要見到有自家製蛋糕就會好興奮想試總覺得自家製既係比較特別 而且會健康啲 例如落少糖咁Cheesecake加伯爵茶 這個組合感覺會很正焗伯爵芝士蛋糕 單售$32 跟餐只需加$20 非常推薦喔 叉落是硬實的芝士蛋糕芝士味不會好濃 伯爵茶味較突出而且甜

剛巧去大角咀探朋友，經過一間裝修十分雅緻的cafe, 襯有時間便走進看看凍櫃擺放著不同的蛋糕，一看已被這個檸檬碟豆花慕絲蛋糕的賣相吸引住。味道十分清新，而且又不會太甜，吃下有少許的玫瑰味，成為一個小點綴。大多數嘅cafe最主要都係提供mocha, latte等咖啡，而這裡更會提供單品咖啡。單品咖啡有多款選擇，對於一個不善於選擇嘅人，老闆已替我選好，咖啡味濃而沒帶酸，正合我心意😊另外，店內外都擺放著不同的小植物，靜靜坐在店內的一角，發發呆，給人一種很舒服的感覺😊整體來說，這是一間好有heart嘅cafe, 而且咖啡豆是老闆自己炒的，絕對值得支持😉

終於等到學校附近有間cafe小店坐下hea下。今晚點左沙律同甜品，樣樣野都幾好味 😋😋 由其係個焦糖窩夫，食過好多間唔夠脆又唔夠蛋香味，但呢到既窩夫好好味，夠晒脆勁香蛋香味!!! 勁推介丫仲有呢到啲蛋糕店主話係全部homemade ga，未必每日一樣，今次試左個檸檬tart，甜酸適中，係個餅底硬左少少個沙律係煙三文魚凱撒沙律，驚喜既係配芝士汁，個配搭幾得意，唔錯唔錯。同埋呢到啲staff好nice同好有heart,會問下食物方面有咩意見同改進，仲請左我地試食新菜式同handdrip添!不過我覺得最驚喜係呢到啲咖啡，杯latte有淡淡既咖啡豆散發既花香味，係連鎖店唔會飲到既味😍😍😍😍問左店主先知原來咖啡豆係佢地自己炒架 😱😱😱即刻覺得佢地唔係普通既小店囉😱😱😱但最正既係latte有學生優惠囉外賣$20杯咋 😍😍😍😍

朋友介紹Browny 45 ~ 開揚，白色，簡潔的隔局，一派台灣咖啡店的模樣店內約200呎的空間，位子不多 ~ 正值午市，點了set lunch溫泉蛋卡邦尼扁意粉賣相不俗，試了一口，開始味蕾驚嚇之旅我問朋友溫泉蛋是凍的嗎？剛才那口，叉子捲著意粉伴溫泉蛋再來一口，又是很可疑不夠熱的感覺再來數口，草草完成，不想太難為舌頭意粉太淋沒咬口，像極翻煮再煮的texture, 而sauce也偏咸，另外那火腿也少得可憐朋友話上次黎時唔係咁既，或者人有錯手，馬有失蹄，廚子當要加一把勁