影片
以上资料只供参考，请与餐厅确认详情
相关文章
收工很饿决定去太安楼扫街快食晚餐。听同事讲有间煎饼系北京口味觉得好好奇，所以去到就第一时去试下先。门面一如太安楼特色，简单，方便，透明。煎饼选择比我想像中多，我以为得４—５款。另外仲有饮品供应：豆浆/玉米汁/酸梅汁。最正系仲有北京凉粉，但我太饿只想食咸食，所以净系叫咗个北京烤鸭煎饼。俾完钱就企一边等，OPEN KITCHEN 可以隔住玻璃睇制作过程。一边睇一边谂紧自己会唔会食唔哂，因为见到店员不断加材料落块饼到。好！足！料！咁就睇已经见到有好多红萝卜丝，青瓜丝同烤鸭。拎上手果下好热，完全食唔到，想由底部慢慢推佢出黎都有难度，唯有整烂个纸袋慢慢试下咬。第一啖食到好多嘢，具体味道太杂乱。慢慢食落去有北京烤鸭酱嘅味，唔算太浓烈，系咸咸地嘅烧酱味。好可惜，饼底好淋，又热又油，食到成手都系水同油嘅混合。材料系好足，份量超大，睇得出店员好有心做，不过味道真系不算太特出，不过不失啦。自己一个女仔食完真系超级饱。
继续阅读
最近太安楼开左好多新餐厅，有好多扫街新选择。呢间北京煎饼一开张已经好吸引我，但系每次都好多人排，得一个人做野，所以要等好耐，所以次次都冇食。今次经过见佢冇人排队，拿拿声落单！叫左个辣既孜然羊肉煎饼，店员见我地两个人都好好人问我地洗唔洗分开两个袋。等左冇耐，就热辣辣送到手！都几大份，而且入面好多料，煎饼皮唔似手抓饼个d酥皮，似系pancake个类，饼皮有加黑白芝麻，仲有鸡蛋。到馅料方面，入面有羊肉、红萝卜丝、青瓜丝、生菜、仲有一块脆皮，我唔知系咩黎，但全部野加埋一齐，口感好丰富之余，意外地好夹。虽然叫左辣、但食落冇乜辣味，酱料有d甜。最近影相po上ig或者facebook仲有杯野饮送。有芒果西米露同粟米汁拣。有著数我紧系唔执输啦，拣左芒果西米露，冇念过免费既野都几好饮wo，初初以为系个d假芒果味既芒果汁，但饮落完全唔系，系几浓味既芒果汁，而且几'杰'，唔系沟左好多水个d，正啊！
继续阅读
朋友话想食就嚟左试 等左一阵就有得食 我地叫左北京烤鸭煎饼 佢会帮你分左两份 一人一份岩哂青瓜够爽脆 有北京烤鸭再加埋唔同配料又菜又萝卜丝 好有口感 煎饼又唔油腻 厚度岩岩好 食完一份真系唔够喉 到而家打返食评 都挂住想食多次
继续阅读
太安楼呢间北京煎饼店一直都想试但奈何份量比较大同饱肚难得朋友仔肯开心share先试到于是嗌左个北京烤鸭煎饼一路睇住店员放好多料落个煎饼到未食已经觉得会好饱一拎上手热辣辣，影完相就急不及待试下估唔到个饼皮一啲都唔油亦都唔会湿淋淋，系可以拎住黎食(平时个啲通常淋到拎唔起黎食)饼皮带点蛋香，很不错👍🏻馅料真系超多，有劲多菜，青瓜丝，红萝卜丝，最正就系有薄脆，增加口感其实烤鸭都不少，但可能因为其他配料比较多，同埋个酱汁不够浓，令到个味道比较淡，如果再浓味啲就更好🤤
继续阅读
上网见到新开咗间北京煎饼舖，d款仲会周不时更新，就即刻想去试下！叫咗个孜然羊肉煎饼重申，本人真系好中意食羊肉，亦都好中意食孜然味串烧！但系佢呢个只系一个充满油嘅蔬菜羊肉饼，而个饼亦无咩面粉香或者韧性，食落真系有哂quota感觉上网睇到老板花咗好多时间研究，我都十分欣赏不过在场见员工嘅手艺都不太纯熟，个饼烂晒都包落个袋俾人我好彩唔系个个客，而且搞到佢成手油，建议考虑下落少d油，客人睇到会无咁有罪恶感
继续阅读