Black Coffee

营业中

休息中

話說今晚我同女朋友去左呢間西餐食晚飯，係比完錢之後發覺有項目唔係我地，之後搵個瘦瘦地戴眼鏡既男店員，問佢點解有啲項目唔係我地，要求退錢，之後佢話睇cam,睇完之後老屈我話係你，一係就話報警處理。之後前檯啲人突然入黎找數，原來係前檯啲人食完野未找數，最終都肯退返錢比我地。果個瘦瘦地戴眼鏡男職員同應該係老闆同我地道歉，件事搞左我地成半個鐘，差啲以為要上差館！我想講果個瘦瘦地男職員啲態度好差囉，完全唔識處理呢件事，食到滿肚氣，永久blacklist呢間野，唔會再黎呢度食！

今次來訪依間位於油麻地嘅型格cafe🥴❤️ 店面採用全黑色調裝橫，以大型落地玻璃納入自然光照明，設計簡約又美觀👍 打卡別具風味✅ 忌廉蘑菇貓耳朵意粉由餐廳自家製作，超有誠意😍 意粉食落軟熟有嚼感，每一粒都沾滿濃郁嘅忌廉醬汁😚 味道濃稠充滿奶油香🫶 加上粒粒彈牙嘅蘑菇，口感層次豐富又出色😘 蘋果金寶法式千層酥好有驚喜🤤 千層酥新鮮焗起，口感鬆化酥脆，牛油味濃厚，與甜美可口嘅吉士醬、酸香開胃嘅蘋果金寶一齊食，甜而不膩嘅滋味令人難忘❤️ 焙茶麻糬窩夫預先切好一口大小，再經用心擺盤送上，賣相美觀悅目❣️ 窩夫充滿沈穩嘅焙茶滋味，食落甘香味醇，內餡填滿煙韌軟糯嘅麻糬，口感極佳👍 黑芝麻醬日式梳乎厘班戟同樣由餐廳自家製作❣️ 梳乎厘軟滑細膩，蛋味濃香，黑芝麻醬稠密馥郁，入口滿滿嘅芝麻香，令人回味無窮🥰 橙香氣泡咖啡清爽醒神🫶 酸酸甜甜嘅橙汁正好中和咖啡嘅苦澀味😋 加上碳酸氣泡嘅清新口感，提神解膩必選👍 受唔得咖啡嘅🐧🐧 buddy 㨂咗杯芒果冰茶，果香滿溢，甜甜地好清香❤️

小店面積不大，以黑色為主調，營造出時尚型格的氣氛，平日晚市都九成滿餐廳提供主食、輕食、還有多款甜品自家製煙燻豬腩配黑啤意大利飯以用煲仔飯的上菜方式豬腩肉肥而不膩，帶濃厚的煙燻味青蘋果粒增添了酸酸甜甜的清爽感自家製蘑菇忌廉汁貓耳朵意粉配慢煮口水雞扒貓耳朵意粉口感好煙韌 ，慢煮口水雞扒帶點微辣孜然味較重，經慢煮後雞扒肉質鮮嫩仲有不少菇，整體味道很豐富焙茶麻糬窩夫配雪糕酥脆窩夫香濃焙茶味，內裡更有煙韌麻糬咖啡更加是這𥚃必點之選採用自家手炒咖啡豆沖製深得我心

朋友一直話呢間餐廳幾唔錯，今次佢終於都帶我嚟試啦❤️佢哋嘅意粉同埋窩夫真係幾唔錯，而且價錢好合理，係一個晚餐好選擇雙重芝士蕃茄意粉配慢煮口水雞扒($129)呢個意粉用料好足☺️所以食落蕃茄味好濃❤️夠曬酸酸甜甜又有芝士香，加上佢嘅意粉軟硬度適中，好掛汁👍🏻配埋又香又嫩又惹味嘅口水雞扒，真心唔錯喇沙汁炒意粉配虎蝦仁($135)佢哋嘅炒意粉都好正👍🏻食落好重喇沙嘅香料味但又唔會辣❤️加上意粉都算炒得幾乾身同幾入味，配埋彈牙嘅虎蝦仁😝真係好惹味，鍾意食意粉嘅，佢都係一個唔錯嘅選擇新鮮草莓窩夫配士多啤梨雪糕($94)佢哋嘅窩夫都好有驚喜❤️食落蛋味好香又好夠牛油味😝加上佢酸酸甜甜嘅草莓醬、新鮮嘅士多啤梨、好香滑嘅cream同香甜嘅士多啤梨雪糕，口感夠晒豐富，味道又好夾❤️作為飯後甜品真係一流雙重芝士炸薯條($88)鍾意食薯條嘅朋友，呢個一定要試❤️佢嘅薯條炸得好香好脆又好夠薯味❤️配埋佢好濃郁嘅芝士醬同煙肉😝食落滿足得黎又夠香👍🏻如果想試多幾種口味，仲可以點埋佢嘅蕃茄醬同乳酪😊真係好正

