Bistro NTT by Attic

营业中

休息中

Bistro Bon上年年尾話結業原來佢用新名成功投標 又開返喇餐廳setting基本上同以前一樣不過換哂枱櫈同埋裝修氣氛照樣悠閒 又有啲新鮮感餐廳重新開返 可能太少人知 呢度又負評多過好評 所以星期六日都冇乜人呀希望可以幫呢間咁好嘅餐廳平反一下首先係餐廳名菜 燒春雞上次黎見到有枱學生 全部都嗌呢份呀第二要介紹我的最愛牛肉煎蛋漢堡非常厚又juicy嘅burger 超好味如果個日唔知食乜好 我就會揀All Day Breakfast有時係多士 有時係muffin以前好似有Bagel 希望可以重出menu啦最近好似出咗新menu今日試咗斧頭扒 超厚肉超juicy!Tomahawk 不得不提佢個薯條係超好味!!! 我嗌親嘅餐都有大家一定要試呀!

今日周圍都滿唒, 又無車位泊車, 又想挑戰下新餐廳, 所以就去咗浸會大學呢間餐廳。 開頭都無咩期望, 見到啲價錢中上, 但小朋友都鍾意食西餐, 又可以泊車! 試咗羊架, pizza, pasta 同 burger, 好味喎! 用料都好優質, 呢啲貨出去食唔只呢個價啦! 真係估唔到有間咁好食的餐廳在咁靜的位置, 會再去食!

裝修後嘅質素差到無人有！食過一次已經知咩料🤯午餐嘅時候叫咗嗰Black Truffle Mushroom Risotto，我1分鐘就食完，真係得兩三啖咁多（BB仔份量）！！！完全無可能食得飽！食完仲係好肚餓！我同朋友食完之後要出去再買啲嘢食先ok～份量咁少又唔係抵喎！真係焗鬼氣！第一次食飯食到咁嬲😡😡😡但係食完出去發覺勁多人等緊位，咁垃圾都可以有咁多客，真係不知所謂！奉勸大家唔好食呢間喇😵😵出去食喇～

開左業一個月都唔夠啲嘢己經質素大跌⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️我叫翻同樣嘅餐‼️一樣價錢‼️少左一條腸一塊包⁉️啲菜又少左好多‼️隻蛋穿左佢都竟然夠膽上 😡😡😡一個月已經搞成咁 我諗之後只會仲差如果冇左嗰優惠我諗我真係唔會再食希望餐廳負責人可以搞搞佢呢張係一個月前我叫嘅餐呢個係一個月後我叫翻同樣嘅餐啲煙肉仲要好似煙肉乾咁離晒譜大家自己睇吓然後小心啲早餐就就四十蚊 仲要折左我去hall can 食唔好咩😡

Bistro Bon重開其實都開心嘅，所以收工就同朋友去食，但失望至極。諗翻轉頭，其實Bistro Bon臨執嗰陣我日日幫襯，但食物質素已經開始下降。最記得曾經叫過個大蝦意粉（意粉係呢間餐廳主打），隻蝦好梅，擺唔入口。重開就當然有期望，但期望越大失望越大。以前Bistro Bon豬肋骨係ok嘅，所以今次都叫咗豬肋骨。全晚眼見最多得3枱客，但食物質素都唔好。豬肋骨：焗完出黎舊肉硬到同舊骨一樣，切開咬左2舊就已經咬到好攰。調味麻麻，應該淨係用咗普通BBQ醬搽面，但本身舊肋骨無乜seasoning. 蝦多士：與其話係蝦多士不如話係prepackaged蝦餅，解凍煎兩下就搞掂，收78蚊5舊。Ribeye Medium: 熟度ok，但舊肉quality好差，seasoning唔夠。成餐飯最好食係ribeye伴牒嗰2條string beans。開張有折，8折後都要近300蚊一個人。呢個價位我會expect多少少野。

【浸大知名西餐廳 Bistro Bon改名重返校園】-Bistro Bon既威靈頓牛非常出名，好多街外人都會慕名去到BU Campus品嘗💕佢地幾個月前結業好多人都覺得好可惜，好彩今個月佢地成功中標，改名為Bistro NTT之後重新營業，開張第一日已經非常多人，今次就同大家分享下食後感啦🤪-//環境🌕🌕🌕🌕🌕重開之後裝修同之前唔同左，座位唔會太逼，仲有落地玻璃，雖然個日好多人，但都食得好舒服😻//食物🌕🌕🌕🌕🌑佢地晚餐最出名係威靈頓牛，lunch就烤雞最受歡迎，而我就叫左個安格斯牛肉漢堡😆個包烘到表面微脆，牛肉亦唔會太乾身，配埋個太陽蛋就更正🤣 旁邊仲有薯條同沙律，個沙律落左黑醋同橄欖油非常開胃，薯條份量十足，而且已經調好味，就算唔點茄汁都好好食😛//總結重新營業之後食物質素都有keep到，份量足，味道好，而且服務態度都好好，好推薦大家去食😙

搞咗一大輪嘢之後終於重新再開翻見佢有八折就諗住試吓佢我叫咗香煎煙肉紐倫堡腸炒蛋伴厚多士同沙律菜本身就$48 八折左之後 就係43佢成份嘢都唔夠熱 多士個烘底就好似烘左都冇烘咁烘完都係白色仲要係完全唔脆佢個沙律菜個汁係幾酸嘅 不過又唔會酸過龍好開胃佢個炒蛋係半熟嘅冇啲蛋汁喺隔離 好滑好好食煙肉有少少煎過龍 嗰邊有啲硬個紐倫堡腸就煎得唔夠熱 個皮都仲未脆朋友就叫咗牛肉蕃茄濃湯米型通心粉配厚多士佢個湯唔夠多好似溝水咁樣 米型通心粉變咗同普通通心粉牛肉正常水平冇特別好食都冇特別韌厚多士都係同樣嘅問題 有八折都可以食其實都OK