Bougel Cafe (已搬遷) 新店位置

路過這間小店，被簡潔的白色門口和店子裡和洋風的裝潢吸引，把原本已經吃飽午飯的我深深吸引著，心想：來個飯後甜品，喝杯咖啡也不過份吧🤗一直對這種放麵包蛋糕的玻璃櫃有種莫名的憧憬，看著裡面的小甜點就讓人心情變好；甜員的制服亦十分可愛，少女心瞬間爆發貴妃荔枝氣泡水咖啡看名字以為是黑咖啡加入梳打水，氣泡感覺應該是微微的，但喝了一口卻甚有驚喜！氣泡感覺頗強烈，而且口感比一般的冰黑咖啡更綿更厚，估計這杯應該是氮氣咖啡。看見店員把荔枝壓爛，再注入咖啡，並沒有額外加糖，很適合怕肥的女生，但亦因如此，荔枝味道完全不突出。個人覺得直接叫氮氣咖啡一點也不失禮，叫氣泡水咖啡反而有點降格，荔枝味道再突出一點會更好。法式焦糖奶油酥表面烤得脆脆的焦糖，再加上帶點煙靭的酥皮，還有牛油的香味，整件事讓人很幸福😌而且這個奶油酥只售$18，絕對值得一試

小店純白門面，主要做啲包點、法式酥點，時間關係無坐低食，買左兩個返去試吓。走個陣見到小店放左啲免費既包包俾大家攞，在疫情下幫大家打氣，好有愛🥰要支持☺️🔸蔓越苺奶酥貝果🥯$30見佢粉紅色咁靚就揀左呢個，質感實淨，㩒落去好有彈性😆個貝果本身無咩味既，中間係鬆化既奶酥夾雜粒粒蔓越苺乾，都幾好食。Bagel買4個有88折，好吸引，下次再黎買😆🔸法式焦糖奶油酥 $18面頭有焦糖脆面，翻熱後再食拎上手會feel到有啲油，食落鬆軟，比較重牛油香😈📍#BougelCafe (#屯門美食)屯門屯利街1號華都花園商場地下4號舖

26.02.2022 星期六 Bougel CafeBougel Cafe玩小活動抽奬，只要說說最喜歡餐廳那款食品，或者期待出產甚麼產品，就會送上朱古力、咖啡布朗尼各一件；我之前吃過紫薯鬆餅，熱辣辣又鬆軟又美味，於是參加又有幸抽中了，星期六順道致電預訂午餐外賣。雖然餐廳地方漂亮又優雅，但最近疫情實在太嚴重，實在不敢在餐廳除口罩進食，所以放工後買回家吃。首先想說說，環保外賣包裝很整齊，湯加飲品固定在飲品盒上，不會隨便翻瀉，另外意粉用錫紙外賣保暖，我步行回家廿分鐘之後，意粉仍然是暖的。午餐：青口BB菠菜番茄意粉青口雖是細細隻，但有六隻那麼多，加上菠菜番茄，沒有很多的醬汁，是健康之選！三文魚沙律三文魚份量不少，沙律菜很新鮮。南瓜湯本來跟餐一個沙律，另一個跟湯，怎料給錯了變成了兩個南瓜湯，但幸好很好喝，所以一口氣飲了兩個。榛子咖啡香滑咖啡味海鹽焦糖咖啡很特別的味道，少少鹹味加上焦糖味，說不出的配襯。朱古力、咖啡、綠茶布朗尼家人吃了，說不錯，濃濃的朱古力/咖啡味；還送了綠茶味，我原來不喜歡綠茶味的食品，但今次嚐了，雖然仍然是不喜歡綠茶，但布朗尼放了一天，只要放入微波爐加熱三十秒，已經變得鬆軟可口

屯門終於有一間好食嘅餐廳Böugel 👍🏻👍🏻 意粉篇香港屯門華都花園4&19號蘑菇薯仔湯自家製好少有舖頭呢會自己做一個湯出嚟呢個真係好心機嘅表現值得讚 卡邦尼煙肉意粉 意粉伴隨了煙肉。卡邦尼足夠意粉掛汁味道creamy，輕芝士香氣濃易不腻。唔油膩真心 👍🏻羽衣甘藍帶子意粉 香蒜加上清新嘅羽衣甘藍 意粉爽旦小清新之選黑松露忌廉珍珠筍意粉呢個真係香到仆晒街 鍾意重味之選 亦都係高潮之選 嗰兩隻帶子係我加錢加落去如果就咁呢疊嘢 無隻帶子有點單寡和風蒜蘆筍蝦意粉呢個冇乜特別 又唔係特別好食 亦都唔係難食😝😝😝😝😝 #屯門美食 #Böugel #麵包 #bougel #bougelcafe #屯門意粉 #屯門西餐 #Bagel#香港美食 #卡邦尼煙肉意粉 #羽衣甘藍帶子意粉 #黑松露忌廉珍珠筍意粉 #蘑菇薯仔湯自家製