煙三文魚班尼迪蛋配自家製荷蘭汁 $98睇相份量唔多，但實際食落都幾飽~ 成個配搭唔錯！煙三文魚野菌意大利飯 $138夠creamy 同足料！意大利飯配上蘑菇同洋蔥，啖啖都好濃郁好滿足~ 麻薯焙茶窩夫配雪糕 $76今餐的MVP!! 窩夫已經切好做一口份量，每件入面都有麻薯😍勁好食！而且好香焙茶味🤤口感煙韌， 配上雪糕就更好食！係我食過最好食嘅麻糬窩夫🧇髒髒提拉米蘇 $68提拉米蘇表面鋪滿可可粉，仲有朱古力流心~ 本身唔算好喜歡 Tiramisu，但佢嘅咖啡味唔會好濃，再配上朱古力脆餅，成個配搭好好~ 白桃手搖冰 (L) $48味道唔會太甜，清爽Black Sugar Hojicha Latte $48焙茶味濃又唔會死甜😋好飲！

水牛城雞翼(8隻）惹味雞翼好鬼好食，小小辣仲香口，由細食到大架啦⋯⋯自家製蘑菇忌廉汁貓耳朵意粉配慢煮口水雞扒雞扒又嫩又滑，辣辣地突出到個雞味，貓耳朵吸晒d汁好好味🤤煙煙韌韌，正正正。70% 比利時髒髒黑朱古力日式梳乎里班戟朱古力味啱啱好，唔太甜夾埋疏乎里一齊食👍🏻👍🏻👍🏻疏乎里好有空氣感，正呀喂。百利甜酒朱古力鮮奶咖啡我想講超級好飲，佢地嘅朱古力味好香濃加埋酒唔覺得好甜，一定要飲呀⋯⋯青梅竹馬其實係梅酒加梳打水仲有青檸汁等等…清得黎好易入口，完全地夾。

位於旺角既「Black Coffee✨」,絕對係我嘅首選Cafe!🤩 呢間Cafe環境舒適清新,餐廳自家製嘅咖啡、甜品、意粉同漢堡等,個個都非常出色,唔論係飯局定二人世界都好適合嚟呢度一嚐。首先要介紹嘅就係佢哋嘅「自家制蘑菇忌廉汁貓耳朵意粉」🍝。麵條QQ爽口,加上濃郁香化嘅蘑菇忌廉汁,完全唔會感到膩口,反而好滑順入味,鹹甜度剛剛好。另外,「手打牛肉及原隻大蘑菇漢堡」🍔都值得一試。漢堡餅香口多汁,牛肉同蘑菇嘅完美融合,加上新鮮嘅蔬菜襯托,絕對係一道大熱至極嘅美食。對於甜品控嚟講,「曲奇忌廉窩夫配朱古力雪糕」🍨同「紫薯蓉麻糬窩夫配雲尼拿雪糕」 都係必食之選!曲奇酥脆,配上濃滑忌廉同朱古力雪糕,絕對係天衣無縫嘅組合;而紫薯蓉麻糬窩夫就香甜爽口,同雲尼拿雪糕相得益彰,完全唔會膩。最後,「蘋果金寶法式千層酥」絕對推介,酥脆鬆化嘅酥皮加上甜滋滋嘅蘋果餡料,絕對係午後時光嘅最佳伴侶。總括嚟講,「Black Coffee✨」係一間唔可錯過嘅Cafe,唔論係食鹹定甜,佢哋嘅出品都一一俱備,絕對冇得頂。👍 💯

