Brass Spoon (THE SOUTHSIDE) (裝修中)

Pho 最緊要個湯！不過湯冇味，完全冇牛骨味既清湯咁。食完仲要那脷添（味精），仲要差唔多成百蚊碗，食材一般比較少。嘥咗啲牛肉，嘥咗啲河粉。水都吾比一杯，仲話米芝連🤔. 不知所謂。

我個碗signsture178，乜料都有。不過唔好食，唔抵，只係一個好普通既粉。唔會再食。大家可以唔駛來。同商場好似有其他餐廳都有越南粉，唔駛來呢間比咁貴食個唔好食既越南粉。

第一次去Southside-商場細細竟然有brassspoon牛肉湯粉！之前我喺灣仔食過幾次，真材實料，但係排隊真係一件好麻煩嘅事😌舖頭又細食完就想快快走。今次我見冇人排隊（2點幾應該過咗繁忙時間） 當然要回味吓佢碗湯粉啦。舖頭唔算大，感覺舒舒服服！ 落完單碗粉好快就上枱，熱辣辣🌋凍凍地🥶食就最適合☺️記得一定要加香草、加青檸汁，個湯底真係冇得輸👍🏻 牛肉質素keep得住，我連湯都飲晒，已經好滿足。臨走嘅時候俾我發現咗啲得意嘅，點解有部扭蛋機？ 店員話係俾小朋友玩㗎，唔使錢㗎。 睇得出老闆真係好用心經營👏🏻

星期六整完車，去黃竹坑搭地鐵，咁啱有啲肚餓就入去商場睇吓有乜嘢食，之前已經見過呢間，又見有名導演係咁讚讚讚，就試食啦咁樣。叫咗生牛肉河，牛肉係OK，牛肉唔關佢事，因為俾錢買靚嘅就得，河粉係煙煙韌韌嘅，係OK嘅，但係個湯係味精到不得了囉，未食完已經感覺到頭痛，口渴，非常口渴。唔係真材實料，落好多味。阿名導演你究竟識唔識食㗎 ？仲話全世界最好食，離晒譜!!環境： OK嘅，不過啲凳有污跡衛生：食食吓有隻烏蠅服務：香港嚟講算係好了

這店是新開的，主打牛肉河粉。點的熟牛肉粉只有三片很薄的肉，而且兩邊都是肥膏，脫掉肥膏，瘦肉不夠 1 個 cm，係食河粉飽。 先生叫的生熟牛河，情況一樣。服務混亂。給客人選擇要多少洋蔥，蔥，及芫荽。這問題就來了。我們隔離兩位女士的牛河，送來四次都是錯的。我們的，也等了一段時間，確定再確定，才搞得啱。但要求多洋蔥，沒有對現。全部蔬菜都少。湯底好鹹，沒有越南河粉應有的味道。以90 幾蚊一碗粉，是餐牌最平的選擇，計算埋用料，味道，服務質素，好唔底食，性價比低。要來的，請三思，否則失望而回。

點咗兩份$133嘅牛河，出錯餐去咗隔籬枱，俾咗$98嗰款我哋。叫佢換返，佢攞返同一碗出嚟話只係講錯。同佢哋再講，店員淨係想敷衍了事，話佢哋已經跟足單改返（但係明明叫咗走蔥冇走蔥，而且兩碗牛肉個肉質明顯唔同）。為免加料，費事再拗。食完口渴

一個人想去食，明明成間舖大把空枱，店員堅持一位只能坐bar 枱位，bar 枱空間狹窄，坐得勁唔舒服。明白舖頭想maximize 生意額，但明明有空枱都唔俾坐，對食客嚟講感覺真係好差。

本身諗住同幾個同事去食個lunch, 食飯時間門口已經等得耐（30分鐘），明明入面有位都唔放人入去，個阿姐仲要串串貢，話唔等得就唔好等囉。不過朋友話米芝蓮嚟，唔等都等左30分鐘，算，我忍。入到去，位都未坐好，就已經有個後生女過嚟催落單，咁都得。。。講埋食物質素，真係好一般，但收費就一d都唔一般，完全唔抵食。最慘係成間餐廳有陣陣叔味，好難頂。食到一肚氣，永無下次。唔知係味掛住米芝蓮牌，咁就可以大枝野到，唔怪得咁多人北上。

環境好舒舒服服用咗金色白色做主題乾淨新潮門口貼住咗米芝蓮推介見佢冇+1服務費就入去試吓俾大家睇吓個餐單overall其實都唔算平亦都冇套餐就咁一碗麵$98最貴嗰款$178就冇興趣試簡簡單單叫咗一碗生熟牛肉河成碗嘢大概四片牛肉左右熟果隻好食過生果隻我另外仲要咗多蔥河粉都幾好食，唔會一坺坺整體嚟講都係唔差嘅唯獨是就係冇咁抵啦始終$98湯麵冇其乜餸喺商場入邊嚟講唔算貴但實際以現在經濟環境嚟睇就覺得冇乜性價比亦都未至於好食到可以攞到米芝蓮試一次便已足夠

平日大概午飯時間到，排左15分鐘左右，職員個個都怪怪地，負責帶位果位姐姐比較急躁，一坐低就聞到陣陣噏味，相信係塊抹枱布唔衞生，全部一路食一路聞住陣味好難頂，好多野都打晒交叉寫賣晒，只係叫左碗生牛河，碗生牛河好一般，芽莊好味過佢，又唔洗排隊，野食選擇又多啲，去完一次感覺好差，希望佢地會改善下，岩岩新開都做到咁差，個商場咁多食肆，唔好食衞生又差，員工態度又唔太好，我寧願揀其他餐廳，唔會想再去！唔明點解每件年都拎米芝連

新店首先過來打個卡吧 這個商場不知道為什麼開了很多東南亞菜的餐廳 本身也是喜歡吃這種湯河粉的 知道這邊開了馬上過來試試看 點了一個$133的安格斯牛小排肉河粉 和一個$40左右的清補涼 其實那個牛肉真的非常不錯 入口嫩滑 完全沒有筋 感受到肉質是相當好的 但老實說$133其實是有點偏高消費 有點少奢侈 那個清補涼就好像是一個很多東西吃的糖水 勉強算是一個飲品吧 就是那種你肚子餓的時候喝了這杯東西也會很飽的飲品 是比較有特色的 我在香港沒有看過其他這樣子的飲品 小店大概只有四十多個位置 但是由於新開的緣故吧，也不算是很繁忙 我們一過來就有位置了 使用傳統的紙張點餐 感覺是有點舊式 但是食物質素是相當好的 如果價錢能夠更經濟就會多點過來

又去the southside 食夜晚飯吖，試吓依家米芝蓮越南餐廳，六點幾冇乜人龍喎⋯⋯有個外國型仔職員帶我地坐，內裡裝修設計非常簡約….叫咗一個特選牛肉河同一個生熟牛肉河，另外兩杯鹹零梳打和一個牛油雞翼……一食之後感覺係高質素, 湯好似冇添加味精，是一個非常清甜的湯底，兩碗牛肉河牛肉都高質素，冇其他花巧嘢，但好似比較細碗dd, 另外牛油雞翼炸出來個面好特別，好味，但係牛油味唔係太多，同埋$68得三隻… 😂😂都值得一試….埋單$366 2 位