📍 𝐁𝐨̌𝐮𝐠𝐞𝐥華都商場地下的小店，午市堂食需要排隊，等左20分鐘左右，純白色樸素裝修風格，地方唔算太大，12個位置左右🤔 如果繁忙時間，一個人入咗嘅話可能要坐門口位🤨，經常有人出入或者有好多人望住，感覺不太好😅 店員服務態度真係幾好👍🏻有用心推薦我地，為我地介紹食物👍🏻店舖內有一個大嘅玻璃櫃售賣各種鬆餅、貝果、英式鬆餅、曲奇餅等，如果堂食嘅話大部份都會幫你焗一焗先上枱，非常貼心😚同時我亦都見到好多人會特登入嚟買外賣🥡午市套餐已經包左有餐湯或者沙律😋今日嘅餐湯係南瓜湯🎃，南瓜湯有好重忌廉嘅香味，南瓜打得好碎，我覺得個餐湯唔會太鹹唔會太膩，非常正😄🍝卡邦尼煙肉意粉 $75呢個卡幫你煙肉意粉竟然竟然冇蘑菇😍實在太好了本人並不是太喜歡食蘑菇好開心終於唔使挑晒啲蘑菇出嚟🤣煙肉嘅份量都唔會少，都幾大片，意粉好似煮得太硬🥲，不過幾多汁好creamy🙃🍝煙三文魚蘆筍意粉$76上到枱嘅時候見到煙三文魚已經熟得通透，欠缺煙燻嘅味道，蘆筍味超級重，啲意粉全部都係草青味♻️，賣相好似唔多吸引，同埋呢個意粉相比起卡邦尼意粉冇咁多汁，呢個仲要比卡邦尼貴一蚊😂感覺上非常不值😣大家可能可以試吓其他嘅意粉比較好。🌹玫瑰

餐廳位置唔算多，但都無壓迫感可以邊傾計邊慢慢食都多人入黎買bagel 外賣食物既話味道正常Bagel有少少硬朱古力牛角鬆餅唔錯，用偏苦既朱古力唔會太甜太膩，推薦👍🏻👍🏻羽衣甘藍帶子意粉唔建議嗌個意粉無咩味，得少少蒜蓉香帶子係煎得好味嘅，但就覺得唔太值最推薦嘅係卡邦尼意粉👍🏻👍🏻味道夠濃夠香，個汁都調得好味會食唔停口😋😋另外嗌咗咖啡飲，味道都夠香紫薯鮮奶咖啡泡沫整得好有心思好靚好啱打卡

好日😎都唔入屯門，今次尋找了一間Cafe面積細細的小商店，只可以🧐容納十多個人，由於我去的時間已經是接近黃昏大概五點左右剛剛好一個人吃了一個下午茶☕️，一個意粉加一杯咖啡意粉軟硬度適中，😅唯獨是油有點多。另外，叫咗☕️杯榛子咖啡，和一個外賣的竹炭Bagels造🥑翌日早餐，隔了一晚吃都OK。😋總結：今次之後都會有一種下次再上去的感覺！🉐️

全店只有11個座位，假日用餐時間限制1小時，店員說會彈性處理。店內以粉色為主，很多小擺設，營造文青氣氛，在屯門區少見。尤其喜歡用手書寫的餐單，字跡工整秀麗。點了沙律、和風蒜蝦蘆筍意粉、蜜桃冰茶（走冰）。沙律菜新鮮、爽口，意粉有點乾。食物合格。

某個颱風日嘅第二個朝早好早就醒咗，大概十點半就已經去咗位於屯門華都嘅一間cafe食早餐(ˊo̶̶̷ᴗo̶̶̷`)當時只有一枱客，到十一點左右已幾乎滿座了～.Cafe裝修以和洋風白色為主，其中一道牆身為淺藍色，枱面則為木系色調，雖然唔算非常igable但整體都坐得舒適💕順帶一提間cafe由藍帶師傅手工製作貝果，使用日本優質麵粉及新鮮食材，另有多款麵包、鬆餅、意粉供選擇 .ᐟ .ᐟ 我最推薦嘅一定係佢嘅玫瑰草莓果醬Scone😻而美中不足嘅地方係限時係75分鐘🥺.▫️煙三文魚忌廉芝士維也納包配沙律 $64（7/10）.▫️煙三文魚忌廉芝士貝果配沙律 $62（7/10）.▫️水蜜桃茶（6/10）跟餐送▫️凍鮮奶咖啡（6.5/10）跟餐+$2x.▫️玫瑰草莓果醬鬆餅（8/10）$3x.兩道早餐味道雖未算特別出色，但唔收加一整體食物價錢合理💕兩款煙三文魚包都好相似，真係除咗包體冇咩分別，鍾意軟熟嘅嘅可以叫維也納包，鍾意煙韌少少就叫貝果啦(˶ˊᵕˋ˵)至於飲品都正常，水蜜桃茶略為淡咗少少.最後好推薦大家試下玫瑰草莓果醬鬆餅🌹 好鍾意佢個果醬，覺得同文華嗰個好相似，但呢到平好多🙈而個Scone亦好好食，唔係我唔多like嘅