凍宇治抹茶鮮奶$52熱竹炭黑芝麻鮮奶$48芝士蕃茄焗肉丸$928隻水牛城雞翼$88自家煙燻豬腩配黑啤意大利飯$138蘋果金寶法式千層酥配香草雪糕$72好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️約了朋友吃飯。我們都喜歡去cafe。今次去了旺角這間暗黑裝修的cafe。幾年前來過，試過他們的咖啡，質素不錯。今次就試試他們的食物。二人點了2杯飲品、2個小食、1碟意大利飯、1個甜品。芝士蕃茄焗肉丸量多，一碟有大約10粒肉丸。整碟都是茄醬🥫，再加邪惡拉絲芝士🧀。配白飯/意粉🍝/麵包一流！水牛城雞翼雞皮有點脆口，但肉仍然juicy，不會太乾身。醬汁調配得不錯，不會過酸。而且量也是恰到好處，不會過多，令雞翼變腍。跟傳統做法一樣，有配上西芹及甘筍條，只是欠了藍芝士醬。自家煙燻豬腩配黑啤意大利飯軟硬度適中。黑啤味濃郁。豬腩肉切成薄片，不會過腍。喜歡加了青蘋果🍏粒，讓整體味道更清新。蘋果金寶法式千層酥好鬆化。千層酥確是可以看見一層層的皮。金寶夠香脆。雲尼拿雪糕🍦和吉士忌廉夠香滑。2杯飲品屬正常水準。

好耐冇再黎食 black coffee la～ 難得今日係旺角做野😍 即刻過黎食個飯先😚呢到裝修為簡約 但食物超有水準呢📸香煎三文魚risotto 🐚但呢到有大大件既三文魚😍 仲有creamy risotto~ yummmmy 自家製蘑菇忌廉汁貓耳朵意粉配慢煮口水雞扒 必試菜式❤️ 估唔到可以咁惹味🤤貓耳朵意粉比較厚身，所以更有嚼勁！配上辣辣地嘅既口水醬汁，真係超級好食🌶Black Coffee(旺角) 📍 旺角廣華街3號地下3號舖

上周來到這家旺角的人氣cafe，店內裝修走型格暗色路線，，我和家人都覺得食物及飲品質量都不錯。自家製忌廉蘑菇貓耳朵配慢煮口水雞扒蘑菇味道非常濃郁，貓耳朵口感煙韌，口水雞扒微辣惹味，不太能吃辣的我們都很喜歡，整道菜都十分好吃。自家製煙燻豬腩配黑啤意大利飯已煲仔飯的方式擺盤，帶點中西合璧的感覺，煙燻豬腩肉肥瘦適中，加入青蘋果粒消除肥膩感，黑啤意大利飯帶點麥牙焦香味，非常獨特。自家製青蘋果拖肥金寶醬梳乎厘班戟梳乎厘班戟充滿空氣感，清爽的青蘋果粒灑滿拖肥金寶醬，不同層次的口感令我們一口接一口迅速清碟。竹炭黑芝麻鮮奶黑芝麻味濃郁，上方有海馬拉花，十分可愛。黑糖焙茶鮮奶焙茶味濃，沒有被黑糖蓋過，香甜可口。

❣️Black Coffee❣️喇沙汁炒意粉配虎蝦仁🍤虎蝦肉夠爽彈，意粉軟硬度適中，喇沙汁雖然偏稀不過食得出有同意粉一齊煮，意粉條條都吸收咗醬汁好夠味， 亦加咗好多嘅三色椒，所以食落清新唔漏🤤黑芝麻椰漿烤雞馬莎拿 Biryani🍗黑芝麻同椰漿好夾，可以中和辣度，有少少似南瓜湯感覺，醬汁比較濃，印度香飯粒粒分明，亦加咗椰絲喺面，加埋醬汁一齊食， 淡淡椰香味，十分惹味～(⁎⁍̴̛ᴗ⁍̴̛⁎)慢煮口水雞🐣冇想像中咁辣，亦唔係好多辣油嘅口水雞， 一攞出嚟已經聞到好香嘅孜然粉味， 皮脆肉嫩😙😚麻薯焙茶窩夫配雪糕🍨窩夫已經切好， 麻薯窩夫有好香嘅焙茶味，口感煙韌， 配上雪糕一流Latte☕️口感綿滑， full body，nutty，加上玫瑰拉花，好睇又好飲🌹Matcha Latte🍵見到拉花係獅子，已經靚到唔捨得飲，抹茶同奶亦溝得均勻， 飲到底唔會有一粒粒嘅抹茶粉⭐️⭐️✨

之前經過旺角這附近已經想試，襯特別日子就來了。點餐時已覺得餐廳有點熟悉，查看社交平台發現原來和Heysonut是姊妹店。我們叫了兩個主食，兩個甜品。手打牛肉及原隻大磨菇漢堡配薯條 $138沒想過麵包是炭竹漢堡，驚喜十足。手打牛肉肉香有嚼勁兼多肉汁，原隻大蘑菇有一定的厚度，菇香多汁，配合生菜、蕃茄和半溶的芝士，大滿足！薯條是我較愛的粗身薯條，炸得香脆，蘸上茄汁更惹味，停不了口。泰式香辣椰子烤雞意粉 $114泰式味道放在意粉當中，一般效果不錯。這裡都做得不錯，吃到泰式的香辣和椰子味道，意粉每條都吸收了醬汁仍彈口，雞肉嫩滑。焙茶麻糬窩夫配蜜糖脆糖味雪糕 $74賣相誘人，想不到麻糬份量不少，窩夫每口都嚐到煙韌，焙茶味香濃帶甘，與蜜糖脆糖味雪糕一起吃，非常合襯。自家製蘋果金寶拖肥醬日式梳乎厘班戟 $102賣相同樣吸睛，梳乎厘班戟軟軟的，空氣感滿滿，拖肥醬又香又甜，加上爽口的自家製粒粒蘋果金寶，滋味無窮。現在晚上不敢喝咖啡，下次找個下午喝杯咖啡吃個甜品。以上價格需另加一服務費

每次經過都會被呢間全黑嘅咖啡店吸引🤩裝修帶小小神秘感覺好有情調好適合夜晚過黎date一下❤️呢度食物豐富 尤其係甜品非常正 下次再encore！.✨厚泡沫凍咖啡（無冰） $40有泡嘅americano你又飲過未呢？ 減低苦澀味同時保留咖啡香味 好特別！.✨公爵獵酒 $65✨水牛城雞翼 $88焗雞翼醬汁好夠 味道好惹味😋.✨自家製忌廉蘑菇貓耳朵意粉 雞排 $128貓耳朵煙韌有咬口 雞排大推薦！真係好好食 帶小小辣味肉質鮮嫩.✨自家製髒髒提拉米蘇 $68賣相同味道一樣掂 淨係睇賣相都已經食慾大增提拉米蘇甜而不膩好creamy 又有咖啡香味重點有啲脆脆餅 加埋一齊又幾配喎👌🏻

好特別濃郁黑色系嘅裝潢「紅菜頭藜麥沙律配香煎虎蝦」,紅色嘅紅菜頭帶點甜味,配搭脆口嘅藜麥,加上份量十分充足, 唔同口感嘅沙律菜，香煎虎蝦,入口感覺清新爽口,層次豐富, 配合「煙三文魚」亦非常出色,煙燻味濃郁但不會蓋過了三文魚嘅鮮味,肉質細緻彈牙。「香煎三文魚配檸檬芝士忌廉意大利飯」三文魚外表微焦,內裡保持住鮮嫩多汁嘅口感,意大利飯配搭酸甜嘅檸檬芝士忌廉,味道層次感十足。「自家製髒髒Tiramisu」同樣讓我驚喜,濃郁香醇嘅咖啡味配合柔滑嘅奶油奶酪,令人回味無窮，入面呢仲有脆口嘅鬆化餅, 伴碟有香甜濃滑嘅朱古力醬，的確同普通嘅Tiramisu多咗口感同埋朱古力嘅味道. 濃郁回甘嘅「凍抹茶鮮奶」清新爽口 ，細細杯保持咗佢嘅濃郁味道。

呢間係一間非常型格嘅餐廳，內在裝潢以黑色為主調。 餐具及大部份食用器皿都係黑色。水杯用則用上金色。食物擺盆也別具心思。 我們叫了蘆筍帶子墨汁意粉及香煎三文魚配檸檬汁忌廉芝士意大利飯。味道不錯，帶子煎得很香～ 甜品也很軟身，不會太膩👍🏻