之前食過佢地嘅早餐，感覺幾好。所以，今次試下佢地嘅午餐，同預期中有少少出入。黑松露忌廉珍珠筍意粉 - 黑松露唔突出，味道比較清淡。卡邦尼意粉 - 與黑松露忌廉珍珠筍意粉味道相近，煙肉係最突出嘅味道。提子鬆餅 - 值得推介，外脆內軟65%朱古力咖啡 - 唔差嘅選擇，好美麗嘅拉花

放假瞓醒四圍行吓搵早午餐食，華都樓下不嬲都多小店選擇。唔知係咪依間太角位一直無留意佢存在。間嘢外面望入去就足滿歐陸風味，啲服務員都著晒歐陸風制服，我隔離位少女心嘅朋友即刻就決定試依間。叫咗個bagel 同 rose jam scone 兩杯咖啡。未食先影相，依間野啲餐具都好靚，足滿少女風。至於食物個bagel 好有口感彈牙，scone 好香加埋個玫瑰醬不得了。咖啡拉花同味道都唔錯。食完之後想試埋佢個柚子芝士蛋糕🍰ok喎賣相靚，微香柚子味，唔太甜。依間嘢都可以下次放假嘅選擇。

鋪面同鋪內裝修都有花心思！主打bagel，一個芝士火腿bagel配沙律送杯飲品只係$60。不過飲品就麻麻地，而bagel都係一般，唔夠彈牙同香。而佢嘅scone同奶油酥比較好食😋奶油酥$18件岩岩出爐好香焦糖味，個千層感做得好好，好酥脆好似甜版牛角包咁！另外scone配佢地自製玫瑰草莓果醬👍🏻個果醬做得好香好濃味！scone就夠晒牛油味又鬆脆！唔會太濕潤或太乾硬！仲有埋clotted cream只係$34，一啲都唔貴！店員姐姐人好好又好nice。間唔中嚟食件餅放鬆下都唔錯呀！

屯門華都商場新開左呢一間BOUGEL Cafe 門口見到Dinner嘅餐牌 價錢唔貴 望落間餐廳乾淨同好似好舒服嘅感覺🙈於是就入左去食 入到去會見到好多Bagel 同Cookies 都係佢地親自整 唔係係出面買番黎加熱就算 不過我同朋友今次就無試到Bagel反而叫左卡邦尼煙肉意粉 羽衣甘藍帶子意粉 飲品方面一個係冰蜜桃茶 一個係海鹽焦糖咖啡（好似係） 湯就係蘑菇薯仔湯（好似係） 呢餐飯我大推係卡邦尼煙肉意粉 啖都有芝士味得黎唔會覺得膩反而個湯同冰蜜桃茶就好淡味如果濃番少少會更好 但整體用餐嘅氣氛/食物/環境都唔錯 平均每人100-120蚊左右如果食完飯之後想買定早餐For 聽日都可以選擇購買佢地唔同口味嘅Bagel🙈

#屯門黃店 上網見到好多人介紹佢 就一於入去試吓 環境好舒服 好多花花草草 置身於歐陸風既後花園☘️💐🌻玫瑰草莓醬鬆餅 要$32食物價錢較貴😳亦都覺得唔太值🤭只係質地較坊間鬆軟 可口😌 玫瑰草莓醬亦都比較普通🥲黑松露意粉🍝 (下午茶set)$7x份量少 黑松露味道好淡🥺意粉嘅質地都偏硬身 唔建議試🥶

平時很少會「相機先吃」，但今次忍不住了！點了以下食物：1. 紫薯Latte 這次是初嚐，以前一直希望可以飲到一杯有櫻花拉花圖案的咖啡，今次終於一償心願。我揀了少甜，所以紫薯味有點過淡。不過光是上面的圖案已教人賞心悅且。順帶一提，目前小店只提供全脂奶。如果是第一次光顧又想打卡，這是不錯的選擇。下一次倒想試試它的美式咖啡。2. 抺茶白玉貝果糾結了很久到底要挑選哪種口味，因為太多選擇了！比較特別的有黑椒口味的，但我怕中伏，還是挑了安全牌。白玉份量很足，因為上次品穀真的少得可憐。口感很扎實，正中我口味。只是紅豆略甜，相信是來貨的了。幸好有不甜的麵包體和白玉中和。而麵包體的抹茶味也很出，不會被紅豆蓋過。整體來說，真的比品穀更合我口味，會令人有回購的想法。下次有機會會試紫薯鬆餅，期待！